自由講場今日: 1282|主題: 1351362

收藏本版

發帖

返回列表

跳至頁

樓主: ccllmama

懷疑樓上漏水我可以點做 [複製鏈接]

1 2 34

fatping

伯爵府

積分: 17012

61^#

發表於 19-7-28 18:25 |只看該作者

fatping 發表於 19-7-28 18:18
好煩的，我經歷過重要係裝修好大半年，廁所天花發現時已經有半個足球咁大既洞水不停漏，果日永遠都唔會忘 ...

管業處就同業主講，負責人睇過我單位真係好嚴重已經有窿同埋見到鋼筋，同業主講唔係唔關佢事，如果將來成個天花冧落嚟整親下面單位嘅業主或者咩事，佢係要付全責，咁講業主都驚驚地，然後我繼續叫管理處關上層水制，上面走去報警，但差人同佢講你落過下面睇過未先，如果下面真係漏水你都要搞番掂佢，之後當然開返水俾佢，我又水舞間咁樣，最頂癮係我準備call食環嘅時候原來佢又call咗，食環署好快就上嚟，仲要一見到咁嘅樣就話其實都唔使點樣check水好明顯係上面，之後管業處叫我報警，佢話報警先會搞快啲，我迫於無奈報警，神奇嘅事就發生了，差人上咗嚟我單位睇嘅時候

私人傳訊

fatping

伯爵府

積分: 17012

62^#

發表於 19-7-28 18:34 |只看該作者

fatping 發表於 19-7-28 18:25
管業處就同業主講，負責人睇過我單位真係好嚴重已經有窿同埋見到鋼筋，同業主講唔係唔關佢事，如果將來成 ...

我同兩位阿Sir研究嘅時候,門鐘就響,我好奇怪邊個會上嚟,開門嘅時候原來係樓上業主, 佢專登起好遠嘅地方過嚟睇吓係一對年紀比較大嘅夫婦, 阿sir就同個男嘅入洗手間睇，一睇就成滴水滴落佢塊面度，阿sir同佢講你咁樣都唔諗住攪? 個業主好驚咁話唔係佢唔攪係個租客唔想攪，阿sir 同佢講有咩事係你上身唔係佢, 佢好驚即當面就應承咗阿sir會盡快攪，之後佢真係第二日整，輪到我同佢商量我個單位整嘅費用問題，我自己已經搵工程公司報價，整天花洗鋼筋再整返好，一間報我九千五，一間報我萬一蚊，但樓上個業主話$4500幫我搞掂，我同管業處傾完都覺得冇可能

私人傳訊

fatping

伯爵府

積分: 17012

63^#

發表於 19-7-28 18:47 |只看該作者

fatping 發表於 19-7-28 18:34
我同兩位阿Sir研究嘅時候,門鐘就響,我好奇怪邊個會上嚟,開門嘅時候原來係樓上業主, 佢專登起好遠嘅地方過 ...

家居保問過，總之只會賠$6800 ，有工程單就即批俾錢，之後管業處幫我跟，搵樓上業主再商量，因為佢搵嗰啲係普通換水喉師傅，天花板要洗鋼筋再作開啲有影響嘅石屎堅冇可能咁平，經過一輪後樓上嘅業主話最多比$6000 ，我當然即刻答應，收完錢即刻搵我自己嘅工程公司開工，整咗$9500 ，成件事搞左成個月咁滯，雖然我好似冇洩底，但我清潔左一輪好煩，同埋幾個月嘅後遺症就係廳近洗手間嘅天花有少少水漬但係乾身，可能當時嘅滲漏好嚴重，我遲啲都可能要俾錢搵人搞搞個天花，最重要係當時我係全新裝修剛大半年，所以漏水滲水真係一間屋最煩嘅事