吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 吵架出左廳訓男友係房倒頭大睡

夫婦情感今日: 7|主題: 42780

收藏本版

發帖

返回列表

跳至頁

樓主: Winwinnn

2 345 6...7

積分: 34

61^#

發表於 20-4-21 10:30 |只看該作者

佢同前妻仲係同屋住，前妻等緊公屋搬，加上兩個小朋友同工人姐姐係度，佢講電話就會比人知佢拍拖。以前正常返工佢有時會係前後找時間見面食早餐/午飯，晚上都會返屋企交人陪細路。依家疫情佢唔洗出去返工我也home office, 基本上都唔會特意出黎，所以當我知有一日兩個都會出去時，就會想夾時間見下，但佢覺得唔洗，固定星期五晚會見面已足夠。而平日佢要就細路訓覺，所以好早就要訓，其實我工作一天後，我真係一個人的時間佢已經訓左，根本無得傾計。

因為先天因素，男友只能教樂器，收入有限，萬中位置但已比同樣的朋友好。家庭全部支出（包括租水電煤飲食工人錢）都係佢負責，前妻一蚊都唔肯出，所以佢月月清，而且佢習慣左唔夠用佢家人會幫佢找數（父母小康），連同佢去旅行都係佢爸爸比洗用，佢對金錢就係無概念，有幾多用幾多。我細細個爸爸試過負債累累，屋企為錢好擔心過，所以我覺得錢好重要，搵兩萬頭會好慳把收入大部分（7-80%）都存起備用。我地相處一直都係AA制，因為我知佢支出多，我都唔介意。但依半年假期多又加上疫情，佢得返一半都無既收入，我成日會擔心以後咁洗錢結左婚支出更大咁點算，老左退休都無錢用。依半年同佢講左幾次佢都話明，但無辦法，船到橋頭自然直。令我好無安全感。

我有叫過佢開源節流，佢就會認為佢已經好慳，叫佢搵多啲學生但話搵唔到，傳單印好只派過一次，叫佢同啲樂器中心合作收生，話抽水高唔去，etc... 佢好被動咁等工作機會上門，但咁係唔會可以穩定長期收入，我問佢有冇諗過將來，佢話啲細路會養我地，唔洗擔心。佢總係好樂觀，可能係我太悲觀，就算有諗過同佢結婚生多個都唔敢，覺得養唔起。

私人傳訊

CMMANDY

珍珠宮

積分: 31618

母親節2025勳章 2025勳章蛇年勳章牛年勳章

62^#

發表於 20-4-21 10:52 |只看該作者

樓主，見到妳的留言，真係吾容易，拍拖年幾，好像無咩浪漫可言，一大堆現實在眼前，好困惑，暫時吾諗遠既事，起碼二個人，可以開心，感到被愛被重視，掛住對方，想見對方，並且可以做刭，想見可以見到，那怕只係半小時，而吾係只可以星期五，什至只可以冼五佰元的限制约會。

，顧下自己感受，愛得咁拘束，太辛苦了

私人傳訊

Rilakkuma312

子爵府

積分: 12914

63^#

發表於 20-4-21 10:53 |只看該作者

Winwinnn 發表於 20-4-21 10:30
佢同前妻仲係同屋住，前妻等緊公屋搬，加上兩個小朋友同工人姐姐係度，佢講電話就會比人知佢拍拖。以前正常 ...

你男朋友真係離左婚？

佢咁的背景同收入，見不到有將來⋯⋯不如趁今次好好想清楚　

私人傳訊

秋天與楓葉

珍珠宮

積分: 32599

64^#

發表於 20-4-21 11:53 |只看該作者

回覆樓主：

本帖最後由秋天與楓葉於 20-4-21 11:57 編輯

查清楚男朋友簽咗離婚紙未

佢搵$15000-$17000可以包租水電煤飲食工人錢？
正常交完租都無咩剩，可以維持到？
仲有一個家庭開支，除咗租水電煤飲食工人錢，仲有好多開支，照咁睇就女方都有付出

小朋友早瞓同佢幾點瞓無關，佢唔想夜晚喺屋企傾電話搵細路做擋箭牌

你信佢嗎？

私人傳訊

carcar0909

子爵府

積分: 12025

牛年勳章

65^#

發表於 20-4-21 12:00 |只看該作者

回覆樓主：

本帖最後由 carcar0909 於 20-4-21 12:04 編輯

不如慢慢收拾心情，讓自己退後D去感受一下呢段感情，到底雙方有多愛？你是第一次拍拖就遇上個比較復雜的人，性格上同實質情況都比較難handle! 凈係同前妻仍同住呢吓已經充滿問號亦難過關！我見到嘅係一連串的問題，而都不是小問題。可以話難關重重，替你辛苦！

私人傳訊

mingmama

子爵府

積分: 11132

66^#

發表於 20-4-21 13:45 |只看該作者

Winwinnn 發表於 20-4-21 10:30
佢同前妻仲係同屋住，前妻等緊公屋搬，加上兩個小朋友同工人姐姐係度，佢講電話就會比人知佢拍拖。以前正常 ...

再睇埋你嘅後補資料～明白你哋有咩溝通上嘅問題～其實你第一次拍拖點解會揀個背景咁複雜嘅男人呢？同前妻嘅關係都未搞清楚～畀著我唔會揀呢種咁嘅男人做初戀男朋友～我覺得你最好趁呢次機會同佢講清楚呢樣野～我唔明佢點解話喺屋企唔可以打電話畀你係因為怕畀佢前妻知道佢拍拖～佢都識講係前妻啦～拍拖關佢蛋治咩～真係唔可以接受呢種偷偷摸摸嘅拍拖方式

私人傳訊

Winwinnn

洋房

積分: 34

67^#

發表於 20-4-21 13:46 |只看該作者

本帖最後由 Winwinnn 於 20-4-21 13:48 編輯

佢地曾經分居, 帶左大仔返父母屋企住一年, 搞離婚之後佢要湊返兩個,所以搬返去一起住,細囡變得會好驚佢離開, 成日要佢一齊訓,唔係就大喊。加上前妻有啲情緒問題, 大家都同意暫時唔公開,而且一齊住緊費時節外生枝，對啲小朋友講啲唔好的說話，所以佢係屋企我地只可以whatsapp。

佢地本身住公屋, 租金唔貴, 而且佢唔夠用就會碌卡, 父母就會幫佢埋單, 佢比埋戶口PW我, 里面真係無咩錢剩。當初一起就已經知道呢條路唔易行, 所以我話我只係想佢氹多啲我大家開開心心咁過都可以。佢陪過我走過一啲好唔開心既時間, 一年前工作唔順利佢會不斷鼓勵我去試去做, 佢誠信我係相信的, 背景比較複雜但個人好坦白,我地有common friend 都覺得佢係好仔。

私人傳訊

秋天與楓葉

珍珠宮

積分: 32599

68^#

發表於 20-4-21 14:06 |只看該作者

Winwinnn 發表於 20-4-21 13:46
佢地曾經分居, 帶左大仔返父母屋企住一年, 搞離婚之後佢要湊返兩個,所以搬返去一起住,細囡變得會好驚佢離開 ...

本帖最後由秋天與楓葉於 20-4-21 14:23 編輯

佢「話」細囡一定要佢陪住瞓
咁嗰晚佢又可以上去你屋企留宿嘅？
坦白喺邊呀～～～～～～？

「前妻」等公屋，起碼等5年以上
你男朋友話「前妻」有情緒問題唔公開得（只係佢一面之詞）
情緒病分分鐘係一世，呢個理由稱得上萬能擋箭牌

唔見得光嘅戀情必定有景轟
收收埋埋又叫坦白？

即使撇開種種複雜嘅家庭背景
成家立室後都要父母找卡數，呢個男人咁無膊頭
佢話第時個仔會養佢，但佢依加仲要父母養，咁叫好男人？
淨係呢樣已經唔洗同佢諗有將來
唔好妄想改變一個人嘅價值觀
同佢一齊只係浪費青春

點評

vdici

發表於 20-4-22 15:13

私人傳訊

Yee_ng

男爵府

積分: 6303

69^#

發表於 20-4-21 14:08 |只看該作者

回覆樓主:

係好仔但佢嘅好只係對佢前妻同仔女，你真係要想下呢段關係你得到d咩，如果一星期只見一次，打電話都怕被人知你係佢心目中位置好後所有野排晒先諗你，佢唔想分手係因為以佢條件好難揾到人接受

私人傳訊

carcar0909

子爵府

積分: 12025

牛年勳章

70^#

發表於 20-4-21 14:45 |只看該作者

自己做咗人老豆都仲要父母照顧，咁都叫好仔？定義何在？好仔定軟皮蛇？外人看來佢唔係好信得過，就算佢冇講大話佢嘅背景亦太複雜，到你倆真正住埋一齊就見真章！你要揹上好多野，錢財同生活上會由你負責，同佢相處上又好有問題。你真係願意承受？照顧佢全家喎？

可能你而家好愛佢好唔捨得，但長遠下去，呢啲問題就越浮越大，到時，愛亦會被磨蝕，到時再分手就傷痛更大。

私人傳訊

stella^^

大宅

積分: 4848

71^#

發表於 20-4-21 15:05 |只看該作者

Yee_ng 發表於 20-4-21 14:08
係好仔但佢嘅好只係對佢前妻同仔女，你真係要想下呢段關係你得到d咩，如果一星期只見一次，打電話都怕被人 ...

唉！真的越難越愛唱歌就會有？樓主放棄吧？男子最怕入錯行、女子最怕嫁錯郎？我睇吾到你位男友有甚麼優質可言，背景復習問題一蘿蘿點九呀！世界那麼大，大把優質盤選擇何必自尋煩惱？一位少女最開心就是拍拖約會你呢？

私人傳訊

Perpersis

大宅

積分: 1990

72^#

發表於 20-4-21 15:12 |只看該作者

聽到樓主嘅故事都覺心痛。由細到大你媽媽錫唔錫你？你有冇同佢講過呢個男人嘅嘢？

私人傳訊

October.

子爵府

積分: 12268

73^#

發表於 20-4-21 15:46 |只看該作者

Winwinnn 發表於 20-4-21 10:30
佢同前妻仲係同屋住，前妻等緊公屋搬，加上兩個小朋友同工人姐姐係度，佢講電話就會比人知佢拍拖。以前正常 ...

見到都心痛，世上痴心“傻女”何其多。

樓主，你男友可以俾到幸福你嗎？佢連 “為左你，我會努力賺錢 “ 都唔肯講來TUN下你，你理智啲諗下，老公都靠唔住，靠仔女養現實嗎？唔想教人分手，但呢啲男人，同佢一起會開心幸福？

私人傳訊

Winwinnn

洋房

積分: 34

74^#

發表於 20-4-21 16:13 |只看該作者

好多謝咁多位JM關心, 我都知佢唔係一個優質股,但無人寫包單另一半的條件好就可以一世無憂, 每對情侶都有自己的問題。當初同佢一齊係因為佢真係好鍚我, 可能果時仲分居,自由度大啲見得又多啲。但時間耐左, 同好多情侶一樣都會遇到啲障礙(e.g. 開此post 的問題), 我知我遇到的部分問題比一般case 唔同又複雜左。

我相信覺得佢好仔的人同我有同一諗法。其實佢真係有佢天生的因素令佢唔可以同一般人一樣搵工, 所以收入有限, 而比起同佢有同樣問題的人, 佢可以獨立生活照顧自己+有萬幾蚊收入已經很不錯, 依個因素都係點解佢父母會願意補助佢生活。正常一個大男人都唔會想下下問佢屋企拎錢用, 佢都已經把佢大部份的收入用係家庭,唔係用黎出去玩或者買靚野名牌，有時收入多啲佢係會比返家用爸爸, 我同過佢父母相處,都相信佢講既係真。我講佢收入/家庭status唔係想大家評論佢係咪食軟飯/收入唔高仲咁早結婚/生兩個, 只係想反映金錢觀/相處上我地的分歧。我都好普通, 無諗過要大富大貴嫁個咩人, 兩個人相處開心唔洗擔心太多已可。

我家姐知道少少男友的背景(婚姻/天生的因素...), 佢自己結左婚岩岩十年, 一知我地一齊就叫我好好諗清楚, 所以我唔想同家姐講依啲問題, 因為佢實唔贊成我地繼續。其實我地相處我好少諗佢的背景, 開初我同佢已經討論過，我只係想好似之前咁享受下拍拖開開心心, 我願意同佢面對依啲非一般問題, 我都鐘意同小朋友相處, 但無法忍受佢唔明白我要咩/我的感受, 或者係用佢果晚的處理方式處理問題。我只係當佢係一般條件咁既男朋友, 如果各位JM都話男友唔氹其實都唔係一個問題既, 可能就係我要求太多佢又做唔到先會變左成日發脾氣。