capricornbb 發表於 20-8-20 07:43 
但上屆侵侵贏咗，係因為選擇人票比較多，實際一人一票投票，投民主黨嘅支持者人數，係多過支持共和黨侵侵 ...
係呀，唔只侵侵一個係蠃選舉人票，之前小布殊都係，呢個係美國選舉嘅機制，冇人話美國係一人一票直接選出總統，美國亦非絕對民主，投得票就要接受呢個機制同機制下出嚟嘅結果。其實冇一個人係完美，亦冇一個政黨係完全冇私心，民主黨班人嘅政策對比共和黨冇特別偉大或優越，只係睇下邊個時勢對邊一班更有利，同時平民百姓對上個政黨失望，於是就俾另一個政黨有機會攏絡民心，侵侵蠃得出，部份州係大比數，有D係險勝，當然有一面倒大敗，但遊戲規則係咁，點解奧巴馬時代用同一個機制又蠃得出？老實講希拉莉唔係自己身有C又點會咁易輸，Saunders形勢大好都退選讓路俾佢，但D票唔係去晒希拉莉度，中間有原因吧。
好啦，政治嘢呢，我呢個C9唔多識，你問我點煮飯、煲邊套劇、睇邊本小說，我可以好輕易答到你，去到政治。。。投票前多數同我老公研究吓再決定，我都唔係完全聽佢，我自己有比較不同候選人嘅政綱同過去政績，不過男人始終對政治嘢比較多考究，所以連佢外母我媽咪都會問吓個女婿，邊個政黨上場代表我地小市民以後要納幾多稅，D稅用喺邊度，點樣影響民生，大政策、國際角力呢D我地果一票影響幾大？每個國家嘅行政結構、立法執法、外交等等，小市民茶餘飯後談論下，要左右又談何容易，唔應該將政治想得過份單純，當然亦唔好過份陰謀論，否則日子仲要唔要過？
花旗太太生活在花旗國，留意時差，你問我未必即時答到。
發表於 
返回列表
