我第一次煮，唔敢買原條魚起魚片，就買左份大魚魚骨同大魚魚腩，骨煎香用嚟淆湯半小時，魚肉洗淨切薄片，用鹽糖酒胡椒粉蛋白油醃下佢，酸菜（記得係酸菜，唔係咸酸菜）洗淨擰乾水＋切粒既薑白鑊炒乾，大豆芽又係白鑊炒到無晒水份，湯淆好後隔走魚骨，加入酸菜薑粒，大豆芽，豆卜，枝竹，芋絲煮15分鐘，下鹽，糖調味，最後輕手加入魚片煮至8成熟，倒入辣椒油在魚片上（爆香左辣椒既油，因我家唔太食得辣同討厭花椒味，如喜歡既可改回爆香左既花椒油），最後加上芫茜及花生便完成。
P. S. 唔使擔心魚片唔熟，因為湯既熱力再加滾油，基本上魚片會全熟亦唔會過老，依然保持嫩滑。
發表於 
返回列表
