我仔女都帶飯帶咗超過十年，佢地嘴尖，唔鍾意食學校嘅飯，咁又係嘅，食過學校嘅午餐，只係得一兩款係可以接受，其他都唔得。不過佢地兩個算唔挑食，我同老公都係整三文治、炒飯、炒麵、意粉等，最近呢年有一款我女好鍾食嘅越南米紙卷，可以凍食，先一晚整好晒D料，我女自己卷好，卷埋俾哥哥添。
三文治就夾芝士、凍肉、生菜、蕃茄、醃青瓜等，有時間就紅蘿蔔粒西芹粒粟米煎厚蛋，整份三層三文治，佢地覺得又靚又好味，我買D包裝紙包起，佢地話同學以為佢地係外面買嘅。
屋企冇電飯煲，所以炒飯就一定早一晚煲定飯，糙米用少少菜湯煮有少少底味，起早少少用蔥、蛋炒，有時加粟米粒、午餐肉粒、菜心炒。
意粉我老公整多，佢早一晚煮定，多數加粟米、肉丸或肉腸，雜菜蕃茄醬底，有時用忌廉白汁煮，朝早翻熱入暖壺。
我返公司果日就順便做多一份自己帶。
花旗太太生活在花旗國，留意時差，你問我未必即時答到。
發表於 
返回列表
