自由講場 今日: 682 | 主題: 1353757

積分: 13479

62^#

發表於 24-8-5 21:39 |只看該作者

本帖最後由金黑街矇於 24-8-5 21:55 編輯

We.mee 發表於 24-7-31 18:18
私家照完 Mammogram + Ultrasound 結果係4C, 琴日去政府抽完粗針, 等結果中 ... ...

請問有無 JM 照完結果 ...

我2021 第一次去做檢查，就收穫咗個4A（重有啲2、3）嗰時完全冇概念㗎，醫生話抽針咁就抽（其實我有少少懷疑係咪啲化驗所想賺錢所以係唔係都抽），良性，咁乜都唔使做。

2023年再檢，收獲左個4B （後尾知道因為個表面唔平滑，所以醫生判斷佢做4B），咁又抽針，都係良性。呢一次開始識驚，因為個婦科醫生好緊張，然後先至識得上網search吓係咩事。

今年剛剛再檢，我轉咗唔去婦科醫生配化驗所，其實係因為我唔想中間等結果嘅過程幾煎熬（因為化驗所會將報告俾返婦科醫生，然後我又要等覆診，我想問吓結果先，姑娘唔肯講㗎）於是我轉咗去私家醫院做檢查。

其實價錢唔係相差好遠，但係我覺得真係精細少少。去做X-Ray之前，主診醫生幫我用手掃個胸，佢一掃話俾我聽呢粒嘢係你之前嗰粒（其實我自己摸過好多次，我婦科醫生都摸過架，摸唔到），我係即刻呆咗咁話，你點知架？雖然她睇舊報告係大概知道位置，但係她一掃一撳我又真係覺得有啲感覺，醫生就話俾我聽，因為「唔順滑」。

咁跟住去X光，鈣化點都係冇乜特別（之前都係多）仍然幫我加照之前要加照嘅地方。跟住到超聲波，姑娘做一次，然後醫生再做一次，佢哋話呢個係既定程序，咁我睇佢哋個樣我都知又有新發現啦。咁我就話係咪抽針啊，可唔可以即刻抽埋呀？咁嗰個超聲波醫生就話唔會由她判斷抽唔抽，係交返俾主診醫生嘅。但係佢提醒我，唔應該係唔係都抽，唔好拮到自己個胸全部都係洞

佢話如果可以係應該用非入侵性去監察，我仲話我以為係唔係都抽咗check咗好啲添！

我轉去呢間私家醫院就係因為佢個Apps可以俾我提早睇報告，自己睇咗見到嗰啲係233（舊朋友，因為係良性所以跌返落3）首先安樂晒啦，然後個報告都見到係半年後再照，睇吓新朋友有冇改變。到真係複診啦，主診醫生都係講返同一樣嘅說話。

樓主試吓入醫健通，睇吓會唔會可以提早見到自己嘅報告。

私人傳訊回覆引用

積分: 13479

63^#

發表於 24-8-5 21:50 |只看該作者

本帖最後由金黑街矇於 24-8-5 21:56 編輯

金黑街矇發表於 24-8-5 21:39
我2021 第一次去做檢查，就收穫咗個4A（重有啲2、3）嗰時完全冇概念㗎，醫生話抽針咁就抽（其實我有少少懷 ...

喺照緊超聲波，姑娘醫生（不是主診醫生）都有探訪我嗰位4B舊朋友，佢哋都話嗰粒真係生得樣衰，令人懷疑，不過因為已經足足一年，佢都係咁嘅樣，而且之前係良性，佢哋話俾我聽良性係唔會變惡性嘅（所以佢轉返落去3）係惡就係惡，所以我都好安心。

同埋呢個醫生教我要帶舊報告嘅重要性，佢話真係逐粒同我哋對㗎，睇吓有冇改變形狀或者大小，對番有冇抽過針。

我自己好好彩，之前嗰兩次抽粗針我都抽得好舒服，我返屋企已經自己搣膠布，貼防水貼沖涼，我記得隔兩日我已經去做運動。後尾睇返大家啲post先至知，原來有人抽針係會腫咗一大嚿啊，或者好痛啊（對於我抽針最大嘅痛苦係扎住個胸逼我止血嘅時候坐喺間房度，好悶）

半年再驗，又要俾錢，但係我會記得醫生同我講，唔好搞到自己個胸一個個窿。

祝福樓主係良性

私人傳訊回覆引用

yuyumon

積分: 14674

2025勳章 2025勳章蛇年勳章 2018復活節勳章醒目開學勳章

64^#

發表於 24-8-5 22:00 |只看該作者

金黑街矇發表於 24-8-5 21:50
喺照緊超聲波，姑娘醫生（不是主診醫生）都有探訪我嗰位4B舊朋友，佢哋都話嗰粒真係生得樣衰，令人懷疑， ...

請問你去邊間醫院做檢查？係咪package?
醫生叫咩名？謝謝

私人傳訊回覆引用

積分: 13479

65^#

發表於 24-8-5 23:32 |只看該作者

本帖最後由金黑街矇於 24-8-5 23:34 編輯

yuyumon 發表於 24-8-5 22:00
請問你去邊間醫院做檢查？係咪package?
醫生叫咩名？謝謝

中大醫院，是package，包先見主診醫生、3D X ray、ultrasound ，再見主診醫生睇報告

你上中大醫院網頁就有呢個package，暑期特價$3900咁上下（舊生/staff有九折，我有舊生果張恆生visa)

個醫生姓陳（唔記得咩名，要睇番卡片），但個醫生都是assign俾我的，package好似無得自選醫生。

如果真係去，記得install佢個apps，我星期四照，星期一開apps已見到報告（星期四覆診見醫生）

私人傳訊回覆引用

yuyumon

積分: 14674

2025勳章 2025勳章蛇年勳章 2018復活節勳章醒目開學勳章

66^#

發表於 24-8-5 23:43 |只看該作者

金黑街矇發表於 24-8-5 23:32
中大醫院，是package，包先見主診醫生、3D X ray、ultrasound ，再見主診醫生睇報告

你上中大醫院網頁就 ...

謝謝你詳細回覆

私人傳訊回覆引用

parrotking

積分: 10682

睛靈勳章

67^#

發表於 24-8-6 06:55 |只看該作者

回覆樓主:

祝福樓主健康

點評

We.mee

發表於 24-8-6 12:05

私人傳訊回覆引用

Ahlite

大宅

積分: 3095

68^#

發表於 24-8-6 08:56 |只看該作者

We.mee 發表於 24-7-31 18:18
私家照完 Mammogram + Ultrasound 結果係4C, 琴日去政府抽完粗針, 等結果中 ... ...

請問有無 JM 照完結果 ...

我親人51歲，摸到個胸有粒野，香港私家醫生照完超聲波話有機會係癌，要抽針，佢又聽得唔清楚有幾高機會，以為好大機會係癌，嚇到失眠。
後來我陪佢去咗深圳港大醫院，即日做咗超聲波，咁啱有位做埋夾胸，醫生話佢4A ，有10%變癌風險，要抽針。醫生好好，見我地香港過去，抽空都幫佢做埋抽針。
一星期後就有結果了，好在係良性。但都要半年一次去檢查住。

希望JM 都係好結果!

私人傳訊回覆引用

積分: 373

69^#

發表於 24-8-6 12:03 |只看該作者

金黑街矇發表於 24-8-5 21:39
我2021 第一次去做檢查，就收穫咗個4A（重有啲2、3）嗰時完全冇概念㗎，醫生話抽針咁就抽（其實我有少少懷 ...

謝謝你詳細的解說及祝福!

係喎, 好彩有你提一提我可以入去醫健通睇下, 想請教應該入邊個版面, 係「醫療文件」嗎？
醫療文件暫時沒有記錄, 唔知我有無入錯版面呢！

謝謝你！

私人傳訊回覆引用

積分: 373

70^#

發表於 24-8-6 12:11 |只看該作者

Ahlite 發表於 24-8-6 08:56
我親人51歲，摸到個胸有粒野，香港私家醫生照完超聲波話有機會係癌，要抽針，佢又聽得唔清楚有幾高機會， ...

可能一聽到「癌」已經驚到唔識反應, 好彩有你陪你親人去, 聽到良性即係安樂晒！

我都希望係好結果, 謝謝你！

私人傳訊回覆引用

積分: 13479

71^#

發表於 24-8-6 15:05 |只看該作者

本帖最後由金黑街矇於 24-8-6 15:06 編輯

We.mee 發表於 24-8-6 12:03
謝謝你詳細的解說及祝福!

因為我冇喺政府照過超聲波，所以我唔知超聲波會擺邊個位置，我自己嘅抽血記錄就喺「檢查記錄」，你逐粒撳吓睇吓邊粒似，我每一次都係逐粒撳吓，因為有時佢個版面係會改㗎（我唔係太常登入）

或者有冇高手姊妹知道係會放邊個位，等高人教路！

祝福你呀！祝福你呀

私人傳訊回覆引用

hhmum

侯爵府

積分: 21319

2025勳章 2025勳章蛇年勳章虎到金來勳章

72^#

發表於 24-8-6 15:34 |只看該作者

We.mee 發表於 24-8-6 12:03
謝謝你詳細的解說及祝福!

我最近都抽左組織化驗係良性4A建議半年後再照同夾，有在港安、乳健中心開通醫健通問過自己上醫健通係睇唔到報告的係佢哋先睇到.

在我的字典裡,只有歡樂而沒有憂愁,小人們做什麼都影響唔到我

私人傳訊回覆引用

積分: 373

73^#

發表於 24-8-6 15:43 |只看該作者

hhmum 發表於 24-8-6 15:34
我最近都抽左組織化驗係良性4A建議半年後再照同夾，有在港安、乳健中心開通醫健通問過自己上醫健通係睇唔 ...

原來係咁，謝謝你解答咗我問題。
Thanks.

私人傳訊回覆引用

積分: 373

74^#

發表於 24-8-6 15:48 |只看該作者

金黑街矇發表於 24-8-6 15:05
因為我冇喺政府照過超聲波，所以我唔知超聲波會擺邊個位置，我自己嘅抽血記錄就喺「檢查記錄」，你逐粒撳 ...

我就係click 入去醫健通嘅檢查記錄，佢就叫我入HAGO, 但入到HAGO又查唔到。

我諗真係好似hhmum話齋我哋係睇唔到，只有佢哋先睇到，我唯有耐心等待～

謝謝你的祝福

私人傳訊回覆引用

belle_0828

積分: 11031

75^#

發表於 24-8-6 16:06 |只看該作者

抽針其實大部分都係良性，只需要定性佢係咩類型腫瘤或者水囊，當然如果唔好彩係惡性，就要OT，咁良性，就要定期複診USG

觀其言、察其行、知其底、方識其人。

私人傳訊回覆引用

積分: 373

76^#

發表於 24-8-6 16:13 |只看該作者

本帖最後由 We.mee 於 24-8-6 16:15 編輯

belle_0828 發表於 24-8-6 16:06
抽針其實大部分都係良性，只需要定性佢係咩類型腫瘤或者水囊，當然如果唔好彩係惡性，就要OT，咁良性，就要 ...

我從網上資訊得知，我嘅特徵似良性，但報告4C, 所以擔憂 …… 希望真係良性啦！

已擔憂咗成個月，而家仲未知抽針結果 …… 等待的心情！

私人傳訊回覆引用

積分: 13479

77^#

發表於 24-8-6 16:28 |只看該作者

We.mee 發表於 24-8-6 15:48
我就係click 入去醫健通嘅檢查記錄，佢就叫我入HAGO, 但入到HAGO又查唔到。

我諗真係好似hhmum話齋我哋係 ...

我跟你講法，入咗去HA G O，
你睇吓搵唔搵到「放射紀錄」或者檢驗紀錄有你嘅資料呀（我無在政府照過X光，所以佢真係冇我放射紀錄）但係我其他驗血紀錄佢真係有㗎

每日去睇吓，做得一日得一日啊，再祝福你。

（我明白等待好痛苦。）
attach1/tmp/phpqSGVQS

私人傳訊回覆引用

積分: 373

78^#

發表於 24-8-6 16:41 |只看該作者

金黑街矇發表於 24-8-6 16:28
我跟你講法，入咗去HA G O，
你睇吓搵唔搵到「放射紀錄」或者檢驗紀錄有你嘅資料呀（我無在政府照過X光， ...

真係好多謝你不厭其煩嘅解答我問題！

我有check過呢個版面，入面有我2年前嘅抽血報告，但就無其他啦！

之前法國醫院，浸會嘅化驗報告就無囉！

我每日都會好頻密咁click 入去睇下！

謝謝你明白我心情及祝福，Thank you

私人傳訊回覆引用

積分: 13479

79^#

發表於 24-8-6 20:23 |只看該作者

本帖最後由金黑街矇於 24-8-6 20:27 編輯

We.mee 發表於 24-8-6 16:41
真係好多謝你不厭其煩嘅解答我問題！

我有check過呢個版面，入面有我2年前嘅抽血報告，但就無其他啦！

我深深明白等待嘅無奈，所以唔使客氣，祝你盡快見到報告（記住上嚟報喜啊，等大家都可以學吓喺邊度睇到）一定是「喜」！祝福祝福

我又發現多一樣嘢，應該HA Go係記錄政府醫院，我睇返醫健通，就有我喺其他地方（包括中大醫院，卓健）嘅紀錄，如果你見唔到自己喺其他醫院嘅紀錄，可能係你登記嘅時候冇同佢講開通醫健通（我初初都唔識㗎，所以比較舊嘅資料係冇㗎）

attach1/tmp/phpDTJh8p

私人傳訊回覆引用