本帖最後由 my005 於 25-3-2 07:54 編輯
如果要講浪費，咁度度興建'車立" ，係咪真係咁需要？
無錯有啲地方係好需要，但有啲地方根本我唔覺得係好需要囉。
好似富豪花園前面城門河嗰2部吖，真係需要咩，本來都有條斜路可俾輪椅上落架喇，而家好多人用電動輪椅，而且佢地又有2蚊可搭車架喇，而事實我無見過有輪椅客會經過嗰度囉。咁起黎做咩？
下禾輋，起1座"車立"都算啦， 唔知有無距離100米，又起第2部"車立"，使唔使為村民起2部咁近既"車立"呀？
仲有例子架，但一時唔記得咁多，起一部"車立"要幾多公帑呀？ 仲有仲大鑊既係，每年既 "檢查費"同"維修費"喎。 呢度又幾多十億呀？
2蚊車費，真係對財赤咁緊要？ 點解唔叫啲交通公具公司，理行社會責任，分段收費，改佢地既電腦系統呀？
仲有，攞萬幾蚊人工既低下公務員要凍薪？ 咁啲尊貴既議員，攞十萬以上既公務員，不食人間煙火既司長，塊臉羞唔羞呀，內唔內疚呀？人地綜援，仲有錢加喎﹗佢地都係攞萬幾蚊以上架。佢地有壓力要加錢，咁班低下公務員就要凍薪？ 個邏輯好唔好笑呀？
唔好唔記得，疫情時， 班低級既公務員，有啲都要落手落腳去幫手做前線防疫架﹗而家點對佢地呀？
呢個世界，真係越來越好笑。
好彩我唔係公務員啫﹗
不過，而家公務員帶頭凍薪，其他私營公司員工，真係會獨善其身？
這個世界上所有的愛都是以聚合為最終目的，只有一種愛以分離為目的，那就是父母對孩子的愛。 父母真正成功的愛，就是讓孩子盡早成為一個獨立的分個體﹗
發表於 
返回列表
