單親天地 今日: 0 | 主題: 18378

積分: 59

61^#

發表於 09-8-8 23:14 |只看該作者

搵埋議員會唔會快D呢?

私人傳訊

積分: 45787

好媽媽勳章

62^#

發表於 09-8-9 04:02 |只看該作者

原帖由 2CMom 於 09-8-7 19:29 發表
今日見咗社工, 佢同我講體裇安置係最後一步, 要試咗所有方法都行唔通先可以申請. 同埋我依家冇收入,房署唔會批,因驚我冇能力交租. 所以依家先要做的是申請綜援, 綜援批咗房署就make sure我有租交.

但點樣先符合到" ...

個社工又講得啱喎.
大家都知, 政府部門各自為政, 房署係唔會理你有咩難處, 只會做好自己份工, make sure你有錢交租至比你.

唔知道點先符合到"試過所有辦法都行唔通而要申請體裇安置", 咁你有無問佢?

佢叫你租房住, 即使搵唔到都要提供資料, 係證明你有盡過力, 咁佢至可以提供理據比房署, 佢唔係點你嘅, 如果佢比唔到證明, 房署會耍佢.

佢見你緊急,就o係個唔知咩基金度撥$3000俾你, 都叫做有做野喇.

你個醫生之前已寫左兩封信比社工,分別比社署同房署, 但而家又要再叫醫生填表, 都係程序嘅一部分, 應該唔會係留難你, 你記唔記得呢度有位daddy eric都係咁.
就算係, 都無辦法, 你真係要人幫, 惟有滿足佢要求.

至於話體裇安置係冇得揀區份, 你申請左先, 到時至再決定喇.

最難嘅就係開始, 而家總算有人肯幫你攪, 每一件事都要有過程, 無可能三二日攪掂.
你比d耐性, 等幾個月總好過之前前路汒汒, 係嗎?

私人傳訊

積分: 45787

好媽媽勳章

63^#

發表於 09-8-9 04:17 |只看該作者

原帖由 2CMom 於 09-8-7 19:42 發表
仲有,佢一定要我追前夫拎果$4000贍養費, 如果佢冇俾,就要我去法援追討,拎埋法援的文件交俾社署,咁綜援果度就會出住俾我先. 到追到之後要扣番, 假如最終判左前夫唔駛俾(例如佢欠債,經濟拮据,冇工作等等),就要俾法庭豁 ...

其實去申請法援都係好簡單, 有唔明職員又會解釋比你聽.
真係唔難囉.
你做左人媽媽架喇, 大個女, 唔好怕煩, 唔好胡思亂想, 煮到黎咪食囉, 好快就攪掂喇.

私人傳訊

積分: 59

64^#

發表於 09-8-10 18:59 |只看該作者

我諗我等唔到, 尋日我老豆又.....

佢high完野d針筒四圍放,我問佢做乜唔掉落垃圾筒,佢話洗番乾淨再用過. 我真係好驚, 如果俾d細路執左黎玩咁點算? 我老豆有丙型肝炎o架!

今日搵左間屋,$3300租/每月,社工好雀躍,猛叫我:去租啦,你去租啦! 但按金我冇錢俾, 社工話按金冇得claim, 只能claim上期(即首月租金)同經紀的佣金.

我好驚我租左屋之後社工就唔幫我做體裇安置,咁就唔駛旨意上樓.

私人傳訊

積分: 59

65^#

發表於 09-8-10 19:02 |只看該作者

另外,請問綜援金額點計? 我社工話得好少, 三個人(一大二小)大約係每人$1600,即總共$4800,另外租金津貼係$2500, 單親津貼係$255.

但我見bk呢度有d post, 有d媽咪話兩個人(一大一小)都有$3800, 租金津貼有$2550, 咁咪仲多過我三個人? 定係我社工俾流料我呢?

私人傳訊

積分: 45787

好媽媽勳章

66^#

發表於 09-8-10 20:51 |只看該作者

原帖由 2CMom 於 09-8-10 19:02 發表
另外,請問綜援金額點計? 我社工話得好少, 三個人(一大二小)大約係每人$1600,即總共$4800,另外租金津貼係$2500, 單親津貼係$255.

但我見bk呢度有d post, 有d媽咪話兩個人(一大一小)都有$3800, 租金津貼有$2550, 咁咪 ...

社工講個係大約嘅數目.
家庭人數多少係會影響每一個人嘅金額,
2人家庭每人所得嘅多過3人, 如此類推.

你3個人嘅標準金額係$5065, 唔係$4800.
租金津貼$3330.
單親津貼$255.
水費津貼$29.40.

你二個小朋友入學會再有學校津貼.
如果醫生證明你係傷殘, 會有傷殘津貼, 但數目不清楚.

你快d攪掂你個ex個度,
如果佢真係比唔到,
你去法援攪文件,
之後再比證明社署,
咁就唔使扣個$4000,
即使暫時未上到樓,
你地慳慳地都可以生活,
唔使擔驚受怕.

私人傳訊

積分: 45787

好媽媽勳章

67^#

發表於 09-8-10 21:01 |只看該作者

原帖由 2CMom 於 09-8-10 18:59 發表
我諗我等唔到, 尋日我老豆又.....

佢high完野d針筒四圍放,我問佢做乜唔掉落垃圾筒,佢話洗番乾淨再用過. 我真係好驚, 如果俾d細路執左黎玩咁點算? 我老豆有丙型肝炎o架!

今日搵左間屋,$3300租/每月,社工好雀躍,猛 ...

你老豆真係一個危險人物........如果比小朋友拎到就慘,
你真係要金睛光眼睇到實.

你今日搵左間屋,$3300租/每月,個業主咁好, 無要你提供入息證明?
個社工好雀躍好想你租,
梗係, 佢可以唔使再攪房署個度, 做少好多野.
你同佢講, 你都無咁多錢, 如果按金冇得claim, 點搬喎.
再拖落去, 如果有咩事邊個負責,
你問佢於心何忍!
睇佢有咩反應.

睇其他媽咪都講過,
好似係你租左樓就唔幫你做體裇安置.
但係, 如果你證明到ex比唔到贍養費,
你可以租住樓再申請公屋,
有時等唔係好耐會有特快,
不過, 多數係d不受歡迎單位.
你有無搵個你個ex呀?

私人傳訊

bellybaby

禁止訪問

積分: 656

68^#

發表於 09-8-11 16:14 |只看該作者

提示: 作者被禁止或刪除內容自動屏蔽

私人傳訊

積分: 59

69^#

發表於 09-8-11 19:01 |只看該作者

我個醫務社工今日上黎家訪,佢好細心,連我同我爸圈住calendar上的日期都問我係咩黎. 我就答佢係覆診日子,我爸圈的我就唔知喇.

又睇我祖母擺大壽時影的全家福,因我地係大家族,我爸有成十二兄弟姊妹,佢都逐個問.

佢上黎早見到我爸想同佢傾幾句,點知我爸話:"唔好x煩我!" 就嘭一聲出咗門口。

佢又見到煙灰盅,又聞到勁大煙味,又有針筒,都叫我快d搬,因為真係好唔適合小朋友住.

大致上佢上黎睇完之後可能見到真實情況,我真係冇講大話,佢就好helpful,又幫我呢樣果樣,又提我好多野可以點做,尤其係點應對保障部.

佢打電話同我個醫生傾過,問醫生會否寫我"健康欠佳或傷殘"。醫生話我紅斑狼瘡雖然穩定番,但精神狀態唔適合做野,但就仲考慮緊究竟寫我50%定100%傷殘,因為綜援果度會多d錢.

我已confirm租樓住,但社工話等我綜援果邊批左之後都會幫我攪體裇安置, 仲叫我唔好簽死約, 盡量同業主傾flexible D.

我今日再問佢綜援金額的事,佢就話,我會有$2100, 一對仔女各有$1650, 另外租金津貼$3300, 單親津貼$255, 再加個女的書簿費、校車費、飯錢等等. 如果醫生寫50%傷殘就每人多幾百蚊,如果寫100%傷殘就會再多D,100%傷殘會另外有社交補助金同交通津貼.

佢今日真係好好, 同之前完全唔同晒.

私人傳訊

積分: 59

70^#

發表於 09-8-11 19:02 |只看該作者

仲有, 因我依家住我老豆度係柴灣區, 而我租樓住就係租將軍澳, 佢話佢同柴灣保障部的主任熟D,仲已經係電話度同個主任講過我個case,個主任話會記住我個名,等d文件過到去審批會快好多. 所以佢暫時唔send份租約過去住,因為驚見到我租TKO樓,就會將我個case轉去TKO的保障部, 果邊佢唔識人. 所以會等綜援批左佢先補番份租約過去.

我亞仔今日好識做,因佢七個月大,勁認人,一見到陌生人(尤其是戴眼鏡的)就會勁喊. 但今日我個社工(都係戴眼鏡的)逗佢玩,佢唔喊不特止, 仲不停咁對住個社工笑! 個社工好開心, 下午打電話俾我話所有文件佢已經做好,叫我明天上去簽名, 臨收線仲話好掛住我個仔!

我簽咗名,等埋醫生份野(即係寫我50%定100%傷殘果份)就可以send過去.

[ 本帖最後由 2CMom 於 09-8-11 19:14 編輯 ]

私人傳訊

積分: 59

71^#

發表於 09-8-11 19:12 |只看該作者

原帖由 bellybaby 於 09-8-11 16:14 發表

乜按金無得clam既咩?我個社工又話有.....

冇呀, 佢話只有上期租金同經紀commission有得claim咋. 佢話因為按金將來可以拎番.

私人傳訊

積分: 59

72^#

發表於 09-8-11 19:30 |只看該作者

水電煤都要自己開過,D按金都好"拿利"! 好似聽過人講拎綜援的煤氣有優惠,有冇人知多D詳情呢?

私人傳訊

積分: 59

73^#

發表於 09-8-11 19:43 |只看該作者

我就好彩D,租到TKO的舊居屋,510尺,個地產經紀係熟人,而佢又識得個業主,業主係60歲的婆婆, 佢好好人, 我話綜援的租金津貼係$3300, 咁佢話:咁就$3300啦! 層樓已經供完, 自己又有層私人樓住緊,仔女又出晒身(仔係律師,去咗台灣做野,女係物理治療師),D租金都係自己袋黎洗,當幫下人囉,人地咁慘,我都幾十歲,D錢帶唔到落棺材,當做善事積吓福囉!"

佢現在租俾我層樓係佢同個仔聯名的,個仔在台灣,佢話唔駛問個仔,自己揸主意.

不過為免影響佢將來租俾人的價錢,份租約都係寫明租金係$6300, 我同社工講, 社工話冇問題,因社署都係批$3300,其他野唔會理. 婆婆仲只係收我一個月按金, 想幾時搬預早一個月通知佢.

但經紀commission就要按番$6300黎計半個月為commission,因地產唔肯用$3300黎計,因為會冇肉食. 總之一切係我同婆婆之間的事.

個單位好企理呀, 差唔多乜都有, 唔駛買, 淨係欠一部電視機. 3部冷氣, 雪櫃同洗衣機都係新的(雖然我唔會點開冷氣), 牆到地板白雪雪的, 只係傢俱舊d, 梳化就爛左一忽, 不過都唔緊要啦, 我鋪塊梳化坐墊就睇唔到啦.

私人傳訊

積分: 59

74^#

發表於 09-8-11 19:48 |只看該作者

今個星期五就拎鎖匙喇. 希望搬去新地方之後病情會好d, 因呢幾個月我的抑鬱症都幾嚴重, 醫生評我係"中等至嚴重抑鬱",所有典型的抑鬱症symptoms都有齊晒.

除左之前有自殺傾向之外,仲開始有暴食, 完全冇左飽的感覺,成日都想食, 一係瞓唔到, 一係就昏昏沈沈咁瞓, 心口痛, 透不過氣, 心跳, 手震, 記憶力衰退, 神不守舍. 試過好多次買完野俾左錢唔記得拎野就走左, 漏野在巴士唔記得拎, 最恐怖係有次係商務睇書, 拎住本書行下行下出左門口行左幾個鋪位先發覺,好彩冇俾人捉我高買,我即刻拎番本書入商務同個cashier講對唔住,俾番本書佢地.

[ 本帖最後由 2CMom 於 09-8-11 19:50 編輯 ]

私人傳訊

bellybaby

禁止訪問

積分: 656

75^#

發表於 09-8-11 19:51 |只看該作者

提示: 作者被禁止或刪除內容自動屏蔽

私人傳訊

bellybaby

禁止訪問

積分: 656

76^#

發表於 09-8-11 20:03 |只看該作者

提示: 作者被禁止或刪除內容自動屏蔽

私人傳訊

積分: 45787

好媽媽勳章

77^#

發表於 09-8-11 22:24 |只看該作者

原帖由 2CMom 於 09-8-11 19:30 發表
水電煤都要自己開過,D按金都好"拿利"! 好似聽過人講拎綜援的煤氣有優惠,有冇人知多D詳情呢?

http://www.towngas.com/tgweb/txtchi/responsibility/resp_single.asp
睇下係咪呢度.

私人傳訊