吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 我有錯嗎?

自由講場今日: 1647|主題: 1361932

收藏本版

發帖

返回列表

跳至頁

樓主: M.F.Y

我有錯嗎? [複製鏈接]

2 345 6...13

nicolwong

男爵府

積分: 9775

61^#

發表於 10-4-27 12:37 |只看該作者

我建議你個女最好唔好要個BB.

佢先得16歲咋,佢仲有大條路要行.

仲有咁快同人成立一個家庭??

對唔住,我唔認為佢地咁細,懂得安排自己

同自己既事.

他日,你只會為自己埋下一個重擔.

忍心一D,你個女嬲你,唔緊要.

我以前都嬲我阿媽,但依家我大左,唔嬲佢,我好

明白佢.

ＳＯ　ＦＡＲ，當時我都２字頭，比你個女好

好多．

（雖然５０步笑百步咁！）

做一個c9唔係易事.

私人傳訊

晴B媽

水晶宮

積分: 53061

熱血金章至尊種植勳章畀面勳章 2011精緻種植勳章大廚勳章 BK Milk勳章

62^#

發表於 10-4-27 12:38 |只看該作者

呢度有不同的回應, 夾雜了多人的意見及經驗, 可以給女兒先看看這TOPIC, 讓她冷靜想一下。當然, 樓主現在同女兒可能無計傾, 你可以找人代叫你女兒上BK睇.

私人傳訊

寶寶儀

大宅

積分: 4234

好媽媽勳章

63^#

發表於 10-4-27 12:58 |只看該作者

16歲真係照顧唔到個bb架....

你囡囡而家唔明你,但總好過生左出黎害佢一世...害埋個bb!!

養一個小朋友唔難,但教一個小朋友真係好難!!
我有朋友都係,生左個小朋友....又唔照顧又唔俾錢.....咩都唔理,由得個小朋友俾麻麻湊~~個小朋友由細到大都冇父母愛...父親只係識得識女仔,媽咪就得閒雍下佢,唔得閒就唔理佢,佢只有麻麻既愛...
但有邊個小朋友唔想有父母愛???
如果佢生出黎條路係咁既...
那你覺得佢童年會開心嗎???
16歲真係唔識得諗,就算佢講得幾好聽都好,到佢做果陣真係好大問題~~~
大家都細過,16歲果陣自己係咪又咩都係話自己得,到頭來做唔到係咪又係父母攪掂?
生命係可貴...但生出黎唔理.咁貴係邊?
見得太多人生出黎唔理,由佢自生自滅..
以為俾左飯佢食書佢讀就算完成佢既責任~~
但真係夠嗎?

無論世界點變都好~媽媽永遠都愛熹熹同楓楓
熹熹豬2006年4月10日出世.楓楓豬2008年2月4日.
健康才是財富~希望2隻豬身體健康^-^

私人傳訊

YUKIYAN

子爵府

積分: 13209

好媽媽勳章

64^#

發表於 10-4-27 12:59 |只看該作者

我都係年輕媽媽,,,我18歲有左BB都唔敢同媽咪講.,..亦都估唔到自己會有左...都係因為2個幾月不斷流啡驗先知道,,,即日去睇醫生,轉介去急症先敢同媽咪講...仲要唔係我開口講,,,叫我朋友幫我....因為我真係好驚...你可以話我逃避....我媽咪好激動.....我地兩個之間有好多struggle....佢要我落...我有一刻真係唔想要,,,book埋去私家做,,,但前一晚我喊得好犀利,,真係好唔捨得....第二日都係冇去到...之後就結婚...唔記得講,,,我老公大我9年..佢雖然人工唔多..但都勉強可以,,,我當時仲讀緊HD,,,之後一面大肚,一面讀書...其實呢個係我同媽咪既承諾...佢答應比我結婚生bb,,,但我一定要讀埋果3年(當時讀緊第一年)...同埋佢仲想我讀埋護士...講真,,,我自己都唔會放棄讀書...亦都好慶幸我99好好..我地同佢住...我生完bb未夠一個月就開始要番學(甘岩9月頭出世)...我番學,99就幫我睇住...放學番黎煮飯,湊女,做家務...甘就崖左2年幾...而家個女2歲半...生活雖然唔算好,,,但都滿足~~但我仲未讀到護士..因為我都想賺$$多d,,,,黎緊今年9月個女讀書..我就會番工~希望一切都順利啦~~而護士一直係我既理想...我都希望等個女大d,,,我可以去讀番....

雖然媽咪真係好想我落,,,但決定權都係我度...你女女都係...老實講...我發覺父母通常都係鬥唔過仔女...你唔可以逼個女...你越逼佢就會反感...你可以做既就係了解清楚你個女同男友&佢家人到底想點...你話佢家人想要個bb..但佢地對你個女好唔好...你個女黎緊會考,,,你都係要比多d正面既message,,,<媽咪會同你一齊解決>唔係一面強逼佢落,,,甘會好影響佢考試心情...佢會考好唔好都會影響佢將來既生活...你都係要同佢分析多d,,,eg:將來既經濟狀況,佢如果會考考得唔好...就要出黎做野....兩個一齊崖...如果考到會繼續讀書??但佢男友家人支持到佢地既經濟嗎??....

私人傳訊

jennyfong414

禁止訪問

積分: 239

65^#

發表於 10-4-27 13:00 |只看該作者

提示: 作者被禁止或刪除內容自動屏蔽

私人傳訊

CINDYC

水晶宮

積分: 50254

66^#

發表於 10-4-27 13:22 |只看該作者

回覆 65# jennyfong414 的文章

聽到真係好心痛, 如果係我個女, 咁細, 心智都未成熟, 一定唔會俾佢生bb!
身為人母既我, 認為已發生既無得挽回, 只希望嚟緊既日子阿女條路好行啲!

若沒有忙碌, 你便不會懂得善用閒暇; 沒有痛苦, 便不會明白快樂的得來不易; 沒有失去, 我們更不會懂得珍惜--是苦是甜也好, 是時間太多或太少也好, 最重要的, 還是請不要浪費你的人生! (純粹分享 ^0^)

私人傳訊

freestar

大宅

積分: 1212

67^#

發表於 10-4-27 13:36 |只看該作者

原帖由 M.F.Y 於 10-4-26 19:21 發表
我的女兒大肚了,她和男朋友都是16year,我決定要好去私家醫院做終止手術,準備booking,現在她很憎我,
但我錯嗎?

我覺得你係幫左佢, 佢咁細仲未知道做人媽媽原來係無想像中咁易, 咁好玩, 責任係勁大既, 佢咁細, 咩都未做, 又點會玩夠丫, 生左出黎又負唔到責任, 我覺得你咁做係絕對為佢好.

私人傳訊

瑪利2006

子爵府

積分: 11349

68^#

發表於 10-4-27 13:44 |只看該作者

你女兒已16歲,也有決定的想法,你讓他們去承擔責任和後果,若你幫她決定,到後來只有埋怨你,再加上也不是太細,16歲也可以做媽媽,為什麼去扼殺一個小生命嗎?我奶奶年青時曾墮胎,到晚年仍放不低,常自責,所以,請再三思,''''不要做後悔一生的決定'''''

私人傳訊

NicoleTszChing

大宅

積分: 2333

69^#

發表於 10-4-27 13:48 |只看該作者

如果我個囡係咁,我一定唔會比佢生!
雖然係殺左個小生命好殘忍,
但如果bb出生o係咁o既環境仲殘忍~

而家唔同以前,乜野平有平養,貴有貴養,
而家好多都係得一個小朋友,個個父母都比最好o既野仔女,
幾個月大就話搭飛機去旅行,
一年去十幾次disneyland,
年年開生日會,
每日上唔同o既興趣班.......

呢個世界越o黎越現實,
樣樣都同金錢掛鉤,
如果你女女生左落o黎,
每日就會淨係為錢煩惱~
就算bb咁細唔需要呢d''活動''''興趣'',
但到佢慢慢長大,自然會同身邊o既同學仔作比較,
會埋怨父母點解比唔到呢d童年自己......

所以我寧願個女而家嬲我,憎我都好,
我都唔想佢生落o黎怨我一世!
到佢再大ｄ,佢會明白媽媽而家係為佢好~

私人傳訊

beagledog

大宅

積分: 3828

70^#

發表於 10-4-27 13:51 |只看該作者

分析完利弊等個女自己決定, 路係佢自己揀冇得怨人.

如果係我個女, 佢要bb, 我唔會幫佢湊, 經濟上會有限度幫.

一定要佢受過苦先知教訓.

私人傳訊

靖嵐

子爵府

積分: 11973

好媽媽勳章

71^#

發表於 10-4-27 13:55 |只看該作者

冇人保證婚姻, 際遇, 運氣...

所以如果係我, 最簡單叫佢講比我聽黎緊兩年計劃係點... 即產前產後... 仲有要分析係二人生活? 四人生活(連6299)? 定最壞o既一人+BB生活...

如果佢都係堅持要, 而佢o既計劃係可行, 我諗我會精神上支持... 但當然最壞打算係, 自己多o左個細女...

原帖由 eeb 於 10-4-27 12:25 發表
妳期望囡囡將來會過點樣既生活?
佢又期望自己將來會係點?

妳又希望同囡囡以後既關係係點?

如果佢唔想落，單純係唔想殺死自己既bb，咁可能生出來等人領養係一個方法。

如果佢想組織小家庭，咁問題就複雜少少，畢竟佢同男友 ...

[ 本帖最後由靖嵐於 10-4-27 14:17 編輯 ]

我想要9999呀...

私人傳訊

sharonhwyc

珍珠宮

積分: 35852

好媽媽勳章畀面勳章

72^#

發表於 10-4-27 14:04 |只看該作者

我覺得女仔16歲生BB唔係問題,
最大問題都係o係個男仔度~

唔好問佢屋企人想點,
最緊要睇個男仔想點,
佢點都要負返個責任架啦!

私人傳訊

oooasis

子爵府

積分: 14840

好媽媽勳章陪月勳章

73^#

發表於 10-4-27 14:08 |只看該作者

決定權在你個女手上
而唔系樓主你

你應該尊重你女兒的選擇，然後盡可能幫助她，而不是自己做決定，然後要個女服從你。

如果你地經濟狀況良好，我覺得可以生出來自己撫養，但未必要結婚，因為大家得16歲，未成熟到可以選擇結婚對象，等讀完書再考慮結婚。
如果經濟狀況不許可，可以去母親的抉擇，生出來之後比人領養，咁樣可以保住一條生命。
你逼佢殺左自己個bb，佢會一世在心中憎恨你，將來有一日，佢依照你的期望事業家有成家庭幸福，但依然會後悔點解要殺左一條小生命。

私人傳訊

kitty0502

水晶宮

積分: 73995

好媽媽勳章

74^#

發表於 10-4-27 14:08 |只看該作者

不如講下我既經驗比樓主聽呢：
我正正就係16歲結婚，17歲生BB既主角，
我媽當時都迫我落，當時既我唔明點解阿媽要咁做，因為愛男朋友係盲目既，唔會諗後果，
當然姨媽姑姐就支持我，話天生天養，
最後我如願結婚生仔，
但你今日問我，有無後悔既話，
我可以答你有，非常後悔，
我就算做好母親既責任，但都唔會做到爸爸既責任，
我咁講你應該明白，
太細個啦，一定未玩夠，
唔係話咁後生做父母就唔錫個BB，而係你幫得佢幾多？
唔好講埋D自己孫一定會幫佢地養或者湊，
咁樣只會比佢地更加無做父母既責任，做父母責任好大，唔係話生左佢出黎就叫完成左責任，
養兒100歲，長憂99，要供書教學，病時要照顧佢，要有好多時間陪佢地成長，
如果比我重新選擇，我會選擇落左去，繼續讀書，起碼今日行出黎社會都識多D野

個人經歷與想法，不喜勿插

私人傳訊

cutiegl

子爵府

積分: 13088

75^#

發表於 10-4-27 14:08 |只看該作者

原帖由 NicoleTszChing 於 10-4-27 13:48 發表
如果我個囡係咁,我一定唔會比佢生!
雖然係殺左個小生命好殘忍,
但如果bb出生o係咁o既環境仲殘忍~

而家唔同以前,乜野平有平養,貴有貴養,
而家好多都係得一個小朋友,個個父母都比最好o既野仔女,
幾個月大就話搭飛機去 ...

講得對,現今有好多年青人已經結咗婚又有經濟基礎嘅都未敢有bb,而這兩位學生想有自己嘅bb,真是不可思議,雖然殘忍,但這個也是唯一的辦法.

私人傳訊

Darth

大宅

積分: 2519

好媽媽勳章醒目開學勳章

76^#

發表於 10-4-27 14:12 |只看該作者

睇晒咁多留言, 似乎無論點做, 將來都有可能後悔
我又覺得, 人生本來就沖滿遺憾
好多人常說, 如果可以再選擇, 會揀另一條路走
但既然當年作出了一個決定, 也無謂慨嘆咁多
作決定前, 要諗清楚
決定左, 就要勇往直前
唔好回頭向後望...

私人傳訊

jolo

翡翠宮

積分: 97426

好媽媽勳章

77^#

發表於 10-4-27 14:16 |只看該作者

如果係我個囡/囝, 我一定叫佢唔好生... 話我殘忍都係咁話... 為左個對左16年o既仔/女o既將來, 我會放棄未出世o既孫............
16 歲... 玩夠哪咩 ?? 見夠世面哪咩 ??? 讀夠書未呀??
同佢地坐低傾, 個個同學去 wet 時, 佢地湊 bb ???
個個同學讀大學進修, 佢地要搵食捱生捱 c ...
遲 d 個個同學出糧買名牌扮靚, 佢地要買奶粉尿便...
同學去外國旅行, 佢地要留 $$ for 生活所需...

佢地一定唔後悔先啦.............

[ 本帖最後由 jolo 於 10-4-27 14:19 編輯 ]

私人傳訊

Bman

大宅

積分: 1672

好媽媽勳章醒目開學勳章

78^#

發表於 10-4-27 14:19 |只看該作者

原帖由 oooasis 於 10-4-27 14:08 發表
決定權在你個女手上
而唔系樓主你

你應該尊重你女兒的選擇，然後盡可能幫助她，而不是自己做決定，然後要個女服從你。

如果你地經濟狀況良好，我覺得可以生出來自己撫養 ...

呢句我極唔同意, 如果個女可以承擔一切責任, 決定權當然不在媽媽身上, 但係依家情況係, 樓主個女即使有計劃都並唔代表一定可以實行, 到頭來有事樓主無堅持過一定係責無旁貸架!! 養兒一百歲, 長憂九十九, 個孫出左世唔代表個女一定會更有責任感! 我見過唔知幾多個堅持生小朋友然後又棄之不顧, 如果父母逼佢地負責任, 或者老公老婆走左, 倒頭來仲會唔鍾意d小朋友!

老實講, 如果樓主個女係識諗, 就唔會響會考時候有左bb啦!! 16歲有子女就可以話晒事, 咁有冇諗過劬勞未報, 將來可能帶更大負慮畀個媽媽?!

不過樓主, 如果心痛個女, 自己又可以負擔到, 我都贊成小朋友出世, 因為佢始終係你個孫, 依家你有堅持過, 最後畀佢做決定, 將來佢後悔都唔會怨你!!

私人傳訊

包包女王

子爵府

積分: 11600

育兒性格勳章大廚勳章好媽媽勳章醒目開學勳章

79^#

發表於 10-4-27 14:37 |只看該作者

樓主，依家你同女女點呀？
有冇共識呢？

加油啦！

私人傳訊

littlesister

琥珀宮

積分: 158843

畀面勳章

80^#

發表於 10-4-27 15:04 |只看該作者

我之前份工見唔少呢類case, sorry, 有好結果既冇1%, 好多槍coupon都好快分左手, 通常嫲嫲揍呢, 個媽咪就好快冇影, 爸爸就繼續玩, 如果婆婆揍就好d, 爸爸冇影之後個媽咪都會負責任一排, 但之後一樣俾晒個波婆婆搞掂, 其實又唔怪得晒班teenager, 細個就梗想出去玩, 所以我都覺得唔應該咁早決定自己條路, 個bb都未必會幸福, 樓主好好同囡囡溝通啦, 你分析俾佢聽, 佢會明白你係為佢好架, 加油