大仔大女媽媽會 今日: 0 | 主題: 177861

積分: 14426

61^#

發表於 05-6-4 11:59 |只看該作者

Re: 餵人奶分享

大家好呀!
我都係餵人奶架! 仲係第一胎添, 所以好多野都係在bk其他媽咪度學習得來

bb出世之後, 未離開產房我已經餵左我人生中的第一次人奶,經姑娘教導, bb仲成功地吸吮, 佢仲同我微笑添

由於bb係吸出來關係, 姑娘就安排佢先飲奶粉, 等待12小時觀察佢正常, 先俾我餵番佢, 點知我身體唔太好, 佢足足24小時先再次接觸人奶咋

初初幾驚佢唔食呀! 好彩佢好似知道人奶會對佢好D咁, 佢對人奶興趣太D架, 又或者係安全感啦

出院之後, 我自己又病左, 咳得好犀利, 醫生仲叫我唔好餵bb三日人奶添, 但係bb晚上喊得好緊要, 我唔忍心, 又驚三日後冇奶喎! 我為有睇過另一個醫生, 食d可以餵人奶既藥, 所以到現在我都有補奶粉, 由最初20分鐘人奶加安半奶粉, 到現在30分鐘人奶加安半奶粉, 一日餵8次, 其實自己都知道全人奶比較好, 但是有時咳得太犀利, 個人太倦, bb都會有一餐半餐係由屋企人餵佢食奶粉架! 我唔想俾自己太大壓力, 希望身體好番才慢慢餵全人奶啦!

我都有損傷奶頭情況出現,真係痛到講唔得出, 慢慢就要BB岩口型先俾佢吮囉

大家都要努力加油呀 ! 唔好俾太大壓力自己

:lol:

私人傳訊

cathymom

積分: 1308

62^#

發表於 05-6-4 21:22 |只看該作者

Re: 餵人奶分享

好開心呀! arm arm 果餐bb食人奶食耐左好多, 同埋只係補左1安奶粉, 雖然仍然要補, 但已有進步了... (之前佢要補3安同食到喊晒)...
我今次換左個姿勢, 餵左邊就用右手托住bb頭, 左手幫手推d奶, bb就肯食左好多, 又冇咁易甩番出黎... 同埋我又飲多左湯同奶, 個胸冇咁鬆了... 希望我會繼續進步, 可以慢慢再補少d奶粉啦! :-P

私人傳訊

積分: 2297

63^#

發表於 05-6-6 10:46 |只看該作者

Re: 餵人奶分享

想問下呢度有邊位mami純埋身餵,連泵去餵都冇的,我想互相研究下.
另外人奶bb半夜多數訓幾耐先喊要食奶.因我bb半夜由3-5hrs不等,但日頭就好密,但一訓得熟就又有2個hrs.

私人傳訊

積分: 1515

64^#

發表於 05-6-8 23:04 |只看該作者

Re: 餵人奶分享

mrs_e.c

我都係全埋身餵, 因為阿b吸得好, 我們可以交流交流. 不過我現打算學吓pump, 因為有時可以自己行開下!

我阿b半夜約2-3小時食一次. 這兩三次可能他是"猛長期", 佢不停要食, 搞到我真係渣都無, 最慘係好扭計, 去個厠所都唔得! :-(

之前在醫院姑娘話若bb瞓超過3小時, 就要叫醒佢食; 不過我覺得最緊要睇bb體重正唔正常同埋有無足夠尿尿, 若ok便讓bb自決, 因為每個bb都有不同習慣.

私人傳訊

積分: 2297

65^#

發表於 05-6-9 10:56 |只看該作者

Re: 餵人奶分享

Fannylok ,
可唔可以講下你幾時開始埋身餵,大概餵既情況時間如何?
你bb半夜約2-3小時食一次係咪自己喊/你炒醒佢?
你開頭nipple有冇損呀?
你學左點pump同處理,麻煩你教埋我oY~TKS~
我都係咁話--->去個厠所,食飯,沖涼都唔得!
我最弊就係bb體重追唔切,比個衰E生叫補奶粉(態度差)
而尿尿又真係唔係太足,而且有時撈埋CC好難計.....
想問下你BB幾多日大就追番出世磅數呀?
有冇黃情況?我BB自去健康院由中位數就每次下降小小,但唔駛照燈.
你幾日去一庚健康院?出街好煩又累,勁唔想去....

私人傳訊

Zukina

別墅

積分: 812

66^#

發表於 05-6-9 12:17 |只看該作者

Re: 餵人奶分享

前日我買左pigeon既nipple sheild, 但覺得不是太好用, 而且個sheild 包唔晒個胸, d風會o向d 空隙度走入去, 佢會食好多風, 所以我用左一次就冇用

相對其他餵人奶媽咪, 我算是相當幸運的一個, 因為從出生至今我都是埋身餵, 而且一次奶粉都未補過, 不過我亦有我的煩惱, 因為我有一邊胸太多奶, 噴到阿b成面係奶, 以致阿b食奶時會濁親, 而且食好多風, 仲會好忟, 每次要攪好幾個字至可以食得順, 我如有時間, 我會先泵2安奶出來, 等冇咁多奶先餵, 咁佢就可以食得好d...

阿b尋日去健康院, 重得好好, 1 1/3個月, 比出生時重左1.6kg,近日食奶都叻左, 以前食5分鐘, 宜家可以食倒15-20分鐘, 3個鐘頭一次, 不過佢就成日喊, 都唔知點解..

宜家我既目標係可以出街餵人奶, 我哺乳衣同哺乳揹帶都買左, 但佢宜家食成咁, 一樣唔可以出街餵住, 不過大d應該會好d...

另外, 泵奶出來餵的媽咪, 你地用泵泵完後記住用手擠多幾下, 因為bb啜奶是一吸一啜, 吸的刺激可以靠奶泵, 但啜的刺激就要靠人手, 而且要維持奶量, 記住一日泵6-8次奶! 大家加油!

私人傳訊

積分: 14426

67^#

發表於 05-6-9 12:37 |只看該作者

Re: 餵人奶分享

大家好呀!
我想請教大家, 餵餵下人奶bb訓著左, 你地點樣叫醒佢呢?? 近幾日我囡囡次次食人奶食左10分鐘就訓著, 我又攪唔醒佢, 都唔知點做好

私人傳訊

積分: 1515

68^#

發表於 05-6-9 12:39 |只看該作者

Re: 餵人奶分享

mrs_e.c

我由第3日開始埋身餵, 因為頭兩日阿b過了兒科觀察, 故飲奶粉. 佢補了2日奶粉(每日2次)就開始全埋身餵, 因為佢飲不慣家中的奶咀. 佢最初食得好密同難以預計時間, 直至約2星期後食的時間較穏定, 尤其是半夜, 每2小時佢便食一次. 佢多是喊然後我餵佢. 不過我記得最初出生由於bb瞓好多, 我有時亦要弄醒佢. 我阿b10日左右先重過出生0.1kg, 星期二滿月重了0.6, 剛剛過了警戒線! 我阿b無黃!

我諗若你bb體重並不理想同埋仲有黃, 就寧願叫醒佢餵多d, 讓佢吸收多d. 你bb現在每日食幾多餐? 有幾多尿尿?體重相差幾多? 我諗你亦可以在母乳餵哺裏問吓其他媽媽意見, 因為佢地經驗更豐富.

加油! 餵母乳雖然辛苦, 但每次看到bb飲完的滿足樣就什麼也值得!

私人傳訊

Zukina

別墅

積分: 812

69^#

發表於 05-6-9 13:29 |只看該作者

Re: 餵人奶分享

技安,
你個b重得好唔好? 多唔多尿? 如果都ok, 食10分鐘都唔駛太担心, 我個b之前都係食5-10分鐘, 最常就係食7分鐘, 仲可以訓3個鐘, 但都重得好好.

私人傳訊

bblui

積分: 1081

70^#

發表於 05-6-9 15:43 |只看該作者

Re: 餵人奶分享

i feel so upset ar... :cry: my bb is nearly 3 weeks old, & recently he seems not to get enough milk & cries a lot... (during 0-2 weeks, he is an "angel".. he hardly cries & can sleep for 3-4 hours... )... i'm v. tired la... :-( after each feed, i feel "dead" and i have no energy at all... what can i do? i don't think i can cope wil b-feeding la... :cry: :cry: :cry: can someone pls tell me how u can get through this tough period? :cry: :cry: :cry:

私人傳訊

積分: 2297

71^#

發表於 05-6-9 16:25 |只看該作者

Re: 餵人奶分享

Fannylok,
今日去完健康院,總算放下心頭大石小小,又遇到好e生.
原來bb上次已冇黃,又冇話我知,等我以為仲有d.
而bb雖然未達回出世磅數,但每次都有增磅,今次只係隔左2日,但%多左好多,係+0.11kg,之前3-4日先+0.05kg.e+只係差0.09kg.而e生話可能之前收水較多........anyway,冇個衰e生猛叫我補奶,我已經冇咁忟.
滿月要重過出世幾多先叫過了警戒線?我b20日大都未到.
滿足樣--->係咪偷笑呀?
我bb試過1次飲飲下咀角偷笑,比佢lum4.
有時訓左又偷笑.
不過11,12pm就發發地顛就激4我2公婆.

]

私人傳訊

積分: 2297

72^#

發表於 05-6-9 16:26 |只看該作者

Re: 餵人奶分享

攪面珠,攪腳板.唔好比佢真係訓著呀~

技安寫道:
大家好呀!
我想請教大家, 餵餵下人奶bb訓著左, 你地點樣叫醒佢呢?? 近幾日我囡囡次次食人奶食左10分鐘就訓著, 我又攪唔醒佢, 都唔知點做好

私人傳訊

積分: 14426

73^#

發表於 05-6-9 18:28 |只看該作者

Re: 餵人奶分享

All,
我囡囡唔係全人奶, 佢一日約食7-8餐, 每餐我先先餵佢飲人奶半個鍾, 之後再補奶粉, 佢通常會飲一至一安半奶粉, 一日換兩至三次大便片, 而小便片就8片左右啦,
22/5出世重3.13kg
28/5收水重3.04kg
08/6重3.41kg
我唔知佢重得好唔好呀?!因為我係第一胎, 佢之前食人奶好少會訓著, 所以佢一定飲夠半個鐘, 但呢兩日就次次飲10分鐘就訓覺, 我攪唔醒佢呀! 有時我會放番佢落床, 等多半個鐘, 等佢餓下, 再餵過佢囉! 我攪佢面仔, 腳仔同埋背脊佢都唔理我, 真係激氣, 大家仲有冇更加好既方法呢??

私人傳訊

Zukina

別墅

積分: 812

74^#

發表於 05-6-9 19:50 |只看該作者

Re: 餵人奶分享

技安,
你個B重得好好呀, 其實大約頭一個月會重1KG左右, 你個B重得冇問題啦, 小便6條重的片就得, 係要墜手果隻, 佢食既時間短左, 會唔會係你上左奶, 佢快左食飽?

私人傳訊

積分: 14426

75^#

發表於 05-6-9 21:17 |只看該作者

Re: 餵人奶分享

Zukina,
我奶量比起初初多好多呢! 多到有時見佢一路食一路漏, 但是應該唔關係佢快飽左, 因為之後佢仲食一安奶粉, 唔知係咪食人奶有安全感, 所以佢特別易訓著??!!

私人傳訊

wing1206

伯爵府

積分: 17271

76^#

發表於 05-6-10 00:17 |只看該作者

Re: 餵人奶分享

各位
我係餵全人奶呀,我已經餵第三個啦,之前嗰2個都只係餵咗3個月,因要返工,呢個唔洗返工可以餵耐D,姑娘重話我餵得好好,BB都重得好好,姑娘重成日捉我去母乳餵哺到傾計,你地千其唔好放棄呀,

http://hk.myblog.yahoo.com/handmadeson

私人傳訊

積分: 1515

77^#

發表於 05-6-10 12:54 |只看該作者

Re: 餵人奶分享

bblui

我完全明白你的情況, 因為我阿b這幾日都是這樣, 尤其是星期二打完針及出完街後. 他這幾日不停要飲奶, 基本兩小時飲一次, 有時扭眼瞓時更不停要啜, 又昨日整日不肯自己在床瞓,要扭人抱, 差d比佢玩死! 佢有時仲要飲一邊不夠而要飲兩邊, 我的乳頭因為不停比佢飲搞到紅晒!

由於bb以往不是這樣, 我相信是"猛長期"或因肚風影響心情. 有關"猛長期"你可以看母乳餵哺其中一個topic, 你要看完所有留言, 因為原來好多bb都是這樣. 我看完後心情都好好多同埋不會再懷疑餵母乳.

這幾日基本佢要我都有比佢, 若覺得佢是扭眼瞓, 我就會試下"嗳"下佢. 因為我覺得阿b食奶除了肚餓外, 亦希望有多安全感. 我阿b今日表現有安靜返, 瞓到覺, 希望佢繼續都是這樣!

你家中有沒有人可以幫手? 一個人力量有限, 找家人幫輕下, 你便可以儘量休息. 努力, 好快雨過天清呢!

私人傳訊

積分: 1515

78^#

發表於 05-6-10 13:38 |只看該作者

Re: 餵人奶分享

Zukina, mrs_e.c

我聽姑娘講1個月要重0.5kg, 我阿b重0.6kg, 難怪佢話仲可以重多d, 原來正常要重1kg, 那我今個月要努力努力了!

mrs_e.c

係呀, 佢一飲飽就會瞓住覺笑, 好似好滿足, 個表情好得意!

bb現在體重增加及無黃是好的開始, 母乳路漫長, 繼續努力!

私人傳訊

bblui

積分: 1081

79^#

發表於 05-6-10 15:22 |只看該作者

Re: 餵人奶分享

fannylok,

want to type in chinese, but it'll be quicker if i type in english... thank you for your encouragement... i have a helper to help me during the "sit moon" period, but i think i need to hire a part-time to help me afterwards...

i also hope 雨過天清... my bb was 3.23kg at birth & yesterday (day 19) he weighs 3.72kg... his weight gain makes me v. happy... today, i was thinking abt giving him formula milk... but when i thought abt his health & how much he gained when he eat "mama's milk", i put the formula milk away & direct b-feed him... i hope i can remain positive la...

技安,
my bb is also born on 22 may...

私人傳訊

cathymom