吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 大仔大女媽媽會› 19/6 (Sun) 早上Playground試堂 - 後記

大仔大女媽媽會今日: 0|主題: 177861

收藏本版

發帖

返回列表

跳至頁

樓主: karenal66

[2004年或之前] 19/6 (Sun) 早上Playground試堂 - 後記 [複製鏈接]

1 2 345

karenal66

複式洋房

積分: 410

61^#

發表於 05-6-19 17:07 |只看該作者

Re: 19/6 (Sun) 早上Playground試堂 - 後記

大家今天試完堂怎樣呀, 我自已就差不多散哂, 實在好倦, 而我阿b好似不太習慣見那麼多人, 戇居居噉.又可能她嬲她爸爸最後都因為要開工嚟唔到和她玩, 阿b, 無法啦, 要養大你, 實在要好多努力地工作賺錢架.

另mit都想知道一下大家試完堂之後的意見, 如果大家有就在此留言啦. 至於我自已就覺得playgound是否有用都係一半半, 因為實在難於睇到她的反應, 但另一方面又覺得比阿b接觸多些新事物好過成日淨係對住屋企個印印.你吔又點睇?

rudiho, 實在感到驚訝你要多謝我. 因為我都係做個小小聯絡人吧了. Anyway, 在此補祝你和各位bk爹吔父親節快樂, Happy Father's Day!!!

私人傳訊

盈盈BB

大宅

積分: 2127

62^#

發表於 05-6-19 20:39 |只看該作者

Re: 19/6 (Sun) 早上Playground試堂 - 後記

karenal66,

都唔係呀 ! 你阿b今日都好精靈, 起碼唔會喊左出黎, 總好過我"盈盈", 喊到唔知幾大滴眼淚, 幾唔習慣呀 ! 最後仲扭食奶同訓左覺, 你阿b到最後都仲係都玩緊, 幾投入呀 ! 我同你一樣, 唔想佢淨係對住奶奶同印印, 希望佢可以見多d人同其他bb一齊玩囉.

我自己可能第1次比"盈盈"參加playgroup, 唔太識睇, 不過我同老公就有少少感覺, 覺得地方細左少少, 可能係試堂關係, 人亦多左少少, 正式可能無今日多人卦 ? 其實我都同你一樣, 覺得只係1堂係幾難於睇到她的反應, 不過, 我自己就希望再幫佢報下其他playgroup試下堂, 睇佢鐘意邊度同邊度適合佢, 然後至幫佢報名囉 !

如果各位再有其他playgroup d資料, 請幫幫忙話我知呀, 唔該哂 !

祝大家各位有個開心難忘的父親節啦 !

私人傳訊

wing_BB

大宅

積分: 1965

63^#

發表於 05-6-19 22:40 |只看該作者

Re: 19/6 (Sun) 早上Playground試堂 - 後記

karenal,

我都好多謝你arrange今次的playgroup，我本人覺得其實playgroup是一個可以令bb見多d bb的地方，等佢第時會識得同小朋友玩，至於學的東西，其實同很多書講的差唔多，只不過有時係屋企唔得閒同佢玩。mit的理論同我係小童群益會的差唔多。

我地一家人今日都玩得好開心，頭先睇番d video真係好開心，因為可以一班10月出世的bb一齊玩，真係好難得呀！如果可以的話，我覺得可以gather每個月去一次就足夠，可以大家一齊玩下呀！

最後，再次多謝你的coordination。

私人傳訊

fostermak

大宅

積分: 3824

64^#

發表於 05-6-19 23:17 |只看該作者

Re: 19/6 (Sun) 早上Playground試堂 - 後記

karenal:
好多謝你o既安排呀,等思晴有得玩,又可以見下咁多朋友仔．
因為我都係第一次參加playgroup試堂，所以無得比較，好難俾評價，我下星期二會帶思晴去另一間試，或者之後我再講下啦．

其實咁多個items，思晴最鍾意係唱歌跳舞，我一路抱住佢向左向右fling，又轉圈又抱高，思晴好鬼enjoy，又笑又叫，但係我呢個媽媽，播完第一首歌我已經頂唔順，小休一會，如果正式ｏ既課程係咁，睇怕係玩家長多過小朋友玩，咁我會等思晴大個ｄ，識行識走先再試咯．

其實ｄ遊戲可以家長同小朋友響屋企玩，但出黎玩playgroup最緊要係俾機會有咁多小朋友一齊參與，
或者大家可以自己組埋一齊睇書輪流帶，租club house玩都得架．

我家有三個妹...

私人傳訊

annalee

別墅

積分: 639

65^#

發表於 05-6-20 11:05 |只看該作者

Re: 19/6 (Sun) 早上Playground試堂 - 後記

真係多謝哂karenal的安排,等我哋一家人可以enjoy到playgroup的真樂趣,講真,今次係第一次玩,估唔到玩到咁累,夜晚仲要去食飯,返到屋企立即幫阿囡沖涼及餵奶,嗰時都差不多11點,累到我擹擹腰,所以今日先有力氣上網,
阿囡因為是第一次參加,加上第一次近距離見咁多小朋友,佢初頭有啲驚,後來唱第一首歌仔時,都玩得幾開心,但在安靜時刻時,就喊咗出來,因為扭眼瞓,唉,人哋就安靜,佢就喊,認真失禮

.
但總結都好好玩,下次再有,我又得閒的話,一定參加,可以俾囡囡見吓世面嘛.

多謝你呀,karenal

私人傳訊

siubakto

大宅

積分: 3016

66^#

發表於 05-6-20 21:38 |只看該作者

Re: 19/6 (Sun) 早上Playground試堂 - 後記

我覺得參加完這個試堂，最辛苦的是爸爸媽媽對手，我今天隻手非常酸痛。整體上我覺得都可以的，但如果以正價的價錢就真係比較貴。

私人傳訊

cat_house

大宅

積分: 4108

67^#

發表於 05-6-20 23:25 |只看該作者

Re: 19/6 (Sun) 早上Playground試堂 - 後記

karenal66,

我都好多謝你o既安排呀!Felix都係第一次上playgroup,除了玩得太倦瞓左一陣之外﹐佢都玩得好開心。我覺得playgound都有用既﹐一來Felix可以和多些朋友仔玩﹐二來作為新手媽媽的我學多少少和Felix玩的方法。

fostermak, 你會去邊一間試?我都想安排多幾間比Felix試下。

私人傳訊

siubakto

大宅

積分: 3016

68^#

發表於 05-6-21 07:33 |只看該作者

Re: 19/6 (Sun) 早上Playground試堂 - 後記

fostermak,

我都想試多幾間呀。

私人傳訊

BoBMa

大宅

積分: 2302

69^#

發表於 05-6-21 18:47 |只看該作者

Re: 19/6 (Sun) 早上Playground試堂 - 後記

karenal,
唔該哂你！

正如其他媽咪話一樣，上完playgroup成個人散哂！
由於我一直有參加協康會的baby health gym，所以對於mit試堂的評價只是相比較的結果：

1. 活動夠多樣化！
2. 那兒的玩具都新淨及多種類！
3. 可能是試堂關係,太多b參與了,有點擠逼!
4. 地方太細,沒有足夠地方供媽媽等候（堂與堂之間）、媽媽餵奶及換片!
5. 商場電梯大堂有樓梯，不方便推ｂｂ車的媽媽！
6. 協康會那兒有一個物理治療師帶組（一班8個Ｂ）,另有一位姐姐幫手,遇到BB漏口水，放玩具入口等會立即清潔；落堂後更有幾位姐姐用消毒布抺地墊(覺得衛生好多！)

由於地點對我來說太遠，ｂｂ去到已經扭眼瞓！

私人傳訊

盈盈BB

大宅

積分: 2127

70^#

發表於 05-6-21 22:17 |只看該作者

Re: 19/6 (Sun) 早上Playground試堂 - 後記

BoBMa,

協康會的baby health gym, 我今日都有問過, 可惜佢話要我waiting list, 排到60幾, 要等佢覆, 佢話可能要等到明年Exploration for Tollders喎, 我亦唯有邊等邊再搵其他playgroup啦 ! 你有無其他playgroup參加過, 而又幾好架 ?

私人傳訊

BoBMa

大宅

積分: 2302

71^#

發表於 05-6-21 22:32 |只看該作者

Re: 19/6 (Sun) 早上Playground試堂 - 後記

小盈盈,
我只是去過協康會的baby health gym!如果有其他資料再share 俾你ya!

私人傳訊

盈盈BB

大宅

積分: 2127

72^#

發表於 05-6-21 22:46 |只看該作者

Re: 19/6 (Sun) 早上Playground試堂 - 後記

BoBMa,

真係唔該哂 ! 我重未搵到其他playgroup可以參加, 希望可以快d搵到比"盈盈"再參加, 又可以玩下囉 !

私人傳訊

fostermak

大宅

積分: 3824

73^#

發表於 05-6-22 02:03 |只看該作者

Re: 19/6 (Sun) 早上Playground試堂 - 後記

HI,我o岩o岩尋晚帶左思晴去荃灣南豐中心o既Brain Builder Learning Centre"Brain Aerobics Playgroup"試堂，係屋企人訂媽媽寶寶送ｏ既免費試堂，限六月卅日前使用，但我屋企人個ｂ仲未出世，根本用唔到，就送左俾思晴用．

不過我未去之前對呢間o既印象係麻麻地.
事緣我兩三個月前已打去預約,佢地o既態度令我覺得,佢地唔想做我生意咯.點解咁講,打去約時間,約星期六，又話冇堂o岩咁細個bb,約星期一或日或公眾假期，就話休息，咁我剩係得一至三方便請假，約改期又話未出Schedule．

成堂上左35分鐘,係單對單上，講不上係playgroup,因為得一個導師單獨教思晴一個.導師頭半節玩左一些遊戲測試思晴ｏ既手眼耳的能力，例如
1.玩樂器,例如俾鋃鋃思晴，叫佢同導師一齊玩,思晴就伸手要埋姐姐個鋃鋃.
2.用手執碗內的通身粉，訓練左右手及左右腦協調
3.跟住去另一間房,將思晴放響大波波同細波波上,向前向後推
4.教爸爸媽媽放bb響大毛巾度,抬到半空
5.抱起思晴向左右，上下搖,訓練平衡力
6.按摩
每玩一樣，姐姐都會解釋原理，我老公都跟埋去,佢就覺得要俾錢就唔抵,我就覺得其實好多書同雜誌,都有介紹過 ,可以自己返去同bb玩都得.

地點方面,場地大過MIT,有三間房,但係冇擺咁多玩具俾bb隨便玩

如果開班,導師話最好係單對單,或二至三人一班.

我睇佢地o既課程介紹,主要係俾二至三歲o既小朋友,冇六至八個月咁細.

BoBMa:
協康會的課程係咪咁架？同埋係咪單對單上?

我家有三個妹...

私人傳訊

amypekkle

珍珠宮

積分: 37964

好媽媽勳章

74^#

發表於 05-6-22 07:33 |只看該作者

Re: 19/6 (Sun) 早上Playground試堂 - 後記

香港基督教服務處playgroup的一些資料

我與香港基督教服務處(hkcs)的廖太在星期六通過電話, 問了一些playgroup上課的資料及收費詳情. 原來hkcs的課程係十堂為一組, 如果某堂bb未能出席, 唔可以好似mit咁可以照"tun". 不過如果有另一班係差不多年紀的, 可以俾你上番, 但係廖太話 "基本上我地係冇補堂concept的" (可以在第二班上番, 但又冇補堂concept? 我都唔太明)

hkcs是沒有試堂安排的. 我向廖太要求到中心看看中心的環境及上課情況, 她告訴我星期日有一班一歲班, 我可以到場sit堂. (坐在旁邊的櫈仔睇人地上堂)

香港基督教服務處 ~ Sit堂Report
上課的房間約有300~400呎, 七個bb連同家長圍著導師廖太坐. 我到達時遲到了約十五分鐘, 廖太開始給bb看一張笑臉的貼紙. 跟住她逐個bb叫名等bb行去她面前取貼紙(係呀! 佢地已經個個識弓行了!) bb全部取完貼紙後便大家一齊唱了一首歌(唔知我有冇記錯), 之後就唱住歌仔玩划艇仔(父/母與bb手拉手對坐輪流向後"挨"). 划完艇仔後導師給每個小朋友一個內有通心粉的透明食物盒, 讓bb嘗試打開食物盒. 玩完之後係食餅仔時間, 大家先唱一首餅仔/茶點歌, 之後導師給每個bb幾顆星星餅 (我覺得呢個項目係教小朋友要同人分享, 大家一齊食餅餅). 最後係運動項目, 有一個布隧道給bb爬, 另外有一些障礙物(似跳竹竿舞咁放)讓bb行過. 之後仲有五分鐘倒先到落堂時間, 不過由於我太肚餓, 我地就離開了.