心聲留言 今日: 1|主題: 17515

CYK 寫道:
我細個時,呀爸又係成日鬧人,好似痴左線咁,佢最鐘意打我,真係現在唔死得/有內傷都算大命,家窮(有時連買米都有問題,唔好話有什麼肉/菜),媽咪日日都要返工(因日薪計),做家務,一切一切,係我記憶中,呀爸大部份時間失業/生病,或在家睡覺/出街,真係俾佢累窮,我未夠十歲全屋的維修工作就要靠我去做,油牆,木工,水喉(大D至做得,因要好大氣力),後來,就自動去煮飯,抺地來幫輕媽咪,學業一般,到中四就懂去幫人補習買參考書/文具,到大學就自負"營"虧(交通,飲食,書本),學費(grant&loan)

出來工作後,就唔再俾呀爸打我,因為唔洗要靠佢的簽名交文件,真係有"走出生天"的感覺

童年?只係記得好辛苦去整返好D爛傢具來用,都係一路做一路俾呀爸鬧,有時做完仲要俾佢打 ,話唔合佢意喎,但叫佢做,佢話自己唔夠力,咁我得十歲又有幾好力氣
[quote]
may05g 寫道:
嘩∼∼∼∼乜你咁慘架．．！
我細個時成日聽呀爸鬧呀媽,由細鬧到大..
我同佢好似溝通唔到,佢d要求我永遠冇可能達到,
大個後搬了出來住都係因為怕左佢,我好驚有一
日我忍唔住錯手殺左佢又或者佢殺左我...果時大家
日日都見面, 但係好陌生...好陌生..就算我有急事,
如 : 外界糾紛/ 做手術...佢都唔會關心同埋會,
我覺得有時會好孤獨, 所以大個左之後變得好保護
自己...

lulu媽媽 寫道:
冬菇頭:我都係有兩間細屋0咼,仲係打對面添,0個時幾開心(開始大la,不過唔記得幾時la)我同阿麻一間,我爸爸同我阿嬸佢地一間(我爸0向大陸娶番黎既老婆),唔洗對住佢呀ma,好日都唔會過去既, :-x 我都冇叫你估我讀邊間,好衰架... 除左我0個間仲有間至正....估唔倒la,開估啦 :mrgreen: ,為食街0向49座後邊近住聖包思高小學架,你知唔知49座晌邊呀 其實我唔係好記得你0個座晌邊0咼 我有去萬年睇過戲呀,最後期0個時同我以前個男友去,成間戲院得我地兩個乍,而家諗起都幾恐怖0咼,間戲院咁舊都唔知有冇......

JoJo* 寫道:
我的童年係住屋邨, 屋企經濟都唔錯, 起碼想要的玩具, Daddy都會買比我地; 另外隔離左右的小朋友的年齡同我差唔多大, 所以果陣我有一班好朋友仔, 成日通山跑, 十足牛王妹; 我地有嘢食又一齊share; 又成日去士多玩"潛"嘢, 又上山捉金絲貓, 總之每一日都好開心.

唯一唔多happy的, 就係亞媽重男輕女, 不過好彩我Daddy係0鍚女多d.

lulu媽媽 寫道:
冬菇頭:我好細個就跟阿麻去中央球場睇神公戲,好多時都睇到好夜架,你仲有冇去慈雲山呀,而家真係成個迷宮咁,我試過0向入面盪失路,又試過搭的士入錯路口 係呀我醒唔起有聖文德0咼,乜要剪椰蓋頭咁慘架 你係咪要返工架,平時幾時入bk架

KarenC 寫道:
我6歲前係住木屋架，到小一先搬去公屋~ 以前住木屋o個時有條好長o既樓梯，有個後山，o個時住山腰，成日都上山頂搵朋友仔去後山玩架~ 到搬左公屋就會搵鄰居玩，都有同我差唔多大o既小朋友~ 不過搵得最多o既都係同學仔~

而我屋企有個好惡o既老豆，同埋林善得o黎煮食送又好食o既阿媽，其實童年都幾幸福架，因為有好多玩具，係衰在老豆俾打我~~~

曉韻媽媽 寫道:
童年......唔開心嫁!!
最唔開心係讀小學...... :cry: :cry: :cry:

lulu媽媽 寫道:
KarenC 係你比爸爸打定你打爸爸呀

Karson91 寫道:
lulu媽媽原來我地係舊街坊黎架!
各位慈雲山舊街坊, 你好嗎? 見到你地所描述的情形真係勾起我好多好多童年時的回憶:
我仲記得以前最近山邊的就係51, 52 及53座! 而係52座有好多街邊小食你地仲記唔記得?
有: 格仔餅, 魚趐, 豆腐花, 涼分, 車仔面, 粉仔…冬天就有煎羅白糕, 炸魚旦….仲有係52座有間”明記冰室” 因我住52座所以我好記得, 同埋我有好多姊妹所以成日都四維走。

我仲記得係49座有好多飛仔的, 而48座就都有好多野食, 唔知你仲記唔記得係48同47座之間有d鐵玻起的地方有好多野食架, 有奶茶同果d 鍾頭飯…真係好懷念。

KarenC 寫道:
[quote]
lulu媽媽 寫道:
KarenC 係你比爸爸打定你打爸爸呀

lulu媽媽 寫道:
冬菇頭,我住0個座唔係中央球場對面,中央球場對面係47座,51座要入到最裡面架,咁以前你地0向邊道買送架 神公戲好似做潮州同學佬戲架 我都唔中意睇架,不過貪0個道有車仔買野食乍 我係全職C奶呀 你住0個座係咪近住5C,2F總站架 咁你而家住係邊一區呀