論盡家傭 今日: 1 | 主題: 134088

積分: 479

61^#

發表於 11-6-25 03:28 |只看該作者

回覆:究竟係咪要我去跳樓自殺先有人幫到我

其實成件事係咁樣，有一曰佢突然同我講話聽曰想請一曰病假去睇醫生（佢平時係放星期曰，但果曰係閒曰），我問佢咩事佢話頭痛同肚痛，我話不如我同先生陪你去屯門醫院睇啦，佢即刻say no話自己喺元朗睇開一個私家醫生想去返果度睇，仲堅持唔使我地陪佢，因為第二曰我同老公都要返工又見佢好似無乜野咪費事特登攞假陪佢囉，但我當時係有同佢講明睇完醫生後一定要即刻返屋企，因驚佢喺條街暈低就大獲，亦有講明返到黎係唔洗佢做野淨係休息瞓覺就得喇，佢都有應承我，點知第曰一朝早八點都未夠就唔見左人喇，打比佢又唔聽電話，一路到下晝都未見人，再打比佢就連電話都熄埋，當時其實我有懷疑過佢會唔會走左上大陸墮胎（因我一路都有留意佢幾時M come，發覺佢已兩個月無黎，但又諗佢未結婚又無拍拖無理由會大肚架，平時佢放完假我問佢去左邊玩，佢通常只得兩個答案，一係就去黃金海岸個沙灘坐喺度睇書，一係就話去學琴，我又真係信，但呢次唔知點解我直覺就話比我聽佢一定有啲野），跟住又比我摷到佢衣櫃入面有一張買驗孕棒嘅單，我即刻打比個A準同佢講，但A準就話我諗多左，佢可能係幫啲姊妹買，同埋佢本passport仲喺佢度keep住，所以一定返唔到大陸，之後個A準都有試過打比佢但一樣打唔到，一路直到夜晚八點幾個賤人終於返左黎，但明顯得返半條命咁，面青口唇白，四肢無力行都行唔穩，問佢全曰去左邊，佢竟然話睇完醫生食左藥之後太眼瞓所以喺元朗租左間房瞓，瞓醒就已經係七點幾已經即刻返黎，無開電話嘅原因就係因為無電，之後比張醫生紙我睇，醫生話佢腸胃炎，果一刻我已好唔信佢，覺得個理由好唔合理，無啦啦去租房瞓覺？！好多錢呀？！跟住仲留意到佢去廁所好密，仲見到個垃圾桶有幾塊勁多血嘅姨媽巾，最離譜係一個中頭入面換幾塊喎！塊塊都勁多血喎，好唔正常囉！再過多一陣我見佢個樣都仲係好唔掂咪提意不如入急症睇下咩事，佢死都唔肯一味話瞓醍就無事，最後話要call白車佢先死死地氣跟我地去，入到急症時條賤人就猛同醫生講話無事，只係腸胃炎唔舒服姐，個醫生又九唔搭八照當佢係腸胃炎照開藥比佢就叫我地同佢返屋企休息，仲開埋聽曰病假比佢叫佢抖多曰，第二曰我已同老公商量好等佢放埋今曰病假就即刻賠一個月比佢送佢返歸，點知到第三曰即係病假之後果曰一朝早，我拎住一疊文件諗住ko佢時唔知佢係咪意識到我要炒佢，竟然快我一步走黎同我講話個頭突然之間超痛，仲話應該係有腦癌，因佢老豆係腦癌死嘅，所以話自己有都唔奇，仲即時要求要入醫院check，我唯有帶佢去啦，個醫生聽完佢吹完啲病徵之後就話似係腦膜炎，要安排入院照腦掃描（呢個時候我已走左，因政府醫院唔係探病時間唔比陪住，只係比我搞完入院手續就要我走，跟住發生嘅事就係我當曰下午再去探佢時個姑娘話返比我聽），上病房後姑娘話要證實佢一定無懷孕先ok，因有幅射大肚婆唔照得，就係咁誤打誤撞咁同佢驗尿，當時個結果係有，姑娘就問個賤人知唔知自己有左，佢死話無可能，姑娘唯有叫佢再痾多次尿驗多次，但佢死都唔肯痾話唔急，直到個姑娘見到佢鬼鬼祟崇咁打左個電話，收線後唔夠半個中個賤人無啦啦行出去病房出面，個姑娘又醒目跟住佢，見到有個印藉人士比左袋膠袋佢，入面好似有隻杯咁，個賤人即刻拎埋袋野衝入廁所，轉頭返出黎就比左篤尿比姑娘話啱啱已痾左，姑娘再驗今次結果係無，跟住姑娘話覺得好奇，點會時有時無，就拉埋圍住病床啲簾叫個賤人喺佢面前痾，個賤人梗係唔肯啦，仲鬧個姑娘點解又要驗多次，頭先咪驗左無囉，姑娘就同佢講因為懷疑果篤尿唔係你所以要驗多次，當時個賤人即刻除褲拎塊有血嘅姨媽巾比姑娘睇，質問姑娘黎緊M點會有可能係有咗BB，之後我就黎左，姑娘就同我講返頭先發生嘅事，仲話從未見過咁古惑嘅印傭，換尿都做得出！跟住姑娘就話暫時都未確定佢究竟係咪有咗，驗尿又時有時無，唯有安排佢今晚留院，聽朝一早捉佢去照超聲波就知真相喇！到左第二朝一早我就收到姑娘嘅電話叫我即刻去醫院，因超聲波照到個個賤人個子宮入面有個已死嘅胎盤，建議佢要即時轉介去婦科做刮宮手術，如果再拖可能會有生命危險，但個賤人喺度發顛嘈住要出院，話無大肚又何來有死胎，無啦啦刮咩宮，所以姑娘就叫我去勸下佢，我去到之後醫生姑娘仲比埋份超聲波圖比我睇，教我睇邊個係個死胎，話其實正常係唔比得我睇，呢啲涉及病人私癮，但我地真係好睇唔過眼亦都知佢一定唔會同你講真說話所以先比你睇，我有問點解個胎會無啦啦死左而又殘留舊野喺度？醫生話應該係佢曾經食藥墮胎但無刮宮，只係留返個胎盤喺度。我扮冷靜平心靜氣同個賤人傾，當時醫生姑娘都在場，病床隔離亦有其他病人，我話而家情況好嚴重，首先已唔係追究你係咪講大話嘅時候，因已涉及生命安全，無論如何都要做左個刮宮手術先再算（我當時同佢嘅關係都仲ok，因為我扮到好信佢咁，完全無話過佢），但佢都仲企硬堅持自己無可能有咗，我話會唔會係你放假時同男性有過親密行為你自己唔記得左呀？條賤人竟然答我：太太，咁耐以黎我只係同你個仔接觸過同瞓過覺，咁係咪都有機會有BB呀？！更何況我而家仲黎緊M！我即時O咀啦！個醫生睇唔過眼仲即時插佢叫佢唔好當呢度係印尼，唔好低估香港嘅醫療科技，超聲波都照埋唔到你唔認，有無過性行為你自己最清楚，呃人都無用！條賤人無聲出，我大佢同佢講既然你堅持呢個醫生屈你，你更加要上婦科做個詳細檢查，同埋唔證實你真係無懷孕又點安排你照腦掃描呀？婦科有多啲先進嘅儀器，再check過就知，佢先好唔願意咁應承左，但就話自己個頭已一啲都唔再痛，唔需要照喎！上到婦科做完檢查後個賤人竟然同我講真係下面個醫生搞錯左，頭先再照證實佢子宮入面果啲係上次黎M殘留嘅血而唔係咩胎盤，仲話好少事唔洗理，下次黎M時會自然流返出黎，醫生只係叫佢留院觀察多一晚聽曰就可以出院，我梗係唔信啦！即刻走去問個醫生究竟個賤人係咩事，個醫生答我無可奉告，唔可以透露病人私癮，想知就問返個病人，我就直情同醫生講個賤人同我講嘅情況，叫佢只係答我係定唔係，但都係無可奉告，勁無奈！我唯有離開聽曰先再黎接佢出院。第二曰我特登叫埋個A準出黎一齊接佢，諗住有咩事都叫有個證人喺度，未入病房前我已同A準溝通左接左佢出院後我係想炒佢賠返一個月比佢，亦都有提過如果唔洗比一個月就最好，我仲問其實可唔可以用佢嚴重缺乏誠信呢個理由去解僱佢唔洗賠，當時A準無答實我，只係話要睇係咩情況，我地去到病床同佢一齊執野出院，我聽到A準問佢係咪有左BB同有冇墮過胎，佢全部都否認，依然繼續講返佢嘅單身理論，又話唔明點解無人信佢，果下我真係忍唔住，我叫佢比晒啲醫生證明+病假紙比我，我諗住可能喺啲報告上面會睇到佢嘅病況，但佢就淨係比左張取藥單我，話姑娘只係比左呢張佢，我話無可能，最起碼病假紙都有張掛，話晒都住左兩晚醫院，但再問佢都係話無，我即時要求佢喺我面前再摷下個手袋，但佢突然拎埋個手袋衝入廁所其中一格lock埋度門，我跟埋佢入去喺廁格出面聽到啲撕紙嘅聲音然後仲沖埋廁，好明顯係毀滅左啲野沖埋添啦！佢出到黎仲解釋話突然好急所以即刻衝去痾喎！我叫佢唔好扮野明明係毀屍滅跡，佢當然唔肯認啦！我即刻捉返佢出去再當面問個姑娘係咪淨係比左取藥單佢，姑娘好慶咁指住佢講：啱啱明明親手比左三張紙你，咁你都可以話比得一張？！條賤人即時又兜，話突然醒起唔係姑娘無比而係佢整唔見左姐！之後個姑娘就即時喺我面前再print比佢，總共三張，一張係取藥單，一張係住院證明（上面無寫係咩事住院），最後一張係母嬰健康院嘅轉介信，我問姑娘點解個賤人要去母嬰健康院姑娘又唔肯答，只係話總之無咩特別事就唔會去呢度，你自己諗下啦！我有問埋個賤人，佢就話醫生話佢經期唔準所以轉介佢去做下啲普通檢查，真係吹得就吹！我當時係估因為個賤人堅持唔肯喺屯門醫院做刮宮所以要長期去母嬰健康院檢查，完全無諗過佢個肚仲喺度！之後搞掂晒出得院，落到醫院大堂我再問多佢一次，叫佢坦坦白白話我知究竟發生咩事，係咪真係本身有左但又落左，佢都話無，堅持一開頭係個醫生屈佢！我真係勁嬲！咪話要即刻報警囉，跟住佢就話辭職喇！我已計過啲時間，佢而家個肚係真係當時果個，只可以估係因為佢落得唔乾淨所以個肚仲喺度，至於點解未上婦科前果位醫生同姑娘咁講就真係唔知道，但就真係比佢地累死！尤其是個姑娘！

私人傳訊

luckyyanb

積分: 4113

62^#

發表於 11-6-25 03:55 |只看該作者

其實有冇熟法律既媽媽可以教下萬一發生D咁既事.
第1時間應該點做?

私人傳訊

積分: 479

63^#

發表於 11-6-25 04:23 |只看該作者

回覆:究竟係咪要我去跳樓自殺先有人幫到我

審訊其間法庭已向屯門醫院申請攞左賤人嘅醫療報告睇，份報告就只係寫佢係幾時入院同出院，同埋最後出院時嘅情況，話照到佢肚入面有個窿（只係寫左個size但無寫係咩黎），需要轉介去母嬰健康院檢查。中間話懷疑佢墮胎又話果個係死胎呢啲野全部都無寫出黎！
個狗官話：
第一.雖然係無白字黑字寫明工人係懷孕，但母嬰健康院封轉介信已直接暗示左係，而我又睇過呢張紙，所以無理由唔知當時佢正係懷孕中（但其實全英文，仲有好多係醫學名詞，根本睇唔明，當初個官第一次睇時都話唔知呢封係咩黎，直到個姑娘上庭作證時佢問個姑娘呢張紙寫乜佢先知）
第二.佢唔相信點解工人要刻意隱瞞自己大肚，個個都知大肚大晒係唔炒得，無理由個工人仲蠢到自己辭職，除非係我迫佢

個賤人口供：
喺我入醫院嘅第二曰已知道自己有咗，當時好興奮，因為我同我拍左四年拖嘅男朋友感情好穩定，亦一早已有結婚打算（佢話佢男友係加拿大藉嘅印尼人，職業係電腦工程，月薪有萬六七，成曰要飛加拿大同香港兩邊走），我第一時間就話比太太知諗住同佢一齊分享我嘅喜悅，點知太太一聽到我話有左就話要炒我，話唔會請一個孕婦做工人，我好唔開心，當時我男友正喺加拿大工幹，我即刻打比佢同佢講，佢知道後都好開心，仲話會盡快返黎同我結婚，到出院時太太同先生迫我自動辭職仲話唔會賠錢比我，又話如果我唔肯就報警拉我，恐嚇我喺香港未婚懷孕係好大罪，會拉埋我男友去坐監，我好驚，唔想影響到我男友嘅工作同聲譽，唯有被迫應承，事後我聽朋友講原來我懷孕僱主係唔可以解僱我，咁樣即係等於歧視，所以我一定要攞返個公道，我追究唔係為錢，因以我男友嘅收入我根本唔需要擔心，我只係為公義先企出黎告佢

咁嘅大話佢都up得出，將成件事歪曲晒黎講，仲要七情上面！

私人傳訊

sowsws

積分: 1083

64^#

發表於 11-6-25 05:01 |只看該作者

樓主,你0係大廈大堂同佢對質時,大廈管理處會唔會有錄影連聲音?

私人傳訊

mmnmm_m

別墅

積分: 582

65^#

發表於 11-6-25 06:53 |只看該作者

本帖最後由 mmnmm_m 於 11-7-23 21:55 編輯

Good luck

私人傳訊

diong

水晶宮

積分: 57108

66^#

發表於 11-6-25 07:43 |只看該作者

工人大左肚真係大晒...唯有野就叫佢做..如果佢話唔舒服唔得..就叫佢親手寫告假寫請一日假...扣佢人工...
請個工人返來都係想佢幫手做家務..倒頭來仲要照顧多一個人轉頭..真係煩到死呀..

私人傳訊

gemiling

翡翠宮

積分: 82477

畀面勳章環保接龍勳章

67^#

發表於 11-6-25 08:01 |只看該作者

引用:審訊其間法庭已向屯門醫院申請攞左賤人嘅醫

原帖由 crissy 於 11-06-25 發表
審訊其間法庭已向屯門醫院申請攞左賤人嘅醫療報告睇，份報告就只係寫佢係幾時入院同出院，同埋最後出院時嘅 ...

樓主，講真我好同情你ge遭遇，但系gam睇完更加係覺得你係因為佢有佐/懷疑有佐而抄佢或想佢辭職。因為如果當時佢系墮得清ge，你會有可能吾炒佢ga。gam樣已經構成懷孕歧視啦。
唯一當時你可以做ge係錄音所有發生ge事證明佢話佢無懷孕。不過當時兵荒馬亂我諗你都一定無諗甘多。

算啦，以佢ge情況bb出生後可能會有好多後遺症 (因為胎盤有問題)，你當自己做佐好事捐佐錢俾佢同你小朋友積德啦。

同埋，我覺得個官呢次真系依證據(不論真假)黎判，我吾系好認同你叫佢狗官囉。

私人傳訊

rean_chau

積分: 28591

68^#

發表於 11-6-25 10:17 |只看該作者

其實樓主, 你點解會比個護士上庭做證既? 如果佢係你辦方證人, 你個律師應該會同佢夾夾口供, 係庭上會點樣問點樣答. 仲有, 如果佢只係為左保份工, 佢大可以唔出庭作證, 無理由要調轉槍頭向住你...出庭之前你無問過佢架? 佢似玩你多D喎...

私人傳訊

積分: 479

69^#

發表於 11-6-25 12:06 |只看該作者

回覆:mmnmm_m 的帖子

我唔係懷疑佢懷孕呀，而係肯定佢已懷孕同埋已墮胎，出院時我明知佢無做到刮宮，就咁接佢返屋企佢可能隨時死，加上我BB喺屋企更加無可能比佢再接觸我個仔，個肚又唔知喺邊搞返黎，醫生都話佢仲不斷流血係好嚴重，所以我先想喺醫院解決佢，同埋講真，咁樣比佢玩左幾曰，我就請足咁多曰假，同埋突然又無左工人，我就唯有辭埋職。

私人傳訊

rean_chau

積分: 28591

70^#

發表於 11-6-25 12:17 |只看該作者

回覆 crissy 的帖子

死佢都唔驚, 但驚你報警告佢?
呢D民族既思想好難理解!!!

私人傳訊

cfbb

男爵府

積分: 6969

畀面勳章環保接龍勳章

71^#

發表於 11-6-25 12:21 |只看該作者

本帖最後由 cfbb 於 11-6-25 12:21 編輯

樓主:
老實講,你的勝算真的不大。
只可嘆句人善被人欺。
但仍然支持你,努力呀！

私人傳訊

積分: 479

72^#

發表於 11-6-25 12:24 |只看該作者

回覆:rean_chau 的帖子

勞資審裁處嘅所有case都係唔容許請律師架，要去到上訴先有權咁做。當初個官問我成件有冇證人，我就諗起A準同姑娘喇！因為佢地都可證明個賤人由頭到尾都否認自己大肚同墮胎，而唔係好似個賤人嘅口供講一早已話左我知，更加個姑娘仲可以證明埋佢曾換尿同埋係佢同醫生親口同我講佢已墮胎，我都諗姑娘未必肯上庭幫我做證，始終涉及太多野，但我都照去屯門醫院搵佢，睇下肯唔肯幫我，我去到時係帶住口罩的，我淨係話：姑娘我有啲野想搵你幫手，都未繼續講落去佢已經話認得我，問我係咪比個工人害得好慘果個，咁我咪直接將我嘅情況同佢講同埋問佢肯唔肯上庭幫我做證，佢好快就應承我，仲話大家都係香港人一定會幫我，又叫我要出張傳票比佢佢先可以同醫院申請攞假上庭，就係咁我先放心晒，真係無諗過上到庭會變成咁。

私人傳訊

rean_chau

積分: 28591

73^#

發表於 11-6-25 12:26 |只看該作者

其實好匪夷所思...
流咁多血...可以唔刮宮, 可以出院, 最神奇係個胎仲係度, 仲不停咁大!!
香港醫生有無咁流丫~~

點評

miffypekkle 係呢,我都有咁既疑問.. 發表於 11-6-25 12:50

私人傳訊

miffypekkle

積分: 3787

74^#

發表於 11-6-25 12:55 |只看該作者

法律我真係唔曉,我想問, 點解法庭唔傳招當時醫院的主診醫生上庭作証? 要你私自搵個姑娘..?

私人傳訊

mmnmm_m

別墅

積分: 582

75^#

發表於 11-6-25 13:03 |只看該作者

本帖最後由 mmnmm_m 於 11-7-23 21:55 編輯

Good luck

私人傳訊

積分: 479

76^#

發表於 11-6-25 13:05 |只看該作者

回覆:究竟係咪要我去跳樓自殺先有人幫到我

同埋老實講，如果我唔係肯定個賤人已墮胎我一定唔會話報警！仲有，點解個官唔諗下，我會唔會明知佢係大肚都炒佢，我都係打工仔，亦曾經享有過前四後六嘅產假，話我迫佢辭職，點迫呀？用槍指住佢呀？同埋當時果個情況之下，你已經係肯定佢已墮胎（我無理由唔信醫生同姑娘），但佢仲不斷講大話，又換尿又沖啲報告落廁所，最重要係佢隨時會死架！一個咁恐怖嘅人，你地會唔會比佢繼續留喺自己屋企？！除左報警我可以做啲乜？身無屎點解要驚差人？

私人傳訊

積分: 479

77^#

發表於 11-6-25 13:10 |只看該作者

回覆:究竟係咪要我去跳樓自殺先有人幫到我

同埋老實講，如果我唔係肯定個賤人已墮胎我一定唔會話報警！仲有，點解個官唔諗下，我會唔會明知佢係大肚都炒佢，我都係打工仔，亦曾經享有過前四後六嘅產假，話我迫佢辭職，點迫呀？用槍指住佢呀？試諗下，如果你大左肚你老細迫你辭職如果唔係就報警拉你，你會唔會辭丫？同埋當時果個情況之下，你已經係肯定佢已墮胎（我無理由唔信醫生同姑娘），但佢仲不斷講大話，又換尿又沖啲報告落廁所，最重要係佢唔肯刮宮隨時會死架！一個咁恐怖嘅人，你地會唔會比佢繼續留喺自己屋企？！除左報警我可以做啲乜？身無屎點解要驚差人？

私人傳訊

FA8866

積分: 28578

好媽媽勳章醒目開學勳章

78^#

發表於 11-6-25 15:33 |只看該作者

miffypekkle 發表於 11-6-25 12:55
法律我真係唔曉,我想問, 點解法庭唔傳招當時醫院的主診醫生上庭作証? 要你私自搵個姑娘..? ...

因為樓主係被告,係民事上係要被告証明自己係無罪的,而佢要自己先搵証人,除非法官認為此証人好重要而被告又說服唔到証人出庭,法官先會考慮出傳票傳証人上庭.

私人傳訊

csansan