懷孕前後 今日: 1 | 主題: 330589

積分: 2649

61^#

發表於 05-11-15 17:36 |只看該作者

Re: 喂, 識於微時既媽咪, 入黎吹水喇~~(Part 2)

Winnie_C 寫道:
我今日煲左個湯好好飲, 係跟產前產後湯水果本書煲架, 功效係"養胎潤肺, 安胎消腫"
材料:
1. 蜜瓜半個(青皮果種) - 養心潤肺. 但我落左一個, 中間甜果o的留番黎做生果食.
2. 白朮5錢 - 安胎氣, 解燥臊, 消水腫. 在藥材舖買
3. 南北杏1襾 - 化痰, 止咳, 潤肺. 我平時買埋好多, 所以求奇落左一抓
4. 瘦肉 - 蛋白質 . 我自作主張改左排骨, 多o的鈣吖麻.
5. 火腿 - 入賢, 養陰 . 南貨店果種
6. 陳皮 - 中和藥性,
7. 紅蘿蔔, 粟米, 無花果 - 我自已加的, 令湯水甜o的吖麻.

我頭先試過個湯喇, 好甜好清潤, 飲完個喉嚨好舒服.

個蜜瓜有冇話要買幾熟架...煲幾耐呀, 啱唔啱我'小b豬'飲既呢, 我'小b豬'好鐘意飲湯架...係呢, 啲火腿係咪買真空包裝果啲呀, 有時喺超市都見到... :mrgreen:

私人傳訊

積分: 7177

62^#

發表於 05-11-16 10:18 |只看該作者

Re: 喂, 識於微時既媽咪, 入黎吹水喇~~(Part 2)

早晨咁多位靚媽咪, 今日係我最早添.

carol,

呢個湯"小b豬"梗係可以飲啦, 而家秋天乾燥最好添呀, 特別可以防止咳嗽架.
蜜瓜不要楝太熟的.
火腿要在南貨店買的才夠香, 例如"老三洋"等, 北角春秧街街頭有一間都唔錯, 真空包裝的看似得衛生, 但邊個可以保證包裝工場的環境呢? 而且我試過了, 一點味道也沒有, 你可以到舖頭嗅過, 覺得香才買, 怕肥的話可以叫伙記幫你切去肥的部份, 一次買多點也沒有關係, 放在雪櫃可以用很久的, 冬天打邊爐放一塊略肥的落去, 加一棵黃牙白及豆腐, 就是一個上乘湯底了.
煲湯一般都是水滾才落材料, (肉類要先出水, 魚煎香兩邊)大火煲半小時, 再收慢火煲二小時, 最後大火煲一小時, 落鹽調味就萬無一失了, 如果落了火腿要逐少落鹽, 因為火腿本身有咸味.

私人傳訊

積分: 2649

63^#

發表於 05-11-16 10:48 |只看該作者

Re: 喂, 識於微時既媽咪, 入黎吹水喇~~(Part 2)

早晨呀...

winnie,
多謝妳解釋得咁詳細呀...

不過果個火路就問題就略兼複雜咗啲, 又大火又細火既...

我一向既做法都只係先大火後細火就算, 冇話再大火既, 如果又再大火煲成個鐘咪好容易煲乾囉...

妳講果間'老三洋'等我呢個星期都去睇吓, 買番啲靚火腿先, 其實我都想買呢啲火腿好耐, 但一直唔知去咩地方買好, 唔該晒妳呀, winnie, 北角仲有咩好地方買野既, 介紹多啲比我吖...

私人傳訊

積分: 7177

64^#

發表於 05-11-16 10:59 |只看該作者

Re: 喂, 識於微時既媽咪, 入黎吹水喇~~(Part 2)

CAROL,

我一向用高身瓦煲黎煲湯, 所以冇咁易乾水架, 如果你嫌臨尾煲一個鐘時間太長, 咪煲半個鐘囉, 咁樣湯先會濃味O的架.
我以前多數去渣華道街市買菜, 二樓近扶手電梯落方向有一檔叫惠娟的菜檔便是我經常去的, 她買的菜略貴一點, 但好多是本港的, 有時白苦瓜都會有, 在SOGO買40元一條, 她買十多元咋.

私人傳訊

積分: 2649

65^#

發表於 05-11-16 11:18 |只看該作者

Re: 喂, 識於微時既媽咪, 入黎吹水喇~~(Part 2)

winnie,

我知邊間惠娟呀, 我自已好多時都會去渣華道街市買餸既, 但我厭惠娟啲野唔夠齊全, 得好少野買, 我間唔中先會幫襯, 不過我都冇話固定買邊檔既, 求其見檔啲野靚就會買. 係呢, 妳買魚同肉喺邊檔買架...

我自已就幫襯近電梯口果間豬肉同牛肉檔(兩檔同一個鋪位)既, 妳呢...

私人傳訊

wongwongbb

積分: 4703

66^#

發表於 05-11-16 11:42 |只看該作者

Re: 喂, 識於微時既媽咪, 入黎吹水喇~~(Part 2)

你地走晒過黎，差d淨得我一個，好彩搵得返，唔該晒阿jan~~

jan，
我都估你係開心到訓唔著喇，比我都會啦，孖胎中最想梗係龍鳳啦，真係恭喜晒你喇。

Winnie,
你煮送真係好有心得，我地呢d真係好日都唔食餐住家菜，睇你煮得咁易，真係諗下係時候要學下煲湯喇，我有個朋友生左個仔，出世時好重手，就係話飲得豬骨湯多喎，佢話佢阿媽差不多隔日就煲，唔知係咪咁吸收好多鈣呢。

[/url]

私人傳訊

積分: 7177

67^#

發表於 05-11-16 11:46 |只看該作者

Re: 喂, 識於微時既媽咪, 入黎吹水喇~~(Part 2)

唔係喎, 惠娟O的野好齊全格, 係咪你太夜去呀, 佢係好早買完架, 第日保證新鮮吖麻, 我就會打電話比佢叫佢留定, 因為我以前每朝都會榨蔬菜汁, 所以每日都買幾十蚊菜.
豬肉我會幫趁樓下花檔隔離果間,(隔一路仔) 以前有牛肉, 但最近執左(唔佑有冇開番)個老皮姓陳, 又係好好人, 我成日都打電話去叫佢留定O的靚肉, 有時我買瘦肉佢會問我要黎做乜, 如果我話煲粥, 佢會同我用鹽掩定先, 你知唔知排骨最好的部位叫"飛排"一雙豬只有二, 三斤到, 所以一早就會買清, 呢種排骨好軟滑, 蒸幾耐, 炆幾耐都冇問題, 你可以搵一日早O的去買黎試下.
魚我就冇邊間特別熟的, 馬寶道近天橋果邊有一間O的魚幾靚, 個賣魚佬梳個"撻", 油淋淋咁好易認, 但佢好吋, 只討好O的師奶, 我迫不得已先會幫趁佢.

私人傳訊

積分: 7177

68^#

發表於 05-11-16 11:50 |只看該作者

Re: 喂, 識於微時既媽咪, 入黎吹水喇~~(Part 2)

LO LO,

我係一個有乜大志的小女人, 自細就好鐘意逛街市, 入廚房搞搞震.
其實你唔煮餸都冇所謂, 但一定要飲多O的湯水, 雖然在西醫的角度飲骨湯只係得好少鈣質, 但一直以黎中國人都係以湯水黎調理身體, 所以飲多O的冇壞架.

私人傳訊

積分: 2649

69^#

發表於 05-11-16 11:50 |只看該作者

Re: 喂, 識於微時既媽咪, 入黎吹水喇~~(Part 2)

wongwongbb 寫道:
jan，
我都估你係開心到訓唔著喇，比我都會啦，孖胎中最想梗係龍鳳啦，真係恭喜晒你喇。

Winnie,
你煮送真係好有心得，我地呢d真係好日都唔食餐住家菜，睇你煮得咁易，真係諗下係時候要學下煲湯喇，我有個朋友生左個仔，出世時好重手，就係話飲得豬骨湯多喎，佢話佢阿媽差不多隔日就煲，唔知係咪咁吸收好多鈣呢。

妳都好大機會係龍鳯胎吖, 只不過妳唔話過我地知之嘛... :tongue:
哇, 乜妳唔識'主'飯架, 咁妳同老公平時食咩架, 出街食...

啲街野食得多冇益架, 尤其是妳而家大緊肚, 出面啲味精對呀b有影响架...

妳都係時候學吓煲湯'主飯'架喇, 第時妳唔食啫, 妳對孖b都要食架, 千奇唔好諗住靠晒個工人呀, 佢地'主'啲餸好食極有限...最好就煲多啲湯比小朋友飯, 我'小b豬'6個月大度就開始飲湯喇, 仲好鬼鐘意添...

私人傳訊

積分: 2649

70^#

發表於 05-11-16 12:03 |只看該作者

Re: 喂, 識於微時既媽咪, 入黎吹水喇~~(Part 2)

winnie,

其實我都好鐘意行街市買靚野架, 覺得係一種享受黎, 當然係放假既時候已經諗好晒買乜野, 然後去到街市慢慢'簡'困果種喇, 並唔係每日放工仆去街市求其買啲野返去'主'果種喎, 好鬼憎架, 又唔知買咩好, 又冇咩好野買囉喎...

所以我而家都叫菲傭去超市買埋就算喇...

等自已放假先安排食咩好野, 今個星期六, 我一定要整好教既'魚腩煲仔飯'呀...

私人傳訊

wongwongbb

積分: 4703

71^#

發表於 05-11-16 12:12 |只看該作者

Re: 喂, 識於微時既媽咪, 入黎吹水喇~~(Part 2)

Winnie, Carol,
算啦，係咪龍鳳我都會好開心，唔係唔話你地知，只係都未肯定姐，反正我老公成日都話係咩性別都已經好開心，因為兩個一齊黎，又得來不易，知我為左生bb捱左唔少苦(入過幾次手術室)，所以生仔定女都好開心架。
我唔係唔鍾意入廚，我以前都有煮送同焗蛋糕架，只係我老公鍾意出街食，佢唔鍾意屋企好大陣油煙味，有時工人煮送佢都要迴避，話d味好難聞，真係好似我有左咁怕油煙，其實我未有bb前都成日煮飯同煲下d簡單湯，但因為而家好怕陣油味，所以無入過廚房喇，同埋我老公成日都唔響hk，所以淨係自己食，不如求其食就算囉。第時有孖孖陪我食，我實落足心機煮啦，我其實鍾意食住家飯多d架，等我家響呢度學定先，第日孖孖就有餐好送喇。

[/url]

私人傳訊