吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 醫護健康 › 嬰兒醫護› 濕疹真係好討厭

嬰兒醫護今日: 0|主題: 79146

收藏本版

發帖

返回列表

跳至頁

樓主: Sharon1115

濕疹真係好討厭

[複製鏈接]

2 345 6...8

nurse_a

大宅

積分: 1111

61^#

發表於 12-3-5 11:58 |只看該作者

回覆：JJYau 的帖子

好多謝你的分享呀！
聽完個心都定點！
我bb 4個月大，由2個月大開始發，全身皮膚又乾又鞋，腋下頸同面試過有金黃葡萄球菌感染，呢個月反反覆覆搽類固醇同抗生素，時好時壞，最差時全面爛，痕到訓唔到，唔肯食奶瘦左勁多！而家醫生建議轉豆奶（原先全人奶係冇濕疹，後來加bellamy's奶粉），我再買左部機吸口塵蟎，本來全身乾的地方變白滑了！好開心！不過一停類固醇，條勁同面仔的rash又開始起！但至少，身手腳的皮膚都滑返哂！
而家繼續努力同天氣抗衡，保持屋企乾爽同勤做保濕，希望佢到左夏天會好點！
各位要加油呀！

點評

JJYau 記住夏天時都唔好曬太多/bb過熱!! 發表於 12-3-6 13:23

私人傳訊

PEGGY88

複式洋房

積分: 491

62^#

發表於 12-3-5 13:08 |只看該作者

本帖最後由 PEGGY88 於 19-12-3 23:33 編輯

-

私人傳訊

915sooky

大宅

積分: 4896

63^#

發表於 12-3-6 09:36 |只看該作者

回覆小Sin子的帖子

我朋友的家姐即營養師而家係加拿大幫我買酵素粉,沖來飲的比較吸收喎,香港我唔見有呢D野買,另外飲食方面,就例如(星期一食飯,星期二黎麥,星期三食喬麥,星期四薯仔,星期五番薯)分散佢,如果有5款澱粉質食得就5日輪流,有7款就7日,最好就多D輪流,蔬菜就冇咩所謂,肉就比少D,我睇書講皮膚問題的人係澱粉酶比正常人少,至於補充酵素就為有多食生的食物,酵素大約四十幾度就會死,所以我都會榨好多汁比個囡飲,我買了部幾千蚊的榨汁機,一日至少有3杯蔬果汁,我用過平價榨汁機,出來都係麻麻,我個囡之前大便比較難去,而家買咗部貴既就好好多,仲有我睇書講個D匹數勁D,人吸收好好多的,少數怕長計,總知就一分錢一分貨

私人傳訊

Pinkpling

大宅

積分: 3278

BK Milk勳章

64^#

發表於 12-3-6 11:40 |只看該作者

臭豬呢幾日好嚴重，仲有出水既情況，苦無辦法之下，睇左醫生，搽左藥，效果都麻麻，面仔好紅，尋晚佢辛苦又痕到瞓唔著，抱住佢，我終於喊左出黎，因為自己咩都做唔到。希望天氣慢慢好，佢抵抗力強d，濕疹都可以慢慢好﹗我已經係全人奶，食野又戒到好清，但情況都係不受控制…好苦惱，好心痛﹗

點評

JJYau 若果類固醇控制唔到出水情況,你用雪花膏!薄揸.！因為乾身好快收水!! 發表於 12-3-6 13:27

私人傳訊

CCelia

大宅

積分: 3773

65^#

發表於 12-3-6 14:12 |只看該作者

回覆：濕疹真係好討厭

加油呀！

私人傳訊

nurse_a

大宅

積分: 1111

66^#

發表於 12-3-6 18:35 |只看該作者

引用：臭豬呢幾日好嚴重，仲有出水既情況，苦無辦

原帖由 Pinkpling 於 12-03-06 發表
臭豬呢幾日好嚴重，仲有出水既情況，苦無辦法之下，睇左醫生，搽左藥，效果都麻麻，面仔好紅，尋晚佢辛苦又 ...

我bb呢兩日又係差左！用左類固醇都仲未見好轉！
之前我都好似你咁自己一個人抱住bb哭了，因為真好無助！
我地互相打氣啦！好彩有bk呢個地方俾大家share下！

點評

Pinkpling :mrgreen:

大家一切加油﹗相信佢地好快會好番﹗ 發表於 12-3-7 13:20

私人傳訊

小Sin子

男爵府

積分: 6581

67^#

發表於 12-3-7 08:37 |只看該作者

915sooky 發表於 12-3-6 09:36
回覆小Sin子的帖子

我朋友的家姐即營養師而家係加拿大幫我買酵素粉,沖來飲的比較吸收喎,香港我唔見有呢D ...

其實我上網見人話生薯汁可以醫濕疹 . 我都想試試.

可唔可以話我知你所講的酵素粉的名稱 ? 等我搵搵資料試下買 ? 我囝囝以前便便都有問題. 但睇左幾月共振之後 , 佢腸胃好番好多 . 就算唔食中藥的日子 , 自己都可以每日有兩次大便.

我絕對贊成為左健康 , 錢係值得花的. 最近說服緊老公俾我買 amway 的濾水器 , 成八九千蚊的 . 但可以過濾埋重金屬.

私人傳訊

915sooky

大宅

積分: 4896

68^#

發表於 12-3-7 08:52 |只看該作者

回覆小Sin子的帖子

生薯汁都係酵素,我都聽過,你可以試下,但好難飲喎,加D apple會好D

私人傳訊

小Sin子

男爵府

積分: 6581

69^#

發表於 12-3-7 08:56 |只看該作者

Pinkpling 發表於 12-3-6 11:40
臭豬呢幾日好嚴重，仲有出水既情況，苦無辦法之下，睇左醫生，搽左藥，效果都麻麻，面仔好紅，尋晚佢辛苦又 ...

pinkpling ,

我都係周不時一個人對住爛面的囝囝忍唔住喪喊的 . 喊左出黎會舒服 d . 濕疹 b 媽的痛 , 真係過內人先會明白. 加油呀 , 我地互相支持啦.

另外想同你分享少少野 , 我都係全人奶奶媽 , 餵到 15 個月 , 因為囝囝又濕疹大爆發 , 先決定斷奶. 嚴密控制佢飲食以助減輕病情. 濕疹 bb 所敏感的食物個個唔同 , 唔單止係中醫一般所講的濕熱野架. 七個月大時做過 blood alergy test , 我覺得唔準. 未再做其他敏感測試前 , 我唯有自己觀察囝囝每次食完我人奶的反應. 懷疑過佢敏感小麥 ( 後尾測到真係 ) 我嚴密戒口 , 所有面粉做的都唔食得 , 你可以想像我仲可以食乜. 只可以食飯同粥. 醫生又話濕疹唔可以食味精 , 於是過段日子又全天候住家飯. 有時佢地敏感反應真係可以好明顯. 好似我生日時去食 buffet , 禁品例如帶子同軟瞉蟹 , 我只係食左一小口咋 , 加上一小件 cake, 跟住果餐奶 , 囝囝一食完就即刻出粒粒 , 十分靈驗. 後尾做共振測試 , 先知我囝囝可以連一 d 冇諗過會敏感的野都敏感. 如節瓜. 所以你真係要自己觀察下咁去戒口.

我試過睇一個中醫醫濕疹 , 佢話囝囝爆濕疹爆得好嚴重 , 我餵人奶的話好難戒口戒得清. 叫我試能恩的低敏奶粉. 點知我囝囝食左低敏 4 日咋 , 即刻爆到七彩. 後尾先測到佢對牛奶敏感. 於是我即刻轉番全人奶.

同埋以我小小經驗 ( 囝囝濕疹左 1.5 年 ) , 就係佢地發濕疹時 , 要發的話 , 就係要發 . 唯一控制到的 , 只有類固醇. 發下收下 , 反反覆覆咁 , 都要預左. 所以你唔駛太緊張. 雖然我自己都係咁. 今日差左 , 會好唔開心 , 聽日好少少 , 又會有番希望. 就黎痴線.....

私人傳訊

Super-Man

侯爵府

積分: 24040

70^#

發表於 12-3-7 09:16 |只看該作者

濕疹b可唔可以飲人奶或奶粉? 聽人講要食豆奶, 是嗎?

點評

TVb08 唔一定~我個仔對牛奶同豆奶都敏感,要check過先知~ 發表於 12-3-7 10:38

私人傳訊

pinkykwlui

大宅

積分: 1095

71^#

發表於 12-3-7 09:36 |只看該作者

本人有些湯水好適合濕疹的小兒用, 因除了食藥外都要加埋湯水先好, 我個仔都係飲完這湯好好多, 有意請EMAIL :
[email protected]聯絡

SUKII

私人傳訊

Super-Man

侯爵府

積分: 24040

72^#

發表於 12-3-7 11:00 |只看該作者

本帖最後由 Super-Man 於 12-3-7 11:03 編輯

TVb08 唔一定~我個仔對牛奶同豆奶都敏感,要check過先知~

咁如果bb (4個月)未去check對什麼敏感, 醫生只說是嚴重濕疹, 想試吓呢幾日轉飲豆奶, 睇吓會唔會好轉, 你覺得可行嗎? 定係都要問過醫生先?

點評

TVb08 如果你唔想check都可以下先,不過bb就做左白老鼠~ 發表於 12-3-7 16:47

私人傳訊

Pinkpling

大宅

積分: 3278

BK Milk勳章

73^#

發表於 12-3-7 13:18 |只看該作者

回覆 Pinkpling 的帖子

JJYau, 係咪普通雪花膏就ok？尋日佢無再出水了，又無咁紅，我都keep住幫佢潤膚，幫佢帶手套仔。尋日開冷氣，等房既溫度濕度變化唔好咁大。不過尋日去健康院打左六個月既針，所以佢個人忟憎d，我發覺佢一發脾氣，面仔就會紅d喇…

私人傳訊

garsiu

大宅

積分: 2536

74^#

發表於 12-3-7 13:24 |只看該作者

我個囝都有濕疹，食緊阿麻籽油，同試緊布緯食療，好似好咗d,食多一陣再觀察。

點評

Pinkpling 我都剛開始食阿麻籽粉，因為餵人奶，試下阿b會唔會好d 發表於 12-3-7 13:34

私人傳訊

Pinkpling

大宅

積分: 3278

BK Milk勳章

75^#

發表於 12-3-7 13:32 |只看該作者

回覆小Sin子的帖子

小Sin子，多謝你﹗
睇左醫生，尋日又返健康院打針，姑娘都叫我keep住餵人奶，如果轉奶粉會仲勁。為左佢，辛苦d，戒清d都無計，真係寧願生濕疹既係自己。都留意緊自己食左乜佢會嚴重d，暫時都未有發現，希望只係因為天氣既轉變問題啦。我都盡量叫自己平常心面對，唉……但62,99一見到佢咁樣，就問，點解咁架，明明好d喎，好似無形中又俾左d壓力我咁囉。不過都唔理咁多了，我相信臭豬會好快好番既。可以响呢度分享下，個心都舒服d，好多謝大家既支持﹗一齊加油呀﹗﹗

私人傳訊

manfai2007

別墅

積分: 809

76^#

發表於 12-3-7 14:49 |只看該作者

回覆：Pinkpling 的帖子

加油呀！祝早日康復

私人傳訊

小Sin子

男爵府

積分: 6581

77^#

發表於 12-3-7 14:57 |只看該作者

Pinkpling 發表於 12-3-7 13:32
回覆小Sin子的帖子

小Sin子，多謝你﹗

Pinkpling ,

我絕對明白你o既難受 . 因為我奶奶都係咁的. 明明我係為個囝濕疹最仆心仆命果個 , 呢一年黎 , 每星期都帶囝囝去睇 1-2 次醫生. 又不停搵方法醫佢 , 自己又戒口戒到好慘. 99 就好似睇天氣報告咁 , 今日見囝囝好轉 , 就話 "宜 , 今日冇咁紅啦喎." 聽日見囝囝又差左 , 就話 "宜 ? 做乜今日又差左架 ?" 好似完全係我責任架. 點解濕疹差左 ? 我都好想有人答到我啦 , 你黎質問我做乜啫 ?! 又唔係幫手醫 bb .

係呀 , 有時我好唔開心時 , 都會安慰自己 , 其實遇到困難的唔只係我一個. 人地可以好積極堅強 , 我都要效法人地 , 唔好放棄. 加油呀 , 上黎呻下都有幫助.

私人傳訊

小氣囡囡

大宅

積分: 2300

78^#

發表於 12-3-7 16:50 |只看該作者

引用：各位同路人媽媽+,+我可以加入嗎+?+見大家盡

原帖由 小Sin子 於 12-03-02 發表
各位同路人媽媽 ,

我可以加入嗎 ? 見大家盡吐苦水 , 互相安慰 , 我都好想呻下.

睇到我哭咗，我仔仔由2個月大起有濕疹到而加2歲3個月，整整2年來晚晚都訓得唔好，我晚晚都要像上戰場咁守護住佢，好嚴重時，我係唔想帶佢出街，比人當異類咁睇住，但是咁樣就變成我剝削咗佢去街自由，對唔住仔仔，就算要受，就等我呢個做媽咪來受，都要出公園比佢玩下。有次係公園玩，比個小朋友指住我仔仔笑，你個面咁架…？跟住個家長仲好快趣咁帶住佢小朋友走，我個仔仔仲細唔識，嗰下個心好痛…。所以我好體會你心情。