母乳餵哺今日: 0|主題: 85707

收藏本版

回覆發帖

返回列表

跳至頁

樓主: helloman131

Deleted [複製鏈接]

1 2 34

joetreemo

子爵府

積分: 14242

61^#

發表於 12-6-22 16:36 |只看該作者

樓主, 幾個月之前, 我都有同你差唔多既情況.

當我準備好支奶, 要餵喇, 突然比人搶左我支奶, 叫我入房瞓, 休息...
阿B第一次去健康院, 我都無份去 !!!

(最後比醫生問佢地, 媽媽做咩唔黎, 佢地先發覺所有BB既媽媽都陪BB去健康院....)

我曾經都出過post講: """我係要人幫,不過請唔好搶走我個仔"""

我又係覺得C6唔係企我呢邊.
生完個幾星期後, 我同C6講, 我曾經有一刻想傷害自己, 傷害個仔...
我講比佢知, 唔係想嚇佢, 而係我知道問題好嚴重, 今次我打消左呢個念頭,
唔知到邊一次, 我真係做得出...
於是, C6開始好驚... 我就提議我抱埋個仔返外家.
我老公晚晚黎食飯探我地.

一住, 我住左兩個星期.
我先至走出呢個死胡同.

事後, 我明白到C6其實都係為我好. 屋企人 (連自己媽媽)都想我休息多啲, 怕坐月唔好, 整壞身子. 但, 個身子係我既, 我頂唔頂得住, 無人比我自己更清楚. 同埋我有同C6講, 湊仔係辛苦, 但係我都要堅持自己湊. 自此之後, 佢終於識企係我果邊諗. 雖然佢未必認同, 起碼佢知道我點諗先.

樓主, 如果你已經同你C6講過, 都係無用, 我真係建議你返外家. 或者搵間酒店住住先...

樓上有媽媽叫你帶埋C6,99去健康院係好架.. 而家健康院好concern產後媽媽情緒, 等啲姑娘""教育""下佢地, 或者有幫助架...

我成日都諗架, 以前啲女人生仔, (即係你99生你C6), 咪係自己湊仔, 先得佢今日識得教你湊仔, ... 今日, 佢又"叉"隻手埋黎, 他日樓主你又點識湊孫...????
人都係動物, 動物界都係父母湊仔女架啦, 邊有動物係爺嫲公婆湊孫架? 唔該唔好破壞大自然既定律.....

支持你..!!!