我小朋友差不多八歲,好耐無同佢去公園玩,尋日同佢去了,見佢自己一個跑來跑去,佢話好開心,但唔知點解我覺得佢好似好寂寞,眼見其他小朋友同d兄弟姊妹一斉玩,覺得早幾年應生多個。
焱焱 寫道:
以前養到仔女讀完小學,就可以出黎做嘢幫手養家.
以前生活簡單,有書讀就好好,書讀競爭細.
以前個個父母擺細路係屋企走去返工,大嘅幫手揍細,無人話唔啱.宜家就話犯法.
以前細路單獨出街可以兩手空空,宜家細路單獨出街要手機同錢
以前家家只有鬥窮,宜家要鬥本事.
以前中學畢業好巴閉,宜家一街大學生.
以前點窮仲可以叫細路穿珠仔,穿膠花,油公仔幫補吓,宜家想做都搵唔到.只可以搵多啲錢供細路畫晝,彈琴,補習班.......
以前窮細路會想早啲做嘢,幫輕屋企.宜家窮就會俾人話害咗啲細路.
肥仔媽咪 寫道:
我自己是獨生女, 總覺得有兄弟姐妹會好開心, 不過曾有好多友人都好似EVA222咁講大家庭都未必一定會開心, 現在我個仔快八歲了, 反而他成日都叫我唔好生多個, 但我內心覺得他若是孝順的, 將來我倆老了只得他一個好像背負著好大壓力! :-|
彥彥媽咪 寫道:
同意肥仔媽咪講...你講呢個問題我都有諗過 (又怕且快到我面對, 'cos 我都係獨生女)....==> 但我內心覺得他若是孝順的, 將來我倆老了只得他一個好像背負著好大壓力 ==> 負擔真係大....雖則佢地話唔駛我理...但你估我做唔做得出? 現實d講....想回饋吓佢地 (e.g. 請佢地去吓旅行都要俾雙份錢喇...) 第日萬一兩老有病有痛個時, 我都唔知去得幾多次, 得我一個....so 壓力都真係唔細,
我成日諗, 若多個兄弟都多個商量之餘都可以輪吓班嘛~~ :cry:
彤媽媽 寫道:
我都係得一個女,佢今年暑假十歲了，
因為知得佢一個，所以由細到大，
我都會成日陪佢玩game,pokemon card game,
棋類，咩都會陪佢玩，仲會帶佢參加多些多人玩的課外活動，等佢有伴一齊玩，或者請住附近的小朋友入屋玩，
佢無唔開心喎，都係睇下你點安排的，如果得一個，
你又唔鐘意同佢玩小朋友的遊戲，成日都係佢自己玩，
係人都會悶死啦，而且我由細到大都陪養佢喜歡運動，
女女好鐘意運動，如：溜冰四級，足球冠軍，拉丁舞．．．．
不如暑假時，我地獨生子女組，
約埋出妮去玩下，讀書辛苦左成年，去wet下，
咁熱，可以去下溜冰或斧山嬉水池玩，
食下自助餐，relax 一天，
大家又可以交換下心得或考試卷
發表於 
返回列表
