Re: 無奈!
Kiwizaki 寫道:
都話有修養同唔認同樓主o個d人唔該唔好入黎搞搞陣咯! 冇耳性! 
我唔係好認同你呢句說話!!
一個討論一個topic, 總會有好多人持不同既意見, 先會find out 到最後最好既解決方案, 點解一定要人地支持先可以入黎傾? 我地都係表達自己既意見姐, 冇人身攻擊喎, 人地唔可以有情緒架咩?
先此聲明, 我都好想鬧我99好耐架啦, 我都覺得樓主好"近", 比我, 以我性格, 即使我對我99幾唔順超, 我都鬧唔出口!
至於會唔會同情佢個99, umm.... 有少少啦, 我始終相信一定有一個更好既解決方案既, 唔敢講話我而家咁做係最好, 但至少我老公開心, 我99覺得佢有個好新抱(即使係扮出黎既), 我自己覺得冇期望就冇失望! 大家都覺得ok囉!
話你聽, 我99對我唔止樓主既99對佢咁樣, 我99有神經衰弱, 成日都會無啦啦鬧人, 鬧人鬧到咒人死, 咒人冇仔生, 咒人扑街又話個個都對佢唔好(就係事實個個都對佢好好先氣頂丫麻), 佢鬧人真係可以冇人刺激佢, 係佢自己諗諗下野自己忽然發脾氣, 我地真係對佢好到不得了, 但係佢自己諗野諗到發脾氣鬧人, 我地真係控制唔到架麻, 但係又入我地數架喎....
而家, 我被佢鬧到有驚恐症(情緒病既一種), 我成個星期冇出街啦, 因為我驚出街會見到佢(佢就係樓下, 每次出街都要去同佢報告) 我結左婚半年, 只係同朋友出過一次街, 自從果次之後真係唔想再出去, 因為果次出去被佢盤左我十幾20分鐘, 問埋我d朋友既家宅先放我出街......
但我依然對佢好好, 係佢病左我照顧得佢無微不至, 連佢d仔新抱同老公都唔多理佢, 只係一個電話打返黎, 但我就照顧佢3餐, 陪佢傾計, 開解佢, 直到佢訓左, 我當時冇諗過d乜野佢對我點唔好, 點鬧我, 我只係覺得佢有病, 佢係長輩, 咁我係佢新抱, 照顧下佢都好應該!
當我老公知道左之後(佢冇叫我照顧佢架, 只係叫我睇下佢點咋), 佢好感動, 佢覺得對我有所虧欠, 對我更加我, 而家答應左我3年後一定搬走!!
我覺得用呢種比較於回既方式去得到我想要既野, 時間上雖然會耐d, 中間我可能會好唔開心, 但至少我同99仲可以保持友好關係, 我老公對我更疼惜, 以前我問佢, 我同佢阿媽係佢心目中既地位邊個高d, 佢會話一樣, 而家問佢, 佢好斬釘截鐵咁話一定係我高d, 冇左阿媽都得, 但冇左個老婆就一定唔得!!
當然啦, 你可以話我係度講風涼話, 因為我唔係正式同99一齊住, 唔可以比擬, 但我99住係我對面, 真係行過黎30秒都唔使, 而且佢有鎖匙, 佢得閒就會上黎, 冇任何通知, 我唔可以呢埋唔應佢! 咁既景況都可以比擬到少少掛!
最後, 我希望你明白, 討論討論, 只得一面既意見又點討論呢?
♡女人想要奢侈品，其實要的是男人的捨得！
♡女人想要你出差的禮物，其實要的是男人的掛念！
♡女人想要生日禮物，其實要的是男人的心思！
♡女人想要擁抱，其實要的是男人的溫暖！
♡女人想要吵架，其實要的是男人的包容！
♡女人想要的一切，無非是要男人在乎她的感覺！
做人唔好咁絕,說話唔好咁盡!
[url=http://lilypie.com][img]
發表於 
:lol: 
返回列表
