Baby Kingdom - 親子王國 香港 討論區 › 首頁 › 夫婦情感› 男人原來真係咁衰

夫婦情感

收藏本版
發帖
返回列表
跳至頁

首頁
23456

尾頁
   0
寶寶儀


大宅

積分: 4234

好媽媽勳章


61#
發表於 06-7-18 01:09 |只看該作者

Re: 男人完來真係咁衰

其實我地講咩都矛用
最終都係睇你自己．．
不過就咁睇已經知你想俾機會佢同佢係埋一齊．．


你老公講野都有ｄ問題．．如果佢唔想傷害ｄ小朋友，就更加唔會做埋呢ｄ野．．

愛一個人唔會做ｄ傷害對方既事！！
好多男人攪完返黎都係咁哄老婆．．

你問下佢調轉係你玩完佢會點？？

不過既然你都決定左，就多ｄ留意佢．．唔好俾佢呃多一次．．因為有一次就會有第２次．．．小心為妙！！

仲有呀，要識保護自己，唔好俾佢打你呀！！打打下真係會上癮．．．呢樣野更加唔可以接受！！

而家最好安心養胎，２個令月ｂｂ好唔隱架！！小心ｄ
無論世界點變都好~媽媽永遠都愛熹熹同楓楓
熹熹豬2006年4月10日出世.楓楓豬2008年2月4日.
健康才是財富~希望2隻豬身體健康^-^
私人傳訊

BeancurdJelly


複式洋房

積分: 407


62#
發表於 06-7-18 02:19 |只看該作者

Re: 男人完來真係咁衰

唉... 其實你要問下自己,
1) 呢個男人你仲愛唔愛佢
2) 呢個男人你仲信唔信得佢
講真丫, 如果信唔過既, 但係係都要一齊, 俾多一次機會個男人, 你仲要問下自己
3) 你可以忍到幾多次
呢一次你都仲識得上黎傾下, 咁下次呢, 你可能已經唔識得同人傾, 一個人左諗右諗... ... 我怕你成受唔住呀...

到最後, 如果上面既問題你都全部清楚晒, 有一定既心理準備咁做你想做既決定啦... ...

記住, 要好好錫自己同大小b呀
私人傳訊

火星人


複式洋房

積分: 356


63#
發表於 06-7-18 02:40 |只看該作者

Re: 男人完來真係咁衰

我知你唔想走.....因為如果你要走係一定走到嘅!如果係我,我決定左要走的話,我會報警囉!d差人上黎咪話佢地禁錮你同亻個仔!(當然係plan好走去邊啦)........
另外,由宜家開始同自己屋企人攪番好d関係啦!除左係話有咩事可以返去之外,始終有家人support好好多架!記住呀,唔會有隔夜仇架!同佢地say句ｓｏｒｒｙ啦！但首先要食野同訓覺呀．．．．呢度好多人ｓｕｐｐｏｒｔ你架！
私人傳訊

aucombaubee


洋房

積分: 352


64#
發表於 06-7-18 03:25 |只看該作者

Re: 男人完來真係咁衰

其實我覺得你老公依家係dom你時間,佢知你仲好鐘意佢,決定唔到離唔離開佢,依家帶住一個一歲大的BB都走唔到,到你個肚再大D(衰D咁講)想落都落唔到,你就更加走唔出佢魔掌,你真係要快D下定決心走定唔走,如果走可以去向晴軒住一排,果度會有社工提供唔同意見及幫你分析將來條路點行,(走佬方法)如果你真係要走你可以話落街買o野,佢搵人跟住你由得佢跟,落到街見到差人即發癲,返差館落分口供兼備案,而且差館會即時轉介你入住向晴軒(或類似地方)唔使驚佢搵到你,入到去冷靜下,諗下前面條路點行,最緊要係你同小朋友的將來,唔好再理其他無聊人和事(以上方法要你真係諗清楚唔會番轉頭同佢一齊先好用,否則佢tum番你返去只會對你更加衰&唔比你帶個仔落街,所以機會可一不可再,你真係諗清楚先行動,唔好打草驚蛇比佢知你下一步想點行)另外你暫時唔好番外家住,因為佢知你外家係邊,實會找你,佢連你爸媽都唔尊重,你走之前要打個電話比你爸媽,等你爸媽知你去o左邊唔使擔心你&仔仔,又可以叫你爸媽做戲話勁(騮)你,等你老公信你無外家番,唔會攪你外家,其實你知道應該點做,但你唔想去做,但係為o左自己&BB,比個期限自己,期限到就要做決定,決定o左就要(的)起心肝實行,唔好諗番轉頭,唔好再拖落去,因你依家成日唔食唔訓好影響肚裡的BB,祝你呢兩日想通啦 :mrgreen:

私人傳訊

kawai928


子爵府

積分: 14359

好媽媽勳章 醒目開學勳章


65#
發表於 06-7-18 04:09 |只看該作者

Re: 男人完來真係咁衰

睇晒5頁...想講：

要走既一定走到...
但事件想唔想走又係另一回事...
唔走你要有心理準備可能又有下一次...
多數男人...係真係好唔識自律
私人傳訊

denise888


複式洋房

積分: 290


66#
發表於 06-7-18 04:18 |只看該作者

Re: 男人完來真係咁衰

如果佢知道你有左ＢＢ仲郁手打你，Li個男人要唔要都罷，可以因為佢去玩而比多次機會佢，但係打有咗嘅你就不能原諒。就算你今次真喺原諒佢，但跟住落嚟嘅日子，你會不其然唸到佢同個女仔一齊嘅事，唸到一次個心就會痛一次，嗰種感覺唔會比你而家離開佢好受(我的經驗)，但走，起碼是條活路，唔走，當青春、家人、朋友、工作能力越來越離開你遠嘅時候，我怕到時唔係你自已想走，而係佢要迫你走。而家就睇吓你想一招了斷定係佢將你凌遲啦！ :cry:
私人傳訊

grand2005


男爵府

積分: 7519


67#
發表於 06-7-18 04:22 |只看該作者

Re: 男人完來真係咁衰

1.你帶個仔出街,佢地根本冇權左右你,佢地夠膽禁錮你咩??你已廿幾歲,即使大住肚都有足夠能力保護你仔仔,邊個有權搶你仔仔走??

2.你有冇錢or 朋友?~冇錢冇朋友都好,向晴軒都可以比你暫住,即晚可以入住,就算冇呢個男人,冇屋企幫你,你都一樣可以生存到..

3.你以前為左呢個男人同屋企人反面,係咪因為呢個男人以前好錫你?~而家你大肚佢重溝女又想打你,重錫唔錫你??重有冇尊重你??你以後可以當沒事發生過嗎?你而家先廿幾歲,可以忍氣吞聲過多幾十年嗎?如果可以,當我冇講過..

我以前除左無BB之外,其他都同你幾似,一樣冇外家,為左佢連朋友都冇哂,想過死,不過呢D咁ge男人,無情重要無錢,咪留返比條賤貨law,為佢作賤自己都唔直!!我果時冇外家都可以惡過佢,惡過佢出面條女,因為我知道人善被人欺!!
結果我同而家老公一齊,過得好過之前,佢竟然想同反我一齊
:tongue: :tongue: :tongue: :tongue:
時間真係可以沖譚一切ga......幸福唔係必然,好多人係自己爭取返黎,你有你仔仔同肚裡果個係你最親,你條路行錯左咪揾路行返啱law,一定有出路,香港唔會有人餓死ga !!
私人傳訊

靜精媽咪


男爵府

積分: 9558

畀面勳章


68#
發表於 06-7-18 05:40 |只看該作者

Re: 男人完來真係咁衰

如果真係已經決定好,想出外抖下氣~趁現在身手仲敏捷真係要快d~如果咪到妳陀住6,7個月(帶住囝囝)就更加辛苦架啦~現在咁既情況,不如搵左社工先啦~睇下社工可唔可以幫到妳~或者當同搵人同妳傾下計,開解下自己先啦~
私人傳訊

焯嵐媽咪


禁止訪問

積分: 4068

好媽媽勳章


69#
發表於 06-7-18 09:55 |只看該作者

Re: 男人完來真係咁衰

提示: 作者被禁止或刪除 內容自動屏蔽
私人傳訊

Maksin


大宅

積分: 4820


70#
發表於 06-7-18 09:59 |只看該作者

Re: 男人完來真係咁衰

好同意, 你老公都唔知係咪男人黎, 賤人一個 (sorry, 因我大憎恨一d咁既人), 如果你巳經決定比多次機會佢, 咁你真係要由而家開始plan好你未來既路 (因好大機會佢會有第二次), 都係個句 : "女人最重要係有"養"自己既能力, 唔好以一世靠男人"

kawai928 寫道:
睇晒5頁...想講：

要走既一定走到...
但事件想唔想走又係另一回事...
唔走你要有心理準備可能又有下一次...
多數男人...係真係好唔識自律
私人傳訊

Maksin


大宅

積分: 4820


71#
發表於 06-7-18 10:07 |只看該作者

Re: 男人完來真係咁衰

好 !! 活得比你好 !!!!! 呢d男人真係唔使"恨", 我阿姨都係咁, 好在佢好堅強 (囝囡都好support佢), 佢地終於有好日子過, 個"pk"又係之後打比佢地話好後悔wor (個pk係大陸又有2 &3奶 + 仔)..好彩佢地唔show佢炸

焯嵐媽咪 寫道:
我都睇左5頁,話比你地知,我同我老公都分開左一年多,我個囝囝依家23個月大,得而且開頭係好唔開心,但過左唔開心ga時間,我真係覺得無左佢都可以生活得好好,我個老公仲衰,係同佢分開前仲同佢買左樓,分開時都話會比$我,結果比佢6個月就無再比,樓,工人,bb開支全部我自己攪掂,我d工係可以係屋企做又可以照顧bb,生活好好,到左依個月,佢打比我話比我知佢比人炒佢,問我同囝囝生活點,我話好開心,叫佢無咩唔好再打來,過幾日又打來問我有無工可介紹比我(因知我識人多),我同佢講我有都唔會,你唔記得你點對我,我心想真係面皮厚,但我知道後都幾開心,因我覺得你都有今日,明明有個好好屋企你唔要!
所以只要你有心,咩都可以做到!!
私人傳訊

焯嵐媽咪


禁止訪問

積分: 4068

好媽媽勳章


72#
發表於 06-7-18 10:12 |只看該作者

Re: 男人完來真係咁衰

提示: 作者被禁止或刪除 內容自動屏蔽
私人傳訊

Simpson


複式洋房

積分: 228


73#
發表於 06-7-18 10:29 |只看該作者

Re: 男人完來真係咁衰

無論如何,你宜家一定要向阿爸阿媽求助,你識左佢地咁耐,佢地會有咩反應你應該心中有數,(你個仔打你,跟住返黎同你認錯,你會唔會原諒佢呀?)
半夜帶埋仔返外家住,一家人點都有商有量
鍾意呢個男人就好似鍾意食白粉,食個陣好high,無左又心思思,但係你有無諗過你會死?呢樣野可唔可以食一世?
單親係有好多問題,但係問題會唔會大過有個咁既老豆?你個仔對住個咁個老豆,將來你個仔就係你老公個翻版(你睇你6299點教仔就知啦)
私人傳訊

Simpson


複式洋房

積分: 228


74#
發表於 06-7-18 10:34 |只看該作者

Re: 男人完來真係咁衰

我其實唔係問你後唔後侮,我係問你係呢件事上面(同佢結婚)你宜家睇番其實係咪錯?係咪唔應該結婚?
做錯就要諗辦法補救,等佢回頭唔係補救方法,你只係由得個cancer惡化落去,明知係惡性腫瘤(你心知肚明啦),做咩唔切左佢?

nikko0923 寫道:
[quote]
Simpson 寫道:
寧教人打仔,莫教人分妻
不過,如果個男人根本未玩夠,咁你唔通等佢浪子回頭?
你諗住等佢耐?一個月?一年?十年?一世?
佢話個細路好慘?我覺得唔係,最慘係你,因為你已經受左傷先
奶奶係人地阿媽,阿媽幫仔好正常,如果你要聽,梗係聽番自己親人既意見比較好
做左錯事唔緊要,最緊要係知錯能改,你認為當初結婚有無錯?
最後一樣,個標題"男人"我唔接受,我覺得我唔衰(起碼我老婆都話係)
anyway,放開d,唔好為左d咁既人而難為自己,重有好多人支持你既




佢地個個都係叫我等佢回頭,但係我唔知要等幾耐,結婚既野冇話後唔後悔既,發生左呢d野實會好後悔嫁左比佢架啦,但係其實老公係自己"簡"既,邊有得後悔丫[/quote]
私人傳訊

pringles909


複式洋房

積分: 486


75#
發表於 06-7-18 11:28 |只看該作者

Re: 男人完來真係咁衰

個男人咁樣你都嫁比佢??
佢對你父母最基本o既專重都無
你都唔好望佢會對你好得去邊喇
佢唔比你走唔係在乎你呀
何況要走點會走唔到??
只係睇你肯唔肯走姐


nikko0923 寫道:
唔得架,佢地個個都唔鐘意我屋企人,又點會比我返去喎....由其係我老公..佢一定唔會比我返去架...以前同佢鬧交我走返屋企,佢走上黎我屋企度鬧我亞爸亞媽,唔係小鬧果d喎,係真係鬧晒我屋企祖宗18代果隻呀....
私人傳訊

俊俊媽咪


洋房

積分: 72


76#
發表於 06-7-18 11:37 |只看該作者

Re: 男人完來真係咁衰

nikko0923 :
我都好明白你而家既心情,因為我都係過來人,將感情放在小朋友身上,唔好比佢影響你,都唔知d男人咁賤格,我而家都係個過渡期,姊妹大家努力面對呀!既然事情已經發生o左,唔好再諗d唔開心既野,保重身體
私人傳訊

靚花


民房

積分: 74


77#
發表於 06-7-18 11:37 |只看該作者

Re: 男人完來真係咁衰

nikko0923,

看了妳的故事, 我覺得妳好需要「愛」! 只有愛能叫妳身心靈的傷得醫治! 愛從何來? 從神而來!

這刻, 其實冇人可以幫到妳, 因為冇人真正明白妳, 清楚妳, 就算連妳自己, 也不知如何是好, 那一條路最適合妳! 只有創造妳的神才是最清楚妳, 知道妳感受!

當妳不知怎做時, 向神禱告! 求神幫助妳! 給妳方向, 賜妳平安和喜樂!

將來的路, 沒有人知道, 只有神知道! 只要妳求, 神就會賜給妳! 將妳想要的告訴神吧! 無論妳認識不認識神, 神早已認識妳!

我未將你造在腹中，我已曉得你. (耶1:5上)　

我可以做的只有為妳, 妳的孩子, 和妳的家禱告!
親愛主耶穌, 求祢親自安慰nikko受傷的心!用祢的愛充滿她, 保守她的腳步, 好叫她和她的胎兒有平安, 有健康! 更求神保守她的心, 使她的心無論作出任何決定, 都有平安! 若nikko的丈夫回轉是祢的心意, 願祢的旨意成就! 好叫nikko丈夫的心只屬nikko! 若不是, 求祢引導nikko人生的方向!禱告奉主名求, 阿門!
私人傳訊

babyling


大宅

積分: 1345


78#
發表於 06-7-18 11:39 |只看該作者

Re: 男人完來真係咁衰

nikko0923,
私人傳訊

babyling


大宅

積分: 1345


79#
發表於 06-7-18 11:44 |只看該作者

Re: 男人完來真係咁衰

nikko0923,
你要堅強d，呢度有好多姊妹撐你架 :-P
私人傳訊

nikko0923


洋房

積分: 54


80#
發表於 06-7-18 13:14 |只看該作者

Re: 男人完來真係咁衰

好多謝大家支持我,尋晚佢2點幾放工返到黎,話想好好咁同我傾下,之後我坐響度聽下佢講乜,佢話<老婆,我曾經發過誓一生只會愛你一個,亦承諾過會照顧你一生一世,老婆,對唔住,我錯喇,我對自己今次既所作所為覺得好後悔,我知道你好傷心,但係我好希望你同仔仔都會原諒我,我可以為你去放棄出面個女人,但係唔可以為第二個人而放棄你同個仔,之後又話,你唔好再亂咁諗野喇,我聽日一早會去改電話,你好好咁養胎啦,好冇>
私人傳訊


首頁
23456

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見