大仔大女媽媽會 今日: 1|主題: 177860

nganga 寫道:
kelma,

真係好開心睇到kelda進步,雖然我睇唔到當中既情況,但我想像得到你當時既開心。真係唔知點解當睇到你話俾我地kelda一次比一次進步,我都會開心埋一份,覺得好感動,因為我知道你付出咗唔少努力先有咁既收獲!

晴晴星期六都有上朗研社playgroup,比較起晴晴係幼稚園返既playgroup,黎度多咗一樣野就係教育埋我地d家長,點樣去教個小朋友,係黎度我真係學識好多野,雖然只係上咗短短3堂,但真係得益不少

你地黎班比較好d,因為年齡都係差唔多,而我黎班就比較多細小d小朋友,所以上堂情況比差d,因為好多小朋友都會扭計,唔集中,而姑娘就會針對這種情況教育家長

希望我地繼續努力la!加油丫

nganga 寫道:
Kelma,

始終kelda自己照顧會關係好d!

你有信心管教對kelda,但而家輪到我冇乜信心,近排晴晴開始用喊既方法來對付我地,晴晴好容易就喊,稍有不合佢心意佢就喊,而我一見晴晴流著兩項眼淚,我就會心軟,爸爸鬧佢,佢喊然後就即刻走黎搵我,要我保護,我真係唔知可以點做,睇書原來同實踐係另一回事.唉....... :-( :-(

vyvy 寫道:
Jedi呢個星期午睡就掛住玩, 吾肯訓, 今日扭左超過30mins, 訓醒先發現佢額頭瘀左 .
晚上, 佢一向都係自己入睡, 但呢幾日我一走開, 就勁喊, 仲要係捉實我隻手吾放. 都吾知發生咩事.

恩霖咁快做花女啦 ! 佢驚吾驚呀?

Amandaxx 寫道:
vyvy~

其實恩霖額頭早一天也撞瘀，不過到星期六應該消哂！

d廣告真係好犘利，有一個奶粉廣告好似整蠱d BB，最後係一個小朋友比水喉噴到好唔舒服個樣，恩霖睇親都喊！係驚果隻。

衣家d bb比我以前識睇電視，知道出字幕就係做完(因為恩霖會同d節目講拜拜)，而且天氣報告前的廣告一出(好似係碧桂園)佢就知道會做天氣報告(佢同我講話伯伯-即係天氣報告中見到的太陽伯伯)。佢仲記得“東張西望”中場廣告之後第一件事就係講天氣，會顯示個公仔起左下角，因為佢好鐘意見到太陽伯伯，所以會好興奮咁等佢出來(有一次佢地將天氣情況改遲左報導，恩霖就會做一個“無”既手勢)。聽到d主持人講緊d收場的說話，未講完就講拜拜(知道節目將要完)....我真係要好小心唔好講左d佢唔應該知同埋學既野，同埋唔好起佢面前同人地講佢，因為佢已經向過我表示不滿。

vyvy 寫道:
Amandaxx,
jedi額頭的瘀可能星期六仲係度 :mrgreen: .
當年我姪女做我花女, 可能吾習慣人多注目, 晚上吾肯再著花女衫.

另外, 我"終於"揾到何解我地無打jedi, 但佢又出手, 我懷疑佢"學"胃先x的廣告, 今晚佢剛睇完呢個adv, 就手"動動", 跟住, 我同佢一齊睇新聞時, 見個畫面show南韓示威情況, 心想"大煲", 即刻同佢講, 吾好學, 警察會拉呀!

KelMa 寫道:
Amanda,

恩霖最近真係進步神速, 真係替你高興!

我開始恐懼星期六的來臨, 因為又要帶女女翻學, 又要訓練我的EQ!
:-(

Kelma[quote]
Amandaxx 寫道:
vyvy~

其實恩霖額頭早一天也撞瘀，不過到星期六應該消哂！

d廣告真係好犘利，有一個奶粉廣告好似整蠱d BB，最後係一個小朋友比水喉噴到好唔舒服個樣，恩霖睇親都喊！係驚果隻。

衣家d bb比我以前識睇電視，知道出字幕就係做完(因為恩霖會同d節目講拜拜)，而且天氣報告前的廣告一出(好似係碧桂園)佢就知道會做天氣報告(佢同我講話伯伯-即係天氣報告中見到的太陽伯伯)。佢仲記得“東張西望”中場廣告之後第一件事就係講天氣，會顯示個公仔起左下角，因為佢好鐘意見到太陽伯伯，所以會好興奮咁等佢出來(有一次佢地將天氣情況改遲左報導，恩霖就會做一個“無”既手勢)。聽到d主持人講緊d收場的說話，未講完就講拜拜(知道節目將要完)....我真係要好小心唔好講左d佢唔應該知同埋學既野，同埋唔好起佢面前同人地講佢，因為佢已經向過我表示不滿。