回覆：gnim 的帖子
有冇壓力在乎如何處理，我D仔女已經十幾歲，應該可以分享下，仔女幼稚園已經䦕始上興趣班，只係興趣，無要求。上下畫畫，英文拼音之類，跳舞，鋼琴（女），約半年後阿女無再學鋼琴，之後想學小提琴，想咗一年直至小一下學期先比佢學，一直學到今年年尾考八級從無壓力，ballet一直跳到中二就唔到時間至無跳，考到唔記得係三或四級，耐唔中表演下，無乜特別。K3轉咗去比較好的老師學書法同畫畫直到而家中四重畫緊，有時比賽有小小獎，小三開始學游泳，小五開始學界年年攞小小獎。跟阿爸阿媽跑歩，三鐵同長跑又有D獎。由細到大同舅父打籃球，小學䦕始係校隊，學界都有D獎。小學唱過合唱圑，參加過中樂圑識二胡同吹＂笛＂，小學只係讀普通地區小學，攞獎亦唔見入中學有幫助，本身係band1 頭，順利入咗體藝。阿仔情況差唔多，只係無學小提琴同跳舞，同一間小學，band1尾，in咗D比較好的直資都唔收，自選派位,band2頭都唔收，可能操行得B,派位派咗一間普通band2一條龍中學，阿仔自己決定唔扣門。
除非想入一等一名校，否則成績行第一，（名校都要成績好）名校有特殊技能係要
好叻，如全港學界有好成績，或者國際獎項，要靠呢D
不如讀好D書。運動等要咁好成績，除咗天份重要好努力，無興趣係做唔到，亦都唔會開心。
阿女已經中四，一直讀書都好開心，有自信，好識自己分配時間，參加好多活動，成績ok,班主任話入大學應該無問題。
阿仔中一，一樣好開心，知道學校唔多人入大學，自己加倍努力，一直考頭幾名，參加好多課外活動，亦係自主自信。
其實佢地重有學過幾年攀石，又參加過童軍公開圑，跟童軍出國比賽，去年開始兩個一齊學打鼓，都係好好的經驗o
其實參加課外活動係補足課堂不足，發掘小朋友的興趣，只要家長唔過份緊張成績，係唔會有太大壓力，小朋友就可以搵到興趣，有小小成績重可以増強自信。
當然思想獨立自信就會送埋唔多聽你講，但亦都唔係咁易聽其他人講。但係十幾歳奌都唔多鐘意聽父母話，所以都係會自己做大部份決定，思想成熟D係好緊要!
[imhttp://f20.yahoofs.com/hkblog/QxQNJuaZBxbMC83Zvzc-_2/blog/ap_20080328124932397.jpg?ib_____Dvg8knZgQg align=right]
發表於 
又岩WOR!!
mouth:
返回列表
