夫婦情感 今日: 11 | 主題: 42742

積分: 723

62^#

發表於 06-10-30 13:35 |只看該作者

Re: 我個心痛到碎左

Dear ccecilau,

其實我都曾經試過你呢個心情...但最後都挽留唔到嗰段感情, 最終都係錯過咗一個好好嘅男朋友, 同你一樣, 因執著引致對方覺得好辛苦, 透唔到氣而親口同我講: "勉強冇幸福, 不如我哋做番朋友呀!" 我當時幾咁難受. 好多人都試過有此經歷, 你咪當係攞個經驗囉, 係咪? 你冇可能可以一拍拖就冇難度, 冇爭吵就到結婚咁順利, 唔好冇, 而係難. 人嘅一生一定有崎嶇不平, 有跌到嘅時候, 最緊要係你跌到要識得企番起身咪得囉, 我覺得你依家終於都企得番起身, 只不過今次你唔需要佢扶你起身, 已經係好嘅開始喇...點都好, 你俾時間佢亦都當俾時間你自己好好咁抖抖氣先, 等佢搵你唔好再俾壓力同問題加深, 最終佢有一個肯定答案, 佢一定會搵你, 如果你堅持我哋講法, 相信, 你一定好快會好番, 冇事架, 我一定會支持你的!
希望我講咁多嘢係可以幫到你喇, 開心番先啦...傻妹黎架!

其實我想問你, 你係咪好細個咋, 我覺得你男友思想比你成熟得多, 而你仲好細個, 我有冇估錯呢? 咦? 你有冇msn架?

私人傳訊

積分: 836

63^#

發表於 06-10-30 14:10 |只看該作者

Re: 我個心痛到碎左

我同佢曾經對呢段感情好有信心，plan 好晒要結婚，到佢要放棄我，我痛不欲生。呢幾年來，我都未試過一段咁正常o既關係，佢令我好快樂，成日都見面，一齊去旅行，個個星期都同佢一大班朋友出黎打波，或者去玩。

其實佢未同我一齊之前，佢有一段時期係成日轉女朋友，佢話佢真係有鍾意過佢地，不過相處過之後覺得唔好就放手。佢以前都係唔識得點去愛人，我同佢初開始時成日都同佢講，佢又好願意去學。識到我之後，佢當左我係老婆，成日話一世人得一個老婆，一定要對我好。

呢兩日我想起好多野，知道好多時我地argue 起因。我問自己，如果同佢係返埋一齊，我接唔接受到佢d 硬頸? 結果係，我接受到，只要我學識用另一個方法去處理就好。

我唔細架喇，我 29歲，男友31歲。好想佢抖抖氣之後，仲會唔捨得我返黎我身邊，我會等佢...

msn 方面，我pm 你丫。

私人傳訊

yikmeim

男爵府

積分: 5940

64^#

發表於 06-10-30 14:24 |只看該作者

Re: 我個心痛到碎左

ccecilau,
我以前都好似你咁成日少少事就發脾氣又成日覺得對方唔夠愛自己, 最後攪到同男朋友分手. 我又係分咗手之後覺得好後悔好唔捨得, 於是好似你咁成日打比佢要求佢比多次機會我(果時唔興sms). 但最後佢都好決絕, 叫我自己要保重.

咁生活都係要過, 我咪同自己講下一次拍拖千萬唔好
再係咁, 如果唔係實又迫走個男朋友. 我每日返工放工放假
搵吓朋友陪, 做吓運動等自己keep得靚d, fit d. 點知過咗兩
個月有一日, 佢突然打電話比我問候一下我嘅近況, 我儘量
忍住唔去同佢再講我同佢之間嘅感情問題, 只係好似d好朋
友咁傾傾近況. 之後每隔幾日佢就會打電話比我, 直至有一
日佢叫我出去食晚飯, 但我同佢講我未預備好我需要再多
d時間. 咁佢叫我預備好再約佢食飯, 中間我地都只係電話
聯絡. 再兩個月之後, 我約佢食晚飯佢話覺得我變咗, 仲叫
我比次機會佢, 好自然我地又再一齊. 而家佢就係我老公,
我地仲有個7個月大嘅囝囝tim.

所以如果自己肯改而佢又愛你嘅話, 有緣一定可以再走返
埋一齊. 積極d面對, 唔係為對方係為自己.

祝有情人終成綣屬

私人傳訊

onon1022

子爵府

積分: 12596

好媽媽勳章

65^#

發表於 06-10-30 14:25 |只看該作者

Re: 我個心痛到碎左

其實你而家做咩都可能比佢感覺你好煩...不如試下係佢平時會去既地方...約埋朋友一齊扮撞到佢...然後say hi...跟住走人...如果佢仲愛你...而你又可以改變到自己...慢慢佢會留意你...可能會感受到你改變左...當然唔好日日去...由一星期扮撞到...改為一星期半...左由一星期半...改為二星期扮撞到...如果佢鍾意你...佢個心會慢慢期待希望可以再見到你...

[url=http://lilypie.com][img]

私人傳訊

積分: 836

66^#

發表於 06-10-30 14:37 |只看該作者

Re: 我個心痛到碎左

yikmeim:

好開心睇到你既經歷，最後都可以同你老公好返。不過我今次無信心，唔知佢仲會唔會返轉頭。點解咁講呢，係因為佢係一個好硬頸既人。一直佢以前d 女友間唔中都要搵佢，仲會話想係返埋一齊，但佢係唔會諗返轉頭，決定左o既野唔會變。

佢曾經同我講，我同佢以前任何一個女友都冇得比，佢唔會為佢 d ex 做既事都會為我做，為我去變。希望今次都唔例外，佢唔會好似對之前d 女友咁絕，仲會返轉頭啦。

私人傳訊

積分: 836

67^#

發表於 06-10-30 14:39 |只看該作者

Re: 我個心痛到碎左

onon1022 寫道:
其實你而家做咩都可能比佢感覺你好煩...不如試下係佢平時會去既地方...約埋朋友一齊扮撞到佢...然後say hi...跟住走人...如果佢仲愛你...而你又可以改變到自己...慢慢佢會留意你...可能會感受到你改變左...當然唔好日日去...由一星期扮撞到...改為一星期半...左由一星期半...改為二星期扮撞到...如果佢鍾意你...佢個心會慢慢期待希望可以再見到你...

佢平時放工鍾意同朋友去飲酒，仲係我屋企附近添，因為佢公司好近我屋企。如果我約埋朋友去扮撞到佢，佢都知我係有心撞佢啦，所以呢個辦法未必可行。

私人傳訊

積分: 31

68^#

發表於 06-10-30 15:10 |只看該作者

Re: 我個心痛到碎左

好老實，我之前既情況同你一模一樣，你同男友分開左之後兩個月，佢有一日搵返我，仲返左我地個屋企（因為之前我係同佢ａｎｄ我屋企人一齊住既），佢話佢好倦，好唔開心，最終我地一齊返，不過大家身邊已經有另一個人啦，而我當然好決絕左，同另一個男仔分開左，我知我係好衰，不過我知道我最想同邊個一齊，到依家斷斷續續已經有幾個月啦，佢都未同果個女仔分開，因為果個女仔係工作上同金錢上幫到佢好多，而我同佢係財政上都有好大既問題，我知大家都會認為佢咁做好唔岩，好衰，不過我鍾意一個人就係可以咁麻目，依家既我都一路學緊點同佢相處，我此終覺得有一日我可以同返佢一齊，可能你地會覺得好唔值得為左一個咁既男人咁樣，不過我真係忘記唔到佢住，只怪佢比左機會我，係我一路都唔珍惜，係佢返黎之後，我ｄ脾氣都一樣係咁，一樣係咁煩，一樣咁鍾意問佢好多唔關事既野，如果佢真係再比一次機會我，我真係會做得好好，不過我都唔知依家係咪真係有咁既機會，我之前都ｓｅｎｄ左ｓｍｓ比佢話比佢聽，我會做好左自己先再搵佢，不過佢一直都無覆我，我地已經成個星期無聯絡過啦∼

ccecilau，男人都係有感情既動物，如果你同佢一齊時，佢真係覺得你好既，佢此終都會有軟化落黎既一日既，係呢段時間入面，你要做既野，唔係再想返以前，而係要真真正正咁做好自己以前做得唔好既野，努力呀，我地一齊比心機呀，你既勝算大我好多呀，我會支持你架！

私人傳訊

積分: 836

69^#

發表於 06-10-30 15:23 |只看該作者

Re: 我個心痛到碎左

Keiko_crystal:
你男友為左金錢同另一個女人分唔到手，值得嗎? 我咁愛我男友，係因為佢真係一個好男人，有責任o既男人，會承擔責任。

至於佢會唔會再同我一齊，我話無晒信心係因為佢已經覺得我唔好，佢昨日同我講 :"我無諗過你會咁對我!" 意思係話我成日話佢對我唔夠好，對佢唔夠信任，少少野就唔開心。唔知靜落黎時，會唔會再想返起我既好。

上星期佢先同我講，同我一齊就好開心....唉.. :cry:

私人傳訊

積分: 836

70^#

發表於 06-10-30 15:29 |只看該作者

Re: 我個心痛到碎左

雖然佢唔係同我一齊住，但每個weekend佢都會係我屋企訓，而家仲有好多佢既衫，用品係度，仲有佢養既魚。尋日我話我唔識照顧佢d 魚，佢叫我幫佢照顧住先。佢會返黎睇d 魚既一天嗎??

兩日來我只係訓到5個鐘，開始感到頭暈。我好想好好對自己，有嘗試去訓，但一合上眼，就見到一幕又一幕同佢幸福o既片段。想起以往佢攬住我訓，好溫馨。 :-(

私人傳訊

積分: 31

71^#

發表於 06-10-30 15:39 |只看該作者

Re: 我個心痛到碎左

佢依家只會諗到佢既前程，如果無左錢就咩都做唔到，而佢以前的確對我好好，只係我一直都無珍惜過，佢以前對我既好，比你男友更好！

私人傳訊

積分: 31

72^#

發表於 06-10-30 15:45 |只看該作者

Re: 我個心痛到碎左

ccecilau 寫道:
雖然佢唔係同我一齊住，但每個weekend佢都會係我屋企訓，而家仲有好多佢既衫，用品係度，仲有佢養既魚。尋日我話我唔識照顧佢d 魚，佢叫我幫佢照顧住先。佢會返黎睇d 魚既一天嗎??

兩日來我只係訓到5個鐘，開始感到頭暈。我好想好好對自己，有嘗試去訓，但一合上眼，就見到一幕又一幕同佢幸福o既片段。想起以往佢攬住我訓，好溫馨。 :-(

我之前都係同你一樣，我一個月之內瘦左１０磅，當佢同我分開左之後，２個月之後返黎既時候，佢自己都話你真係瘦左好多，我都話你知點解架？！我都一樣係訓唔到覺，食唔到野，我個同事直情同我講，你食飯啦，你唔好咁嚇我啦！日日放工就返屋企困住自己係房間，不停咁同朋友呻，不停咁喊，喊到倦就訓。

私人傳訊

積分: 836

73^#

發表於 06-10-30 15:58 |只看該作者

Re: 我個心痛到碎左

失去一個曾經好珍惜自己o既人，個種感受冇辦法講得出，只知心痛，後悔同內咎。如可以再有機會，我會好錫佢，比返我所有既愛比佢。並不是我想要的，而係比到佢想要的。

私人傳訊

積分: 836

74^#

發表於 06-10-30 16:01 |只看該作者

Re: 我個心痛到碎左

[/quote]

我之前都係同你一樣，我一個月之內瘦左１０磅，當佢同我分開左之後，２個月之後返黎既時候，佢自己都話你真係瘦左好多，我都話你知點解架？！我都一樣係訓唔到覺，食唔到野，我個同事直情同我講，你食飯啦，你唔好咁嚇我啦！日日放工就返屋企困住自己係房間，不停咁同朋友呻，不停咁喊，喊到倦就訓。[/quote]

我食咩都無感覺，只知道點都要食少少。我連食野o既時候都諗住佢，快要瘋了 :-(

私人傳訊

積分: 31

75^#

發表於 06-10-30 16:12 |只看該作者

Re: 我個心痛到碎左

ccecilau 寫道:
失去一個曾經好珍惜自己o既人，個種感受冇辦法講得出，只知心痛，後悔同內咎。如可以再有機會，我會好錫佢，比返我所有既愛比佢。並不是我想要的，而係比到佢想要的。

果種感覺我都體會緊，我明白你，好多朋友都話我咁做，根本就唔值得，佢真係唔知會唔會再返黎同我一齊，雖然我都唔知，不過依家既我一定會做好自己，等呢日既來臨

如果我都仲有機會，我都一定會好好咁去愛佢，我會學識去體諒佢，學識去睇下佢有咩需要，而唔係下下都係我想．．．

私人傳訊

莎利

積分: 723

76^#

發表於 06-10-30 16:23 |只看該作者

Re: 我個心痛到碎左

ccecilau,

不過有時我諗番, 預期成日咁樣自己唔食嘢, 搞到殘晒, 值得咩? 下次到佢約你出去要或者上嚟你屋企搵你, 見到你瘦晒個樣殘晒機乎變咗另一個人, 咁咪仲衰, 佢一定覺得你自己攞嚟架, 就算俾你哋可以一齊番, 到佢大番你轉頭, 因為佢知你以後一定會就番晒佢吖嘛, 你要快D清醒喇, 學佢哋話齋, 你依家要努力Keep番靚D自己, 等佢一打俾你時, 無論結果是好是壞(當然希望佢俾你嘅好結果喇), 起碼佢都見到你個精神樣先呀, 但你要預埋佢個答案係壞的話, 你都要堅持, 盡量控制自己情緒, 記得唔好勉強佢一定要同你一齊, 因為我覺得佢得出呢個答案都係喺呢段冷靜期裡面, 前思後想過先得出嚟嘅, 所以你唔好勉強佢!

ccecilau, 其實你依家心情平復咗未呀? 咁你同佢一齊幾耐呀? 如果你哋已經Plan定咗出年結婚嘅, 應該時間都唔短同好穩定喇喎, 係咪? 話到尾, 雖然個問題係喺你度, 但係都係一件好少嘅事, 如果你話你肯改過你嘅性格及壞處的話, 而佢就仍然咁錫你, 咁關心你, 一定唔會因為咁而分手, 你自己有冇諗過, 可能佢真係已心死! 我唔係想打沉你, 只係想提醒你呢一點, 記住, 結果係點, 我都支持你...希望你有好結果, 然後從新開始過!

私人傳訊

積分: 836

77^#

發表於 06-10-30 16:33 |只看該作者

Re: 我個心痛到碎左

莎利:
睇完你咁講，我真係好驚佢已經心死。我記得佢話已經比左好多次機會我，係好多樣野積積埋埋忍左好耐先有咁既決定。

我知道對佢黎講，同我提出分開唔係一件易事，佢都好唔開心，所以我先話我好無信心佢會原諒我。昨晚我同佢講，佢一早在我心中係一個好好既老公，佢曾說過唔可以冇左我，我話佢知我都係一樣，我係佢知唔知，佢好細聲咁同我講 "知道"。佢好似猶疑緊d 咩咁...

私人傳訊

積分: 836

78^#

發表於 06-10-30 16:50 |只看該作者

Re: 我個心痛到碎左

莎利:

我心情仲未平復，只係比起前2 日好少少。當晚我話如果佢覺得太辛苦，叫佢比機會我令佢開心返，佢好堅決話 "唔需要，我地算啦!" 跟住我繼續講左好多野，佢就話要分開冷靜下，比d 時間佢釋放左d 壓力。我唔知佢咁講係咪 tum 住我先，等我唔好煩住佢，可能佢心中一早已有決定。 :cry:

私人傳訊

莎利

積分: 723

79^#

發表於 06-10-30 17:35 |只看該作者

Re: 我個心痛到碎左

ccecilau,

我所講嘅嘢都唔係嚇你架, 聽你講: 佢好堅決話 "唔需要，我地算啦!" 咁佢可能真正想冷靜, 放棄或者想有空間俾佢釋放壓力架, 因為佢已經好攰, 係都唔出奇架, 所以你最好立即停止搵佢喇, 真真正正俾佢抖下, 起碼可以放鬆d先...人需要空間, 你吓吓搵佢, 問佢, 迫佢, 希望佢快d有答案俾你, 佢真係好辛苦同會覺得好煩, 我可以好肯定咁同你講, 呢一刻你同佢個腦一定都實晒, 你哋不如一齊抖吓一段時間先, 話唔定...你心情平復後, 突如其來有嘅靈感, 嗰吓可能佢會知道應該點做呢, 我覺得咁樣仲好, 你試吓, 我知道你依家無論做乜, 食嘢又好, 瞓覺又好, 休息又好, 返工放工都好, 個腦自自然都會諗住佢, 好難唔諗佢, 正常架, 呢d日子你會好難過, 唯有等時間過, 終有一天會過咗, 你信我喇, 過咗就冇事架喇...

ccecilau, 唔好意思呀, 我依家要出街, 如果你想傾, 我有時間的話, 都可以陪你傾, 你有冇icq或者msn呀? 有就留俾我喇, 我得閒陪你傾吓, 記得唔好亂諗d無謂嘢呀, 無論係點, 我哋呢班姊妹都會透過空氣去支持你架, 堅強d

私人傳訊