謝謝樓主呢個post, 好中肯的意見, 好受用, 好想再請教一下, 想有D 正向回應。
我都係0岩0岩新請左工人主力協助我湊初生B, 無老人家幫手, 我番工就得番工人同阿B, 宜家6個月了, 我係果D 鐘意自己落手落腳做野的人, 好怕管人, 但自己要番工, 唯有邊做邊學
工人第一次來港, 佢肯用腦做好工作, 幾醒目下, 但佢都有佢自己的主意, 同埋好多野問
慢慢, 我都覺得佢不斷試我低線, 有時有D 野我講左唔好做, set 左時間, 我發覺佢過左一排就扮唔知。
已經有好幾次先例, 我都有同佢講番, 但我越來越唔放心了, 每次都係我係個眼仔度發現, 再問佢佢先肯講, 雖然那些不是很嚴重的問題, 但足以令我覺得佢唔係好肯聽我指示, 更擔心日後能否好好照顧BB
BTW, 其實我覺得我對佢算唔錯, 明白佢係離鄉別井工作, 家務唔多唔重, 日間照顧BB 係主力, 佢每晚休息時間最遲9:00pm 至7:00am, 唔洗佢同BB 瞓
我係屋企有裝眼仔, 我亦有同佢講我會監察的位置, 主要原因係我要隨時想見到BB。近來,在我一直查証之下, 發覺佢成日抱左BB 入佢自己間房, 我真係好唔開心, 真怕自己沒有耐性忍讓下去了
因為佢係我生之前到步, 由BB出世, 到我坐月, 到我要番工, 個 working schedule 係不斷轉, 我會明白佢好多時D指示會好混亂, 但大前提係佢係我協助我照顧BB, 我都承認開初我剛生產完, 太累, 好多時佢唔係太離譜, 我會讓步
現在個schedule 稍定左, BB 又要開始食糊仔, 咁又會有野唔同左
總的來說, 我還可以接受這個工人的工作, 不過已經發生左幾次by-pass 我的instruction, 感到好唔放心, 亦不能專心工作
我還可以再出個schedule 要佢跟嗎? 我成日忌住BB 係佢手, 想對佢好D, 等佢都可以開心D 對我個BB
請指教
吾意愛而不錮，尊而不評，同而不擾，邀而不迫，離而無怍，論而不責，助而無犯。得此相待，方互澤潤
發表於 
but I think all depends on luck
返回列表
