吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 我同老公都想離婚

夫婦情感今日: 2|主題: 42740

收藏本版

發帖

返回列表

跳至頁

樓主: sleepyBB

我同老公都想離婚 [複製鏈接]

1 2 34

meowmeowcat

民房

積分: 14

61^#

發表於 06-11-14 16:18 |只看該作者

Re: 我同老公都想離婚

諗下佢d 優點, 緊張你o個陣o既神情, 同埋你有左bb 對你o既關懷...
我依家都努力咁諗緊佢o既優點, 因為我禽晚都同佢講話要離婚!

私人傳訊

lisatsoi

大宅

積分: 1943

62^#

發表於 06-11-14 16:41 |只看該作者

Re: 我同老公都想離婚

SLEEPYBB:
睇完呢個TOPIC,我覺世事真係奇!
其實你可能覺得佢好傷你,但係相比各D出面有女人,你老公唔差,比各D出面無女人又顧家愛惜老婆的,你老公就好差,而你都一樣,睇你點睇同邊層次的人相比.而我覺得呢D都係次要,因為人唔可以無自我亦唔可以只顧自己.你地兩個不再是拍下拖談下情,

私人傳訊

JAY媽

男爵府

積分: 5993

63^#

發表於 06-11-14 16:47 |只看該作者

Re: 我同老公都想離婚

我一口氣睇哂四頁回應,我都覺得問題吾係出在你老公係你喎!我覺得你諗得太浪漫太過電視劇小說FEEL喇!講真一家人,笑下你肥啫,都吾駛咁好火卦...講真我隻佬由我陀住亞仔嗰陣時起都成日話我肥笑我肥到似海豚改我花名做傲肉美啦!生左仔初期佢都係話我勁多肚紋,又係成日叫我減肥又吾俾我食薯片啦!我又覺得只係玩同講下笑(雖則都知佢真係好想我成功減到肥)啫!無咩大不了!我都係咁笑番佢既外形啦!家陣我係叫緊佢做老野,佢至叫番我做美女咋!講真,呢D真係好小事,係情趣黎噃!

同埋差吾多個個男人都係覺得&認為女人係負責打理家頭細務同湊仔架啦!正如我地女人都覺得男人係咪都要有責任/幫手番工搵錢養家一樣!你試諗下如果你隻佬吾番工,或者淨係做散工,搵吾到錢番黎做番男人既責任去照顧你,你就算吾出聲/話到吾介意,咁你個心吾多吾少都覺得似乎有D問題啦.

至於你老公呢鑊發晦氣講離婚,我覺得都係你一手造成,聽你之前咁講,你真係成日講分手/離婚去解決問題/爭執,我知你都係一時意氣至會成日將離婚掛响咀邊,但係可以話俾你知,你講得多,你老公會聽到厭囉!依家佢忍吾住學你之前咁講一句離婚去STOP大家既爭拗,你既感受都吾好受啦!呢樣你一定要信,成日咁輕易講離婚實會LAI野!因為我之前有幾個朋友因為成日郁D下兇個男友,嘈嘈下或者有咩吾滿意就同男友講分手,係呀,初頭講幾次係幾收效呀,個男人會忍讓你,知你細路女亂講野又吾想破壞段感情至忍你,跟住我朋友講多左講慣左,個男友當佢發風吾理佢囉!"你成日都講分手架啦!你想分咪分飽佢囉!"嗰陣我朋友至知玩大左出事,咁就無左個好好既男友,EVEN之後佢同到呢個前男友做番朋友,但我朋友都好想同番佢一齊,因為個男人真係好好,但係個男人就好坦白咁拒絕佢:"NO WAY 喇!",你話係咪好吾抵!自己一時意氣既氣話,就破壞左自己原本可以有既快樂同幸福!家陣我另一個朋友個男友都係衰成日用講'分手'黎解決問題,依家我朋友都玩到厭,頂吾順佢呢個男友,都一野飛左呢條友喇!

講真,依家你已經大個女喇,已為人母,應該要自己去成長,吾好成日因為自己既一時意氣,去講埋做埋D咁幼稚咁妄撞既言行,講真,你嗰D真係好小事黎,相比我老公之前D自私行為(有排我都想伸隻佬出大門口),你老公D野真係小事到直頭係無事...

甜蜜既說話梗係間吾中要講下架啦!但講左吾代表係忍讓,而係吾好小小野都要同人計數囉!老公吾同亞B換片?我相信呢樹都有吾少BK媽咪D衰佬都係咁,一見條屎片好似見鬼咁彈開九里遠!

我隻佬以前仲激啦!真係好似以前某電視廣告咁,亞仔話肚餓,我隻佬即刻抱亞仔入房同個仔講:"訓下就吾會肚餓架喇! :mrgreen: "

搞到我放工番黎俾我發現左,我都即時K.O.打鑊佢!佢都仲係 :mrgreen: <--呢個樣對住我咋!

基本上嫁個老公同湊住個大仔無分別!間吾中係要勞氣下,真係無謂因為D濕碎事去破壞自己個家庭囉!咁樣好笨架!又對個小朋友好吾公平!如果我亞媽想當年係因為D咁既原因而同我老豆離婚,我同佢脫離母女關係似!就係因為D咁兒戲既原因而變左做單親家庭,搞到我童年無好日子過,日日喊住咁眼見同學一個二個有父母愛鍚,但我自己屋企散哂,老豆又因為無左個老婆而變左另一個人對我地兩兄妹吾好,亞媽又改嫁,要幾年後至搵番我地兩兄妹同我老豆爭撫養權...你話,小朋友又點會開心呢!

算啦!過左度氣就算喇!無謂太計較喇!兩公婆黎架!一家人黎架!

老公VOICEMAIL 1 2 3 愛是恆久忍耐又有恩慈,愛是不嫉妒不自誇不張狂,不作害羞的事,不求自己益處,不輕易發怒,不計算人的惡,不喜歡不義,只喜歡真理,凡事包容,凡事相信,凡事盼望,凡事忍耐,愛是永不止息

私人傳訊

苦苦爸爸

複式洋房

積分: 105

64^#

發表於 06-11-14 20:47 |只看該作者

Re: 我同老公都想離婚

你老公係咪人嚟架.我係男人都想打爆佢呀.

私人傳訊

sandyyok

洋房

積分: 78

65^#

發表於 06-11-14 21:21 |只看該作者

Re: 我同老公都想離婚

sleepybb

妳老公你真係衰啲, 個個男人都咁上下, 我同我老公一星期見一次, 我都會成日諗佢好方面.
妳如果真係離婚後, 我相信妳會比現在更痛苦, 會後悔, 返唔到轉頭!

私人傳訊

zzzfatkit

民房

積分: 29

66^#

發表於 06-11-14 22:53 |只看該作者

Re: 我同老公都想離婚

我係男人，不過我唔係幫男人，你講個D真係唔係大問題，唔需要講到離婚，離婚對所有人來講都係輸。

無論男女生左細佬都會變家啦，因為D注意力去哂bb到，其實男人好多時會唔明女人唸乜，但通常都會有一個錯覺，覺得女人係屋企淨係湊仔同做家務，應該好輕鬆，但佢就日日係出面搵命搏，所以你如果同佢講湊仔家務，一定鬧交，你試下搵機會要佢自己湊幾日，佢就知唔係佢想像中咁易。

至於佢話你肥走哂樣，好多男人把口都係咁，你咪好似我老婆咁，我話佢生完暴肥，佢話返我以前都好靚仔，依家就好
'佬'，仲係肉酸個種:-(

我以前同老婆因為仔仔都鬧得好勁，都搵過社工，但依家睇返，根本大家都唔明對方唸乜，亦唔明對方點解咁唸，淨係企係自己個邊唸自己點好對方點唔好，可能你覺得你老公唔理解你又唔關心你，仲笑你添。但佢可能都覺得你小事化大，身在褔中不知褔。試下冷

私人傳訊

sleepyBB

大宅

積分: 2499

67^#

發表於 06-11-14 23:01 |只看該作者

Re: 我同老公都想離婚

各位bk好友:

等我講下最近既情況，我同佢初時都冇野講，不過我又唔想真係離婚，於是我主動同佢講野，加上我個女in學校，咁大家都有一齊食下野咁，都有講幾句。我問佢係咪真，佢話唔傾，跟住星期日晚返左大陸陪客，之後星期一晚，我等到晚上十一點到，問佢佢話晏d返，大約3點幾，之後我等到四點幾佢冇返黎，我打俾佢原來佢同同事篤波，話就返，最後我冇等到，因為我知佢唔想返黎，到左今日上午八點幾先返。

佢訓醒後同佢傾，佢話未嬲完，仲話係我講要離婚，咁我再講係你講，之後佢都知係佢講喇!(有時諗緊佢係咪咁善忘)跟住佢話睇下呢幾排我點先，行為有冇改善。

我都唔知點形容我呢刻心情，總之而家佢講咩都順佢意，今晚佢都唔返黎，聽日去澳門見客，就係呢個時候大家可以冷靜下。

:-( :-( 不過真係好有一班咁樂於助人既BK MUMMY、daddy係度，我會努力d架喇!

私人傳訊

lisatsoi

大宅

積分: 1943

68^#

發表於 06-11-15 13:41 |只看該作者

Re: 我同老公都想離婚

SLEEPBＢ：
好開心你努力緊,我地支持你!
不過努力唔係事事順從,係要好的結果,如果你家下俾佢知你惊离婚,以後佢就得戚用呢樣大你,你要俾佢明白你唔係惊离婚,而係做人唔想雙輸!
我唔識點教你,但係一味順從絕對唔得,男人女人都一樣,欺善怕惡,該善就善,該惡亦要惡,唔係無係主觀表現自我,試問點留住佢的心,睇來佢都唔係真想离而係惊下你,等你改善下佢認為你唔好的行為,咁你要諗下是否真的有D

私人傳訊

咕b

伯爵府

積分: 16040

好媽媽勳章畀面勳章

69^#

發表於 06-11-15 15:38 |只看該作者

Re: 我同老公都想離婚

呼~~

一口氣睇哂......
講真...你老公講野又真係衰左d既,肥左,有肚紋都係因為佢,唔愛佢又點會同佢生兒育女,唔生兒育女又點會有呢d野丫.其實好多媽咪生完都會係咁啦,我都係咁啦...不過我老公成日都話唔介意,仲叫我唔好減肥,話我而家都唔算肥,不過我過唔到自己囉 :-( 有時,你老公講呢d野,你咪當佢講笑囉,唔好太介意,你自己盡左力去減都冇成續,咁都冇辦法架,唔係個個人話減就減到架嘛
兩公婆既野,唔係睇單方面架,你老公話要睇下你有冇改先決定離唔離婚...我覺得就唔應該咁講囉,一隻手永遠拍唔響架,呢d野係雙向架嘛,就算你改到岩佢心水,但佢唔有錯唔去改,咁咪永遠要你就哂佢,咁你又會開心咩,而家唔同以前年代架喇,以前就咩都係老公大哂,老公話一女人唔敢講二,而家冇呢支歌仔喇,點都要大家相就,體諒,有咩咪拎出黎講囉,你有唔滿意佢既地方,佢亦有,大家拎出黎傾,大家一齊改,大家互相鼓勵提點,大家一齊去配合,一齊進步咁先開心架嘛.唔通你甘心每日活係唔開心日子裡面咩,我相信你老公都唔想啦,佢都希望每晚放工第一時間返屋企,開開心心舒舒服服咁啦,如果雙方都希望有個開心既家,就應該雙方一齊去為個家,為段婚姻做返d野,又或者當係為左個女囉.

私人傳訊

sleepyBB

大宅

積分: 2499

70^#

發表於 06-11-17 18:10 |只看該作者

Re: 我同老公都想離婚

各位:

再最新發展係我同我老公而家終於冇事，我地一齊傾下我地既問題，大家都忍唔住 :-( ，之後佢對我能度都好左好多。

係度再一次多謝大家支持同鼓勵，謝謝!

私人傳訊

yiuyiu213

大宅

積分: 1153

71^#

發表於 06-11-17 19:25 |只看該作者

我同老公都想離婚

有傾有講米幾好..... 恭喜哂 .... 我為你而開心

私人傳訊

煒良媽咪

公爵府

積分: 27078

母親節2025勳章 2024年龍年勳章 2021可愛聖誕B勳章熱血勳章

72^#

發表於 06-11-17 22:52 |只看該作者

Re: 我同老公都想離婚

sleepyBB:

睇到你哋依家兩公婆可以和好如初, 總算冇白費之前一班daddy & 媽咪既肺苦之言

私人傳訊

up88

珍珠宮

積分: 31135

73^#

發表於 06-11-17 23:25 |只看該作者

Re: 我同老公都想離婚

我由第5頁開始睇時,都感到有無攪錯,咁少事要離婚真係替你們感到好可惜,又感到你們思想不成熟,我心諗都應是耍吓花槍咁啦,直感話我知,最後你們一定又會無事,睇到現在,真係估中了,哈哈!一家人呀,都不到上世要修多少緣份才今生再遇上,成為一家人呀,凡事要懂珍惜,不要為小事而說出或做出一些傷害對方或自己的事,希望你們日後都多些傾吓計,說多些自己內心的話讓對方明白,那就自然沒問題!