夫婦情感

收藏本版
發帖
返回列表
跳至頁

首頁
23456

尾頁
   0
Candysung


大宅

積分: 4384


61#
發表於 06-11-21 10:26 |只看該作者

Re: 我變左第三者, 我是否退出!

多謝你們比我的意見!!

我都知我同我男友處理呢件事都好有問題, 我男友就拖泥帶水, 唔夠果斷, 而我就只有發脾氣去迫佢咁, 我知就算我同佢即刻同佢結婚, 問題都會係到, 係我立埸上我真係唔介意佢有個女, 同佢女女相處暫時都無太大問題, 但問題係因為係女人真覺話我知佢ex係對我男友仲有feel. 我相信我男友係知道, 只係唔係我面前直接承認, 佢認為比d時間佢自己會處理到, 呢個先係我同佢之間最大的問題. 我昨晚同佢一齊, 我都將我感覺講出黎, 叫佢立埸堅定, 我唔介意佢照顧佢自己個女, 但我介意係佢同ex關係未搞清楚, 我男友都應承我等佢出完trip之後會同佢ex講清楚! 我都唔知係未真係可以咁簡單解決, 但點都好, 就用呢兩個星期佢諗下大家點做, 待佢返黎, 佢係未真係可以實淺佢既承諾, 如果都係唔得, 咁就唯有分手, 呢個就係我最壞大算,因為我真係容忍唔到三人世界的生活!
私人傳訊

C-BB


男爵府

積分: 6143


62#
發表於 06-11-21 11:21 |只看該作者

Re: 我變左第三者, 我是否退出!

你處理得好，I support you
私人傳訊

gracechung


別墅

積分: 682


63#
發表於 06-11-21 14:32 |只看該作者

Re: 我變左第三者, 我是否退出!

parker：
好同意你的分析，我內心都係咁覺得，但講唔出你講ge野，你睇問題好通透

candysung：
或者，你就仔細d參考一下parker的意見啦！Good Luck!
parker 寫道:
我覺得你唔係諗今次係咪信佢, 係以後會點.

你男友仲係扮演一個好被動既角色, 基本上係將主動權交晒俾個ex. "能力幫到會盡量幫"呢句可圈可點. 咩叫"能力上幫到"呢? 俾積蓄既一半係幫, 賣樓, 做擔保(要上身架)都係幫. 幫人冇問題, 但唔set limit, 要"盡力", 甚至"無限量", "無休止"地幫, 絶對係問題. 親人(兄弟姐妹) 都要盡力而為啦, 尤其有家庭既人, 何況只係ex-girl friend (甚至不是前妻). 我覺得佢對個女盡責任冇問題, 每個月俾生活費, 放假帶個女去玩下; 但認為對個ex有責任, 要訓身幫佢, 當係對既女既補償, 絶對會成為你地將來無休止爭執既原因. 我唔覺得兩個成年人, 個女人揀生左個bb, 之後個男人就成世都欠左佢. 你男友既思想好有問題. 佢自已一日唔搞清楚呢個思想謬誤, 個ex一日都可以要脅佢, 要佢點都得, 你信唔信?? 你地以後冇細路都算, 有細路仲要"幫得就幫", 你頂唔頂得順自己仔女俾人分薄資源?

同你結婚容乜易? 結左之後點對你, 對個家, 先至係關鍵.除非你只係唔甘心, 點都要同佢結一次婚, 至多結左之後離婚, 咁就冇野好講喇.
私人傳訊

Candysung


大宅

積分: 4384


64#
發表於 06-11-21 14:55 |只看該作者

Re: 我變左第三者, 我是否退出!

gracechung, 其實昨晚我有將parker 的說話同我男友講一次, 我知我男友明白我所擔心係咩, 佢亦都話會等佢今次工幹完, 同佢(ex)講清楚, 但到時我男友係未好以做到, 真係要到果時先知, 所以我只能作最壞打算! 不個有你們的意見同埋分析, 唔駛自己太過鑽牛角尖!

私人傳訊

bkfans


禁止訪問

積分: 67524


65#
發表於 06-11-21 22:19 |只看該作者

Re: 我變左第三者, 我是否退出!

提示: 作者被禁止或刪除 內容自動屏蔽
提示: 作者被禁止或刪除 內容自動屏蔽
私人傳訊

lamma930


大宅

積分: 1384


66#
發表於 06-11-22 02:17 |只看該作者

Re: 我變左第三者, 我是否退出!

Candysung,
既然已經作好最壞的打算，又明確知道自己底線係點，現在就盡量放鬆自己不要亂想，明天會更好！！
[size=large]支持你
私人傳訊

Candysung


大宅

積分: 4384


67#
發表於 06-11-22 17:25 |只看該作者

Re: 我變左第三者, 我是否退出!

求命呀, 我男友明天就上機, 但我男友個ex竟然話想去上海玩(同埋個女), 連機票都check左, 我男友都怕我唔開心即刻通知我, 男友話佢已同佢講左無時間倍佢, 同埋佢係同埋另一個同事一齊去的, 好多時都會同呢個同事一齊, 叫佢(ex)唔好去, 但她話無所謂, 佢都未去個上海, 反正間舖如果開左就無時間去玩, 就趁呢段時間去下旅行! 我聽到都好突然, 我話是但你地, 唔通我叫你唔好做份工咩..你自己handle! 我話今次佢動機係咩你好清楚, 不如你同佢講清楚好過啦, 唔好拖泥帶水好過!跟住我就話我仲事趕埋份文件, 就收左佢線! 其實我個心都好唔開心, 但又唔想即刻發佢脾氣, 唯有忍住!
私人傳訊

冬蝶


複式洋房

積分: 486


68#
發表於 06-11-22 17:39 |只看該作者

Re: 我變左第三者, 我是否退出!

一路都有睇住你件事既發展~
到現在呢步, 呢個女人既動機巳經擺晒上台面, 你男友如果真係識做既就應即刻同佢講清楚, 同埋要好明確咁讓佢知道佢地
巳係過去式, 同埋打算一返香港就同你結婚, 等個女人死心,
唔好再出埋的咁賤既招數, 根本你男朋友一開始就做錯,
幫得就幫, 幫到呢個女人一定以為自己有勝算, 個女人好賤呀
希望你可以放鬆下自己既情緒啦~ 雖然我知好難@@
現在最主要睇你男友點做~
私人傳訊

冬蝶


複式洋房

積分: 486


69#
發表於 06-11-22 17:41 |只看該作者

Re: 我變左第三者, 我是否退出!

取好今晚你男友帶你一齊同個女人一齊講清楚~
如果係我, 我會咁要求~ 始終女人係好敏感既..
之前都話俾面佢, 但佢都做到咁, 我唔會再顧忌.
我覺得你要你男友做個交待, 唔可以再拖
私人傳訊

parker


別墅

積分: 551


70#
發表於 06-11-22 17:44 |只看該作者

Re: 我變左第三者, 我是否退出!

嗱, 真係中晒喇. 今次呢件事固然會令你唔開心, 但我覺得反而令你男友一定要面對同搞清楚佢同ex既關係, 而家人地mung住衫尾, 你男友係唔可以再騙自己同佢冇野. 你冇野啫, 人地有野呀大哥! 咁搞法, 唔通第日你地度蜜月佢又帶埋個女跟住去? 使唔使係你地屋企預間房俾佢呀?

你今次可以睇清楚你男友點處理. 千萬唔可以接受佢d藉口了, 否則後患無窮. 一定要約法三章, 個女可以照顧(學校, 假期去玩(只可以帶個女)...等等), 同個女無關既野唔該自己搞掂.
私人傳訊

Candysung


大宅

積分: 4384


71#
發表於 06-11-23 11:06 |只看該作者

Re: 我變左第三者, 我是否退出!

我男友昨晚係我前同個ex傾電話, 內容大概如下:

我男友問佢ex, 妳今次仲咩無端端要去上海, 妳係未仲對我有d野同幻想, 佢就話唔係吖, 叫我男友唔好亂諗, 佢只係都想旅行下, 佢話自己都係上海人, 都想去下自己鄉下見識下, 見我男友又會係到工幹, 可以照應下, 咁之麻, 仲話我男友太敏感, 佢問係未我唔鐘意佢去上海見我男友? 我男友話都有小小啦, 但我男友話好想令我安心點, 佢話唔想因為咁無左個女友, 所以要問清楚d,不過我男友都話佢自己去上海真係會好忙, 個project一定要埋尾, 真係唔會有咩時間倍佢! 佢ex就話唔緊要, 佢會自已安排節目, 叫佢放心, 而且機票都出左, 唔通唔去咩, (她會星期六出發, 留九日), 叫佢唔駛理佢! 咁我男友問..個女都要番學, 佢話無所謂啦, 個女咁細, 無問題架啦! 她仲叫我男友同我講唔好咁小氣啦, 佢都係諗住自己玩, 都無諗過要我男友倍佢去! 話我同我男友諗過龍! 咁我男友都無話可說!

收線後, 我男友都氹我, 佢都無時間倍佢架啦, 叫我放心, 如果唔信佢可以叫佢同事做証, 我話你最好諗定點樣拒絕佢, 她特登訂埋同一間酒店, 佢一定會搵你, 同埋你最好同佢講得一清二楚, 你係唔會同佢一齊, 除左會照顧個女外! 如果你真係同佢有野, 我一定會同你分手! 我男友只係話得啦..佢知點做…佢今日上機, 我個心都好擔心架, 但都無辦, 要講的, 我都講左, 睇我男友定力是否足夠!
:-(
私人傳訊

yst424


大宅

積分: 1420


72#
發表於 06-11-23 11:26 |只看該作者

Re: 我變左第三者, 我是否退出!

Candysung,

我想問,如果比你男友既同行同事知道左有個女人帶住個小朋友住埋同一間酒店,你男友會點同人地講清楚佢地係邊個?同埋萬一個小朋友叫daddy咁點算?
私人傳訊

Candysung


大宅

積分: 4384


73#
發表於 06-11-23 11:38 |只看該作者

Re: 我變左第三者, 我是否退出!

我男友其實都無隠瞞佢有個女的事實, 所以佢有部份朋友係知呢件事, 至於今次同行的同事, 都係知道的! 不過佢同事同我男友都估唔到呢個ex都會一齊去咋! 講真丫, 我男友始終都唔想佢去架, 因為係工幹, 唔多唔小都影響到工作! 我feel到佢都唔係幾開心!
私人傳訊

bigbighei


珍珠宮

積分: 39254


74#
發表於 06-11-23 11:47 |只看該作者

Re: 我變左第三者, 我是否退出!

不如你又一起去啦!等佢知哀啦！試過哩次等你男友都會識做下次唔會再比佢知到佢trip囉! 你諗吓咁多日係埋同一間酒店,好難頂架!
地球和火星 完美與破爛 現實對幻象 這樣的差距離還有盼望 嗎
私人傳訊

babychin


大宅

積分: 4490


75#
發表於 06-11-23 11:54 |只看該作者

Re: 我變左第三者, 我是否退出!

candy sung
點解你男友只是向 ex 了解這次上海之行的目的, 而冇講其他叫佢死心的說話, ex 講了 "自己都係上海人, 都想去下自己鄉下見識下", "ex就話唔緊要, 佢會自已安排節目".....等等之廢話。你唔開心, 甘你男友問一次, ex 解釋一次, 如果將有常常發生那種事, 次次都解釋, 甘咪好唔得閒。其實今次件事, 已經好明顯, 你男友冇理由, 就甘相信ex 的解釋, 而不了了知。

你男友是否需要, 當在你面前, 大家3個人清清楚楚, 講出他自己心裡的感受, 只想與你一起生活, 和照顧個女, 等個女人死心, 其實如果你男友想與你一起的話, 他一定會做d野, 令你安心的, 他反要顧及 ex 的感受, 而冇給你安全感, 他真的太婆媽了。

私人傳訊

yst424


大宅

積分: 1420


76#
發表於 06-11-23 11:54 |只看該作者

Re: 我變左第三者, 我是否退出!

Candysung

雖然話個女人知道你男友係去工幹, 而佢又話唔會阻住你男友o者,話晒依家佢地中間有個女,住埋同一間酒店又點會唔見面呀,點都要食飯架,2 weeks喎, 我死唔信佢地唔會一齊囉, 就算唔食飯, 我估個女人都會同你男友講, 個女想見佢(你男友囉), 你男友有無同佢表明返黎會同你結婚先, 佢有表明你唔開心無咩作用喎,呢點你男友唔講, 我估個女人都知啦, 同埋連同事都估唔到佢估跟埋去既, 喂, 依家去做野呀, 大佬,你估依家旅行玩咩, 個女人有無諗過會影響你男友先, 我都係一個女人, 如果佢話佢無野既,係你/你男友多心既, 我點都唔會相信囉, 你講得岩, 睇你男友喇! 我好岐視個女人囉,做埋d咁低裝既野 :tongue:
私人傳訊

小寶貝兒


珍珠宮

積分: 30295


77#
發表於 06-11-23 11:57 |只看該作者

Re: 我變左第三者, 我是否退出!

唉...... 點解會有d女人咁無恥??? 真係影衰晒其他女人!!!

梗係啦, 我男友出trip有時都會叫我跟埋去, 但都只係得佢一個人果時先會叫我跟埋去, 如果有同事一齊去, 佢係唔會比我去架!! 因為佢會覺得咁樣會好影響佢係老細同事心目中既形象, 有時真係會好大鑊架!!!

如果妳男友係一個著緊自己事業既人, 佢一定會覺得唔高興個ex咁樣跟埋去, 反而會令佢對ex更反感, 因為佢會覺得個ex冇care到佢既工作就跟埋去, 太任性啦!!
♡女人想要奢侈品，其實要的是男人的捨得！
♡女人想要你出差的禮物，其實要的是男人的掛念！
♡女人想要生日禮物，其實要的是男人的心思！
♡女人想要擁抱，其實要的是男人的溫暖！
♡女人想要吵架，其實要的是男人的包容！
♡女人想要的一切，無非是要男人在乎她的感覺！
私人傳訊

Candysung


大宅

積分: 4384


78#
發表於 06-11-23 13:01 |只看該作者

Re: 我變左第三者, 我是否退出!

起初我都有諗過我都去埋一份, 但..第一呢排公司係peak season, 未必會放人, 第二, 如果連我都去埋, 我男友一定唔開心, 比佢同事見到都唔好, 佢現在真係做正經事, 唔係去玩, 我唔想比佢d同事感覺我地係去爭仔咁…如果傳到佢老闆到就更加唔想. 我都覺得佢ex今次一齊去, 只會令我男友覺得煩, 未必討到我男友歡心!

我至於我男友點解唔決斷d…我估係咁, 佢之前有同我伸過….佢話她(ex)都從無話過對佢有feel, 連手都從無拖過, 佢都係當我男友係親人咁, 無咩架, 咁點同佢講叫她死心, 人地都無話鐘意佢, 一陣比佢話番仲無面, 唔知呢d係未男友既諗法. 我男友話都同佢講過現在有我存在, 又會出年結婚, 又暗示過同佢無可能, 咁我仲想佢點同佢講! (呢段係早排我對我男友發脾氣時, 佢同我伸的). 唔知係未我男友怕瘀! 都唔知男人角度係點睇!
私人傳訊

cobylai


複式洋房

積分: 189


79#
發表於 06-11-23 14:56 |只看該作者

Re: 我變左第三者, 我是否退出!

hi candysung

i just finish reading the whole story... it really seems that this will only happen in movies...

no matter what your decision is, i'll support you... coz i know it's hard to do the right thing and make the right decision as u r the one involved here...

we can easily say what should be right and what is wrong - but only when we are bystanders... once u are involved, most probably dont know what to do...

many people are supporting you, so hang on there!!!
私人傳訊

parker


別墅

積分: 551


80#
發表於 06-11-23 16:16 |只看該作者

Re: 我變左第三者, 我是否退出!

你唔好怪我長氣, 我一直覺得係你男朋友既問題, 因為佢唔應該同個ex講, 係你唔開心. 佢搬你出黎做咩啫? 佢應該同佢講, 佢自己去公幹, 無端端有個無那無lung既女人跟住晒, 係佢好唔開心. 佢搬你出黎, 只會俾個女人覺得只要搞掂你, 搞走你, 佢就會得米.

個女人都算厚面皮, 俾人咁當面問係咪對自己仲有野都跟住晒, 冇野都一早收x啦, 真係唔知醜. 所以佢係咪死lur都唔緊要, 重要係你男朋友做唔做到完全唔so佢. 佢猛問人係咪對佢有野, 人地話冇. 但叫佢幫手又訓身幫, 叫佢去食飯, 一陣上去佢果度飲湯佢又去, 陣間三更半夜話肚痛又call佢, 廁所塞左, 電腦壞左又搵佢..........人地把口唔認, 但叫親你都去, 都應承, 咁講黎把鬼! 講冇用架, 叫佢用行動表示啦, 以後除左個女d野, 個女人既野叫佢放手啦!!!!!廁所塞左, 電腦壞左叫佢查黃頁, 半夜肚痛叫佢call白車囉! 親人? 佢同個女先至係親人, 同佢完全無關係, 叫佢唔好認親認戚.
私人傳訊


首頁
23456

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy