RoseTutoria 寫道:
我個舊印印都有好多經典野, 講出來笑死街坊, 激死僱主。
1) 買好材料叫好第二日煲湯, 第二日下午5:30打番屋企問
佢煲好湯未, 佢話唔記得, D野仲放在冰箱, 如果我唔問,
佢當無事發生。
2) 我響公司打電話比佢, 叫佢同BB換衫, 然後在地鐵站等我,
一齊帶BB去街。點知我去到MTR station 見到BB披頭
散髮, 著住件舊衫仔同褲仔(屋企衫), 鞋又無著,我問佢做
咩唔換衫, 佢話趕住落來,所以唔記得換衫。
3) 叫佢收拾鞋柜, 佢淨係收拾大人鞋, 小童鞋亂七八糟, 問
佢點解, 佢話諗住太太睇唔到。(因為平時係佢同BB穿鞋
多)
4) 我話一星期抺一次窗, 佢竟然將窗台當窗口計, 窗台雜物
亂放當睇唔到, 我話窗台要日日抺同執, 佢話知道, 點知
佢淨係執我個房個窗台, 其他房唔做, 原因係佢認為太
太唔會入其他房。
5) 客廳個地柜封晒塵(可以寫大字), 佢仲死口話有抺; 抽油
煙機油杯D油成吋高, 唔認無做清潔, 話個D係雨水經條
喉倒流入部機度。(當我係白痴!)
6) 我響公司打電話比佢, 叫佢帶BB去超市門口等我, 點知佢
唔明又扮明, 去錯地點等, 結果我用左1.5小時去搵佢, 佢
抱住我個女, 係條街度食麈同餵蚊, 又唔識打我手機, 又唔
識番屋企等, 如果我搵唔到佢, 佢會抱住BB企足一日, 都
唔識番屋企(正死蠢)。
7) 買半斤通菜俾佢煮麵, 煮完一條菜都搵唔到, 淨係見到小
小菜葉響煲底, 問佢D菜去左邊, 佢話煮晒, 結果我響垃圾
桶搵到D菜, 原來佢將D通菜當作"九紀", 淨係摘菜葉,D
"莖"全部掉晒, 仲死頂話係印尼食法。(又唔見我以前個
印印係咁?)
8) 教佢煲湯同滾湯教左10次都唔識分,有一次買晒材料叫
佢滾湯, 好心提佢唔好落咁多水, 佢一聽見"小水", 就取
了個平時用來煮公仔麵(2個麵)的細煲出來, 我問佢咁
細個煲點放材料?(3條魚, 兩塊豆腐, 半斤菜)佢話放唔
落, 不過太太話小水, 所以佢用呢個煲!(我當時比佢激到
唔識出聲, 淨係識碌大對眼望住佢。)
其他小錯多不勝數, 大錯如餵錯藥, 無叫阿仔食藥話叫左, 我之前都講過, 不再重覆, 總之就係"鑊鑊新鮮鑊鑊金", 我Dfriend好鍾意聽佢D笑話, 仲話好笑到可以出書。難為我對住佢, "丙"佢老公又話"家無寧日", 你話死得未?
發表於 
返回列表
