由仔女一上中學，我就同佢地講，千祈唔好未讀完書結婚或生BB。我會分析如果突然有BB，會對佢地的生活有多大影響。我冇唔比拍拖，只會分析如果未婚生BB會好麻煩。我亦有同佢地講，而家搵食艱難，冇好成績就冇前途；我又會定期和佢地傾將來想大學讀乜，工作想做乜，有了長遠目標，就易和他們傾。我仔都係今年要考lB試，每一分都重要。人以群分，佢的熟朋友有男有女，個個都成績好好，自然大家都目標為入大學。我唔知我仔有冇拖，但佢真係好忙，就算有拍拖我都知佢有分寸，以佢現在讀書方向，和孤寒性格，有女朋友都好快掉頭走。我女就女強人性格，我反而怕佢將來做老姑婆。至於男女的性關係，佢地學校有教，每年老師都曾同佢地傾，因此佢地知道有乜嘢要提防。至於樓主公子有女仔SMS話掛住佢，可能都係對方主動，時代唔同喇，而家D女仔好主動好𤠣琴，我仔的 FB 都有時有女仔留言 liu 佢，佢話唔駛理，對方就自然會轉目標。
發表於 
用個吉穿咗 ge
返回列表
