吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 報應又一再發生

夫婦情感今日: 0|主題: 42684

收藏本版

發帖

返回列表

跳至頁

樓主: 無花果

報應又一再發生 [複製鏈接]

1 2 34

myhalf2days

洋房

積分: 168

61^#

發表於 07-4-7 00:00 |只看該作者

Re: 報應又一再發生

lovebb74,

我的確是"高人", 五呎六吋半, 哈哈!

見到妳的處境, 我真係好心痛, 替妳辛苦, 就算破鏡重圓, 對"婚姻"都會失了當初的純真, 不再愛得無憂無慮, 風濕骨刺時時陰陰痛........

我會好實際去唸, 妳對老公一定仲係愛的, 仔女都要爸爸, 雖然在情在理都唔應該原諒佢, 但只要佢表示悔意決心, 妳一定會動搖.....

點算?

佢人係妳身邊, 心一定係另一邊, 因為佢欠了另一個愛佢和佢又曾經愛過的人, 個位冇名冇份的女人同一個淪為私生子的親骨肉! (妳依家知譚校長的元配有幾難.)

佢選擇"回家"更加係因為覺得欠了妳, 對妳唔住, 如果佢離婚, 心亦會係妳呢度, 會同新歡講:"如果仔女有乜事,前妻有乜困難, 我一定會去探佢, 去幫佢地, !"

天殺的男人!

兩頭家都想佢留低, 畢竟大家都付出過.
外國就冇呢種婚姻灰色調, 來去瀟灑, 好痛快!

最緊要都係"有銀", 條件許可何必三人行, 其實依家妳望住個老公, 會發覺佢係.........多麼的陌生.

"我"......會好好生活,自力更生, 佢闖的禍應該佢對我抱憾, 冇理由我去痛, 去恨!

想像下復合後的生活:
錢佢要出, 人佢要理, 妳不便過問, 慘過便秘的何鴻燊, 何生一次手術搞掂, 妳呢?長期病患......好難醫!

私人傳訊

湘兒

子爵府

積分: 13695

畀面勳章

62^#

發表於 07-4-8 00:19 |只看該作者

Re: 報應又一再發生

myhalf2days,

好多謝你打左咁大段野比我睇...
琴日佢黎左拎錢比我地2母子...我開門望左我地2個一眼...
之後比錢...就走咩都冇講...
我初頭諗住叫佢入黎傾下仔仔既將來..
不過佢走都走唔切...佢話有咩就係電話傾...
或者係門口講...大佬呀..唔係要比d鄰居聽到哂d家事呀...
所以我選擇等佢走左..打電話比佢...

係電話中,我問佢.你諗住幾耐見仔仔一次?
佢話唔知,未諗...好多野煩..我話你點都要比個答覆我...
佢就話吾好煩我啦...跟住我問佢...咁你諗清楚係愛我定責任未!?
佢答我未諗過..大家冷靜下先啦...我想要自由..我話冷靜即係咩..吾通要我係咁等你..如果我有第2個男人咁我吾通等你成世..佢就話咁你宜家係咪有第2個男人丫..?我話唔係..但你要比個答案我..佢話分開..分開囉...我話:你出面有第2個女人..佢話:如果有第2個,我就吾會比錢你啦.我同佢拎d錢去玩唔好...之後..我話拜拜就收左線...

佢既態度係聽到我把聲都覺得好黑人憎咁!收唔切線!
我同佢分開左依經15日左右..我都冇喊過..
不過,琴日聽到佢竟然連個仔都吾想理..唔想見...
我覺得自己好失敗...幫個仔搵左個咁既老豆囉...
我忍唔住喊左出黎...我朋友話我蠢..唔好再喊...
自己又唔係冇條件...我宜家仲讀緊dip..可以繼續升學...
佢讀到中3.冇份工做得長...我知可能我咁睇死佢係好衰...

今日我心情好左好多...
我都明白再同佢一齊只會浪費自己時間...如果吾係有個仔..我諗佢踢左我出街了..
佢自細冇媽媽,佢爸爸又唔係佢親生爸爸.所以因為咁我覺得佢好冷血..細細個而經冇人愛佢...
我覺得佢出面一定有第2個女人先會咁..不過而經吾關我事了..
想問你..可以比d意見我..對於依個男人..同埋我自己既將來嗎..?謝謝...

私人傳訊

湘兒

子爵府

積分: 13695

畀面勳章

63^#

發表於 07-4-8 00:20 |只看該作者

Re: 報應又一再發生

補充:我男朋友得19歲!

私人傳訊

myhalf2days

洋房

積分: 168

64^#

發表於 07-4-8 04:58 |只看該作者

Re: 報應又一再發生

湘兒:

真係好對唔住, 原來妳男友的背境係咁, 我"高談"了一大堆, 實在"言重"了.

十九歲, 中三, 不堪回首的童年.......天哪! 佢人生都未有方向, 就要做父親同丈夫, too much.

唔係唔怪佢, 係怪來都冇用, 佢可以點?妳又可以另佢點?
佢對妳講野的語氣/態度/動機, 都因為: 佢係咁的水平/層次.

當然, 讀書少唔等於層次低, 但妳唔可以對佢有期望, 冇忘記佢有一個"不懂愛"的童年, 愛的種籽未萌芽, 何來愛的根基.佢目前最需要的唔係妳的愛, 而係: 時間.

佢, 需要"時間"去成長, 去經歷.

妳都係! 做女的幾時都需要保護自己, 點會有BB架?!

佢本質唔壞, 因為咁的"環境"都俾到小小錢妳, 証明佢有唸到亦都做了, 其他暫時就冇逼佢去承擔, 越逼越走,連門都唔敢入.

妳要"罰"自己發奮向上, 鬼叫妳任性! 女人為愛乜都得, 但都要睇對象同預知後果. 女的幾時都比男的成熟, 妳當初失策了.

開心角度:
一定係阿仔知道妳係好媽媽, 趕住投妳個胎, 所以,萬萬不能辜負阿仔, 好好樹個"逆境自強"的榜樣.

孝順媽媽! 最心痛的係佢, 最唔容易的亦係佢. 呢條路多得佢陪妳行埋落去.......

如果未愛夠, 可以繼續, 但條件係"先愛自己"!
佢係妳手中的風箏, 需要飛高點遠點睇多點經歷多點, 但始終都有妳同阿仔的愛"牽引".

等唔等佢? 真係冇所謂, 時間會有定論, 急唔來, 慢慢來......

私人傳訊

子晴83

複式洋房

積分: 319

65^#

發表於 07-4-8 07:46 |只看該作者

Re: 報應又一再發生

湘兒,

想同你分享一件真人真事~

好多年前一個19歲既男仔，講講佢背景：佢爸爸係佢好細時過左身，媽媽就係有工作但又呃綜緩，叫d仔女唔好搵工既人，個男仔係一個鐘意蒲既人，落d high野，返琛圳玩，不務正業，試過賣翻版碟，唔識儲蓄，洗腳唔抺腳，當時佢女朋友有左bb，20歲都未夠個bb就出世，女仔係產房時，個男仔係機舖。

個男仔要擔起頭家，但只係做散工，晚晚三更半夜先sleep，朝朝唔肯起身返工，個女仔日日叫佢起身叫到喊，有時話太眼

私人傳訊

湘兒

子爵府

積分: 13695

畀面勳章

66^#

發表於 07-4-8 20:11 |只看該作者

Re: 報應又一再發生

myhalf2days,

我都明白唔可以再強求d咩,因為佢細細個就冇人愛!
跟本就唔識點去愛人!個陣同佢講,擺酒佢一再拖!
又話佢事業岩岩起步!又話咁快,都未儲夠錢!
我而經對佢冷淡!!

我成認自己冇帶眼識人!我之前落左1次bb!經手人都係佢!
所以仔仔係好多人反對下,我都決定生!
我預左同佢吾會長久,可能你覺得我好自私!
明知都要生bb,但係我知道依樣野我一定要成擔!
我同bb係有緣份,佢先會做到我個仔!
落bb,對身心都好大傷害,我忘記唔到!
我一定會發奮,因為佢靠唔住!我個陣話讀書,
佢話讀黎仲咩野丫,係屋企湊仔好過啦!

我宜家盡量令媽媽冇咁傷心,佢話點都會支持我繼續讀書!
其實宜家既學費都係由媽媽比!我好愛佢!
希望到我有能力既時候,可以好好報答佢對我地既愛!
男友連拎野比我,都系擺係我門口.
冇打比我,我都係今日番屋企先知.
我諗佢一定係好驚,仲逃避緊我地.

我諗住雖然大家做唔成夫妻,
我都會每個月寄仔仔既相比佢睇,點都好.
佢都係個仔老豆!!

私人傳訊

myhalf2days

洋房

積分: 168

67^#

發表於 07-4-8 22:51 |只看該作者

Re: 報應又一再發生

湘兒加油!

最幸福係有親人撐(母親+仔仔), 妳男友就冇呢個福份啦!
希望妳幫仔仔保住"父子親", 等男友在親情中領略愛, 學懂愛, 妳依家付出的, 日後佢會漸漸係阿仔成長過程中體會到.

"迪士尼"楂船哥哥對遊客講的金句:

"小朋友, 俾心機讀書啊!
睇下哥哥我,
細個唔讀書,
大個做運輸"

妳咁後生, 要讀書贈值!
等到男友就等, 等唔到將來實搵到更好的!

私人傳訊

湘兒

子爵府

積分: 13695

畀面勳章

68^#

發表於 07-4-9 02:21 |只看該作者

Re: 報應又一再發生

子晴83,

多謝你的分享!我真係冇信心可以教好佢!
因為我識左佢4年,佢都係唔識自己起身番工既!
佢宜家份工,而經係超自由!但都係會遲到!

佢最賤既一樣野係,有女人.實不相滿,佢都吾只2次有女人!
係我自己蠢,點都中個頭埋佢到姐!佢一d都吾尊重女人!
我之前陀住bb,佢出面同個女人一齊7個月!
同我講,佢只係當個女人係雞!冇擺感情係裡面!
係個女人死痴埋黎!之後我同佢女人傾過計,
佢宜家有時都會搵我!佢話我男朋友話自己冇女朋友!
仲好多時夜晚搵佢,叫女人上佢屋企攪野!
我個陣係媽咪屋企住,所以唔知!

我對佢真係忍無可忍!我覺得佢搬走係一件好事!
我真係唔知佢到幾多歲先識大!我諗我都唔係好了解佢!
因為佢宜家做到個仔都唔見一面!佢個人受軟唔受硬!
我話佢1.2句佢而經黑哂面!

佢對我而經算係最好!!你可以想像佢對其他女仔係幾衰!!
好在佢每個月準時比錢我洗,差唔多時間就問我夠唔夠錢洗!
但缺點真係多到數唔哂!!

我相信如果有緣,有日都會一齊!
冇緣就依世都唔會見到!
雖然我宜家仲愛佢,但我知道係冇結果的!!

私人傳訊

湘兒

子爵府

積分: 13695

畀面勳章

69^#

發表於 07-4-9 02:30 |只看該作者

Re: 報應又一再發生

myhalf2days,

雖然你我都不認識,但我好多謝你既見解!
啟發到我好多意為!

我唔會刻意等佢,都唔會專登搵個第2個去忘記佢!
好似你所講,個仔知道我係好媽咪,所以先投胎黎我到!
我會做好自己,唔比任何人,包括自己傷心!

我諗我唔會打比佢!因為佢宜家對我地好反感!
過幾個月,等件事淡左!
我先會同佢講,為左仔仔有個美好既童年!
希望佢1個月可以同個仔出去玩2次!
如果到時佢都係話唔知,唔好依d說話!
我諗我都無謂再搵佢,佢都冇心!
我都會表明立場唔係想同番佢一齊! :-P

私人傳訊

無花果

複式洋房

積分: 290

70^#

發表於 07-4-9 14:10 |只看該作者

Re: 報應又一再發生

湘兒寫道:

有樣野想問,小朋友到大個會怨我選擇這條路嗎?
多口問句,你講陣點同你你小朋友解釋!?

湘兒 :
當時亞女7歲幾，c6發生了佢既第1次錯，之後衰野一羅羅，到亞女11歲幾的暑假，我決定係同c6分開既時候。因為行動在暑假發生，會對亞女學業影響會細好多。
現在亞女對我地分開都覺得係好事，好過見我地時時在家嘈交，不過相信我同亞女都想有個完整的家喇!不過人地任性冇法啦!
在亞女既心理及行為上，都冇咩影響，現在亞女已經14歲幾，我地兩個仲生活得好和諧。
但我姑奶婚姻又係有問題，佢個仔唔想父母分開，個仔因而要睇心理醫生。但姑奶為左個仔，而同c6住埋一間屋

所以就我個女及姑奶個仔，小朋友都會作出唔同既反應。

至於小朋友大左會否怨你…..你小朋友相信好細。其實都好睇小朋友既性格，再加上你地分開之前在家中既生活狀態，及分開後爸媽怎樣處理，小朋友會就上述3點去決定自己既想法係會改變定係堅持自己是否怨父母。
不過男人做好做醜，我地控制唔到，終知我地自己做好本份，你同小朋友在家中生活和諧，比要小朋友讀好d書更加緊要，生活和諧既話，望小朋友覺得對住媽媽生活很平靜，將來小朋友心中既答案，就由你現在去製造。

對於你男友打來既話，你至多應吓佢就算，或佢send sms比你，你睇完就算好喇!因為你同佢作出任何反應，都唔會岩佢聽架!最終都會吵架令自己激氣。
sms果度，你唔回覆佢好過，慢慢你會發覺d sms當中會睇到佢既情緒一時一樣架!

我覺得現在你唔洗要男友作出咩既承諾，因為講尼都冇用，行動至實際。就算佢承諾左你，之後做唔到，你又咪激氣。
你可以同佢講，如果你覺得亞囝對你係重要既，希望你會識往後點對待亞囝!
我女兒都有自己既mobile，女兒都識找佢亞爸聯絡，我遲d都打算叫c6同我cancel我現在既手機plan(因係用佢名申請)，以免多個機會同佢接觸，如果c6問我仲咩轉電話，我會答 : 我對尼個number 悶咪轉lor!你只要識分邊d事應該對亞女做，邊d事唔應該對亞女做就ok! (我指既係亞女的生活費)

不過因為你囝囝仲細，你兩仍要keep contact。

每個失婚既女人，一定要好好儲錢呀!錢可以改變實在既問題架!比心機呀!