rollingcat 寫道:
唔好話17歲啦, 我自己廿到尾有咗(都結咗婚3年),
自己都有穩定職業, 自己都算定性,
但係到個女出世後先覺得自己心理未well prepare
其實近幾年都好少蒲, 因為係工作上都算係博殺期
到bb上年出咗世, 發覺真係好困身,
放咗工就仆返屋企睇女, 完全無自我, 係要極大犧牲
weekend都可以去街,但一定要帶埋呀女,唔係想去邊就去邊
不過有失就當然都有得, 個女比我個d happy
係出面點玩都比唔到你, 個時就知做媽媽係幾咁偉大
仲有, 養個小朋友真係洗唔少錢架
因為如果你阿妹自己湊bb的話
佢個男朋友係一個養三個, 自己有屋唔洗供尤自可
如果無樓或唔肯同屋企人住的話又要另外租樓or買樓
點平都要幾千一個月啦,
家庭收入起碼要萬幾兩萬先剛剛夠用, 無錯, 係剛剛夠!!
到時又要湊b又要慳,想著好d食好d就未必得架啦,可況去玩
仲有一樣野, 你一定要你呀妹諗清楚
到底佢想唔想繼續讀書,
如果佢唔想讀或讀唔上的話, 咁就無咁大影響
如果想繼續讀或者讀書唔錯的話,
要諗清楚唔好將你妹的前途毀咗去成全個bb, 三思!!
sorry, 打長咗
藍寶石王子 寫道:
佢哋知道將要點做就好啦！生bb真的唔簡單︰未出世時就驚身體/智力有缺陷，出世後驚佢病，大d要四圍揾學校，會唔會識壞朋友……
我淨係有個疑問，點解明知有bb係會引發咁多問題o既時候，仲要去發生性關係？好啦就算去做又點解唔做足安全措施呢？(我唔係指你妹妹，而係好多時候看新聞都見到有關於厠所產子，棄嬰等等)
我老啦，唔明新一代o既諗法，我只希望阿女唔好喺10幾歲時同我講話有咗！
因為 
ringoivy 寫道:
clbt真係唔好意思我睇左你第一個post就回應
至於閒話........我第一次拍拖時夠比d親戚多多聲氣講啦, 話睇死我都係會比人攪大個肚結婚喎
有時我都會睇左第1POST就回。 而家我咪重同佢一齊! 比個GOOD你呀姨丈先 
自己都有D仔女十幾二十二十幾啦,唔好有一日佢D仔女衰呀!我把口衰過佢地喇到時。 做親戚無得揀,世界真係咩人都有•
carrie_1102 寫道:
我覺得你妹妹諗野諗得太簡單喇~仲係讀緊書...書都未讀完就大左肚...佢有冇諗過你daddy同mummy會點諗架!?講真...你做家姐既...唔應該叫佢生個BB出黎~真係會害左個BB架~唔係講D咩...個男仔都係太細個...根本上兩個都未ready做人daddy,mummy..生左個bb出黎只會害左佢囉~
我自己17歲既時間都係有左..我好想要...但係果陣我讀緊書...我好記得我一驗到有左就好驚..唔知點算...但係都冇諗過要落左去...之後知道唔可以拖..就搵表姐幫我同媽咪講...媽咪冇鬧過我..但係佢分析比我聽,話我同我bf太細個...大家又讀緊書..都冇經濟能力...冇可能養到個bb..咁bf個媽咪都agree話唔要...之後我媽咪帶我去私家落左去...我daddy比$$既...之後我就知道原來daddy同mummy都好錫自己..覺得自己好衰女囉...
到我21歲..我又有左..但已經係另外一個bf...因為同個bf行左唔係好耐...即係依家既老公...所以我冇要到..而我屋企人係唔知道既..我唔想佢地唔開心~
到左上年我有左..22歲囉...係有左4個幾月都唔知~因為我period又唔準同埋我驗過兩次都驗唔到~跟住去照u/s,醫生話bb已經有手有腳...而我老公就同我講...要比個名份我...咁我就自己同媽咪講...媽咪都叫我快d結婚...咁我一個月就搞掂晒擺酒+註冊+影婚紗相...之後就安心等待bb既出世囉~
唔係話咁細個生bb唔得...但係我依家自己咁樣都覺得好有壓力...生左小b出黎就冇得去玩,冇得去蒲...我又何嘗唔係好鍾意落bar劈酒,唱k,落d咩?依家生左小b出黎...所有玩既野都冇我同我老公份架喇~我要湊bb嘛...我老公就要陪我..所以佢都冇得去玩...生得小b出黎就要預左冇晒私人 時間,空間..我依家去邊都要帶住小b去...唔可以話自己去左玩就放低佢嚮屋企...初初頭兩三個月..半夜冇3,4點都唔洗旨意有覺好訓..到你想訓果陣..小b又要食奶...唔通你餓佢咩!?冇可能囉...仲有冬天果陣..得返10度8度..半夜要起身鍡奶..你問下你個妹做唔做到呢d囉!?佢食唔飽,條片濕左..太熱太凍..總之唔舒服就喊...你問下你阿妹忍唔忍到呢d!?最難頂係你唔知佢喊乜...
講埋$$方面丫..依家得我老公去搵$囉...我冇做野架..都係覺得好有壓力喇~$$都儲唔到囉...喂~我叫左好彩d...我自己屋企人好肯幫我...我daddy同mummy知我唔夠洗都會support我...但係長遠計都係唔得架嘛~自己既bb梗係想比最好佢架啦~過年都想買年靚新衫仔比佢去威下架...見到d得意野又想買..冇$點買呢!?
唔好諗生bb係一件好簡單既事...係一世架~無論佢做d乜,佢點都係你自己既...冇得話唔理佢~同埋有好多問題..都係要個bb出左世就會知道/產生...可能你做家姐既都未必清楚...如果個bb出世身體有咩問題又要擔心...真係你駝足10個月就驚足10個月果隻囉...我一生左小b出黎,姑娘抱比我睇..我就睇下佢d手指仔,腳指係齊唔齊..塊面會唔會話有胎記...
仲有好多好多因素影響...我覺得親戚講d咩都唔洗理佢地...我好好彩..我唔會有d咁既親戚...個個都好錫我既~最緊要係自己既父母囉...依家我做左人媽咪就知道有好多野要擔心...好希望你同你妹妹嚮做任何野之前都諗下你地既父母先...唔好要佢地擔心...
其實如果你想你個妹好...係錫佢既..殘忍d都係咁講..叫佢去落左去...過多幾年,等佢大個d先生..講真,生仔係好輕易既事..痛唔會痛好耐..但係之後教佢,養佢先係最大既責任...佢一世都會跟住自己..做咩都要諗左個bb先~所以希望你個妹諗清楚囉...
(sorry,可能長左d...但係我唔想你個妹將件事諗得太簡單...有好多野佢自己都未識諗...其實你應該帶個妹去搵社工..同埋盡快講比屋企人知~真係架..肚就一日一日咁大..時間就越來越少架~當問題依家仲可以有得做任何決定之前仲可以解決..過多排,佢越大..到你個妹想唔要果陣..對佢身體既傷害就越大~唔好話驚mummy會鬧/嬲...你地係佢個女..有咩事佢都會幫你地..佢係大人..佢既經歷比你地多好多..)
唔洗講。
佢又講到喊!佢話佢都預計到所有既問題,佢知道BB出左世會點樣,佢又OK解釋到自己諗咩喎,有D似番個媽咪,我媽咪同老豆個方面,我就重未知佢地講成點,因為今日我訓到好晏 要聽日先知佢地點喇 佢男朋友都好緊張我呀妹,話如果決定要,點都會顧左我呀妹先,唔好掛住玩個D,但就都係驚要擔心BB,始終未係大人,驚陀佢會食錯野又飲錯野,我就講左有我媽咪係度,呢D都應該OK囉。聽日要問問佢地講成點 多謝你意見同解釋。
發表於 
發表於 
返回列表
