心聲留言 今日: 5 | 主題: 17546

積分: 93734

2026勳章 2024年龍年勳章 2023年兔年勳章 2018復活節勳章開心吸收勳章最關心BB問題熱投勳章認識瑞士牛牛第二回認識瑞士牛牛第一回育兒性格勳章畀面勳章環保接龍勳章 BK Milk勳章

781^#

發表於 05-1-26 18:00 |只看該作者

Re: 未婚的,入黎傾傾呀!!!

[size=small]羊羊,
恭喜晒, 終於等到D相啦!

快D post出黎比我地咁多位姊妹睇下先

[size=small]kikilala,
creamsode後生女係[size=medium]激D嫁啦. 不過佢又真係講緊事實, 好驚

我會暈船浪, 但唔會嘔既, 只係有少少作嘔既感覺, 未試過嘔囉

你同你honey真係sweet, 第二次單獨約會就咁浪漫, 我bf係一個悶蛋, 好無奈

[size=small]creamsoda,
聽聞香港迪士尼排期排到06年

如果唔係教徒, 咁佢包牧師同新人宣誓咪 ?-( 得唔得嫁?
你講到好正, 我都好想去果度擺酒呀! 我諗個場面一定好正姐

30萬唔知包幾多圍酒席呢? 不過...果度好似好遠咁, 最煩就係呢樣野 --> 交通問題 ?-(

shimmer 2我得閒去開天使會去睇睇嫁, thx!

先達緊係多四仔啦, 樓上果層呀! 我細佬話間專門店喺正果層, 上到去周圍都賣緊四仔

你唔洗事先聲明咁嚴重, 知你大啦

乜你而家先知我精明咩?? 突然有種飄飄然既感覺添

我bf唔會睇呢度嫁, 佢得閒只會睇佢最比愛既電單車 :-x

私人傳訊

puddingsharon

複式洋房

積分: 106

782^#

發表於 05-1-26 21:44 |只看該作者

Re: 未婚的,入黎傾傾呀!!!

:evil: 唉~ 氣死人!!!!!!
你地男朋友會唔會只係識得掛住打機, 唔理自己呢!?
我bf初初都唔會, 成日一o係屋企, 就算無野做坐o係度, 佢都會攬住我睇電視, 但係而家就成日掛住打機, 一係訓覺......又唔陪我行街, 睇戲, 食飯........總之好似已經老夫老妻咁, 但係我同佢拍左3個月都未夠........
死啦........我驚我又忍唔住要分手.......
點解個個男仔都係咁......幾時先長大!? 幾時先成熟!?

想生番個囡囡呀!!~ :-P

私人傳訊

積分: 877

783^#

發表於 05-1-26 23:37 |只看該作者

Re: 未婚的,入黎傾傾呀!!!

ivythepooh,
傻啦,你黎傾計我地不知幾開心呀,點會覺得你煩呢??!!
原來你既情況係咁.....唉....其實我都係咁上下,係大家姐,細佬妹都睇我頭,所以我生左個女都唔可以比佢地知...

我睇完你講既野有少少擔心.......因為我驚你生左BB出黎後,萬一你bf唔負責任,你會變成單親媽媽... :-| 因為我睇完你男友呢句"係,佢係話生law咁喎.."我覺得佢幾冇責任心,佢好似覺得個肚佢冇份咁 :evil: 而家生仔呀,玩呀????????唔好講佢第日識唔識教仔先,佢點養個小朋友呢?!佢好似覺得你生仔係你既事咁,你生出黎你養....唉....你男朋友好自私,享受既時候佢冇份咩?! :-x 仲講埋d晦氣說話!!
原本我都好支持你生BB出黎架,始終係親生骨肉ma...但而家我好擔心你同BB既將來呀.......

我都住過"母親的抉擇",班社工都好好人架,你唔洗驚,你搵佢地傾下Y

會幫到你架~!!!

kikilala,
個胸有紋咪係好恐怖架囉 :-( 所以我成日同我隻佬講,搞到我咁咪洗旨意唔要我

我陀緊個時都有係個肚度搽肚紋膏架,哈哈

我諗有d用卦

做媽媽真係好偉大架,我生完都發覺我比以前愛我媽咪多好多呀

哈哈,你朋友真係諗得周到,驚順產會搞到第時冇feel :lol: 我生之前都有擔心過,所以成日做盆肌運動,等佢有返彈性...但我生完,隻佬出奇地冇投訴,仲話好過生之前喎 :mrgreen:

羊羊,
我唔係誇張呀,生完真係咁架....知驚呢??你而家好搽多d野喇,如果唔係生完喊都冇謂,好似我咁.... :cry:
係呢,結婚相幾時有得睇????????

琪琪,
恭喜晒呀,搵到份工仲有得對住貓貓同狗狗 :-P
我好鍾意貓狗架,以前好唔鍾意貓咁高傲,但同佢地玩過先發現佢地會好嗲架

不過我都係鍾意玩,唔鍾意同佢地洗白白同執屎屎

雖然份工係辛苦d,但你要奸巴爹呀,支持你!!

lovebobo,
個日睇完本雜誌,我隻佬都話不如第時係香港迪士尼搞婚禮,又唔算好貴,而且好似好特別咁(有邊個女仔唔想有個童話式婚禮呢 :lol: )但我覺得係迪士尼搞婚禮會搞到好似米奇老鼠先係主角咁....比佢地搶晒風頭又冇癮哦

如果唔係教徒係可以要求婚姻註冊處既職員去迪士尼同新人證婚架,不過要比出差費囉

我都唔算大既...嘻嘻,標準咁啦 :mrgreen:

布甸,
真係唔怪得你咁嬲架 :-x 你男友真係幾唔成熟喎....
我第一個男友又係咁,淨係掛住打機,唔鬼理我....搞到我幾鬼嬲呀,發佢脾四,喊都冇用呀....都唔知d games有咩咁好打 ?-( 我隻佬睇到你呢個message,佢個樣好可憐咁話"點解我老婆咁似人地個男朋友既??我諗我遲早都會忍唔住分手架喇"哈哈 :lol: 冇計啦,我呢老夫老妻ma~但你要好好地同你男友反映下,佢咁唔掂喎

過去的留不住, 未來的難預測, 守住現在,當下即是~

私人傳訊

積分: 93734

784^#

發表於 05-1-26 23:56 |只看該作者

Re: 未婚的,入黎傾傾呀!!!

creamsoda,
做左媽咪的確係唔同, 可以俾到咁多意見ivythepooh, 叻女

係喎, 你唔係返左大陸咩??

我都覺得kikilala個fd好搞笑, 諗埋果個問題

. 我聽過d媽咪話生完之後可能縫左針, 下面好似窄左, d老公們覺得仲好feel

喺迪士尼搞婚禮會搞到好似米奇老鼠先係主角咁 <-- 係喎, 我又真係冇諗過! 其實我又唔係鐘意米奇老鼠既, 係恨有個童話式婚禮囉

你唔好咁謙啦, 標準, 哈哈

恨死隔離 :mrgreen: :mrgreen:

布甸,
你同你bf又真係幾似老夫老妻喎! 不過你地拍左三個月拖, 又好似...唔知點咁(你男友). 好多男人都鐘意打機, 睇波等, 有d結左婚既男人都係咁, 改都改唔到. 但你唔鐘意佢咁樣要同佢講嫁!

私人傳訊

積分: 877

785^#

發表於 05-1-27 00:10 |只看該作者

Re: 未婚的,入黎傾傾呀!!!

lovebobo,
嘻嘻,做左媽咪係唔同d架

仲係細路女咩

原本係返大陸,但......又有些問題,過年前先返去喇........
"我聽過d媽咪話生完之後可能縫左針, 下面好似窄左, d老公們覺得仲好feel "嘻嘻,係呀,真架 :mrgreen:
唔唔....所以如果香港有Sanrio,仲有得擺酒就好囉 :lol: 我實成晚霸住twin stars

過去的留不住, 未來的難預測, 守住現在,當下即是~

私人傳訊

積分: 93734

786^#

發表於 05-1-27 23:14 |只看該作者

Re: 未婚的,入黎傾傾呀!!!

creamsoda,
你過年前返大陸呀? 我都係喎, 過完年先返香港

我都想香港有Sanrio呀, 可以喺果度擺酒就very very very GOOD啦! 到時排期都唔知排到去幾時lu! 我都會成晚霸住Hello Kitty嫁

一定唔會同你爭twin stars :mrgreen:

係呀, 你知唔知sanrio有個free email box? 可以揀email address嫁, 好似我鐘意kitty, 咁我就揀左個email係[email protected], 仲有melody揀 --> [email protected], 不過twin stars就冇囉 ?-(

私人傳訊

積分: 877

787^#

發表於 05-1-29 18:15 |只看該作者

Re: 未婚的,入黎傾傾呀!!!

lovebobo,
係咩,有free e-mail box?????
點解冇twin stars ga?!:cry:
有時好憎Sanrio好唔重視twin stars架,hello kitty年中都唔知有幾多個形象,但twin stars就得好少...好大細超呀 :-x

黎緊2月6日我會同我老爺奶奶食團年飯呀...到時有得見肥妹喇

我同bf諗緊買咩野返去拜年...佢話去X方紅個d地方買冬菇喎...好過買盒餅咁普通,我仲買左d twin stars既利是封呀~!!!你洗唔洗去男友家拜年呀??

過去的留不住, 未來的難預測, 守住現在,當下即是~

私人傳訊

積分: 93734

788^#

發表於 05-1-30 01:59 |只看該作者

Re: 未婚的,入黎傾傾呀!!!

creamsoda,
呢度又好似靜左落黎咁, D姊妹們唔知去晒邊呢?

Sanrio有free email box嫁, 好似有25M儲存空間嫁. 佢係冇twin stars囉, 我都唔知點解, 你投訴下佢啦 :mrgreen:

嘩...你要等2月6日先有得見肥妹呀? 咁咪要等成個星期囉, 好耐喎!

東方紅d冬菇都幾好嫁, 有時佢做特價都不知幾抵買

我媽見有特價就會買定一兩斤 :idea:

你買左twin stars利是封呀? 我怕你到時唔捨得派呀

話時話, 有冇買hello kitty利是封派比我先? 哈哈!

我都唔知會唔會去男友屋企拜年呀! 應該會掛, 真係唔知呀

其實我唔係好鐘意去佢屋企 :-| 可能佢地屋企人講自己鄉下話, 有時一齊食飯我又唔識聽, 好無奈囉 :-x 可能因為呢個原因我先唔係太鐘意去佢屋企掛 ?-( 我一年都上唔夠幾次咋

講開又講, 等時如果同佢結婚, 我實唔會住喺佢屋企囉

私人傳訊

積分: 877

789^#

發表於 05-1-30 18:41 |只看該作者

Re: 未婚的,入黎傾傾呀!!!

lovebobo,
係啦,又靜晒喇....可能靚女們同男友出晒街喇

又就黎過年喇,每逢佳節倍思親呀....哈哈

不過新年咁開心,我諗我屋企人都唔會咁想我搵佢地,費時見到面仲傷心.....

你男友咩野鄉下架??咁搞笑既,你去到佢地應該就下你,講返廣東話架ma~
我屋企係客家人黎架,爺爺同我爸,姑媽圍內傾計都係講客家話架~不過到我呢一代已經唔曉講,細細個亞爺係都要教我地講,我地就死都唔肯講.....咁娘

過去的留不住, 未來的難預測, 守住現在,當下即是~

私人傳訊

積分: 93734

790^#

發表於 05-1-30 23:42 |只看該作者

Re: 未婚的,入黎傾傾呀!!!

creamsoda,
下個禮拜我要返大陸lu, 到時你記住得閒就上黎吹下水呀!

我男友鄉下東莞囉, 雖然東莞話有D都似廣東話, 但我真係一D都聽唔明呀! 最慘就係佢阿媽D廣東話講唔正, 我有時都唔知佢講緊乜, 聽得好辛苦

其實又冇話就唔就既, 佢地屋企個個都講自己鄉下話, 一時間唔通無端端講廣東話, 佢地都唔會啦 :-x 我去男友屋企食飯有時都幾冇癮, 大家坐埋一張枱, 佢地圍內講咩我都唔知, 好似傻婆咁坐喺度食飯 :-|

記得有一次我同我男友, 同佢個妹(15,16歲)三個一齊出街, 佢兩個傾計講晒鄉下話, 講講下又喺度笑, 到佢地講完, 我男友知道我好似好悶, 好耐都唔出聲, 咁就問我做乜野. 佢都好意思問, 同佢個妹兩個喺度he he ha ha, 我就無無聊聊咁一個人 :-x 最興既就係佢地兩個行街時拖晒手, 搭晒膊頭咁行, 理都唔理下我 :evil: 人地唔知以為佢兩兄妹拍緊拖添, 你話我男友係咪好過份丫? 我覺得佢一D都唔尊重我囉 :evil:

算啦, 都係唔好再講佢, 越講越火 :evil: :evil: 我係福建人, 我都識講鄉下話, 可能自細聽慣, 我D親戚又多數喺大陸, 所以我識講鄉下話囉

我唔止識聽閩南話, 仲識聽潮州話, 汕頭話等, 不過就係唔識講囉 ?-(

私人傳訊

積分: 877

791^#

發表於 05-1-31 00:26 |只看該作者

Re: 未婚的,入黎傾傾呀!!!

lovebobo,
放心啦,我一定會成日上黎搭嗲架~!!
你咁搞笑既,識聽咁多話,但係唔識講 :mrgreen:
咁你男友又真係幾..........唔理你感受喎

佢要同佢妹妹傾計,返屋企都有得傾啦...出到黎應該同你傾多d ma...仲要用鄉下話傾喎,比著係我,已經發老脾走鬼左喇~
你真係好忍耐力呀,咁都忍佢 :-x
仲要拖晒手咁,佢自己唔覺咁樣好怪相架咩 ?-( 一個男人拖住兩個女仔出街咁呀?!佢個妹好細個就話jei...都15,16歲啦

(我18歲都生埋女啦)同埋佢地唔覺得兩個後生仔女係條街度大講鄉下話好搞笑架咩?! :lol:
真難理解佢地諗咩喎

係呢,不如講下你男友個時點追你Y,你地點開始架???

過去的留不住, 未來的難預測, 守住現在,當下即是~

私人傳訊

積分: 93734

792^#

發表於 05-1-31 02:00 |只看該作者

Re: 未婚的,入黎傾傾呀!!!

creamsoda,
乜我好搞笑咩? 其實我識聽都係因為我女麻係汕頭人, 我婆係潮州人, 咁我咪識聽囉! 至於點解唔識講, 咪就係因為我只會同我d親戚講返自己鄉下話, 咁咪唔識講其他話囉

你都覺得我好忍耐力呀? 唉, 只有你識欣賞我既好! 我男友只當我係草 :cry: 講開佢我都仲係嬲嬲地, 你講得啱, 同佢個妹幾時都有得傾, 仲要用鄉下話, 拖晒手咁. 佢當我係咩呀? 佢兩兄妹相親相愛都應該理下我啦? 我同佢講又話我小氣, creamsoda你都話你會發脾氣走啦! 個死佬仲要唔知我嬲, 笑笑口咁問我做乜唔出聲 :evil: 仲有一次我同佢地成家一齊去咩嘉年華度玩, 即係上年有好多大型機動遊戲玩果度, 我好記得我同佢爸媽, 佢個妹一齊去, 我男友同佢個妹一見到d機動遊戲就起勢咁玩, 又拖住個妹一齊玩, 完全唔理我, 掉低我一個自己行 :cry: 果時我真係好hurt, 同埋好嬲, 佢完全都唔放我在眼內, 只係掛住同個妹玩, 仲要拖住手(當然唔係十指緊扣)! 後來行行下, 果度人又多, 佢地又行得快, 我心情唔好慢慢行, 後來我終於同佢地失散左. 我好唔開心, 打比我個fd同佢講, 但果時我個fd又唔得閒, 所以我on居居咁一個人行. 冇幾耐, 我男友終於打電話黎問我喺邊, 佢完全唔覺得忽略左我, 如果當時唔係同佢爸媽一齊去, 我真係走左 :evil:

我男友果個點追我呀? 其實我初初識佢時我覺得佢唔係好人, 把口好花, 講野冇句真! 我同佢初相識果陣可能我暗戀緊另一個男仔, 所以我唔係太鐘意而家個男朋友, 當時可以用"討厭"呢兩個字黎形容

我同佢識左兩個幾三個月後, 我同我暗戀既對象發生左d誤會, 我好hurt, 好傷心! 我即係打電話比而家個男友, 我喊住咁打去, 一打到去我都唔似喊, 但講左唔夠幾秒, 我就忍唔住喊左出黎, 佢不停咁安慰我, 我聽d好傷心既歌, 佢又叫我唔好聽埋d咁既歌, 但其實我唔會越聽越唔開心, 只係想舒發唔開心既情緒出黎! 我男友係我第二個對住佢喊既人(前男友係第一個), 後來我地傾傾下電話, 我既情緒都好左好多啦...自此之後, 我開始對我男友改觀, 開始對佢有好感, 開始同佢傾好多電話, 聽佢講下以前既野. 我識佢果陣我知有好多女仔鐘意佢, 我問我男友點解唔同佢地一齊, 我男友話對佢地冇feel, 廢時阻大家時間. 我再問佢, d女仔咁lum你, 你溝佢地一定受嫁, 我男友話唔想害左個女仔, 我問佢點解, 佢話佢根本就唔鐘意果d女仔, 同佢地一齊, 又好快會散, 到時個女仔咪仲hurt... 可能因為咁, 我開始覺得我男友並唔係我想像中咁衰! 後來我地有一次約出黎落bar飲完野, 我地過馬路, 我睇唔到有車, 我男友見到即刻拉返我入黎, 果時我覺得佢都幾好呀, 好識保護我, 同埋佢反應好快囉! 後來有次我地放工約左出黎食飯, 食完飯我問佢去邊, 佢話去第二度飲杯野, 我話無所謂, 咪一齊去囉. 原來佢帶我去尖咀海旁, 我地坐喺度傾計, 傾傾下佢問我可唔可以做佢女朋友, 我聽到真係唔知比咩反應佢好囉

我果時可能啱啱受左傷害, 我好驚我又hurt多次, 所以冇應承我男友. 後來佢又打電話黎問, 到我考慮清楚時我先應承左佢, 就係咁啦!

你會唔會睇到好亂呀? 因為我好驚自己唔知打左d咩比你睇呀! 加上我心情唔好 :cry: 我男友幾衰呀, 之前我同佢傾電話, 咁啱見到BK有個topic講"愛情魔豆", 好似好正咁, d豆種出黎係有字嫁, 舉例有"I LOVE YOU", 我咪話想要囉, 佢居然叫我自己買黎種, 我真係好HURT囉 :cry:

有時我真係唔知應唔應該再同佢一齊, 我個fd話條路我已經行左一半...我都唔知可以點! 我同佢傾電話既時間多數都係講下無聊野, 就算我同佢講自己野, 好多時佢都唔擺喺個心度. 講到見面, 就真係少之又少! 佢唔係大忙人, 但點解想同佢見個面都咁難? 係咪次次見親面都要由我提出? 我唔問佢今晚出唔出黎佢就唔會話今晚出黎見我? 我真係好唔開心 :cry: :cry:

私人傳訊

積分: 877

793^#

發表於 05-1-31 04:40 |只看該作者

Re: 未婚的,入黎傾傾呀!!!

lovebobo,
我聽到佢咁對你都嬲啦,更何況你呢....~ :evil:
佢真係.....令人好失望呀

難道佢唔識拍拖,我覺得佢唔識愛惜你,唔識欣賞個女朋友...同埋佢好似覺得你應承左做佢女朋友,你就會以後同佢一齊,唔係佢點會咁老定??身為一個男仔,首先,我覺得佢唔係好識做一個男人(我唔問佢今晚出唔出黎佢就唔會話今晚出黎見我? )<---唔通下下要女仔約出街?佢應該知道女仔係要有矜持既

,第二,佢唔識做一個男友(我同佢傾電話既時間多數都係講下無聊野, 就算我同佢講自己野, 好多時佢都唔擺

過去的留不住, 未來的難預測, 守住現在,當下即是~

私人傳訊

Duck

積分: 985

794^#

發表於 05-1-31 18:03 |只看該作者

Re: 未婚的,入黎傾傾呀!!!

各位姊妹：

我同決定左2006年結婚喇！
呢排好忙，週圍搵酒家酒店資料，因為死左去ESD搵資料，所以小左過黎BK！
你地最近點呀？

creamsoda,
你幾時肥妹幅相比我地睇呀？

羊羊,
我係ESD都見到一個叫做<羊羊>架，果個係咪你黎架？

kikilala,
之前你話你bf同你求婚，你應承左未呀？
你地決定左幾時？

私人傳訊

kikilala

禁止訪問

積分: 4828

795^#

發表於 05-1-31 21:34 |只看該作者

Re: 未婚的,入黎傾傾呀!!!

提示: 作者被禁止或刪除內容自動屏蔽

私人傳訊

ivythepooh

伯爵府

積分: 17134

796^#

發表於 05-2-1 15:15 |只看該作者

Re: 未婚的,入黎傾傾呀!!!

creamsoda,
呢幾日真係好煩,
事關佢同我講,佢話生個bb出黎,
佢今年畢業,佢話佢應該都可以找到野做,
加上佢而家有份Past-time,
應該萬多d都可以有ge,
佢話等bb出生,勤力d,都可以養大佢wor,
我真係唔知點算好,佢講就係咁講ge,
但如果有日佢後悔,咁我點算ar..
我自己又無本事,打份幾千蚊人工,
真係唔知點算,
我話就算可以過活,但bb都真係要好有愛心,但我唔知我有無,
而家未婚,真係唔知點同佢交代,
佢話咁結婚,我一聽到更加唔知點答,
要有地方住已經唔易,仲有結婚,咪要好多$?
點呢,我又真係唔忍心唔要個bb,
但係我到呢一刻都仲未知我到底係咪就係為左個bb
要同呢個人一生一世呢?
老實講,我可以仲有其他選擇,
但只係為個個bb而揀佢,我驚我自己會後悔~~~
日子一日一日過,我應該點呢?
真係無得拖la...
但真係決定唔到,
我唔知我可以做到人地媽咪未ar...
我有資格未,加上要面對其他人ge閒言閒語...
又會點呢?
親朋戚友又點面對呢?
最難都係自己屋企人,
我媽咪一向都唔鐘意我同佢一齊,
佢話總之就唔好,但講唔到原因ar,
爸爸就一向都唔鐘意我早婚,
佢想我係屋企睇住d細佬妹...
我真係唔知點同佢地交代,
我同自己講呢個星期一定要決定好!
但到而家都仲未諗到ar...點算ar!! :-|

私人傳訊

積分: 877

797^#

發表於 05-2-2 00:56 |只看該作者

Re: 未婚的,入黎傾傾呀!!!

Duck,
恭喜晒呀

又多一位姐妹結婚,做幸福少奶奶喇,真係飲得杯落

你呢排一定好忙喇,記住唔好捱壞喎,要保持個靚靚樣做新娘子架

我都想擺肥妹張相上黎呀,不過唔知點放入電腦

不過我諗過年期間會同肥妹影相,睇下到時可唔可以擺我同肥妹既合照上黎啦,俾各位姐妹睇下我個豬樣 :mrgreen:

kikilala,
你講得岩呀

有d男人係天生o係愛情方面遲鈍架(不過係生成既,佢地都唔想..),所以你地唔講,佢地真係唔知你地想點同需要乜野

不過有時要女方講咁多又好無癮架可??所以最好就係個個男人天生識得透視女朋友既心理,咁就唔洗煩囉 :lol: 有時比埋面色d男人睇,發佢地脾四,佢地都仲要問嬲乜野,真係嘔一桶桶血架 :evil: 我以前個男友都係咁架,搞到我自己日日係度嬲,屈埋屈埋成日喊,覺得同男仔拍拖好辛苦,會唔會同女仔會開心d呢?!起碼女仔會細心d ma,可惜我唔係搞基既材料

不過遇到而家個佬之後就唔係咁諗,可能因為佢天生係浪漫既男人,好多野我唔洗講出口佢都知我諗咩,佢連我地第幾次約會睇邊一套戲都會記得好清楚

我已經唔記得晒喇~雖然佢做過d衰野激我,但我覺得而家男人真係幾適合我架~ :-P 不過最起碼你男友聽完你想點,佢都會盡量滿足你呀,咁既男人已經好好架喇~聽完都唔改就最衰

嘻嘻,你男友係客家人呀?!我都係呀

其實客家話唔難學架,其實我都唔識講,不過識聽~我媽咪都係嫁左比我爸爸先慢慢學架~你都要開始學喇,你遲下要做客家媳婦ma

係喎,初六係情人節喎.....不過唔緊要啦,你地日日都係情人節啦,叫佢提早同你慶祝,快d諗定節目啦

我唔係2月6號開始湊返肥妹呀,我都想呀...2月6日係食團年飯咋

我諗過完年先湊返佢啦,費時新年流流先接走佢,我奶奶會唔鍾意啦~有時老人家諗既野我地好難明架ma...~
唔傻呀,你買定咁多利是封話唔定第時(n年後)會好值錢呢,哈哈 :lol: 而家d人咩都炒一餐架ma~~

過去的留不住, 未來的難預測, 守住現在,當下即是~

私人傳訊

積分: 877

798^#

發表於 05-2-2 01:37 |只看該作者

Re: 未婚的,入黎傾傾呀!!!

ivythepooh,
你講得岩!!湊一個小朋友係要好有愛心,如果唔係,教得佢唔好咪棧害左佢...~而且我都唔想你為左bb而揀呢個男人過一世,我覺得佢未適合做爸爸住,但我相信你可以做一個好媽媽,因為你會將對上一個bb既內疚放落呢個bb身上,我相信你會好錫呢個bb架~但如果bb得個好媽媽,而冇個好爸爸都係唔足夠,我驚到時bb又會怨你做乜生佢出黎....
我聽你咁講,你都唔想同呢個男人結婚,你根本覺得呢個男人唔係你真命天子~
其實我想知,你話你唔忍心唔要個bb,究竟你係唔想傷害多一條人命定係真心想負返做媽媽既責任呢??如果你只係唔想傷害多一條人命增加罪孽既話,我就唔鼓勵你生喇~
如果你唔想落左佢,但又唔想盡做媽媽既責任既話,不如你去"母親的抉擇"住一排,生左佢出黎,比人領養...~第一,你冇剝削佢生存既權利,你會安樂d;第二,你可以繼續你既人生,唔洗為bb而耽誤左你自己;第三,可能bb跟住領養父母會更加幸福....~
萬一你男友信唔過,你就要一個女仔帶住個小朋友....仲要面對你既家人,朋友既閒言閒語....~如果你父母接受到既話,就會幫你湊下bb,幫輕下你,話唔定仲會同bb慢慢培養到感情;但如果佢地唔接受,就可能連你呢個女都唔認...~
好似我咁,我揀左個女,我媽咪就唔理我~不過好在我個男友係負責任同埋好錫個女,比我更加錫個女,我先放心跟佢一世,你再好好諗下啦,始終關乎一條人命,同埋你既終生幸福

有乜野新進展或者諗唔通就上黎搵我地傾下啦

過去的留不住, 未來的難預測, 守住現在,當下即是~

私人傳訊

積分: 93734

799^#

發表於 05-2-2 01:47 |只看該作者

Re: 未婚的,入黎傾傾呀!!!

creamsoda,
我bf真係好令我失望! 好似今晚佢個fd約佢出去打機, 佢十點幾出去, 11點9先返屋企. 我好唔想我bf出去, 因為我知道佢個fd唔好得去邊, 我唔想我bf一個星期至少同佢個fd去打一次機! 我bf話同佢個fd傾野, 我問佢, 傾野唔可以喺電話度傾咩? 佢又話唔知, 等佢個fd電話. 好啦, 夜d收到佢個fd電話就仆出去. 無論天氣幾凍都好, 我bf都照出可也 :-x 而我今晚就on居居喺屋企度無所事事, 電視又冇野睇, 電腦又比人覇左, 我冇野好做, 由10點幾就喺度發夢, 一直去到10點半睇亞視新聞, 之後再睇無線, 就係咁, 時間就黎到11點半過d...

呢幾日我真係好唔開心, 除左星期一晚同佢去行左一陣街之外, 其餘時間都好唔開心 :cry: 仲有幾日就過年, 我唔想咁呀 :cry: :cry:

你講得好啱, 佢唔識得珍惜我, 唔識得欣賞我 :-x 佢點解咁老定? 或者佢已經睇清楚我份人係點, 覺得我一定唔會離開佢!

我諗你隻佬好過我果聲多多聲. 不過我果個喺人多既時候都識保護我既! 愛情魔豆? 睇怕佢都唔記得左啦! 講真, 佢返工已經好累, 佢仲邊有閒情日致黎種豆比我丫? 睇怕佢已經忘記得一乾二淨 :evil:

我果時初初同佢一齊都唔係話諗住搵個水泡既心態, 係諗清楚先同佢一齊. 果時我唔知點解自己對佢咁著迷? 我唔係習慣左同佢一齊, 而係我真係愛佢, 所以有好多野我都會容忍, 但好多野佢過份地以前我對佢好係"老馮", 久而久之, 就變成... :cry: 真係喊都無謂!

你有咩好計仔醒我呀? 我真係諗到頭都大埋 ?-( 我試過講笑咁講有男仔想追我, 但佢唔會信囉, 真係以為我講笑 :-x 唉!

Duck,
恭喜晒呀

好羨慕你拉埋天窗

kikilala,
你男友同我男友都幾似喎! 成日都好似"老溤"對佢好噤 , 唔識得哄人又沒有情趣!!我仲以為而今社會得我男友一家咁"騎呢", 有外人喺度都講晒鄉下話

真係好冇癮囉, 同埋覺得好[size=small]不被尊重 :evil: 咁你咪係好少上男友屋企食飯嫁? 我一年都上唔夠5次呀!仲有呀, 我地兩個男友都係咁嫁, "你自己學O下咪明囉" --> 係la喎, 自己學 :-x 我做乜要學? 同埋真係咁易學咩? 你地由細講/聽到大緊係覺得易啦, 又唔見你地學下我屋企d鄉下話? 真係講到火都黎埋 :evil: 好鬼憎我男友講呢句 :-x :evil:

我男友又係呀, 佢知我嬲先會哄返我, 好聲好氣咁同我講野囉, 如果唔係, 佢踩你都傻呀 :-x

原來對住一個"木頭"o黎講係唔WORK架, 唔講佢真係唔做 ; 所以我宜家改變了 "我現在不斷要求佢做我喜歡既事 ~ 唔會再坐o係度"乾等" <-- 同意

我男友都係一樣!!

你新年返邊呀? 我年廿七走, 初五/六先返香港, 都係冇得同男友過情人節! 不過就算大家喺香港, 隻死佬都唔會點同我慶祝啦, 最多咪食餐飯算 :evil: :evil:

ivythepooh,
你既問題我真係幫唔到你, 希望呢度既姊妹可以比到意見你啦 :idea:

[size=medium]各位姊妹,
唔知你地有冇留意到"自由講場"同"二手市場"有個topic叫"[size=medium]驚天大揭發: fafa原來係pinky_to"呢? 果個女仔我一早喺18-24媽咪個topic度留意佢既留言. 原來呢個20出頭既女仔一d都唔簡單, 佢做既行為真係好過份! 最慘, 最無辜就係佢個bb, 有d咁無恥, 咁不知所謂既父母 :-x :evil: :-x :evil:

點解BK有d咁既人嫁 :-x :evil: :-x :evil:

私人傳訊