少年成長 今日: 0 | 主題: 16123

積分: 33215

784^#

發表於 10-5-15 12:51 |只看該作者

原帖由 venuscc 於 10-5-13 22:08 發表
SANDRALO，首先好多謝的回復！
真的那麼嚴重嗎？我好擔心好擔心！都有啲怕（雖然我知而家怕系無用），真系希望幫到女女！請你比啲意見我，佢系系政府到CHECK（東九龍個果）不過而轉左去兒童精神科，要排成一兩年，醫生叫我排住先，不過無任何跟進，淨系話有課程可以比家長上學下點教女，不過個社工打過一次呢，我唔系屋企就無打，我打左十次去穩佢，佢就唔得閒！

venuscc :

幫你問咗, 葵涌定瑪嘉烈医院嘅兒童精神科係有呢類情緒輔導俾特殊小朋友嘅家人(包括兄弟姊妹), 雖然要排, 但你追多幾次點都會好d, 另社署每個區會有d 叫綜合家庭服務中心, 都會有呢d service, 你快d check 咗先, 真係要排好耐我再幫你問私人嗰d ！

私人傳訊

積分: 33215

785^#

發表於 10-5-15 22:34 |只看該作者

原帖由 PaPa 於 10-5-14 00:20 發表
我都知自己忍唔到口﹐但有時叫他做些事情（例如︰叫他溫習課本）﹐他總是不聽﹐這情況沒有一早講明罰則﹐我又應如何處理呢？
除了罵他兩句﹐我只諗到就是任由他﹐但這樣豈不是讓他以後可以唔聽講？
我真的不懂怎樣處理了！ ...

PaPa :

你都知道「罵他兩句」是冇用, 如此下去, 只會令關係愈來愈差, 我都說過唔少次......
依家已經唔多聽, 唔當一回事, 遲d 再習慣d, 就當你唱歌, 咁你再嬲d, 再頂d, 駡佢又會升級.....
如果你唔的起心肝去改變, 冇人可以幫到你....
好似Christy-mama咁講, 查實一個時間表會幫到好多, 因為有咗佢, 要獎要罸就容易好多, 你亦可以將佢要做嘅嘢拆細, 讓佢盡快攞到「完成」的滿足感, 另加讚同獎；例如要寫九行字, 你按佢能力分三次(或更多),每次只寫三行, 俾30min佢去寫, 完成得到就大讚佢, 並响之後時間獎佢鍾意做嘅嘢(事前定好), 期間你唔可以催同話, 要俾佢自發咁去完成。
如果真係完成唔到, 都唔可以話, 因佢會自動冇得做之前講好獎嘅嘢, 已經係罸咗。
計劃進行初期, 時間表要簡單d, 例如：
2:00 – 2:30 功課 part 1
2:30 – 3:00 遊戲或打機或茶点 (總之係佢鍾意做的)
3:00 – 3:30功課 part 2
3:30 – 4:00遊戲或打機或茶点 (總之係佢鍾意做的)
如2:30佢重未完成得到part 1 的功課, 就會自動冇咗玩嘅時間；
如果唔想响平日下放「打機」, 亦可在有得遊戲足半小時外另獎貼紙, 以增加weekend的打機時間, 例如一個貼紙有額外weekend 10min的打機時間等等。
量佢嘅力set好時間表就要依足, 冇得, 亦唔好不停咁講：嗱好快d 做啦, 唔係就冇XX架啦！令獎變咗罸！

最後要一提嘅, 就係好多小朋友都未掌握到乜嘢叫做「温書」, 所以有点無所適從, 你可以俾d 實質d 嘅指令, 例如要串識幾多個字等等.

私人傳訊

PaPa

積分: 42332

馬年勳章 2025勳章蛇年勳章 2024年龍年勳章

786^#

發表於 10-5-15 23:36 |只看該作者

如果佢連幾分鐘都唔肯溫習﹐咁佢自然無可能取到獎﹐還怎會跟個時間表去獎勵或讚美他呢？

私人傳訊

積分: 929

787^#

發表於 10-5-16 00:41 |只看該作者

原帖由 SandraLo 於 10-5-15 12:51 發表

venuscc :

幫你問咗, 葵涌定瑪嘉烈医院嘅兒童精神科係有呢類情緒輔導俾特殊小朋友嘅家人(包括兄弟姊妹), 雖然要排, 但你追多幾次點都會好d, 另社署每個區會有d 叫綜合家庭服務中心, 都會有呢d service, 你快d che ...

好多謝你！SANDRALO，我會盡快打電話去問，不過我已經有一間（東九龍）政府機構跟緊，唔知瑪嘉烈肯唔肯再跟（但其實東九龍果到都未無做啲乜，只系比左一份過期嘅小童群益會啲專力課程我睇就算啦，無任何按排）。
如果可以，我都有興趣了解一下私人機構，最好系口啤好個啲。
我有朋友話試過比仔仔上呢類課程（跟普通中心上）好似唔見效，唔知系咪每個小朋友能力不一嘅原因，佢上左成年，STOP左又打回原形，真系唔知乜事、、、
另外，我仲想請教你一樣野，如果我大女只系對妹妹先有呢啲行為，咁會唔會只系佢心裡有個結（成日感覺我地愛妹妹多過佢），因為我見佢同其他小朋友相處好好哦，如果真系“心結”問題，咁系咪要同佢解開佢個“結”，問題先得到解決呢？如果是，有什麼最好方法去解開姐姐呢個結？
（專注力方面我反而感到並非太嚴重，因為佢雖然系政府到叫做CHECK過，不過我覺得佢地只系用眼去觀察，而且，女女表現真系會好起伏，成日唔同，到而家為止，我自己都唔MAKE SURE 佢系咪真系ADD（某些情況下佢又可以好專心，好認真系完成一件事，完全唔使人幫哦）？如果唔系又會系乜症？定系純粹普通兒童行為，我是咪有需要穩私家醫生CHECK多次好啲呢？對症下藥好似穩陣啲）

[ 本帖最後由 venuscc 於 10-5-16 00:45 編輯 ]

私人傳訊

積分: 33215

788^#

發表於 10-5-16 23:37 |只看該作者

原帖由 PaPa 於 10-5-15 23:36 發表
如果佢連幾分鐘都唔肯溫習﹐咁佢自然無可能取到獎﹐還怎會跟個時間表去獎勵或讚美他呢？

PaPa :

你其實重未明個獎勵道理......
難聽d 講句, 係一個局, 將要求降到佢做得到, 用讚嚟話佢知佢好得, 等佢覺得你嘅要求佢會好易做到, 有自信、有成功, 加埋你讚, 絕對會令一個人有「鬆毛鬆翼鬆哂」嘅感覺, 當有呢種感覺嘅時候, 好行為就可以持續(即做到你要求), 重要係一切都响一個和諧氣氛下進行, 冇鬧冇話, 大家關係都好咗, 你估個效果會点？你慢慢亦可以將要求提高, 你甚至會發現佢會自動波咁去做添.....

咁呢個方法响乜嘢情況下唔work 呢？第一係當你唔可以按佢能力嚟俾獎勵時, 就一定冇用, 假設佢依家好似你所講, 幾分鐘都唔肯温, 咁你就要將再降低要求, 降到佢做得到攞到獎先得, 但話說回來, 好似我之前咁講, 佢會唔會根本唔知点先算温習呢？你可唔可以具體d 咁要求先？例如要寫十個詞語、要識幾多個生字咁？

第二就係你心中有氣時..... 即係話當你將要求降低, 佢又做到, 但你依然頂住條氣, 覺得佢唔deserve你去讚, 咁你嘅「聲氣」自自然然就會唔好, 讚得唔盡情, 就出唔到效果！

愈大個, 對讚嘅要求會覆雜咗, 唔係一句你好乖就會受, 好好把握時機, 係做就睇多次点讚個topic！

私人傳訊

積分: 33215

789^#

發表於 10-5-17 22:35 |只看該作者

原帖由 venuscc 於 10-5-16 00:41 發表

好多謝你！SANDRALO，我會盡快打電話去問，不過我已經有一間（東九龍）政府機構跟緊，唔知瑪嘉烈肯唔肯再跟（但其實東九龍果到都未無做啲乜，只系比左一份過期嘅小童群益會啲專力課程我睇就算啦，無任何按排）。
如果可以，我都有興趣了 ...

venuscc :

冇錯, 相信你大女係應該有個心結, 將所有唔好/不開心嘅事全數賴落妹妹度, 反為ADHD嘅問題, 例如學習同專注等(聽你講)並不急切.
你就話同daddy可以上幾堂去學点教佢地, 但佢地就須要輔導或者係遊戲治療之類去打開心結, 並唔係幾堂會搞得掂, 所以現階段我唔想介紹任何私人service住, 因加加埋埋都可能要成廿個鐘！
p.s. 私家醫生唔多適合, 應該係由教育心理學家去評估.

私人傳訊

積分: 929

790^#

發表於 10-5-17 23:17 |只看該作者

原帖由 SandraLo 於 10-5-17 22:35 發表

venuscc :

冇錯, 相信你大女係應該有個心結, 將所有唔好/不開心嘅事全數賴落妹妹度, 反為ADHD嘅問題, 例如學習同專注等(聽你講)並不急切.
你就話同daddy可以上幾堂去學点教佢地, 但佢地就須要輔導或者係遊戲治療 ...

sandralo,真系好多謝你意見，咁如果政府方面真系太耐，我又心急哦！咁仲有乜辦法？事關，我橫睇點睇，都覺得阿女“有得救”，而且“救”番之後會好可愛（唉！安慰下自己啦），但系自己真系無從入手,你有無其他辦法幫到我呢？
另外，我試過比豆豆個大女分，唔知點解，佢又好似好得咁哦，好認真好細心，仲分得好快,所以我真系有啲啲懷疑，個女系咪另有其他問題，嘩！千其唔好系“亞氏保加B”呀！好怕！！（佢專注力最唔點的表現就系上堂容易分心，做功課或練琴時，雙腳成日搖呢搖去）

私人傳訊

積分: 33215

791^#

發表於 10-5-18 21:13 |只看該作者

原帖由 venuscc 於 10-5-17 23:17 發表

sandralo,真系好多謝你意見，咁如果政府方面真系太耐，我又心急哦！咁仲有乜辦法？事關，我橫睇點睇，都覺得阿女“有得救”，而且“救”番之後會好可愛（唉！安慰下自己啦），但系自己真系無從入手,你有無其他辦法幫到我呢？
另外，我試過比豆 ...

venuscc :

你唔好心大心細啦, 評估就等番政府啦, 管教嘅嘢, 如果冇牽涉到兩姊妹不和嘅嘢, 都可以照問我！

私人傳訊

積分: 929

792^#

發表於 10-5-18 22:35 |只看該作者

原帖由 SandraLo 於 10-5-18 21:13 發表

venuscc :

你唔好心大心細啦, 評估就等番政府啦, 管教嘅嘢, 如果冇牽涉到兩姊妹不和嘅嘢, 都可以照問我！

YES,MADAM!
SANDRALO,想請教你一樣野，如果女女成日習慣左用“大話”來掩飾自己過錯或者達到自己目的，有乜法子可以幫佢TURN番呀？
之前因為忘記叫我寫“家長意見”，作左個大話話比老師聽“媽咪話唔得閒，遲啲先寫”，後來佢唔肯同我講點解咁做，DADI問先講出來話怕先生知道會罰(不過佢一向都系唔專心，上堂先生講啲野好少番呢同我講，所以成日忘記帶呢樣，做果樣，成日比先生話)；今日早上仲激C我，為左食件曲奇做茶點，又同我講，話先生話唔可以成日食面包做茶點哦（我平時多數都淨系比包佢，因為佢哮喘，唔敢比太多餅佢食，不過我本來系應承佢今日可以食，但系早上唔記得翻熱，件餅系雪櫃拿出呢凍冰冰點敢比佢食，所以佢先咁同我講）。唉！我真系無佢符，呢個女唔知點教好！請你教下我啦！

私人傳訊

dolphinwan

複式洋房

積分: 144

793^#

發表於 10-5-19 18:10 |只看該作者

SandraLo :

我已經睇左好多有關呢個Topic既post!
而家有兩個問題想請教:

1) 我個囝囝而家20個月,最近經常扭要食糖,我話唔可以食,跟住佢就喊,於是我同佢講''媽媽話唔可以食就唔可以食,唔會因為你扭而改變'',然後我會ignore佢喊,佢喊十秒左右會走過黎拉我隻手叫我攬番佢,我唔理佢又會好大聲喊,喊左一陣又拉我隻手,試過喊半個鐘以上我唔理佢佢唔肯收聲,如果我攬番佢就會好乖咁伏係我度唔再喊唔再扭食糖,請問我應該點做呢? 我覺得佢好似好驚我唔理佢,如果我堅持ingnore佢喊,會唔會令佢缺乏安全感呢??

2) 又係成日掉野落地,好似當左係一種遊戲,我觀察過佢好多次掉野後個樣都好開心,試過有幾次唔覺意比佢打爛左隻玻璃杯,D玻璃碎左係地發出聲音,佢竟然好開心咁大笑,請問我應該點做?
之前試過好惡鬧佢,打佢,隔左唔夠一分鐘又繼續掉!
試過ignore+讚,(係佢心情好既時候好誇張咁讚,有時會比零食增加讚既效果),但係唔夠10秒即刻再掉玩具,試過掉出窗外既窗台!請問佢而家既行為係唔係為左滿足自己既好奇心呢?
我已經開始放棄去改正佢掉野既行為,好唔好等佢番N1時老師去教佢呢?

私人傳訊

積分: 33215

794^#

發表於 10-5-19 22:34 |只看該作者

原帖由 venuscc 於 10-5-18 22:35 發表

YES,MADAM!
SANDRALO,想請教你一樣野，如果女女成日習慣左用“大話”來掩飾自己過錯或者達到自己目的，有乜法子可以幫佢TURN番呀？
之前因為忘記叫我寫“家長意見”，作左個大話話比老師聽“媽咪話唔得閒，遲啲先寫”，後來佢唔 ...

venuscc :

首先你要檢討吓有冇慣咗無意中咁應承咗d 嘢, 之後係冇做, 或者敷衍咗算數. 自己都要小心, 唔好唔覺意咁講咗大話先.

佢地咁細唔係要寫手冊嘅咩？点解會唔記得？
由你呢兩個例子睇起上嚟, 佢似係「隨口up」, 未必明講大話對人地嘅影響, 相信佢講咗大話, 你亦冇俾乜嘢後果佢(即係罸), 所以, 佢好隨意咁就作d 嘢講.

我估你先要同佢嚟一個真情對話, 唔係去講狼來了或者話小朋友唔應該講大話咁簡單, 而係講吓「被人呃」嘅感受, 同點解對媽媽都要講大話！
跟住就要睇番個別事件咁去講解, 例如唔可以食太多餅嘅原因, 哮喘係d 乜等等；再落嚟就係矯正呢個講大話嘅壞行為, 簡單嚟講就係冇講大話(照實講) 就讚、獎, 講大話就罸, 罸乜就要事先講好, 唔可以到時先隨便話！

[ 本帖最後由 SandraLo 於 10-5-19 22:37 編輯 ]

私人傳訊

積分: 33215

795^#

發表於 10-5-19 22:48 |只看該作者

原帖由 dolphinwan 於 10-5-19 18:10 發表
SandraLo :

我已經睇左好多有關呢個Topic既post!
而家有兩個問題想請教:

1) 我個囝囝而家20個月,最近經常扭要食糖,我話唔可以食,跟住佢就喊,於是我同佢講''媽媽話唔可以食就唔可以食,唔會因為你扭而改變'',然後我 ...

dolphinwan :

1)
佢扭係扭要食糖, 佢喊唔喊都好, 最後你冇因為佢喊/扭而俾糖佢(或俾代替品)就冇問題, 亦即係冇助長佢扭！再清楚d：佢喊只係喊你唔理佢, 事實係你唔須要唔理佢, 佢都冇扭d乜！
2)
佢掉嘢落地你有冇ignore佢？如果淨响冇掉嗰陣讚, 掉嗰陣一樣有好多反應(例如大聲話嘩唔好咁), 就冇用啦, 因二者佢都咁高興！

私人傳訊

dolphinwan

複式洋房

積分: 144

796^#

發表於 10-5-19 23:35 |只看該作者

回覆 795# SandraLo 的文章

SandraLo :

1) 佢扭既時候我無用其它野去代替!

2) 佢掉野落地我地有Ignore佢,再加埋係唔掉野既時候勁讚,唔知點解佢仲係咁開心咁掉,我覺得佢掉野落地聽到d聲音好開心!

[ 本帖最後由 dolphinwan 於 10-5-19 23:38 編輯 ]

私人傳訊

積分: 929

797^#

發表於 10-5-20 02:21 |只看該作者

原帖由 SandraLo 於 10-5-19 22:34 發表

venuscc :

首先你要檢討吓有冇慣咗無意中咁應承咗d 嘢, 之後係冇做, 或者敷衍咗算數. 自己都要小心, 唔好唔覺意咁講咗大話先.

佢地咁細唔係要寫手冊嘅咩？点解會唔記得？
由你呢兩個例子睇起上嚟, 佢似係「隨口up」, ...

明白！
講真，我一向都注重“講過就算”呢味野，因為有童年陰影，不過除左我之外（我地同老人家一齊住），真系好多人應承左佢嘅野系“講下就算”。另外我其實都有少少專制，要求又定得幾高個種媽咪（可能我對自己系咁，所以對人都系咁）。好似女女想去“迪迪公園”咁，我就要求佢每做一件“好事”（如記住先生嘅說話，返屋企按要求做；自覺按照時間表做事）我都會比一個印花佢，集齊一百個就可以去啦！唔知呢個要求對佢呢講系咪真系好高，個女開始時有少少緊張，不過而家就越呢越無感覺，會唔會系佢完全唔明一百個系幾多，點解咁耐都無，幾時先齊？媽咪系咪講大話？（我系咪要同佢傾傾呢）。另外，如果佢真系隨便“噏”咁咪會變左習慣羅？我有無必要解釋一下“大話”嘅定義？同埋最重要嘅系我平時使唔使成日提醒佢，叫佢要講“真話”？
我而家發現，專注力系可以影響好多野，好多時我發現個女做事好無耐性，又心急，一做唔好（佢本身要求高啲）就好易“憫囎”，加上自控力差，又衝動，成日會出現好多情緒困擾自己，搞到身邊啲人都唔好受，“惡性循環”，我怕連自己都有“精神病”（有時真系好難過，見佢完全唔受教，個腦一片空白）。
另外，仲有一樣野想請教你，我大女平時無乜時間觀念，做事無順序，成日都要人叫好多次（如食飯、洗白白、做功課、練琴等），有時仲要叫都唔做，一系就發脾氣，一系就當聽唔到，我試過數“123”，無效；又試過罰佢，佢好似一啲都唔緊；佢做好左，我一定會贊，有時仲有獎品添，唔明佢點解對自己好似無乜要求，一日到黑可以唔食唔訓唔做（功課同自己要做啲野），淨系掛住玩（佢真系好懶玩）好在而家啲成績仲OK ，遲啲點算？（我有定下要求邊啲要佢做架，仲講明做唔到要罰添，不過佢一啲都唔在乎，真系比佢激C），教呢個女花左我好多精力，本來我都無所謂，教得好再辛苦都值，不過佢好似越呢越唔受教，問題仲越呢越多，我真系唔知點搞佢！！！
（最後，我女女學校由K1下學期開始系完全唔出通告，又唔會要求佢地寫，老師只會講左就要小朋友記住，返屋企自己做，我最深印象系K2第一天上學，先生就同佢地講第一個星期二、五唔使著運動服，著校服裙，結果我個女講得一日講唔到第二日，所以有一日無小白兔食龜仔，最搞笑嘅系果兩日學校有一半小朋友都無按要求做，啲家長好緊張，因為明白學校為嘅不是成績，佢地就系要訓練小朋友啲紀律、行為同自理，所以我日日一放學就馬上問阿女呢樣個樣，如果遲左，佢就乜都唔記得晒，我都唔知呢種方式對小朋友好唔好，不過對我女就真系，，，所以我再喜歡都好，小學唔讀呢間啦，因為個女好似唔多適全合讀落去，你覺得呢？）

[ 本帖最後由 venuscc 於 10-5-20 02:34 編輯 ]

私人傳訊

Mimmy

積分: 42281

2024年龍年勳章育兒性格勳章畀面勳章

798^#

發表於 10-5-20 16:47 |只看該作者

Hi Sandra,

我囡囡而家20個月..唔係好識講野既階段
佢成日發脾氣, 一唔中意就會發出"ng"一聲
仲會打空氣, 好間中會打人
我同佢返pg, miss同我自己都察覺到佢有一個問題就係服從性低
我明白應該唔會有人中意比人管
但佢咁細個總唔可以所有事都由得佢亂黎
我唔係成日打佢, 亦唔想下下用打/鬧方式去對佢
但面對佢每次曳表現, 我都唔知應該點教佢

私人傳訊

積分: 33215

799^#

發表於 10-5-20 22:42 |只看該作者

原帖由 dolphinwan 於 10-5-19 23:35 發表
SandraLo :

1) 佢扭既時候我無用其它野去代替!

2) 佢掉野落地我地有Ignore佢,再加埋係唔掉野既時候勁讚,唔知點解佢仲係咁開心咁掉,我覺得佢掉野落地聽到d聲音好開心! ...

dolphinwan :

1) 咁ok架啦, 唔好ignore佢喊, 佢都冇扭！
2) 你會唔會係ignore得唔夠清晣？例如佢掟咗, 你唔出聲但又「屈」吓佢, 或者唔出聲, 但即刻去執番？
有冇買d 掟波波玩具俾佢玩？

私人傳訊