大仔大女媽媽會 今日: 0|主題: 177860

家僖媽, 聽你咁講, 家僖可能已經幾習慣”打”, 無論係口講, 還是真係出手…既然都已經唔知佢係邊度學（if唔係姐姐）, 咁算啦, 不如諗諗點幫家僖啦…

嵐嵐曳的時候, 其實我地仲未正識罰過佢d咩, 罰企哩d未試過…因為佢一發脾氣一係大喊, 一係狂扭, 好難要佢企~

所以當嵐嵐做錯野, 尤其是現在佢有時都會拎起手想打人（可能佢唔係真係想打人, 有時可能係拍枱, 又或者係唔想follow我地的指示）, 咁我地都會話唔可以, 並且用好嚴厲的眼神望住佢, 嵐嵐係會定左格咁, 咁我地就會訓示佢, 話佢知, 唔可以發脾氣, 你想要咩, 要講, e.g. 有時玩同一件玩具好耐, 可能我地都想同佢轉另一樣東西, 咁佢想作勢, 甚或起手；我地會真係NO & “掘”住佢, and then就會話你唔想玩, 就講, 唔可以打人, 唔可以發脾氣, 問佢知唔知, 有時佢會答知, 有時唔出聲, 咁我就會講媽媽sad, 咁就拎埋面唔采佢, 佢好叻會望向爸爸, 咁爸爸都會講媽媽sad, 爸爸sad, 咁佢通常就會再開口叫番媽媽, 咁我就會再訓示, 然後重覆問佢知唔知, and then要佢say sorry！

現在再加, 就講”你兩歲, 大個囡, 唔發脾氣嘞！你識講, 要講俾媽媽知!” 咁所以每逢提起, even我同ee講佢放假的情況, 佢聽到都會撘咀話”two”, 咁我們就會不斷reinforce佢兩歲, 大個囡, 唔發脾氣…

講真, 由出世到現在, 出手真係打嵐嵐, 教訓佢, 我只有1次, 爸爸就3幾次, 有時我真係唔俾爸爸打佢…因為打左佢, 佢可能明; 但同時可能佢learn到”打”係ok的！如果家僖媽, 你真係想教教家僖, 試下同爸爸都要忍手, “打”只係處於真係危險情境才用的；e.g.嵐嵐在等過馬路扭唔拖手, 講完都唔聽, 仲想自己走, 爸爸打, 我唔阻止, 因為讓佢知道this is danger! But玩玩具發脾氣掟野哩d, 我唔覺得需要打, even嵐嵐試過打我, 我都冇打佢, 但我真係走開,.唔理佢, 佢俾爸爸話完, 要來搵番我, 再say sorry…要俾佢知道”打人”, 媽媽就會sad, 唔采/理佢, 咁佢會feel到being ignored…

If keep on你地都仲會”打”, 咁真係好難讓家僖明白”打”唔ok…

同埋如果家僖真係always都say”打”, 會唔會真係你們返左工, 姐姐有打過佢, 或者做出其他hurt家僖的動作/行為, 因為可能家僖未識講, 就用”打”report俾你們知呢？

同埋真係教家僖表達俾你們知佢想點, e.g.見到人叫佢叫人, 佢say”打”, 咁你們可以一開始直接講叫”姐姐”丫, 如果佢都say “打”, 咁就再repeat, 家僖係叫”姐姐”丫, ignore佢的”打”, repeat 2-3次都唔ok, 就同家僖講, 你現在唔想叫住, 咁一陣先叫啦…

And then帶開家僖, 只有你同佢, 同家僖講要有禮貌, 要乖, 媽媽先錫錫…然後隔一陣俾佢再試, 中間嘗試睇睇佢會唔會係緊張（嵐嵐會的）, 有或者其他原因佢未feel comfortable to say…if ok, ask 家僖to say again” 叫”姐姐”~如果家僖做到, 咁就要極力讚賞錫錫, 以reinforce佢繼續…

Let try try…ADD OIL家僖媽！