少年成長 今日: 3 | 主題: 16094

積分: 1033

782^#

發表於 07-8-24 23:00 |只看該作者

Sandralo,

我係之前個仔食親飯都掉玩具爬highchair果個煩惱媽咪呀,過左差不多兩個星期,上黎報告一下兼多謝你既指點呀!!

宜家唔使困果個仔o係房食飯喇,不過就o係飯廳食(以前o係客廳),背住d玩具食,想佢分到食野同玩既地方.而家食飯冇玩具,更加唔會有電視,用左不斷讚既方法後,阿仔宜家食得都ok呀,開頭仲食得好快下,係食到中後段先慢落黎要氹下,不過我都好滿足喇!仲有,佢宜家都冇乜爬出黎喇,一次半次啦,但捉返佢返去佢都唔會扭,佢宜家知道扭我唔會理佢呀,食緊飯時見到d野想要都係叫兩聲見我唔理佢就自己收聲喇!

真係多謝唒你專業既指導呀,我會記住用你套方法applyo係其他教仔方面架喇!!!

私人傳訊

tramtram

伯爵府

積分: 18901

783^#

發表於 07-8-25 11:51 |只看該作者

hi Sandralo

唉............又係我呀 ?
我有時真係唔太好意思, 次次妳幫我左我之後, 我係好有得著, 但隔左一段時間, 呀女又出招, 攪到我好頭痛, 又用左脫離妳教我招數, 我真失敗:-( :-( :-( . 請先諒.
入正例, 我呀女 (4 yrs)有學音樂班, 有時會有少少非常簡單樂譜回家練習, 我琴晚陪佢一齊練, 先佢彈錯左同佢講, 佢堅持自已無錯, 唔比我講, 我 eq 太抵

叫佢兩叫又發皮四....佢即刻走入房, 唔彩我. 佢一值都唔比機會我講, 我覺得佢好自我, 唔會接受人地批評佢不事 - 佢好硬頸, 之後, daddy 又加入埋, 話佢無禮貌唔彩 mummy, 我地做左兩次好錯事, 熄燈唔比佢出房 + 叫佢走 (我好內疚, 知道佢好唔開心) 抱住佢好耐同佢講, daddy & mummy 咁做方法係錯, 同佢講唔係每件事, 自已想掂就可以咁做, 要理別人感受.

我想問下, 如果下次再有咁情形, 我見到佢情緒, 學習 & 練習上有錯有什麼方法處理會唔太衝突...佢咁唔接受人地批評 ? 我自已又有什麼方法可以冷靜下 ?
我想做張好行為獎勵表 ? 有什麼要留意 ?
thank you

[ 本文章最後由 tramtram 於 07-8-26 19:17 編輯 ]

私人傳訊

積分: 33215

784^#

發表於 07-8-25 22:20 |只看該作者

原文章由 小程程 於 07-8-24 23:00 發表
Sandralo,

我係之前個仔食親飯都掉玩具爬highchair果個煩惱媽咪呀,過左差不多兩個星期,上黎報告一下兼多謝你既指點呀!!

宜家唔使困果個仔o係房食飯喇,不過就o係飯廳食(以前o係客廳),背住d玩具食,想佢分到食野同玩 ...

小程程：

做得好好呀！

真係一試你就知會掂，唔駛打唔駛鬧架！
大約到小學，就要加一兩招至可以平穩到中學........

私人傳訊

積分: 33215

785^#

發表於 07-8-26 00:00 |只看該作者

原文章由 tramtram 於 07-8-25 11:51 發表
hi Sandralo

唉............又係我呀 ?
我有時真係唔太好意思, 次次妳幫我左我之後, 我係好有得著, 但隔左一段時間, 呀女又出招, 攪到我好頭痛, 又用左脫離妳教我招數, 我真失敗:-( :-( :-( . 請先諒.
入正例, 我 ...

Tramtram :

我估依家d 媽咪係太緊張，而d小朋友嘅特色係學/練嗰樣嘢時，淨會聽嗰個老師講，假如有d 佢真係收錯，就點都仍然話自己啱，唔肯聽爸媽講，因為佢地覺得爸媽唔會識！
我明白媽咪當然唔想小朋友花時間練d 錯嘅嘢，但佢地又真係好鬼stubborn (大少少會好的) ，我諗到嘅最佳方法都係交番俾個音樂班老師，話哂呢「瓣」係佢負責；咁就省免咗好多麻煩同衝突，而個小朋友之後亦會知番自己係錯。

(待續)

[ 本文章最後由 SandraLo 於 07-8-26 00:01 編輯 ]

私人傳訊

maybaby

男爵府

積分: 5834

786^#

發表於 07-8-26 14:37 |只看該作者

hi Sandralo

有問題請教你呀！！
我仔3歲成日同我作對，叫佢唔好係要咁，我己好聲好氣，又成日"博咀"，例如佢唔中意聽就即時向我說反話，我話食飯怏d食啦，佢即答慢d食，叫佢洗手洗哂d泡先得，佢即答唔洗哂d泡
仲有好多的..............但有時我問佢好唔好玩(明明好玩的，因玩到癲哂)，又話唔好玩，成日講反話?-( 我應該怎樣改變他的行為呀？？？

私人傳訊

tramtram

伯爵府

積分: 18901

787^#

發表於 07-8-26 19:15 |只看該作者

唔該晒........

原文章由 SandraLo 於 07-8-26 00:00 發表

Tramtram :

我估依家d 媽咪係太緊張，而d小朋友嘅特色係學/練嗰樣嘢時，淨會聽嗰個老師講，假如有d 佢真係收錯，就點都仍然話自己啱，唔肯聽爸媽講，因為佢地覺得爸媽唔會識！
我明白媽咪當然唔想小朋友花時間練d 錯嘅嘢，但佢地 ...

私人傳訊

積分: 33215

788^#

發表於 07-8-26 23:21 |只看該作者

原文章由 SandraLo 於 07-8-26 00:00 發表

Tramtram :

我估依家d 媽咪係太緊張，而d小朋友嘅特色係學/練嗰樣嘢時，淨會聽嗰個老師講，假如有d 佢真係收錯，就點都仍然話自己啱，唔肯聽爸媽講，因為佢地覺得爸媽唔會識！
我明白媽咪當然唔想小朋友花時間練d 錯嘅嘢，....(待續)

(續昨)

查實小朋友發脾氣唔駛一定罸，尤其係佢只係情緒反應而並冇特別一樣嘢要求，大人反應太大反而俾佢攞到哂attention就重唔好，所以，只要你地唔好响佢面前發脾氣同埋唔會俾佢得逞，再加埋讚，慢慢佢會收！

私人傳訊

lisatsoi

積分: 1943

789^#

發表於 07-8-27 09:46 |只看該作者

SandraLo :

早晨,我想再請教下,因我仔仔只用讚行不通,所以我現在講明不聽話會得不到同做不到他想要的.例如他很鐘意我幫他沖涼,但我要聽話才幫他,有d效,但我惊我又做錯,又知你好人,所以都要上來問下你,希望你幫幫我,唔該晒!
(我自上次聽你話之後一路都無再打同罵,都幾好,當讚都無用時,有時同他講極都唔聽我應該點做?我真的試過直情唔知點做)

唔該晒你.另外仔仔下星期返k1了,我要注意d什麼,你經驗豐富又專業,唔該你幫下我!

私人傳訊

tramtram

伯爵府

積分: 18901

790^#

發表於 07-8-27 11:27 |只看該作者

再次唔該晒....
妳好勁呀 ? 連第2步都諗埋, 就係俾佢攞到哂attention, 佢直情大反我同老公轉頭, 我真係有點怕左佢.

原文章由 SandraLo 於 07-8-26 23:21 發表

(續昨)

查實小朋友發脾氣唔駛一定罸，尤其係佢只係情緒反應而並冇特別一樣嘢要求，大人反應太大反而俾佢攞到哂attention就重唔好，所以，只要你地唔好响佢面前發脾氣同埋唔會俾佢得逞，再加埋讚，慢慢佢會收！ ...

私人傳訊

積分: 33215

791^#

發表於 07-8-27 12:19 |只看該作者

原文章由 maybaby 於 07-8-26 14:37 發表
hi Sandralo

有問題請教你呀！！
我仔3歲成日同我作對，叫佢唔好係要咁，我己好聲好氣，又成日"博咀"，例如佢唔中意聽就即時向我說反話，我話食飯怏d食啦，佢即答慢d食，叫佢洗手洗哂d泡先得，佢即答唔洗哂d泡
仲有好多的.............. ...

maybaby :

講反話同駁咀係小朋友對你成日「話」佢嘅一種「反擊」，即係「死撐」。
你一方面要減少「話」佢，另一方面，對佢講嘅嘢唔可以有大反應，對冇意思嘅嘢(如佢話慢d食、唔洗哂d泡等)，更應該係「冇反應」，否則，佢除咗頂到「行」之外，重會當作呢個係遊戲同你玩！
大部份小朋友都enjoy 媽咪同佢地講故事，點解食飯唔好太慢(凍哂有細菌)、点解要咁洗手呢d，就留番嗰陣轉化成故事去講，到佢犯呢d小錯嗰時，就唔須要講咁多。
如果佢竟然明明好玩話唔好，就更加好啦，當然係細細聲好低調咁同佢講：「唉，原來你唔鍾意，我下次俾你做其他嘢啦！」此舉係俾佢知你「正視」佢講嘅嘢，亦apply一個後果俾佢，等佢知嘢唔好亂講！
千祈唔好俾佢成咗習慣用咁嘅方式同你溝通呀！

私人傳訊

積分: 33215

792^#

發表於 07-8-27 22:53 |只看該作者

原文章由 lisatsoi 於 07-8-27 09:46 發表
SandraLo :

早晨,我想再請教下,因我仔仔只用讚行不通,所以我現在講明不聽話會得不到同做不到他想要的.例如他很鐘意我幫他沖涼,但我要聽話才幫他,有d效,但我惊我又做錯,又知你好人,所以都要上來問下你,希望你幫幫我, ...

Lisatsoi :

其實我不認同你話囝囝用讚冇用，我覺得只係食嘢上面難d，你應該試另一樣！

响行為學上，凡係佢鍾意嘅嘢，都可以「轉化」成「獎品」(reinforcer)，用嚟吸引佢地完成其他冇咁鍾意嘅嘢；但做起上嚟，唔可以有偏差，否則好快就會負面地變成討價還價式的交換條件，或者迫到佢連鍾意嘅嘢都放棄，例如：
媽：快d 做好功課，唔係就唔帶你去遊樂場！
初初一定work，之後好易會變成：
仔：冇得去遊樂場我就唔做功課！或者
仔：我情願唔去遊樂場啦，我唔做功課呀！
以上例子，就係我所講的交換條件；要變番「去遊樂場」做獎品，最好就有一個時間表，三歲幾咁細個，你就大約預定做完某樣到另一樣都可以。
舉例：
你設計好一個時間表，照跟住做或告訴他，例如12點至1點食飯，1點食完飯，就2至3點可以去遊樂場，事先話俾佢知：食完呢碗飯我地就一齊去遊樂場啦！(氣氛是開心的，是一個獎)
如果佢用咗一個鐘，只係完成到飯量的一半，就話要去遊樂場，你就可以簡單的答：未喎，你未食哂飯喎，媽咪話食哂至去喎！
睇吓下面錯的做法：
阿仔食飯極慢時，阿媽就不停咁話：嗱！好快d 啦，再唔食哂就冇得去遊樂場啦！(氣氛是不快的，因你在警告他)
最後，真係食唔哂的話，「冇得去遊樂場」就變成罸佢，照去的話，你便「言而無信」，你以後講嘢唔駛旨以佢聽，冇得去亦可能引發佢扭要去，更難收拾！
你看完以上的例子，就明我所講的「偏差」和要小心用，同是一句說話，分別很大！

而「不聽話會得不到同做不到他想要的」很有問題，因「不聽話」「乖」呢d字眼範圍太廣，定義不夠清楚，你也不好用聽話這些字眼來讚他，應讚他一個好的行為；舉例：你話佢食飯「聽話」(或乖)就可以去遊樂場，他的理解是「完成」，但最後的結論是不聽話冇得去，因為佢跌到成地飯！咁又會引起爭執！
即是說，不要用是否乖來和「獎」掛勾，小朋友好難明白你係点計算，半日冇向你say no算乖？定係全日？講一次至三次no就算唔聽話？定係一日少過兩次？你叫佢點計？

私人傳訊

maybaby

男爵府

積分: 5834

793^#

發表於 07-8-27 23:44 |只看該作者

SandraLo

仲有佢另一個行為"冇耐性"，當要一家三口出準備出街時，佢已穿好衣服，之後佢不斷叫"得未"...."得未".....扭計語氣。又到我在街睇衫時，佢又拉我走，"唔比媽咪睇"。

另外仲有一個問題，唔好意思，咁多嘢問！！
我仔好興早上起床唔比我去廁所先，如我如廁中，佢不停拍門成撞入嚟，就話"唔比媽咪疴先，我急先"，但佢起床去左廳我先去如廁，佢聽到有人疴尿声，又沖埋嚟，点解會咁架？？真不明！我唔介意先後如廁，我係唔中意佢專橫嘅態度！！！:-( :-(

私人傳訊

lisatsoi

積分: 1943

794^#

發表於 07-8-28 09:34 |只看該作者

SandraLo :

好多謝你,唔知點講多謝好,因為你正正指出問題,我好多時將獎勵變成罰.因為多數仔仔完成不到我的要求.好多謝你,我會改同照你講去做,因為仔仔同我現在都無好似以前喊打,多得你咁好的人係度.真的好多謝!我都知我好煩,但我知你好人,又惊自己錯而不知,所以先成日問你,希望你睇在天下父母唔好介意.我亦希望自己作為反面教材俾其他mami有所參考,千萬千萬唔好打(我後悔得不得了,點解自己咁死蠢聽朋友話(朋友都係好心)就真的去試去打).

總之好多謝你,阿仔今星期返k1,我都好期待好開心,所以同你分享下.

我朋友家下都入來睇呢度,所以你真的為我地呢d媽咪做了件好事.好多謝你!

Lisatsoi :

其實我不認同你話囝囝用讚冇用，我覺得只係食嘢上面難d，你應該試另一樣！

响行為學上，凡係佢鍾意嘅嘢，都可以「轉化」成「獎品」(reinforcer)，用嚟吸引佢地完成其他冇咁鍾意嘅嘢；但做起上嚟，唔可以有偏差，否則 ... [/quote]

[ 本文章最後由 lisatsoi 於 07-8-28 09:35 編輯 ]

私人傳訊

webjen

積分: 46055

795^#

發表於 07-8-28 11:15 |只看該作者

原文章由 lisatsoi 於 07-8-28 09:34 發表
希望你睇在天下父母唔好介意.我亦希望自己作為反面教材俾其他mami有所參考,千萬千萬唔好打(我後悔得不得了,點解自己咁死蠢聽朋友話(朋友都係好心)就真的去試去打).

你真係唔好自責,你都及早醒覺,好過好多人.....
到依家我都聽唔少人話細路係一定要打先聽教!!

我把平安留給你們，我將我的平安賜給你們；我所賜給你們的，不像世界所賜的一樣。你心裏不要煩亂，也不要膽怯。(若 14:27)
Happy moments, praise God. Difficult moments, seek God. Quiet moments, worship God. Painful moments, trust God. Every moment, thank God!!!

私人傳訊

mrsanthony

積分: 4119

虎到金來勳章

796^#

發表於 07-8-28 12:21 |只看該作者

原文章由 cjessjess 於 07-8-23 13:06 發表
Mrsanthony

嚇死我, 我以為俾人點名鬧
:lol :lol :lol :lol

Dear cjessjess, 謝謝你都來不及!

Hi SandraLo & virgobb, 衷心的感謝你們的意見, 已經告訴了我朋友, 她很感激你們呢! 真喜歡這裡!

不過, SandraLo 可否再請教一下 - 學校若表示比父母自行決定派不派禮物, 而且大多數家長都不認為需要禁止, 那我朋友可怎樣回應呢?
:-P
virgobb呀, 囝囝自己落手 prepare / pack的小玩意, 有什麼提議? 如果摺摺紙船紙飛機紙動物
…會不會有點小家? 但是要囝囝做廁紙花似乎娘娘腔D!?-(

原文章由
mrsanthony 於 07-8-23 12:54 發表
我都想請教大家: ops:" />

我生日, 我送禮物比所有同學. 而下次我同學生日, 就要回禮, 即你要送禮物比所有同學&我!
(我朋友只可上綱不可打字，　故我代問)我朋友的兒子是一個讀屋村幼稚園的學生, 個個月都 ...

SandraLo07-8-24 22:09: 解鈴還須繫鈴人，應該同學校講, 等學校同d 媽咪講唔好(唔淮)再派，以免小朋友錯誤地以為生日就要派禮物，甚至比較禮物的價值。
這和有些學校统一茶點的食物一樣，免除比較的麻煩！

virgobb 07-8-23 15:59: 我路過, 我諗如果係我既話 ...

我都好明白你朋友個囝囝既諗法. 見到個個同學仔都咁做, 做既時間又咁高興 (我諗無論生日果個或唔係生日果個都開心) ... 所以到自己生日,都好想係咁開心. 我又唔覺得佢囝囝有任何不對 ... 又唔好諗到咁複雜 "回禮", 小朋友未必有 lee 個 concept, 係大人灌輸 law.

我有朋友, 每年其他朋友生日,佢都會焗蛋糕賀人, lee d 唔止係 $$ 仲有心機同時間, 但大家既開心記憶, $$ 係買唔到.
又例如, 我地去旅行都會買d小手信, 如果諗因為人買我買, 咁 lee d "唔高興" 諗法係永遠屬於你自己.

所以如果係囝囝想, 不防由得佢去做, 不過可以引領佢去, 最好唔洗咩花$$野, 有心思重要 d, e.g. 自家制小玩意, 最緊要囝囝自己落手 prepare / pack, 咁佢從中就好有滿足感.

[ 本文章最後由 mrsanthony 於 07-8-28 12:24 編輯 ]

私人傳訊

積分: 33215

797^#

發表於 07-8-28 22:07 |只看該作者

原文章由 lisatsoi 於 07-8-28 09:34 發表
SandraLo :

好多謝你,唔知點講多謝好,因為你正正指出問題,我好多時將獎勵變成罰.因為多數仔仔完成不到我的要求.好多謝你,我會改同照你講去做,因為仔仔同我現在都無好似以前喊打,多得你咁好的人係度.真的好多謝!我都 ...

lisatsoi 及各位媽咪 :

太客氣了！

幫得到你其實也是個緣份，因你有覺得自己不足，才可以這樣「徹底」的問，結果就是你可以透過這個方式改善得到！

我亦想借此機會表白一下：由於我是用手寫板的，所以答得很慢，加上我要和阿女share電腦(因我堅持不買一部放在她的房)，因此好多時都在極急的情況下回覆問題，沒法兼顧提問媽咪的心理狀態；硬生生的表達出來，我估給人的感覺應該是好「掘」，極可能有些媽咪是受不了的，那便幫不到，這算是我小小的遺憾！
但見到你們上來報喜，我是很開心的，也是一個很大的回報，只希望問題不太多，我可以應付及仍可分身隔天往家傭版一轉，看看嗰邊的媽咪有沒有要幫的，因我之前較多時間在那處！

私人傳訊

積分: 33215

798^#

發表於 07-8-28 22:09 |只看該作者

原文章由 webjen 於 07-8-28 11:15 發表

你真係唔好自責,你都及早醒覺,好過好多人.....
到依家我都聽唔少人話細路係一定要打先聽教!!

出面啱啱又有！:cry:

私人傳訊

MrsBunBun