[quote]
janjet 寫道:
sori sori..i'm back
第五种係簷前滴水。之前提及的四种天然水份皆有能力辦到，但簷前滴水唔落雨點算，因為此水必須要天然雨水滴在簷篷流下而取之，原來在接到柯打時已趁落雨取得，跟住由師傅在壇前再加上符令口咒。
回說當時情況，師傅將水灌入上身鬼口中，但見上身鬼緊閉牙關，極力掙扎。師傅拿起左手兩指用力緊叉臉頰令口部豋時打開缺口並將燒酒樽盛有半支五類水全數倒入口內，上身鬼大約掙扎一分鐘就靜止0左，但我們仍不敢放手,再過約兩分鍾見上身鬼仍緊閉雙目及無動靜於是放手並舒一口氣仲以為咁容易就收工。但氣都末透完就聽到上身鬼用一把女高音大聲講0野:"你地殺0左我個仔;我點都唔會放過你地既" 跟住就見被上身女子在床上震斗。雙手雙腳屈曲地動。嘩!.......嚇到我呢個驅魔新丁魂魄都唔齊，全身毛管登到行晒，立即同師叔及師兄退返出門外，行返埋師傅度先無咁驚。
定過神來睇見上身鬼無追出0黎，於是就問師傅:"佢做乜話我地殺0左佢個仔呀?"師傅話:"佢身上面總共有十個靈體，但係其中一個係大肚女鬼，頭先個D符水唔可以令到佢地滅亡或離開驅體，而作用係削弱佢地D靈氣，因為個鬼BB靈氣太弱,所以巳經散0左魂魄,陣間你地三個輪流入去用天蓬咒及.................
師傅訓令用天蓬咒口念，再用劍指打向上身鬼。
我們同行三人包括師叔、大師兄等一同進入房間內，我們並排而企而面對仰臥而睡的上身鬼，首先由輩份高的師叔首先出手，我見他伸出右手用中指及食指指向上身鬼並口念:"天蓬、天蓬、九元殺童，五丁都司，高力北................"我見上身鬼仍然緊閉雙目，並無任何動作。說時遲、那時快，天蓬咒念完,聽到師叔大叫一聲"噓"用力向上身鬼一指，"呠"....一聲由上身鬼的女子身体發出，跟住我就聞到惡臭，我與師叔、師兄互望，嘩......賴屎呀...!臭得好厲害，頂唔順,三人立即衝出廳。
師傅又鬧:"你地攪乜鬼0野呀!"我對師傅講:"好臭呀!師叔用天蓬咒打到佢標屎，臭到頂唔順呀!"師傅於是通知受害者的丈夫先行清理。呢段時間較為空閒,對上身鬼靈界D野摸不著頭腦，於是問0下師傅"點解隻上身鬼掙開隻凶眼一次，跟住就算俾我地施咒打都係瞌埋眼。"師傅話:"呢D就係平時成日飲既百日水及做禡食既護身符功效，神壇弟子出外做事体內必有金光，一般的靈體都怕左呢D金光，可況出門時巳啟師有呢單工程。"咁點解佢又訓0向度唔郁0既?"
但事主丈夫走埋黎講話已經清潔好，師傅無答我並叫我地繼續施咒。進入房內見上身鬼依然模樣，但就換了新睡衣。呢次輪到師兄出手，他口中念念有詞:"天蓬天蓬九元殺童........"仍然是用右手劍指帶咒而出，念到最後一句"萬鬼自消，吾奉太上老君.........."見師兄用腳大力一踏，見劍指一伸而出。呠......又一聲!跟住又聞到惡臭,上身鬼又被天蓬咒打到標屎，我們都唔知點箅，唯有又行返出廳對主人家講你太太又賴屎唔該你再清潔0下。
跟住輪到我出手啦................
待續
B仔媽咪 寫道:
其實我都試過一次..不過唔係發生在我身上
話說都好多年前啦..我家住小西灣, 咁以前唔係好多車可以入小西灣,所以我好多時都會搭地鐵去柴灣再轉搭小巴回家, 我記得那晚不是太夜, 我記得好似係七點幾啦...天己經黑晒啦,咁小巴重有一個位未上滿已經開(那個位就是門口雙人位,近門口那一個, 隔離係坐著一個女人呀), 小巴如常咁開車, 過了回旋處後, 司機突然急停, 然後開門....我重以為有人要上車啦, 但望一望無呀, 但司機係好似要開門俾人要下車一樣...但當時係無人叫落車...全車人立即大家望大家.大家個心都知到發生咩事, 司機見到咁..可能都知到有事,所以立即關門開車..重俾之前開得更快,之後我見在途中有人想上車,司機都沒有停下,一直回到小西灣才停車.
我估當時司機係以為滿坐所以開車..我估全車最驚那個就係坐在那個"位"隔離的女人.
我同C6都即刻周圍望,因為當時我地個位置都冇人...我問佢聽唔聽到...佢話聽得好清楚...我地仲話"下,唔係咁邪呀.." :-| 
均均媽 寫道:
JANET講個度好好笑
個女人最後係咪標左11次屎先驅到鬼?
我自己未見過鬼,但一次同男友坐晌九龍公園既滑梯上傾計,當時係7點幾,天都黑了...忽然聽到一把女人聲晌我地耳邊嘆氣--"唉~"
跟住講一位同事(Y)既經歷,一日Y收工約左舊同事出外食飯,Y先返家換衫先外出,家中無人的...Y出門口時大約8點幾9點,因為Y媽媽和Y姐姐返夜班,出門時怕黑的Y關了TOILET燈和睡房燈...但冇關廳燈就拿拿林出門...~到11點幾Y食完飯返家,一開門就見到廳燈關左,Y一路行入去一路諗究竟自己有冇熄燈...明明冇熄...一路行入去一邊開左近大門的廚房燈同TOILET燈...但廳燈係晌屋中心的大廳度...佢一行到入去見到一個高大的男人企晌電視機前面...企定定面向住佢,佢"呀"一聲即刻啪開左個廳燈制就唔見左個男人
佢都好驚,但休息左一陣都拿拿林沖涼,佢話驚12點沖仲邪喎~其實Y唔只一次,有時晌公司會聽到有人嗌佢全名,但事實係冇人叫佢...又試過晌屋企梳化睇睇下電視,有野扯佢頭髮,佢仲要同"人"鬥力..><有一次Y同個朋友去影貼紙相,後來Y個朋友俾左D相俾佢婆婆睇,佢婆婆話"呢個女仔(Y)成日撞鬼喎~!"Y知悉後都覺得好準...
講返佢屋企單野,我問佢點解肯定"訪客"係一個男人,Y話佢係好清楚睇到個人既頭形,即係那個人係短髮...而且"佢"好高大遮住晒個電視機
我又問佢點解個刻唔驚個人係賊??(比較低能既問題..)
佢話當你真係見到鬼既時候,你就會知道...因為佢係一D都唔實在,但又的確有一個清晰既形態
同埋Y話如果佢係賊佢就會匿埋,而且唔會熄左燈黎偷野啦
你地有d咩古靈精怪事都可以問佢架
雪影 寫道:
約2-3年前我係髮型屋聽隔離位太太講咗個故事,對話大約係咁:
個太太話俾髮型師聽暫時搬咗去酒店住,咁髮型師奇怪佢剛剛新居入伙,點解要咁做,跟住佢就話啱啱搬入去個零星期個女(約3-4歲)成日話有個姐姐企係客廳L型梳化角落支座地燈下面,咁佢諗住個女唔適應新環境啫!都無放係心度,點知又過咗幾日嘅下午,佢係房瞓緊晏覺,個工人係廚房做緊嘢,聽到個女係客廳笑到咭咭聲,咁佢出去就見到個女對住支座地燈玩緊,佢問個女做乜咁開心呀!佢個女話"我同姐姐做朋友呀!"佢即刻抱個女入房打俾老公,但佢老公唔多信嘅,就話搵日搵個師父嚟睇吓啦!點知又過咗2-3日,有一朝,佢哋一家三口準備食早餐,個老公同佢出到飯廳見到有4份早餐,就問工人點解多咗份架!個工人話"小姐話要做多份架!"咁佢哋問個女"你好肚餓咩?"個女竟然答佢哋"呢份係姐姐架"個太太第一時間望吓支座地燈問個女"姐姐唔係企係個度咩?"個女話"唔係呀!姐姐今日坐係呢度食早餐!"佢當時用手指指住隔離位,即係佢哋兩公婆企個張餐椅隔離,佢兩個女你眼望我眼後立即執咗啲衫褲帶埋工人走去酒店度住啦!
小朋友真係會容易見到嘢!
發表於 
返回列表
