早晨呀！我都散哂，週身骨痛！兩晚時間過得太快了，我好唔捨得佢地，又要等一年先可以再見！尋晚見到佢地都玩得好開心好投入，唱love light時全場開哂白燈，好靚！佢地都好感動，佢地都真心鍾意香港，希望佢地會多啲嚟香港！敏赫真係出得好少，如果加多一段drum solo 比佢就最好！我坐block6，正信成日行過嚟，真係超靚仔！最羨慕有人帶埋隻碟比左正信同容和簽名
到安哥時，鄭容和手拎飲品出場，講兩句就飲一啖，認真識嘆。之後鄭容和為答謝港迷而作了首歌，邊彈琴邊唱：「Oh my Hong Kong，多謝晒，Oh my Hong Kong baby。」當全唱大合唱《愛情光》時，因港迷唱到一嚿嚿，鄭容和即露出古怪表情，不過之後連他自己也唱錯，搞到要尷尬掩面。完騷前鄭容和承諾會再來香港，又用廣東話說：「如果我嘅廣東話可以再講得好啲，咁我就可更好表達我嘅心情。如果我嘅music可以帶畀大家energy，咁就係大家畀我嘅最好禮物。」
韓國男團CNBLUE前日起一連兩日在亞博館舉行演唱會，吸引大批粉絲到場支持。CNBLUE一連唱了《Domino》、《Hide And Seek》及《孤獨的人》揭開序幕，隊長鄭容和更大騷琴技，炒熱現場氣氛。而他們大部分時間也用廣東話與歌迷互動，鄭容和賣口乖指自己是大家的男神，而粉絲是他的女神，引來全場尖叫。李正信去年於來港開騷曾跌落台，今次更特別謂一定會小心，看來他對此事仍心有餘悸。
韓國樂隊CNBLUE一連兩場假香港亞博館舉行的《[COME TOGETHER] in HONG KONG》前晚揭開序幕。四子再度來港開騷，全晚獻唱《Cinderella》、《Rollercoaster》等逾20首新舊歌曲。他們並在台上大曬廣東話搞氣氛，主音鄭容和更把粉絲當成女神。
演唱會約8時10分開始，CNBLUE連唱《Domino》、《Hide and Seek》、《Loner》打頭陣，配合激光、火焰等特效，炒熱全場氣氛。四子識做地以廣東話打招呼，令台下粉絲尖叫連連。姜赫敏高呼「我好掛住你哋」，李宗泫對於再次來港感到很開心，而李正信則重提去年過於開心而失足跌落台事件，承諾「今次一定會小心」。至於，鄭容和亦賣口乖說：「你係我嘅女神；我係你嘅男神。」
唱錯歌詞伸脷
在安歌部分，CNBLUE換上黑Tee登場，容和感激粉絲讓他們留下美好回憶，又彈鋼琴唱出「多謝曬。Oh my Hong Kong Baby」，全場氣氛高漲。在演唱《Love Light》時，歌迷開着電話燈大合唱，未知容和是否太感動，竟然一度唱錯歌詞，立即刻伸脷、掩面而笑。最後，四子又蹲在台前影全場大合照，又希望可以不斷來港見粉絲。
發表於 
企左兩日，手腳腰頸乜都痛，又睇到身水身汗，但容和喺你面前好落力唱歌，真係暈哂，非常值得
, 點算
返回列表
