nikinokb 發表於 12-1-11 19:44 
回覆 rose-mag 的帖子
甘其實都算近,,我仔都好like車既任何野,,唔知係咪男仔都係甘?
只係你知我仔同你個仔差不多，行路一邊行一邊玩，咩都會分散佢注意力，
而且小朋友要行咁多路，又有大書包，有時都幾辛苦，所以我冇催個仔行快D，
除非真係就遲到啦。呢邊返學真係唔好遲到，因為老師要重頭講一次，
而且缺席又會令學校損失資助，因為政府資助學校係計人頭，
每個學生每日有一定金額，少一個學生學校就少一筆錢，有好多家長唔明，
甚至冇事先打電話通知，有時老師都好無奈，我盡量唔會請假，
除非係病或好緊要事，老公以前放假都會話不如唔駛對仔女返學，
帶佢地去玩吓，我就話唔得，唔可以因為要去玩就打亂返學時間表，
要對仔女明白返學係必須嘅，我地責任係返工搵錢，佢地係返學學嘢，
而家我地放假會照常帶佢地返學，其實有我地接送佢地兩個已經好開心。
我媽咁啱租到我樓上，每日可以幫我接送個仔，又煮埋早餐晚餐，
我係我媽申請我嚟，我L果次識我老公，所以我唔係結婚紙嚟架。
照你咁講，你仔同我仔應該都係屬於自閉傾向，我仔做評估時，
個報告測試好多範圍，再總結出我仔有幾樣嘢係喺自閉嘅範疇裏面，
個醫生話如果有五樣或以上就係確診做自閉，但我仔得三樣，
唔算係真正果隻，不過因為有三樣，所以都屬於自閉範疇，老公份保險要包，
個學名叫PDD-NOS，全名係Prevasive Developmental Disorder-Not Otherwise Specified，
我仔最嚴重係統感，平衡果D佢好差，所以去到遊樂場，
佢好驚玩旋轉木馬、摩天輪同轉得快果D機動遊戲，去公園唔玩韆鞦，
佢話好驚，但歲幾果陣日日玩又冇嘢。你話個仔要有嘢喺手，
呢個就係統感同安全感問題，我仔學校社工特別叫老師準許我仔帶一隻毛公仔返學，
只要佢一緊張一開始發脾氣就攞隻公仔出嚟攬下模下，仔仔會可以靜番落嚟，
而家佢喺學校都幾乖，但同同學相處都仲有問題，班主任好錫佢架，
因為佢會幫手做嘢，又有愛心，同學喊佢會去攞紙巾俾人，老師都冇叫，
係佢自己做，又會去安慰個同學，就算而家佢成日同個妹打交，
佢有好多嘢都好抵錫。
花旗太太生活在花旗國，留意時差，你問我未必即時答到。
少奶!
發表於 
返回列表
