師傅完功後我返咗屋企，老公陪住個仔，師傅話我地而家住緊間果d亞飄係唔會走，因為佢地住得比我地耐，叫我地揾到地方好搬走唔係一家都有排病。隔咗一晚醫生比亞仔home leave，我地即刻帶亞仔返屋企，之前師傅叫我地調吓床頭先至好比亞仔瞓，但亞仔返屋企果晚未攪好唯有一家三口瞓廳，果晚有把好厚嘅男人聲三次喺我耳邊叫我個仔嘅名，通常佢一叫我個仔嘅名我就起身睇吓個仔，原來三次都係亞仔踢咗被無被，我第朝話比我細佬聽叫佢問師傅會唔會係天神幫我，佢話唔係，原來係我老公果邊嘅祖先擔心我個仔所以唯有講我知等我幫個仔蓋好被。話時話，我已經好幾年無接觸過亞飄，喺我搬完屋第一晚已拎嘢(31/8 舊曆七月十五)。果晚我老公先入房瞓(我個仔同工人喺我父母家)，我沖完涼一出廁所門口見到有個男人黑影，我諗可能自己睇錯唔想自己嚇自己，到半夜我老公4點幾起身出咗門口返工，我瞓緊覺有個人好大力拍咗我張床頭嘅枕頭一吓，嚇到我醒咗個心都離晒，我無理繼續瞓，到第朝話比我老公知佢都怕怕。跟著第晚瞓覺，我見到有個長髮紅衫女仔帶我周圍去，去果d地方舊到好似古裝片咁嘅，第朝我返咗工打電話話比老公知，有一晚我咳自己一個瞓喺廳，瞓到好冧時，有把小朋友聲喺我耳邊叫：「媽媽！」我即刻起身以為我個仔醒咗，點知望吓房門無開，老公同個仔仲喺房。而家仲住緊呢間屋，不過過完年可能搬，我個仔同我由上年9月頭輪流病到而家，剩係今個月已經睇咗成三仟幾蚊醫生。
未開花 
成長中 
初二開花 
4個花蕾
發表於 
返回列表
