吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 有冇靈異事件發生係你地或朋友身上!? (Part 2) ...

自由講場今日: 86|主題: 1361144

收藏本版

發帖

返回列表

跳至頁

樓主: jennifer_bc

有冇靈異事件發生係你地或朋友身上!? (Part 2) [複製鏈接]

40 414243 44...101

jennifer_bc

子爵府

積分: 14300

821^#

發表於 07-8-30 17:17 |只看該作者

bebee0526~

:loveliness: :loveliness: :loveliness:

原文章由 bebee0526 於 07-8-30 16:21 發表

up^^
我都等緊你地d經歷呀...我果d係part1講晒lu

私人傳訊

rubytang

子爵府

積分: 12706

822^#

發表於 07-8-30 17:17 |只看該作者

咁跟住佢就講左一d屋企既事出黎,
仲知道坐係度既係邊一d人, 因為我老公既姑媽都有黎,
咁佢就問亞伯, 你又知唔知我係邊個呀~
仙姑話, 你做乜肥左咁多既, 你唔帶老公一齊黎,
姑媽話你知我係邊個咩? 仙姑話我得一個女, 我點解唔知呀~

其實, 一路係問米既過程, 我都覺得好似睇戲咁,
可能, 我心唔係咁信, 成日都有d以為係呃人~

後來仙姑話又有1個男人要黎講野喎, 不過呢個無咁老,
咁我大伯即刻話要呀, 要講呀~
跟住大家都問佢係邊個, 佢就話佢身體唔好, 所以咁早就唔係度,
仲話辛苦左個老婆去捱大d 仔女, 依家佢仲捱到交通意外死左添~
果刻, 我老公幾兄弟姊妹都喊到講唔到野,
我地真係搵左個高人, 真係請到佢地上黎,唔係講假,
因為呢個仙姑跟住請上黎講野既先人, 先至堅呀~~~

待續....

私人傳訊

rubytang

子爵府

積分: 12706

823^#

發表於 07-8-30 17:32 |只看該作者

然後, 佢地就好似閒話家常咁, 講番屋企野,
因 62 有d田地留低, 佢都有問d野點,
仲吩咐佢地幾兄弟姊妹要齊心, 唔好鬧交,
就算第日賣左地有錢分左, 都唔好因財失義~
**我依家先明點解當時 62會咁樣講~**
其實老公幾兄弟姊妹一向都好齊心好團結, 感情好好架~
後來, 仙姑話" 我身體唔好, 看唔到屋企門口,
成日都有人黎屋企, 想搞你地~
亞爺同亞麻都已經成日係屋企看實,
點知都係我無用, 果日睇佢唔住, 俾佢有機可乘,
如果唔係, 你亞媽都唔會咁早就去左啦~"
我地都好驚訝, 點解佢會咁講既呢~
佢就話, 你亞媽係俾你地既一個親戚害死架~
個意外係由佢造成架~ 係特登搵佢黎做替身架~
我地都當堂呆晒, 邊個咁衰, 咁黑心, 搵佢黎做替身~
跟住仙姑話有個老既女人上黎, 要唔要講,
老公知係亞麻, 就話要呀~
咁佢一上黎, 就話有d唔好心腸既親人,
成日都想入佢屋搞搞震, 唔抵得佢地幾兄弟姊妹孝順亞媽喎~
咁我地又問果個親人係邊個咁衰~
佢話, 果個女人黎架, 好後生, 姓 xx, 生前係邊度人,
我見到大家都眼望望, 一黎我都唔係識得晒老公邊d親戚,
二黎, 我見老公姑媽, 姨婆係度流眼淚,
最奇既係老公個堂細妹 (即老公亞叔個女) 喊得好緊要,
我地就互相問大家知唔知係邊個, 佢地都唔出聲,
跟住佢堂細妹就話, 果個女人係我亞媽~~~

待續....

私人傳訊

yanTI

複式洋房

積分: 443

824^#

發表於 07-8-30 17:52 |只看該作者

rubytang :

好緊張~擔定凳子等你講埋呀！

私人傳訊

mclam

水晶宮

積分: 71818

畀面勳章環保接龍勳章

825^#

發表於 07-8-30 18:02 |只看該作者

好緊張!!

謀事在人，成事在天，個天先係最終揸"fit"人！！

你恨的人，來生不會再見，所以別在他身上浪費時間；你愛的人，來生也不會再見，所以今生要好好對他。

私人傳訊

咕b

伯爵府

積分: 16040

好媽媽勳章畀面勳章

826^#

發表於 07-8-30 18:03 |只看該作者

快d講埋落去丫, 好想睇呀

私人傳訊

花_心

別墅

積分: 528

827^#

發表於 07-8-30 18:41 |只看該作者

koko~等妳呀..................

原文章由 yanTI 於 07-8-30 17:52 發表
rubytang :

好緊張~擔定凳子等你講埋呀！

私人傳訊

Casablanca-220

伯爵府

積分: 15321

熱血金章大廚勳章

828^#

發表於 07-8-30 18:53 |只看該作者

好勁呀, 期待中......

原文章由 花_心 於 07-8-30 18:41 發表
koko~等妳呀..................

私人傳訊

GiCa

男爵府

積分: 9738

829^#

發表於 07-8-30 19:28 |只看該作者

原文章由 Casablanca-220 於 07-8-30 18:53 發表
好勁呀, 期待中......

愛一個人的優點而誠心接納他全部的缺點，就是婚姻最偉大的地方。

私人傳訊

somichi

禁止訪問

積分: 323

830^#

發表於 07-8-30 19:43 |只看該作者

提示: 作者被禁止或刪除內容自動屏蔽

私人傳訊

362436

子爵府

積分: 12949

831^#

發表於 07-8-30 20:51 |只看該作者

好緊張呀

私人傳訊

rubytang

子爵府

積分: 12706

832^#

發表於 07-8-30 21:05 |只看該作者

唔好意思要大家等咁耐, 因為頭先講完就去左準備放工~

繼續...
話說堂細妹亞L 就一口咬定果個女人係佢亞媽,
跟住佢地既姑媽就即刻話, 唔好亂認, 亂講喎,無憑無據~
唔知係咪麻麻聽到唔高興, 就一輪咀咁數晒佢D野出黎,
佢仲講埋果個女人姓X , 女人既亞媽又姓X , 仲有外家係住邊度,
當時我都唔知邊個打邊個, 因為我都唔識佢地講果D人,
除左 62 & 99之外~

俾佢講到咁, 想唔認係佢亞媽都唔得啦~
原來老公既亞嬸嫁入黎, 好後生就交通意外死左,
死時, 亞L 仲好細得幾歲, 而佢堂細佬亞S就得幾個月大,
而我老公幾兄弟姊妹果陣都係好細個, 大伯當時都係得十歲左右,
所以, 我地呢輩既人就唔識亞嬸係邊個, 更加唔知佢姓X叫咩名啦~
因姑媽同姨婆知道, 所以, 大家都問係咪真既,
佢地都話係呀, 佢真係姓X, 外家住XX咁,
其實亞L 一聽話住果度,佢都知無搞錯到,
因為到依家佢都有去佢外公&舅父屋企拜年架~

跟住講講下, 仙姑話有個新鬼上黎喎, 女人黎既, 要講嗎~
我地知係99, 就梗係請佢上黎啦~
99 一上黎, 開口就係不停咁喊~

待續.......

私人傳訊

rubytang

子爵府

積分: 12706

833^#

發表於 07-8-30 21:20 |只看該作者

我99一上黎, 大家都喊晒~ 尤其係我老公,
因為佢覺得果日, 佢去到事發現場搵唔到亞媽, 佢好內疚~
不過, 我地都循例問下佢係邊個,
佢講得出邊個係大仔, 邊個係細仔, 仲有邊3個人係女,
邊個係新抱同有兩個女婿黎左,
突然間佢轉向我,同我講,
我知你係邊個, 不過, 都係我無福氣飲唔到你杯新抱茶~
果一刻, 我當堂腳軟, 成個人挨住幅牆, 我覺得我見鬼囉~

跟住99就不停咁喊, 係好悽涼果隻,
連我都喊埋一份, 因為我覺得佢好慘囉~
咁佢就開始講佢遇害當日既情況出黎啦~
佢話當日朝早, 佢就去割菜, 然後一如以往咁推D菜去賣,
點知行行下佢個嬸母(即二叔C鬼老婆) 就同另一隻野
一齊推果架私家車撞埋去佢果度, 佢話果欄杆撞埋去果一刻,
佢跌左落地, 跟住亞嬸就出現左黎扶佢,
佢都唔知發生咩野事, 淨係見到有好多人圍住地下既佢,
佢想行埋去睇下, 亞嬸就話唔好去啦~
就拖佢去左前面菜站既樹頭下面坐, 咁佢都唔知點好,
就跟左佢去果度坐, 點知坐坐下就見到好多白車黎,
又見到我老公踩住架單車黎, 佢唔知老公係黎搵佢,
仲大聲叫我老公, 但佢話我老公聽唔到, 無啋佢喎~
咁佢就好驚, 人人都走晒, 佢又知點算, 亞嬸又走埋,
得番佢一個人係果度, 咁佢返屋企又入唔到門口,
跟住佢惟有去後山, 我 62個山墳果度坐囉~
之後, 佢知道佢應該係死左, 咁佢好傷心, D仔女又睇唔到佢~

待續......

私人傳訊

rubytang

子爵府

積分: 12706

834^#

發表於 07-8-30 21:40 |只看該作者

後來, 99係山頭坐到差唔多日落傍晚時,
佢見我62 & 爺爺麻麻黎搵佢,
之後既日子就係佢地一路都睇到D仔女, 幫佢搞後事,
打齋燒既野俾佢, 佢都話有收到~
佢仲一路喊一路講, 嫁入黎張家, 捱死一世,
從來都無享過1日福, 就咁俾人害死左, 佢覺得好慘囉~
跟住我地10幾人, 一齊喊得好緊要,
亞 L 仲跪係地下度同 99 講對唔住,
我99 話, 都唔關你事既, 係你亞媽既惡行, 唔係你, 你唔好自責~
但亞L 真係好內疚, 因為佢自細就無左亞媽,
我 99 就當佢係女咁照顧, 湊大佢兩姊弟,
所以, 亞L 兩姊弟就當佢係亞媽咁看待, 好孝順佢架~
依家俾佢知道係自己親生亞媽害死亞娘 (佢地咁叫伯娘架)
佢地既激動, 都可想而知啦~:-( :-( :-( :-( :-(

後尾99就交帶左D事, 例如佢有D乜野想俾邊個咁,
我係由佢認得我開始, 我就知道, 呢個一定係我 99,
我之前都有懷疑架, 因為我覺得有D似拍戲咁囉,
之但係, 當D先人逐一上黎, 講番佢地生前做過既野,
同埋有D野真係要係當時人先知既野, 我就無再懷疑啦~

後來, 仙姑話佢好攰, 問咁多好啦~
佢姑媽就話唔好啦, 就再求佢做做好事, 問多一個添啦~
跟住仙姑話, 好啦~
你地仲想搵邊個呀, 最後1個啦, 唔問啦, 知嘛~
跟住, 姑媽話想請亞二嫂上黎傾, 即係亞L 個亞媽,
大家都當堂呆一呆, 面面相覷,
亞L 就即刻話係, 我都想叫佢上黎問過清楚明白,
跟住仙姑話, 呢個可能難搞D, 因為呢個好鬼惡既,
後來, 又見仙姑開始唸唸有辭咁啦~

待續.....