Hello, 各位媽咪，你地好，呢度Ｄ媽咪有Ｄ熟口熟面，喺第Ｄ topics都見過。我都係在職媽咪，住喺美國三藩市，我移居哩度４年，結咗婚３年，有兩個ＢＢ，大仔上個月滿兩歲，囡囡而家８個月大，全人奶Ｂ，好鬼揀擇，唔係好鍾意用奶樽，我喺屋企，佢一定mark 實我，想詐帝唔抱佢，佢就會大叫跟住喊，一抱就收聲，而家日頭由我媽湊。不過，我真係好亨受餵人奶，好方便，出街只要攞片、衫仔、玩具就得。囡囡四個半月大我就返工，一直泵奶到而家８個月，每日朝早餵完返工，食飯前泵一次，大約有６－８安（睇下谷唔谷，谷就多Ｄ），食完飯後三點前泵一次，大蓋５安，４點放工老公車埋我跟住去托兒所接大仔，返屋企就同大仔同囡囡沖涼，餵完囡囡同仔仔食就輪到我食，食完飯同兩個Ｂ玩一陣，大約８點開始埋身餵囡囡食奶，９點前佢一定瞓，如果過咗鐘都未瞓就死啦，佢一定會攰到不得了扭一大餐，仔仔就８點零飲牛奶，然後老公同佢換片擦牙上床瞓，佢自己會上床，但要人陪先肯瞓。之後，我會上下internet check email，睇下BK D forum，１０點都瞓，星期五六會夜Ｄ，因為第日唔駛返工。
其實喺美國都好悶，每一日都係返工放工，平日Ｄ人好少約朋友，通常都係星期五星期六先會去朋友屋企食飯，而且有小朋友都係冇咁自由。不過呢度都有Ｄ嘢好，政府規定大間公司要提供地方俾我地人奶媽泵奶，而且大部份公司都有雪櫃微波鑪廚房，我公司仲有埋電泵俾我地用，只要買配件同奶袋就得，所以我第一胎都泵到大仔１０個月（因為發現有咗所以同佢戒人奶），果陣計埋我有７個奶媽輪住用一間房泵奶，今次就只係我同另一個同事，佢每星期只有一日喺公司，間房幾乎係我個私家房。你地番工泵奶順利嗎？
花旗太太生活在花旗國，留意時差，你問我未必即時答到。
發表於 
!乜喺美國咁好ge, 有奶泵供應, 即係唔洗偷偷摸摸去泵奶啦, 香港想揾間咁ge公司就真係好難了
返回列表
