在職全職 今日: 0|主題: 48034

Willin 寫道:
嘩嘩嘩, 我又黎喇...

章魚食左兩日藥, 叫做好好多架喇, 久不久有d鼻塞咁喇, 冇發燒, 不知咁精神同大聲, 今日返學, 出門口前又係鬼殺咁嘈, 但響學校就好開心, 我一返去佢又同我講聽日唔返學, 激死~~

cway,
梓淳點呀? 原來真係病, 快d d衰病菌..

瘦ling 寫道:
cway,栗子媽媽,

梓淳,栗子好d 未呀 ?
希望她們都快快好番

栗子媽媽 寫道:
我今日涼鞋
不過長期你士啤鞋你公司

carykwok 寫道:
今日個女唔駛返早期訓練,上星期六紅雨呀,無返到一堂,'sit'左添,今個星期六一定要返呀,因為佢進步得好快架,呀!有樣野想同你地分享下呀,對於你地黎講,可能係一件少事,但對於我個女黎講,佢已經叻左好多架喇
上星期日,我同佢一齊訓下午教,跟住佢醒左,我都未醒,咁佢就坐左係度,'呀'一聲咁叫我,仲幫我攞埋副眼鏡,放係我隻眼度,我估唔到佢識咁樣做,因為其實到左宜家,佢都仲未好叻咁控制到對手架,我好感動 :-(
另一件事係,前幾日我工人同我講,話我個女終於都自己識得扶住梳化企起身喇...但我地叫佢,佢就唔會企比我地睇...比我睇下開心下都好丫,好古惑

agnesbibi 寫道:
carykwok,

都幾好喎, 我個仔都唔會自動自覺攞幅眼鏡比我.
努力d, 好快就會學識好多野o家啦.

carykwok 寫道:
佢好鍾意除我副眼鏡,跟住又比返我架,好似整古我咁,雖然佢唔識幫我帶返,但都起碼有個意識係放係我對眼到,開心死我hahahhaa

carykwok 寫道:
inkink,係呀,呢d天氣好鬼易病架,我個女個堂哥哥,尋日即刻有鼻水喇,小心小心,我印印可能怕凍,尋日幫我個女著羊毛底

agnesbibi 寫道:
carykwok,

咪幾好囉, 至少佢認知能力唔差.

不過, 我好鍾意教小朋友做好多野. 因為有時可以幫輕下我. 好多時, 我會叫vincent 仔幫我開/閂電視/風扇, 丟垃圾, 攞衫去洗, 攞紙巾,...... 雖然唔係次次做好, 都好過無啦. 我係咪又小小虐待狂?

cway 寫道:
carykwok,

我既意思都係咁, 人地係專業, 佢地識得睇喺咩時候小朋友仲可以push, 咩時候就要停喇, 不過我地就往往因為心急佢既進展, 所以push 左佢地做, 做唔到反而影響左信心囉.

carykwok 寫道:
agnes, 我都岩岩教左我個女開關tv,佢覺得好好玩,遲早比佢整壞
其實你教識個bb做野,佢跟住就會'好駛好用'架喇
inkink,我個女宜家都會成日掉野架,成日比99鬧,話點解咁大個仲掉野架 心諗,又唔係掉你d野,你理得佢啫