hugoma2015 發表於 17-12-9 13:23 
秋冬太仁太善了，做事唔分輕重緩急。所以應該要林拜之類的人幫佢。
趙同陳香果單野，從獵“人”的角度， ...
＞＞＞林拜都唔應該參與，因為佢已經係公司第二老闆，佢同秋冬加埋趙見蜓係唔應該再做調查，分析係可以，因為要帶新人，所以之前秋冬派兩個職員去跟踪去攞料，呢樣係正確，但過後又親自出馬就冇理由，有咩叫D細嘅去做，而得到資料後應該係大家開會討論，咁至可以教到D下屬，俾佢地學嘢，而家咩都攬上身，然後同我講上市，你真係「昆」我。林拜嘅人設我鍾意前期多D，佢面對覃飛的關係愛恨分明，遠近拿掐得幾好，呢樣係生意人應有態度，唔可以下下都感情用事，所以後期佢過份玩味好有問題，我鍾意佢處理嚴家父女嘅委託收兩家茶禮呢個原則，其實去到後期鄭秋冬都毀約，嚴楓講過唔想俾嚴冰河知道，佢就偏偏約晒兩個去講數，比著我反枱走人，咩為我好，太自以為是啦，所以佢忽略咗陳香心臟有期限呢件事上，佢冇責任，因為陳香嘅死只係剛剛遇著啱啱，但佢自己就令自己立於焦點之中，自作自受。可惜呀，葵黃同羅伊人都睇錯人，鄭秋冬根本唔係做大公司老闆材料，佢可以係一個好嘅偵探，但如果個個獵頭個案都好似佢咁做，死得啦。
飛住睇咗結果呢集，真係殺了我吧，如果唔係想好頭好尾的話，我都費事睇，果三幅屁，仲要搞到伊人好委屈咁，整個咩長吻出嚟，奇蹟呀奇蹟，你可唔可以唔好咁狗血？呢個結局係狗血都市愛情劇嘅結局，唔係職場劇應有嘅，更唔係咩現代商戰片嘅結局，最後一集簡直係敗筆，而家睇完可以蓋棺定論，根本成套劇錯晒重點，講獵頭唔夠多，個案唔係典型獵頭做嘅程序，如果唔係胡歌演技到位加上配角演員有知名度又有實力，根本撐唔起套劇。
三個女角最難睇係羅伊人，唔係只因為菅嘅演技唔得，係個角色太唔掂，白蓮花又唔白到底，姣婆又要守寡，唔知想點。反而熊青春唔計佢勒索秋冬嘅騎呢情節，萬茜係演得最自然；賈衣玫呢個所謂心機女我有D失望，話佢叻又唔算，話佢蠢佢一定唔係，貪又貪唔得，扮大姐咩又一時一樣，個角色寫得唔全面，變成呢個北漂打工妹慾望唔清晰，佢係愛情至上定金錢至上？借秋冬上位後愛上佢，之後又因為自己覺得自己羽翼夠硬要走？個變折我要自己腦補，幫佢自圓其說喎。
好不幸，即使呢套係胡歌演技暫時最好嘅劇，又有大牌老戲骨演技可睇，我估都好難我會再睇，或者某幾場會翻煲下嘅，最後呢十集八集真係捱住睇，唔係好似琅琊榜咁睇完即翻煲幾次，睇完晒又再煲又再煲，獵場真係一次完整就夠有突（我根本冇可能有耐性續句聽晒續秒睇晒，可知癈戲幾多），我學養唔夠，太多劇情唔知講咩，要賣弄都要睇下觀眾群係咩人，唔通要觀眾一邊睇一邊google？（我已經要係咁，都係唔明得晒）
花旗太太生活在花旗國，留意時差，你問我未必即時答到。
試下畢業作品因為其他豬隊友的失誤而失敗，想殺人都似！
發表於 
返回列表
