nikinokb 發表於 12-2-10 04:26 
回覆 rose-mag 的帖子
我老公今日同我講,呢幾日約人去你果邊睇屋,
我住果頭都幾貴租，如果你同老公有共識，只係一家三口住，
租個兩房一廳就唔會咁貴，或者好似我地咁一廳一房，將個廳改成兩兄妹嘅房，
間房就係我地兩公婆嘅睡房，廚房有個小飯廳位置（係好細），
做埋客廳，再唔係如果間房夠大放兩張床就可以一家三口一間睡房，
咁實會平D，我有個朋友以前住Sunset，租個in-law有兩房一廳，個廳連埋開放式廚房，
都係千二三（不過係四五年前），喺Taraval近street car站同買嘢市場。
Ocean街睇邊一段啦，近Stonestown Mall果度幾唔錯呀，但如果去到City College果邊就麻麻啦，
你唔好話唔好，因為你又未親身睇過好難話聽人講唔好，叫你老公想下，
如果得你同仔仔喺條街行等車安唔安全，如果佢係放心嘅咁就OK啦，
我老公去睇屋以呢個做大前提。
我好好彩，咁啱樓上有人搬，所以拿拿林叫阿媽租，我媽搬入去未夠半個月，
豬扒妹就出世，坐月個陣好方便，大仔日頭跟我媽玩，食中午飯就落嚟，
因為我99幫手煮飯，夜晚就我上去我媽度食飯。我媽同我爸兩個住，
地方好夠用，我地一家四口就好似冇地方放嘢咁，太多玩具同雜物衫褲啦，
我地唔係買架，只係租咋，買屋都唔知今世會唔會啦，我唔想老公因為要捱間屋，
做到冇得退休，又唔想供供下留俾對仔女供，不過始終個個月俾租，
老來又冇物業，好似好唔安全咁。
我有諗過叫老公搬返去6299度住，因為62年紀大有病，又唔聽話食藥，
如果一齊住可以篤住佢，但我老公唔會肯，因為6299好麻煩，到時兩父子一定日日嘈，
有時返去6299都覺得對孫煩，我爸媽就唔介意，而得時刻對住佢地，
其實結婚後都係自己一家住好D，將心比己，婆媳或翁婿同住都會有問題，
能力得嘅當然係大家搬近D啦，方便照應，有時有親人幫手湊下個仔，
你同老公可以做下自己嘢會好D，好似我同老公呢幾年都要出席葬禮，
一去就幾乎全日，對仔女咁細個，我地唔會帶佢地去，就由我媽湊。
而家申請入學個deadline過咗，去到3月第一round派位通知，第二round係5月，
第三round好似係7月尾，你嚟到都未開學，所以好難話到時有冇位，
不過我仔上年8月開學，去到10月中有個插班生，個小朋友初初唔肯返學日日喊，
屋企人又唔識英文，但去到11月尾已經開始同人玩，我仔而家同佢都好friend。
你地嚟到去校區辦事處填表申請入學，有講中文工作人員都好肯幫手，
最緊要打針紀錄齊備，唔係一定唔俾返學。
花旗太太生活在花旗國，留意時差，你問我未必即時答到。
最重要係近中國人地方d 親戚咪鍾意黎住lor!!!!!! 
ssf $1800 佢會唔會講緊oyster point 果楝apartment? 捨得俾$1800 真係不如買間ssf 既屋啦, 唔鍾意咪租出去lor. 如果唔查收入就35% 首期, 5.25%apr, 華美銀行呀得佢一間做唔查收入. 普通銀行就間間唔同, 要逐間問下, 都係十幾二十幾%左右, apr 就低d around 4%. 我就咁up ka ja 因為美國要查credit, 每人收到既mortgage offer 都唔同, 大約係咁! ocean 近city college of San Francisco, 點解間屋唔連車房咁得意既? 上次我去睇ocean 既獨立屋, 上面3 間房, 樓下2 間房, 又係無車房近city college, 30 萬咋. (我睇至渣既屋既, 要睇靚就50-60 甚至百幾萬都有) 果頭比較舊, 都多雜崩lung 人. 學rose 話齌, sf 有個區叫hunters point, d 屋又平又靚又大, 30-40 萬咋, 黑人區, 我就唔敢住喇! 
你因住佢得閒話黎餵魚呀..... 篤住你要你洗魚塘淋花都夠麻煩 
男人唔會咁諗架! 佢地唔會諗, 亦唔覺有問題! 當年我未結婚, 99 點都逼我同c6 同佢一齊住, c6 都覺得無問題架! 我同佢講: 當年你就係怕左99 先黎我屋企避難, 訓地下都唔肯走, 卒之同左居, 唔記得那? 
佢宜家推99 落力過我, 我地搬3 房佢仲未同99 講 
)
發表於 
返回列表
