少年成長 今日: 0 | 主題: 16097

積分: 2639

842^#

發表於 13-4-19 23:21 |只看該作者

回覆：SandraLo 的帖子

晚上大約1030睡，午睡平圴1.5-2小孩，而午飯通常1300，晚飯2000

私人傳訊

積分: 33215

843^#

發表於 13-4-20 23:26 |只看該作者

本帖最後由 SandraLo 於 13-4-20 23:32 編輯

monIII 發表於 13-4-19 11:58
Hi Sandra

我個仔就三歲. 返pn am, 有時朝早佢唔願起身. 已經用到話你刷好牙就獎粒糖你食, 或者俾電話睇一 ...
...............晚上大約1030睡，午睡平圴1.5-2小孩，而午飯通常1300，晚飯2000

monIII :

先要講你嘅「獎」其實係幾弊, 教緊佢討價還價, 重要你講咗要做d乜先有獎都冇「言出必行」(因你話佢可能知道就算佢無行都會有糖食), 咁做係教緊佢唔駛理你講嘅嘢！！

1/ 起身問題 ~~ 小朋友眼瞓係大哂, 如佢唔夠瞓, 講乜都冇用, 唯一辦法係「的」佢起身幫佢做哂所有嘢然後返學！
3歲 1030睡是太夜了, 9:00便應上牀講故事, 9:30一定要瞓, 難怪他不願起牀, 晏覺最遲4:00要起來了, 否則是惡性循環.

2/ 你要佢一餐食幾多？食d 乜？有冇小食？

3/ and 4/ 你要明佢「可以」唔肯行, 係因為佢從來未試過你「唔肯」抱, 同食奶一樣, 問題唔响你掉哂d 奶樽奶粉嗰度, 佢根本未試過「唔得」! 任何嘢佢企硬就得, 重要你講嘅嘢都唔係真嘅, 佢駛乜理你？假設你真係响佢面前掉咗d 奶粉, 半夜佢一定照喊, 你頂得幾耐？一個鐘, 兩個鐘？分分鐘你會跑落便利店買！你重話「有時都會ignore 佢」, ignore邊有得「有時」ignore, 「有時」唔 ignore嘅呢？你只要有一次俾佢喊到番嚟, 佢就會持續, 直至佢有數次扭唔到, 佢先會開始相信扭都係冇！

好啦, 你先睇我簽名位兩個主打 post, 學識點用讚改正壞行為先, 再問！

私人傳訊

積分: 33215

844^#

發表於 13-4-21 23:00 |只看該作者

本帖最後由 SandraLo 於 13-4-21 23:01 編輯

wupigpig 發表於 13-4-17 02:46
Dear Sandra
睇左用讚同ignore唔知有冇用錯，想請你指教一下
我仔十五個月大，前兩三個月左右開始有打人問 ...

wupigpig :

抱歉答漏咗你

bb嘅打人動作係會有d 反覆................. 一方面佢係未識用言語表達, 唔知點「叫」你, 另一方面, 佢出手打人永遠係第一時間有人會有反應, 所以佢地好易會出手！因此, 未必須要長期讚, 見招拆招便可.
我諗佢打你時, 你捉住佢手話唔得已ok (當然要加埋用讚), 不好叫佢「呵番」, 因咁佢容易誤以為呢個係遊戲, 打你→呵番, 再打你→又呵番？而事實如佢打嗰個係第二個小朋友, 打咗然後去呵番係冇意思, 最緊要係令佢「唔好出手」！

私人傳訊

wupigpig

積分: 4522

845^#

發表於 13-4-22 00:06 |只看該作者

引用：Quote:wupigpig+發表於+13-4-17+02:46+Dear

原帖由 SandraLo 於 13-04-21 發表
本帖最後由 SandraLo 於 13-4-21 23:01 編輯

Dear Sandra
多謝你抽時間回覆我問題

想請教多個問題，我要佢呵反我既原意係想佢知道做錯事要道歉，如果之後佢再出手，我只係no佢唔可以，之後應照反正常咁同佢玩，定要用埋ignore?之後點先可以教反佢正確道理？因為我仍未成功同佢講到故事

私人傳訊

積分: 33215

846^#

發表於 13-4-22 23:09 |只看該作者

wupigpig 發表於 13-4-22 00:06
Dear Sandra
多謝你抽時間回覆我問題

wupigpig :

呵番又好, sorry又好, 佢其實要大個d 先會明唔好做一樣嘢嘅道理, 假設佢每次打完人都講 sorry, 之後又繼續打, 咁嗰句 sorry, 佢只會愈講愈順口, 愈講愈疑惑, 而你就由愈聽愈無奈, 到愈聽愈火！
你 stop 佢加埋讚, 應該矯正到, 至於 ignore, 如你發覺佢係打人係想引起你注意, 或者當咗係一個遊戲咁同你玩, 咁先要 ignore. 不過你要諗過 ignore 得到先好進行, ignore打人唔容易的, 亦唔可以做吓唔做吓, 重有, 你係冇可能 ignore 佢打街外人的, 只可在家用！最後, 記住 ignore 係 ignore 小朋友壞行為, 而唔係 ignore 個小朋友, 亦唔係扮嬲或者唔啋佢, 只係佢出手時就當睇唔到, 唔做任何反應！

私人傳訊

wupigpig

積分: 4522

847^#

發表於 13-4-23 00:25 |只看該作者

回覆：SandraLo 的帖子

Thx Sandra Lo

私人傳訊

vikkim

積分: 1892

848^#

發表於 13-4-23 01:28 |只看該作者

回覆：小朋友大脾氣,可以點教 Part III

Dear Sandra,
我個女啱啱一歲，佢由4-5個月開始，我都已經發覺佢脾氣唔好，宜家就直頭臭到不得了，小小事就扭計，例如拎唔到佢想要既野，佢就會不停喊，伸直晒個身咁，之後我會嘗試轉移佢視線，有時都會成功，但有時就唔得，佢會不停喊，佢可以喊成個鐘，喊到嘔，無論喺街定喺屋企都係咁，另外，佢成日都要我抱，唔肯坐車仔，如果我唔抱佢，佢又係不停喊，喊到成個人都癲晒，我都唔知點做好，如果佢一喊，我就抱佢，我驚佢以後就會咁威脅我，但我唔抱佢又會喊到嘔，我發覺我真係無用，都唔識點教個女，仲要俾屋企人話我寵壞佢，唉。阿女仲會有時喺街尖叫，我會選擇唔理佢，因為我愈話佢，佢就會愈叫，但屋企人就叫我打佢個咀仔，等佢知到唔可以叫，請教下我要點做，可以點教佢，我對住阿女都喊過幾次，真係唔知點做好，謝謝您。

私人傳訊

積分: 33215

849^#

發表於 13-4-23 22:55 |只看該作者

vikkim 發表於 13-4-23 01:28
Dear Sandra,
我個女啱啱一歲，佢由4-5個月開始，我都已經發覺佢脾氣唔好，宜家就直頭臭到不得了，小小事就 ...

vikkim :

「佢會不停喊，佢可以喊成個鐘，喊到嘔」~~ 即係話佢喊足一個鐘你都唔俾佢, 但嘔就俾？定係喊到嘔都唔俾？通常要d 乜你唔俾？
「佢成日都要我抱，唔肯坐車仔」~~ 淨係要你抱？定係其他人同佢出街都一樣要抱？依家佢喊到嘔你係點處理嘅？
邊個屋企人教你打小朋友？你千祈唔好咁做, 聽日再答你！

私人傳訊

vikkim

積分: 1892

850^#

發表於 13-4-24 01:09 |只看該作者

引用：Quote:vikkim+發表於+13-4-23+01:28+Dear+S

原帖由 SandraLo 於 13-04-23 發表
vikkim :

「佢會不停喊，佢可以喊成個鐘，喊到嘔」~~ 即係話佢喊足一個鐘你都唔俾佢, 但嘔就俾？定係喊到 ...

Dear Sandra,
謝謝您抽時間回覆。我個女由一出世開始就得我一個湊佢，所以佢非常痴我，有時連我行開去廁所，佢都會喊，平時我會推車仔同佢去買餸，咁佢就要扭我抱，但我都無手抱佢，佢就會不停喊，喊到買完餸返到屋企都仲未停，中途試過用其他野引開佢注意，但唔成功，最後因為佢喊得太耐同癲晒（可能已經個幾鐘）或嘔，我抱佢佢先肯收聲。有時同屋企人出街，佢都唔太肯坐車仔，而佢心情好果日就會肯俾人抱一陣，一陣之後就要搵返我。
佢想要既野，例如，搖控，電話，我唔俾佢佢又喊，最後我都唔會俾佢，咁佢就會喊到佢自己攰我抱佢，佢先肯收聲。
仲之佢就一日喊到黑，我對住佢都無晒心機，屋企人仲成日話我胎教做得唔好，話我唔打佢一定慈母多敗兒，唉，好大壓力

私人傳訊

moon_rabbit

複式洋房

積分: 473

851^#

發表於 13-4-24 14:35 |只看該作者

回覆：vikkim 的帖子

我囡一歲多啲果陣都成日尖叫同唔肯坐車，我冇理佢（佢都有喊同扭），過咗一排又冇嘢啦，而家21個月，見到車仔會自己爬上去坐

私人傳訊

monIII

積分: 2639

852^#

發表於 13-4-25 10:04 |只看該作者

SandraLo 發表於 13-4-20 23:26
monIII :

先要講你嘅「獎」其實係幾弊, 教緊佢討價還價, 重要你講咗要做d乜先有獎都冇「言出必行」(因你 ...

謝謝你的答覆

我都睇左你果兩個post, 學識點用讚改正壞行為

1) 起身問題, 呢排都調較左佢早d 瞓. 都有d 改善
2) 食飯問題, 一餐其實食半碗, 有時加埋d 餸都有2/3 的份量. 但每次食飯都係起碼45mins - 1 hour, 但都係含飯, 掛住睇電視, 但熄左電視, 佢都係唔願食, 一係就擰歪面.. 每次食飯都好似求佢一樣.. 但有時食粉麵, 佢好似比較喜愛多d.. 亦都有在食飯前讚佢坐得好定喎, 又肯自己不飯. 但不左都無一啖, 夾左一兩條菜, 就放低
3)半夜食奶, 呢幾日無發生, 唔知係咪關下午時間婆婆同左佢去公園放電. 咁可以一覺瞓天光..
4) 唔肯行, 都係一時時.. 想行的時候就行..

有時食飯呢個問題係最傷頭腦..

唔該哂!!!

私人傳訊

積分: 33215

853^#

發表於 13-4-25 23:07 |只看該作者

vikkim 發表於 13-4-24 01:09
Dear Sandra,
謝謝您抽時間回覆。我個女由一出世開始就得我一個湊佢，所以佢非常痴我，有時連我行開去廁所 ...

vikkim :

你呢個 case 有d 難搞......................因你家小姐未逢敵手......................
bb識停止用喊嚟要求一樣嚟, 係因為知道喊都冇用先會唔喊, 但你囡囡喊係有用, 因佢由你買餸喊到返屋企, 到你返到屋企抱佢, 佢重喊緊, 佢未明「你唔得閒」抱佢, 重學咗以為係要喊咁耐你先會抱, 亦習慣咗, 所以可以喊咁耐！
如果再加埋「唔俾佢佢又喊，最後我都唔會俾佢，咁佢就會喊到佢自己攰我抱佢」, 就更加無敵, 因為又係喊好耐, 就會喊到你抱佢！
如果你可以將所有嘢掉轉做就好了................. 例如唔喊嗰陣抱, 喊就唔抱.............. 但事到如今, 佢隨便可以喊個幾鐘嘅, 咁你起碼要有3個鍾先可以有機會等到會唔喊, 如是者3, 4次佢先學到唔係喊得耐先有得抱, 咁你話幾惨呢？(包括你, bb 同隔籬鄰舍 !! )
你平日同佢玩乜嘢多？佢又有d 乜嘢玩具比較鍾意？你先睇咗點用讚, 再答！

p.s. 千祈唔好打 !

私人傳訊

teacats

積分: 2518

醒目開學勳章

854^#

發表於 13-4-26 09:14 |只看該作者

Sandra 求救

我個仔5歲, 唔知佢咩原因, 每當我地斗正佢錯處, 佢都唔聽人講, 且想喊想喊咁, 好似今日掉轉條校服褲著, 屋企人(因我係在職mama)叫佢掉返轉, 話著錯咗, 佢唔聽...返到學校, 老師叫又唔聽....直到放學

好多時佢做錯, 問佢點解咁做, 佢都話冇, 要問好多次, 佢先至答你...
每次叫佢, 都唔應你, 叫到你發火, 先勉強應你...

有冇mama 可以教我應該點樣教佢, 我好想教好佢

私人傳訊

vikkim

積分: 1892

855^#

發表於 13-4-26 16:56 |只看該作者

SandraLo 發表於 13-4-25 23:07
vikkim :

你呢個 case 有d 難搞......................因你家小姐未逢敵手......................

Dear Sandra,

我已經睇左點用讚個POST，我之前亦嘗試過，但對我個女完全起唔到作用，例如，我係出街坐車時同佢講話，BB同媽咪出街囉，BB好叻好乖自己坐車喎，跟住久唔久我都會講，但到回程時，佢就一定會扭抱，咁我會再同佢講一次，BB要乖，媽咪拎住好多野，我地返到屋企再抱抱，而佢就慣性喊......喊，我會唔理佢，佢就繼續喊，我有諗過會唔會係佢坐得太耐無耐性，但我都試過中途會落車去公園玩一陣，玩完走果刻都無野，不過過一陣佢就開始癲。
我平時會同佢聽下歌仔，玩下玩具，而佢平時最鍾意欖住個欖枕。

私人傳訊

積分: 33215

856^#

發表於 13-4-26 23:17 |只看該作者

teacats 發表於 13-4-26 09:14
Sandra 求救

我個仔5歲, 唔知佢咩原因, 每當我地斗正佢錯處, 佢都唔聽人講, 且想喊想喊咁, 好似今 ...

teacats :

想問吓佢係再細d 嘅時候已經係咁唔聽人講同唔解釋自己做法？
佢學業成績如何？老師有冇投訴？
要問好多次先至答, 講唔講到點解？

私人傳訊

teacats

積分: 2518

醒目開學勳章

857^#

發表於 13-4-27 08:10 |只看該作者

回覆：SandraLo 的帖子

Sandra ，佢由k1開始，都係咁要問好多次，少少嘢就喊，湊佢嘅人有時好心提點佢，或幫佢手整啲嘢，佢就會喊，嗰日我問佢點解任何人話佢知掉轉褲著都唔著返好，我只係問，冇鬧，佢都答唔到，仲眼濕濕，我真係懷疑佢係咪要睇醫生，我無論點都改唔到佢呢樣嘢

私人傳訊

teacats

積分: 2518

醒目開學勳章

858^#

發表於 13-4-27 08:13 |只看該作者

回覆：SandraLo 的帖子

老師話佢上堂係好識反應，只係話佢上堂有時唔尊心

私人傳訊

yuy617

禁止訪問

積分: 86

859^#

發表於 13-4-27 22:45 |只看該作者

提示: 作者被禁止或刪除內容自動屏蔽

私人傳訊