Re: 未婚的,入黎傾傾呀!!!
kikilala,
雖然唔知你地之間發生乜事,但你要振作呀,我地一班姐妹支持你架 
其實有好多問題只要大家攤開黎傾就會發現都唔係乜野大問題~如果真係唔可以繼續的話,咪趁早搵過個適合自己架囉,天涯何處無芳草呢~
付出左既感情好似潑左出去既水,而且相處過程中你都有唔少得著,所以唔好恨佢...... 
你有心情上黎傾計既話先上黎啦,我地會等你架 
lovebobo,
我講既"愛情既感覺只會存在4年,4年後就會變成感情....之後再變成習慣....."係真既,外國係有大學報告證實...我相信任何人睇完都會唔開心,我睇完都心驚驚.. 
但凡事都有例外,好似我未來老爺奶奶咁,佢地好恩愛,出街會十指緊扣,奶奶話老爺係一個絕對唔會偷食既人,因為佢不單止愈來愈錫奶奶,就連去打牌都只會同奶奶的家姐,姐夫打,連入馬場都只要奶奶陪佢去,如果唔係就索性唔去,總之就錫老婆錫到可以連命都唔要!!!今日係佢地結婚26週年喇,我諗奶奶一世人最大既收穫就係可以遇到呢個咁愛佢既男人 :-P 而且我奶奶唔靚,但老爺幾靚仔架,所以我都覺得奶奶好幸福,不過奶奶份人都好好,總之就係一對佳偶啦 
我男友都成日問"你估我地第日會唔會好似我爸媽咁呢?"係就好囉,哈哈~佢唔偷食我已經還神囉 
我用既髮尾油係係一間賣理髮用品既鋪頭買,唔知乜牌子,四十幾蚊,我諗咩牌子既髮尾油都唔係好大分別,用一兩滴已經搞得掂個頭~!
ivythepooh,
唔好話你呀,我都想返轉頭啦,我都想返去小學既時候,無憂無累,真係好開心~而家又要憂柴憂米,要諗好多好多野....
不過有時d野想完咪算囉,明知冇可能返轉頭,諗多無謂,就算後悔都冇用啦,盞自己仲唔開心又浪費時間~~
我之前都成日後悔呢樣又內疚個樣,自己唔開心又餘仲要成日俾個佬話我"多鬼餘,你後悔都改變唔到事實架啦,做多些實際既野好過啦~"頭一兩次俾佢咁話法都好嬲,覺得佢唔明白我,但俾佢話多幾次後,又覺得幾有道理...之後我就做好多野麻醉自己(係咁織頸巾,睇雜誌,行街...),由之前日日都唔開心幾次,到而家愈來愈少諗唔開心既野...~
其實你都可以試下,因為我見你除左返工都冇乜野做,搵多d興趣充實自己,等自己冇時間諗野,咁會開心好多架 不過就唔好搵你男友住喇,對住佢盞傷心..........
錯左兩次都唔算多,好多人明知故犯,有左就係咁落,落到冇仔生都係咁;但你今次已經做晒措施都中招,只可以話係天意,係冇人想架 所以你唔好一個人揹晒所有責任啦~令到自己咁辛苦,你唔為自己諗下,都為家人,為我地各位姐妹諗下,我地個個見到你咁都好擔心,好難過架~初初咁樣死撐係會好難受,但慢慢就會習慣~你話返到屋企要收埋情緒好辛苦,你試下掉公仔,打枕頭 :evil: 會舒服好多架~
han,
你電左個點既頭呀,用髮尾油掂唔掂呀??俾些耐性搞搞佢先啦,唔好咁快就整返直啦~
新之城SAC應該信得過,patrick cox就唔洗擔心多假野既,因為佢唔係gucci個d貴價貨,不過westwood都要睇清楚,但銀包既假貨都唔係好普遍~其實有時去專門店買唔一定貴過水貨店架~
過去的留不住,
未來的難預測,
守住現在,當下即是~
咁你而家就安心咁養胎, 開開心心等BB出世啦 
我陪緊個佬睇波就話jei..... 
發表於 
返回列表
