吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 少年成長› 小朋友大脾氣,可以點教 Part II

少年成長今日: 1|主題: 16103

收藏本版

發帖

返回列表

跳至頁

樓主: SandraLo

42 434445 46...101

Mimmy

積分: 42196

2024年龍年勳章育兒性格勳章畀面勳章

861^#

發表於 10-6-17 17:47 |只看該作者

原帖由 titanlow 於 10-6-17 17:12 發表

搭句咀, 既然你小朋友係咁o既個性, 有冇諗過傳統女校會唔適合佢呢?

我就係一間傳統女校既畢業生
一心諗住囡囡將來升小一都用足夠分數入得返去讀
學校有幼稚園, 好順理成章想佢入埋去讀
理想既就由K1讀到中學畢業
奈何幼稚園都要考嘛
但佢而家既表現令我呢位媽媽好擔心

私人傳訊

SandraLo

珍珠宮

積分: 33215

862^#

發表於 10-6-17 22:28 |只看該作者

原帖由 joykenleung 於 10-6-16 11:41 發表
謝謝你的意見!
昨晚於收到你的回應前, 女女又發作.
她不肯沖涼, 我說你不沖我就去訓覺了. 她大叫唔得, 還動手作打我狀. 我說不可以用手這樣做和大叫唔得, 這樣無禮貌, 如果你再咁做就罰你.
於是我叫她去沖涼, 她說 ...

joykenleung :

那你看了我之前的回覆, 覺得這次會怎處理？
你給我的感覺都是「反應太多」, 俾咗好多位佢「發難渣」, 發得愈大, 你愈嬲要去罸佢, 佢又再多d 嘢無限發大, 就是我說的「沒完沒了」.
你要明白她發脾氣的時候, 是什麼都聽不進的, (要教她做好孩子應該是在講故事時間) 你去說她怎樣是無禮貌, 還要罸, 她當然是正中下懷的大吵下去！
理論上, 她每次發脾氣你都用一小時去成功地罸她, 她慢慢都會改善的, 但如你用讚, 加埋不和她「互動」, 一星期甚至更短時間便「收效」！
回頭講番她不肯沖涼, 你可以問她, 那你想何時才沖？媽咪X点便要睡了, 這樣說是你將個波俾番佢, 由佢決定冲唔冲, 而你說「你不沖我就去訓覺」有個威嚇的成份 (像是你唔XX我就XX), 她的反應如此亦是當然的, 尤其係佢之前扭親都win…..

教仔心得：媽咪容易犯的錯誤
http://www.baby-kingdom.com/forum.php?mod=viewthread&tid=951856&extra=&page=1

成日話「讚」可以改正小朋友壞行為，到底點解同點讚？
http://forum.baby-kingdom.com//v ... page%3D1&page=1

私人傳訊

SandraLo

珍珠宮

積分: 33215

863^#

發表於 10-6-17 22:42 |只看該作者

原帖由 joykenleung 於 10-6-17 09:37 發表
Sandra, 我想多問一個問題. 我女女(三歲八個月)有時肯對人打招呼, 有時點叫佢都唔肯. 應否強迫她?

joykenleung :

不用强迫, 但要demo.....
即是妳也要在她面前跟人打招呼, 佢慢慢會跟咗！

私人傳訊

SandraLo

珍珠宮

積分: 33215

864^#

發表於 10-6-17 22:48 |只看該作者

原帖由 Mimmy 於 10-6-17 15:55 發表
Sandra,

我之前都曾經係到向求救我囡囡脾氣差, 經你指導下都有些少改善, 都明白係需要時間
最近又有另一個問題喇
囡囡而家21個月, 無報N1, 黎緊11月左右開始in幼稚園, 我好擔心佢表現有問題, 最近搵左個家庭老師教 ...

Mimmy :

21個月好難要求佢坐定定去聽指令喎, 你會唔會担心得早咗？你平日同佢响屋企玩d 乜？佢可以玩幾耐？

私人傳訊

SandraLo

珍珠宮

積分: 33215

865^#

發表於 10-6-17 22:53 |只看該作者

原帖由 Mimmy 於 10-6-17 17:47 發表

我就係一間傳統女校既畢業生
一心諗住囡囡將來升小一都用足夠分數入得返去讀
學校有幼稚園, 好順理成章想佢入埋去讀
理想既就由K1讀到中學畢業
奈何幼稚園都要考嘛
但佢而家既表現令我呢位媽媽好擔心 ...

Mimmy :

邊間？

私人傳訊

Mimmy

珍珠宮

積分: 42196

2024年龍年勳章育兒性格勳章畀面勳章

866^#

發表於 10-6-17 23:21 |只看該作者

原帖由 SandraLo 於 10-6-17 22:48 發表

Mimmy :

21個月好難要求佢坐定定去聽指令喎, 你會唔會担心得早咗？你平日同佢响屋企玩d 乜？佢可以玩幾耐？

我其實一向都無懷疑過囡囡既能力
我一直都覺得每個小朋友都有自己既長處同短處, 唔可以比較, 而一直以黎我都無去比較過
但而家呢位miss一對3位小朋友, 一個係6月B, 我囡同另一個都係9月B, 3個都係女仔, 我唔比較miss都去比較
當我睇佢地上堂睇左2堂之後, 我唔比6月B, 只比較2位9月BB, 我感覺我個囡同另一個真係性格好大分別
我呢2堂入面眼見其他2位BB上堂真係完全根到miss既指令, 佢地2堂都係全程坐足1個鐘, 我個囡坐2分鐘都已經好叻女
2堂都有填顏色環節, 其餘2位小朋友拎到紙&筆之後唔會塗鴉會等miss既指令, 我個囡就好似睇唔到有公仔咁, 自己係紙上面打圈再打圈, 果2位小朋友聽到miss話填顏色去花呀樹呀上面, 又真係跟到喎, 再望下我個囡, 佢原來有聽miss講野佢都識填顏色不過表面上睇黎佢好似無聽人講野咁
最後miss唱歌仔小朋友拍手, 呢一part我個囡係最投入既一part, 一邊哼音樂一邊拍手

我平時係屋企有時同佢玩公仔, 教佢眼耳口鼻要錫bb(公仔)
有假食品就每樣教佢係d乜野
會睇書, 教佢點讀
每日佢既lunch會比佢睇一次DVD, 平時就無得睇, 多數係disney, barney之類, 如果有唱歌佢會跟住一齊跳舞, 所以佢一歲多D已經識得雙腳離地跳

我未返呢位miss堂之前我都無咁擔心佢第時interview既問題, 但而家有比較下我就好擔心, 好似真係差過人地好多咁

我媽就覺得係我要求太高, 太緊張, 佢一直都好proud of呢個孫, 因為我囡唔怕羞幾時都咁開心, 帶佢出街人人都讚佢好笑容, 我媽就話佢只得21個月大根本唔可以要求佢做咁多野, 細路梗係會周圍走, 邊會同你坐定定, 仲覺得管得咁多無晒童真, 我囡的確係唔怕人, 三唔識七都可以對住你唱歌跳舞, 連巴士司機都走去同人講bye bye, 但佢黎緊2歲多d就要in幼稚園, 搞到我都好緊張

仲有呢位miss上左2堂就話佢接觸得小朋友多, 佢好似已經classify左我囡係活躍型, 不過仍為媽媽既我睇佢上左2堂, 我覺得已經比第一堂好左少少, 但miss好似覺得佢既進步太小

我既母校係聖羅撒, 我都唔知點train佢, 坐唔定咁點收佢呢

私人傳訊

titanlow

用戶要求終止服務

積分: 7429

867^#

發表於 10-6-18 09:11 |只看該作者

原帖由 Mimmy 於 10-6-17 23:21 發表

我其實一向都無懷疑過囡囡既能力
我一直都覺得每個小朋友都有自己既長處同短處, 唔可以比較, 而一直以黎我都無去比較過
但而家呢位miss一對3位小朋友, 一個係6月B, 我囡同另一個都係9月B, 3個都係女仔, 我唔比較mi ...

我個女就快20個月, 都唔算係坐得定個種, 又係成日笑唔怕羞周街撩人的小朋友, 我自己覺得佢性格係咁, 我幫佢揀o既學校都要配合, 多過要小朋友去配合, 畢竟佢只係一個2歲未夠o既小朋友. 我會搭咀係因為我睇到你o既緊張源於你好像只有一條路俾個女行咁, 如果佢入唔到st rosa咁點呢? 係咪入到就最好呢, 我朋友個女入到呀, 佢讀第一個學期, 一返學就嘔, 唔返就無事, 佢心底裏唔鍾意間學校, 又驚返學時控制唔到嘔俾人鬧, 但表面上佢係課堂好似好投入喎, 後來轉了去迦南就完全無晒事. 結論係, 我地大人心目中理想o既路唔一定對小朋友最好, 既然未in已經咁緊張, 倒不如花點時間explore一下有冇其他更適合的選擇, 多幾條出路, 唔駛逼得自己同個女咁緊.

我自己係沙田某名校小學校友, 照道理我兩個女要入都無問題, 但我會先考慮佢地o既性格和能力, 即使佢地係聰明女能力無問題, 又唔代表佢地鍾意個間學校喎....做媽媽o既, 要以了解女兒需要出發先, 唔好俾個框架困住自己啦!

私人傳訊

SandraLo

珍珠宮

積分: 33215

868^#

發表於 10-6-18 23:12 |只看該作者

原帖由 Mimmy 於 10-6-17 23:21 發表

我其實一向都無懷疑過囡囡既能力
我一直都覺得每個小朋友都有自己既長處同短處, 唔可以比較, 而一直以黎我都無去比較過
但而家呢位miss一對3位小朋友, 一個係6月B, 我囡同另一個都係9月B, 3個都係女仔, 我唔比較mi ...

Mimmy :

我只想講, 我唔係安慰你.....
依家距離11月重有成半年, 呢個年紀嘅小朋友每日都學好多嘢.....
兩歲未夠坐唔定係完全正常, 可能咁啱另外兩個小朋友follow得到, 所以令你担心..... 而好多時, 父母好想小朋友入某d 學校, 但事實間學校未必適合個小朋友, 真係要試過先知！
点都好, 你同佢玩多d, 會幫到佢些坐定同專注, 唔駛揾老師, lego, 積木, 煮飯仔 (加泥膠做食物), 餐廳, 砌屋仔傢俬(doll house), 任何role play, 每次坐耐少少就讚佢坐定定好乖, 慢慢必定會好 d.....

[ 本帖最後由 SandraLo 於 10-6-18 23:14 編輯 ]

私人傳訊

C+B

大宅

積分: 1581

869^#

發表於 10-6-21 11:52 |只看該作者

Hi Sandra,
你好,我剛開始睇你d教仔心得,真係好有用,thanks!
我用讚令到阿仔(20個月大)肯拖住(平時唔肯拖)由尖沙咀山林道行到油麻地永安,勁開心!
不過,你提過可以一日讚3,4次,但我個日行既時候已經讚左3,4次(or over),會唔會讚得太密？
AND,我唔係好明ignore!當ignore時我可唔可以見到佢或有眼神接觸?可唔可以無表情咁提佢收聲先有人理(let say 15分鐘)?
我試過佢喊完,停左3分鐘,我同佢講返咁咁咁唔得,唔好再做,之後抱佢,點知一抱又喊,咁點算?再ignore返?
Many thanks

[ 本帖最後由 C+B 於 10-6-21 11:54 編輯 ]

私人傳訊

Mimmy

珍珠宮

積分: 42196

2024年龍年勳章育兒性格勳章畀面勳章

870^#

發表於 10-6-21 22:32 |只看該作者

titanlow & Sandra,

多謝你地比我既意見, 呢幾日我反覆思考你地比我既意見, 教下囡囡, 又再多d留意下佢, 我覺得囡囡都唔係無得教

我之前買過一張積木枱有兩張櫈, 因為佢會借力擒高我怕危險一早收左, 早幾日拎返出黎訓練佢坐多d, 呢幾日都已經見到有成績

我去書店買左d幼兒認生果/生活類既書比佢填顏色, 目的都係想佢坐多d, 雖然都係塗鴉, 我亦唔會要求佢畫得好靚, 不過都叫肯坐下畫一陣

上星期miss教佢要雙手接禮物講多謝, 我教左3日, 今日帶佢返新一期既幼潛playgroup, miss比玩具佢, 我係側邊叫"要2隻手仲要講多謝", 佢無發脾氣仲拎左2隻手出黎接再講謝謝, 呢個miss都係上一期幼潛既miss, 好開心miss話覺得囡囡每堂都有少少進步, 唔係真係咁差

的確我好想囡囡做到我既期望, 好想快d見到有進步, 不過我更會顧及佢既感受

私人傳訊

SandraLo

珍珠宮

積分: 33215

871^#

發表於 10-6-21 22:46 |只看該作者

原帖由 C+B 於 10-6-21 11:52 發表
Hi Sandra,
不過,你提過可以一日讚3,4次,但我個日行既時候已經讚左3,4次(or over),會唔會讚得太密？
AND,我唔係好明ignore!當ignore時我可唔可以見到佢或有眼神接觸?可唔可以無表情咁提佢收聲先有人理(let say 15分鐘)?
我試過佢喊完,停左3分鐘,我同佢講返咁咁咁唔得,唔好再做,之後抱佢,點知一抱又喊,咁點算?再ignore返?...

C+B :

你可先睇番呢度數番前17個posts, 即我答joykenleung個post, 就係講 ignore.......

好多媽咪收錯, 以為ignore係扮嬲唔啋個小朋友, 因為咁做响小朋友細細個時, 好多時會work, 但咁做除咗令小朋友學識嬲人之外, 到佢地大個d, 覺得自己先係最嬲嗰個, 最「值得」去嬲人嗰陣, 呢招就失效！

我試過佢喊完,停左3分鐘,我同佢講返咁咁咁唔得,唔好再做,之後抱佢,點知一抱又喊,咁點算?再ignore返?. ~~
呢度分兩個問題去答......
1/ 你冇見好就收, 佢冇喊應該即讚, 但重响嗰陣哦佢, 佢唔忿氣, 於是再喊過.
2/ 唔好太介意小朋友喊, 你ignore佢嘅壞行為(一般係扭某d 嘢), 冇俾佢扭到(又冇俾代替品)就ok, 唔一定要ignore埋佢喊.
要教佢係要揀佢開開心心嗰陣先收到, 例如講故事時間, 而唔係佢扭緊或者啱啱扭完嗰時！

私人傳訊

jenniecatcat

水晶宮

積分: 56409

872^#

發表於 10-6-23 02:13 |只看該作者

原帖由 SandraLo 於 10-6-21 22:46 發表

C+B :

你可先睇番呢度數番前17個posts, 即我答joykenleung個post, 就係講 ignore.......

好多媽咪收錯, 以為ignore係扮嬲唔啋個小朋友, 因為咁做响小朋友細細個時, 好多時會work, 但咁做除咗令小朋友學識嬲人之 ...

oh!! ignore 係唔俾佢扭到佢想要既野！！而唔係唔理佢！即係話佢扭時只要唔俾佢想得到既野就得，佢喊要走埋來都可以理佢，係咪咁既意思？

我的最愛: 老公, 仔仔, 同來緊既女女, 老豆

私人傳訊

agnesyp

別墅

積分: 962

873^#

發表於 10-6-23 17:50 |只看該作者

打人的大仔.

我個大仔(就快3年歲), 最近成日推弟弟(8個月)和堂妹(1歲). 當弟弟和堂妹想玩他正在玩的玩具. 或者自己想(搶) 弟弟和堂妹的玩具.
事情發生時, 他的動作表情可以用惡狠狠來形容

我們採取的方法有以下:
1. 儘量不讓他們單獨相處.
2. .每次事件發生, 我們都會立即阻止. 要哥哥道歉. 望了哥哥的眼睛說不應該. 教哥哥要用口而不是用手去解決. 他都好像知錯, 會道歉.
3. 教哥哥如果有人(搶) 玩具, 可能選分享, 如果不願意, 可以大叫’不要’ 而且告訴大人.
4. 平時, 會讚他不和小朋友和睦相處, 很乖(但不經常)
5. 已經多花時間和他玩, 因為想避免他用推人來爭取注意

我真是很煩惱, 不想他有這樣的習慣, 更怕弟弟和堂妹受傷. 想請教要如何處理? 我是否應更嚴厲? 打他?

私人傳訊

SandraLo

珍珠宮

積分: 33215

874^#

發表於 10-6-23 22:32 |只看該作者

原帖由 jenniecatcat 於 10-6-23 02:13 發表

oh!! ignore 係唔俾佢扭到佢想要既野！！而唔係唔理佢！即係話佢扭時只要唔俾佢想得到既野就得，佢喊要走埋來都可以理佢，係咪咁既意思？

jenniecatcat :

所謂 ignore 係 ignore小朋友嘅壞行為, 而唔係 ignore個小朋友, 所以唔駛話故意唔啋佢、行開或者將佢關响房, 咁會變咗係罸, 而罸有罸嘅做法, 例如係要俾小朋友知個期限的, 要佢知罸幾耐, 亦即幾時罸完 (好似naughty chair 咁).

用ignore你只須堅持唔俾佢扭嘅嘢 (或者你講咗唔會俾嘅嘢), 唔氹同唔俾代替品, 佢知道扭/喊都係冇, 就唔會扭, 如你唔啋佢, 咁唔啋到幾時先算完？到佢唔喊？但有d 小朋友嘅壞行為又未必係喊喎, 不停講嘢(例如話我要XX)嚟煩你都唔定！咁你淨唔理/唔俾反應佢呢句嘢就得, 佢突然話想睇TV, 你覺得冇問題都可以俾佢！

私人傳訊

SandraLo

珍珠宮

積分: 33215

875^#

發表於 10-6-23 22:35 |只看該作者

原帖由 agnesyp 於 10-6-23 17:50 發表
我個大仔(就快3年歲), 最近成日推弟弟(8個月)和堂妹(1歲). 當弟弟和堂妹想玩他正在玩的玩具. 或者自己想(搶) 弟弟和堂妹的玩具.
事情發生時, 他的動作表情可以用惡狠狠來形容

我們採取的方法有以下:
1. 儘量不讓他 ...

agnesyp :

當然不好打他啦.....
你叫佢唔好打人, 你又打佢, 咁点教到佢？
你快d 睇咗點讚個topic第一個post先啦！

私人傳訊

jenniecatcat

水晶宮

積分: 56409

876^#

發表於 10-6-24 01:06 |只看該作者

原帖由 SandraLo 於 10-6-23 22:32 發表

jenniecatcat :

所謂 ignore 係 ignore小朋友嘅壞行為, 而唔係 ignore個小朋友, 所以唔駛話故意唔啋佢、行開或者將佢關响房, 咁會變咗係罸, 而罸有罸嘅做法, 例如係要俾小朋友知個期限的, 要佢知罸幾耐, 亦即幾時 ...

Sandra,

我又想問BB掉野會掉到幾大？我B15個月，平時多數都係用讚教佢，都好work，但掉野就仲未得，試過ignore, 佢掉時完全唔俾反應；no 佢；望住佢講唔可以；好惡咁話俾佢知唔得；佢冇掉時讚佢，但一話BB好野冇掉XX落地，佢即時掉；打手手（只試左一次...); E+都仲掉緊，這2日仲好似嚴重左...我仲可以做D乜呢？

我的最愛: 老公, 仔仔, 同來緊既女女, 老豆

私人傳訊

welovefung

洋房

積分: 89

877^#

發表於 10-6-24 14:00 |只看該作者

小朋友25個月大, 由奶奶揍。最近奶奶用了一個新方法: 當佢唔聽話時, 奶奶就會扮嬲左佢，仲會講到明話"因為你唔聽話, 我嬲左你!" 因為佢好怕奶奶嬲自己, 因些就會聽翻奶奶話.

奶奶我方法我覺得唔啱, 但也知道冇辦法妀變老人家的做法, 我該如何從小朋友著手呢? 因為我唔想佢學懂嬲.

私人傳訊

winkho

大宅

積分: 3186

878^#

發表於 10-6-24 15:14 |只看該作者

Dear Sandra
你好呀,好耐之前係另外一個POST到睇到讚小朋友的方法, 我看完之後便用, 初時用真係好WORK, 但唔知係唔係仔仔大左(快5歳了), 沒有太大作用。以前用讚的方法, 佢好肯食飯, 但現在已經唔得. 佢每晚都食飯食得好慢+好耐. 有時, 我會收飯及叫佢罸企, 佢會喊住好唔憤氣咁去企, (企5min) 然後會罸佢臨瞓前冇奶食. 我以為咁樣佢會有改善,但結果都係一樣--- 晚晚如是, 收飯時喊, 罸企時拍打周圍物件,夜晚要求食奶但我唔肯, 又大吵大鬧.
因為佢本身脾氣都好大, 以前都用讚的方法, 都work 過一輪, 但現在也沒用. 佢呢排成日都會為左好小的事發脾氣同埋要脅我, 如:近排好鈡意睇變型金剛, 但因為套戲太長, 我只規定佢星期六/日先可以睇, 但仔仔突然會要求今晚睇(weekday), 但我話唔得, 佢會發脾氣掉野及會和我講我會打細佬(都未講完便即打細佬個頭)
有時發脾氣時仲會大吵大鬧, 我知道佢係學我, 因為以前唔識教, 比佢激到好火時, 會大吵大鬧咁話番佢, 但後來都已經收歛, 但仔仔已經學左, 仲做埋出黎。我好心痛, 我知道佢係失身上學左d唔好的野, 但又唔知點樣令佢改.
佢現在每日都會發脾氣, 只係早晚梳洗也讚，氹，鬧, 總之咩方法都用齊, 佢先至會去做,
. 現在仲成日要脅我, 如果你唔比xxxx我, 我便留係嫲嫲屋企, 唔番黎瞓(日頭係嫲嫲湊).
唉, 我真係好氣餒啦.
請問, 可唔可以幫下我!!!!!!!!!!!
2h mama

私人傳訊

C+B

大宅

積分: 1581

879^#

發表於 10-6-24 17:11 |只看該作者

原帖由 SandraLo 於 10-6-21 22:46 發表

C+B :

你可先睇番呢度數番前17個posts, 即我答joykenleung個post, 就係講 ignore.......

好多媽咪收錯, 以為ignore係扮嬲唔啋個小朋友, 因為咁做响小朋友細細個時, 好多時會work, 但咁做除咗令小朋友學識嬲人之 ...

Sandra:
it's really hard to ignore, but i'll try my best to be a super mom! thousand thanks, Super Sandra

私人傳訊

SandraLo

珍珠宮

積分: 33215

880^#

發表於 10-6-24 19:05 |只看該作者

原帖由 jenniecatcat 於 10-6-24 01:06 發表

Sandra,

我又想問BB掉野會掉到幾大？我B15個月，平時多數都係用讚教佢，都好work，但掉野就仲未得，試過ignore, 佢掉時完全唔俾反應；no 佢；望住佢講唔可以；好惡咁話俾佢知唔得；佢冇掉時讚佢，但一話BB好野冇掉XX落地，佢即時掉；打手 ...

jenniecatcat :

用ignore用咗大約幾耐？
另外佢有冇d 掟波波之類嘅玩具？