我的6日5夜生b遊詳細報告,有d長,希望唔會悶親大家,哈哈!
我家妹妹豬已係8月17日出左世la,重3.34kg,但係我尋日先終於同佢一齊返左屋企咋,因為妹妹一直都唔出得院,所以我都冇得走.......妹妹辛苦晒la!
當人人都話第2胎好易生時, 我都真係冇諗過會咁!!!相信冇人第2胎都好似我咁多野……
8月16日半夜已去過一次vv,到早上6時,阿花又有d急,想轉身起身去vv,一轉身,e……,唔多對有d野流出黎,心知不妙,直奔廁所,wor,真係穿水呀,hur hur聲咁出黎,攪完一輪,即刻叫醒老公去醫院,好在冇係的士到勁流,一落車,已經成裙成腳都係水la,去到產房做分流,,姑娘重問佢個seniior要唔要confirm我係咪穿水wor,但佢個senior竟然話”要”, 果然係procedure!!!雖然穿左水,但係未開,要去產前房等生得*o*
要知道,穿水24小時而子宮唔開就要落催生藥,醫生話可以選擇即時去產房催生or等佢自己開,醫生都話第2胎可等下,而落催生藥係好辛苦的呢!所以我就決定等…….,其間只有前期陣痛,重要係痛一陣就唔痛,到左夜晚11點幾,陣痛明顯已規律但都係前期果d,因為我都可以瞓到覺,結果一定就係24小時了,依d冇料到的陣痛不足以令我宮脛開,即係話,我要吊催生藥了………
8月17日,早上8點幾,吊藥開始,阿花都可以捱到差不多10點先吸笑氣,越來越痛,但依然唔開,於是我打止痛針了,12點後,有好急好急的feel,姑娘一check,都係得果3度…….,佢問我試唔試下生,但係只得3度,話口未完,再來的陣痛已經係唔生唔得果隻,姑娘即刻set野比我試,重話唔使剪我tim,只係try左一陣,今次唔同的就係要唔痛先比我痾(上次生大仔時係要痛先準用力,唔明點解),只係一陣,比生大仔還快,妹妹就出左世了,助產士都話,知道我上次都突然間就生得,所以3度都比我試生……..,我今次冇剪到但係就損左小小,要聯針,不過就好快冇野,我第4日已經唔痛了>o<
由於妹妹係穿左水24小時之後先出世,所以佢最少要打3劑抗生素,好在佢打左3次就ok.唔係就要打5次了,咁細個就要種豆落藥,真係好可憐…….
8月19日,妹妹嘔左幾次奶,最恐怖係,嘔左d啡色野,好似血咁……,醫生話佢可能係要出黎時吸左我d胎盤組織入口,所以咁樣,所以妹妹豬佢要去洗胃,唉,真係好慘,洗完胃又要去比人抽血染下d抗生素有冇效,繼而再去打卡介苗,跟住成日勁喊,因為太驚了好慘!!! 因為佢有d黃,190度唔比出院,佢就183偏高,所以冇得走…….
8月20日,冇得出院,佢d黃升到224度,唔比出院again,而且,佢由於出生後只食媽媽奶,磅數跌幅大(只有3kg,要有3.11kg先可以出院),要留院增磅呢!所以之後每餐都要補奶lu,依個小朋友,成日食食下就瞓左,雖然今次多奶過上次,但係原來都唔夠食>_<
8月21日,早上再磅,都係得3.08kg,一時情緒不隱,喊左出黎,因為又唔夠磅,冇得走,大仔已經日日都話好掛住我,我都係,加上已經係份院第6日,晚晚係醫院都冇覺好瞓,真係好沮喪!!!不過姑娘真係好好,先黎叫我只要每餐補60ml奶粉,增磅會好快,跟住佢見到阿b的黃只係比昨日升左3度-227度,都問醫生比唔比我地走呢!結果,醫生都比我地走,所以我地終於都可以返屋企了!
[ 本帖最後由 BigPig阿花 於 09-8-22 15:11 編輯 ]
我 要 舉 起 救 恩 的 杯 、 稱 揚 耶 和 華 的 名 。詩 116:13兒 女 是 耶 和 華 所 賜 的 產 業 ． 所 懷 的 胎 、 是 他 所 給 的 賞 賜 。詩 127:3
My son was 194 when he discharged from hospital on 11/8. And then he was 170 on 14/8. Yesterday (21/8) check again already drop to 113 la. The doctor said the progress is good and it is OK if it drops below 100. Add oil la, give some sunlight to baby everyday, baby will be alright very soon
發表於 
返回列表
