陶傑醒你 - 陶傑
鬼上身可免試
(2011年06月27日)
六月全國高級聯考香港會考季節，越南亦係全國高考。不過最近越南有三名女生，在河內出席考試之時，突然間口吐白泡，兩眼反白，口中吟吟沉沉，聲稱乃係鬼上身，經越南政府教育局即時CALL白車，派來醫生兼問米婆驗證，證明所說真實。鑑於三名女生，平時在學校成績優異，所以考試局宣布，因為不幸遇著冤魂纏身，實屬意外，所以三名優異女生得以免考齊齊扒時。
人到試場鬼上身就可以免考兼合格，越南妹E一招值得引進，香港考生可以借鑑。越南妹話因為越戰，市場地點係以前美軍亂葬崗，三名鬼上身之女生仲噏得出上身之亡靈，叫做陳文萬，係一名遭美軍擊斃之士兵。
香港考生可以借鑑外國經驗，今年會考又有幾個考生仆低，話個考場設在慈雲山虛無和尚紀念中學，由於近住個慈雲山墳場，慈雲山墳場有十萬個僭建山墳，最近因為被踢爆，所以特區政府準備鋤墳起屍，所以驚動到亡靈，搞到慈雲山同鑽石山一帶之中學考生，考會考就會隨時鬼上身。
學越南妹咁，考科英文B卷，有幾題唔識答，就可以大嗌一聲，兩眼反白，口吐白沫，碌落地下，跟住口吐一百年前之客家粗口，又或者明末東南沿海流行之圍頭佬語言，嘰嘰咕咕問候林鄭令壽堂。等到市場監考官即時CALL鵝頸橋底幾個問米婆，叫埋白車，親在試場驗證，證實真係鬼上身之後，就可以參照外國越南案例，宣布該考生因受到慈雲山僭建山墳亡靈不安而上身滋擾，考嗰科英文B卷宣布合格。
全港試場緊要有一個墳場喺左右，例如跑馬地各中學，就有天主教墳場。香港仔黃竹坑海怡半島就會俾華人永遠墳場鬼魂滋擾，另外和合石嗰邊亦好猛，半個新界，幾百間學校，會考生都可以報稱鬼上身，咁今年會考就要靠先人幫忙，快D上身，令到一半考生唔使答卷，都可以合格。
越南佬對世界文明之貢獻，除咗越南河粉，估唔到有條絕橋咁有創意，不漏洞奶，我們香港會考生，向你致敬。
發表於 
er...............梗禾系百訓百本土味仔喎.....里地茅姣認錯禾械007呀
早晨
...YES YES...
mouth:上次出來飲茶我已經話佢係傻仔，佢話我唔明白佢wor......
返回列表
