剛剛收到診所姑娘打電話比我, 我既ocsar 驗血報告正常, bb冇事啦....yeh..... 
Y_ma 寫道:
我尋晚放工果陣好慘呀, o係架火車度差d休克 :-(
由九龍塘企返粉嶺o既時候, 去到火炭已經發覺對腳好痺, 跟住去到太和就突然間覺得好熱同冇乜空氣咁.......之後就開始滿天金星當時好需要新鮮空氣, 但站與站之間起碼5分鐘車程, 我最怕我跌低o既時候會撞親呀b, 所以死命咁頂住, 開始行去第二卡車箱 :-| 行o既時候有d風反而好d, 之後前面太多人, 已經行唔到, 所以停左o係度, o係呢個時候又開始滿天金星喇
眼前已經見到個月台, 我唔想候o係呢個時候
同自己講一定要頂住...頂住...頂住..., 係呢幾十秒入面真係好難捱 :cry: 好彩車門停正o係張石"木凳"度, 車門一開我就衝出去坐o係度除外套合埋雙眼, 直至坐到過o左幾班車等d金星走晒至慢慢離開月台......之後真係 :-( :-( :-( o左出o黎！
myapple 寫道:
廣華醫院 - 產前唐氏綜合症篩查 (for 高齡產婦)
今日去左廣華做第1次既產前診斷 (剛好12w), 主要講解驗唐氏綜合症既方法, 9點3去到, 10點3走得。 因為我揀抽羊水, 約左18週先做, 今日只係睇 video, 聽姑娘講解, 佢會比幾個方法你揀, 是但揀一樣, 有d方法係可以即時做既, 要你即時考慮。 我就 book左 28/3返去做結構性超聲波同抽羊水 (姑娘幫我book埋同一日做), 抽羊水要3-4星期先有報告。 另外我之前book左 17/2 去PWH做oscar, 不過依家諗梗去唔去。
以下既資料可以比有需要既媽咪參考一下:
(A) 直接檢驗胎兒染色體
1. 抽絨毛 (10-12週進行, 1%流產風險, 99%準確性)
2. 抽羊水 (16-20週進行, 0.5%流產風險, 99%準確性)
(B) 間接檢驗 (唐氏綜合症篩查)
1. 唐氏綜合症綜合測試 (u/s度胎兒頸皮 + 驗中期血清, 86%準確性)
2. 懷孕中期孕婦血清測試 (驗孕婦血清, 6-7成準確性)
3. 早期唐氏綜合症測試 (u/s度胎兒頸皮 + 驗早期血清, 86%準確性, 不過要自費, 收$450, 應該同 PWH做既oscar 相似/一樣???)
如想要廣華 detail D 既單張簡介,..
colourlu 寫道:
本來我好想要仔...
但知道女會旺老公之後...
我想生女..
但用把脈既方法....好似係仔喎...
咁就慘啦~~~女呀!!我要女呀!!
哈哈....依個方法唔知準唔準呢...??[quote]
小程程 寫道:
我聽日同老公聽eason演唱會,不過有d擔心會嘈親bb,3個幾月應該未咁快聽到野果可?!
剛剛有條thread講話把脈會知道仔定女,如果左手強d就係仔,右手強d就係女,唔知係真定假呢?!
你地試下自己把唔把到different oY,我自己就右手強,唔通兩個都係女?!
irisfung 寫道:
myapple，
啱 啱先想問你今日去完產前診斷 情況如何，估唔到咁快你就寫咗出黎。真係多謝晒你嘅資料！
我20/2就會做第1次產前診斷，而家睇到你嘅資料，都清晰好多。但我想問：
1. (B)1. 會喺几幾時做呢？
2. 做(B)3. 係咪即時有報告呢？
3. 係咪揀(A)1. or 2. 先有得照結構性u/s呢？
4. 既然你已book 了PWH做OSCAR，點解唔選擇喺廣華 做 (B)3. 呢？
irisfung 寫道:
myapple,
唔該晒！
我之前寫有關喺廣華驗唐氏嘅資料都係個friend話我知嘅，但唔知點解佢好肯定話係廣華做早期唐氏綜合症測試係免費嘅呢？
你唔好担心咁多呀！如果想早D知阿b嘅情況，不如先去PWH做OSCAR啦！如果廣華都要收$450而個報告又無咁詳細，我諗我會揀去PWH做，起碼即時知嘛！
發表於 
返回列表
