自由講場 今日: 1881 | 主題: 1359796

積分: 16040

好媽媽勳章畀面勳章

881^#

發表於 08-8-4 12:16 |只看該作者

我哋一家已經見慣不怪.....如果最近期呢幾日嘅....上星期有一晚食完飯, 我哋一家大細行出去士多買嘢飲同買雪糕食, 順便掉垃圾, 差唔多行到村口, 有條分叉路, 我哋係向前行, 阿細就周圍望, 跟住同我講 "媽咪, 嗰邊個伯伯係咪又係去掉垃圾呀? 點解佢行得咁快嘅?....".....我兩公婆同大仔就齊齊望過去....但, 已經咩都冇嚕...

噚晚我哋去完街返屋企, 坐小巴, 差唔多落車, 老公叫xxx有落, 跟住又有男人叫xx有落, 個男人叫嘅站係我哋之前, 咁司機到站就開門, 但.....冇人落車, 全車人周圍望, 個個好奇怪咁望住司機...好似個個都唔知點解個司機要開門咁, 司機見冇人落車都呆一呆, 阿細又問 "點解冇人落車嘅? 明明有人叫xx落架" 我隔離個男仔望住我, 佢個表情係好似冇聽過有人叫嗰個站落, 奇怪點解我哋會聽到, 而個司機又停車...好似只有我哋一家同司機聽到咁.....之後我話 "人哋落咗車喇" ......個男仔即刻

原文章由 瘦ling 於 3/8/08 00:29 發表
咕 b,

我的奇怪事多數都係發夢囉 !
話說而家住緊的屋企，第一晚搬入去住，當晚發了個夢十幾年前我仲記得，就是見到有個女人隔住鐵閘想"鍊"死我

第二晚發夢就是成屋都係著曬中式裙掛的男女，我都驚醒了
之後話比mami 知跟住 ...

私人傳訊

咕b

積分: 16040

好媽媽勳章畀面勳章

882^#

發表於 08-8-4 12:43 |只看該作者

唔係只係貼牆先會比 "佢哋" 跟, 而係貼牆會容易同 "佢哋" 接觸到

原文章由 可愛的天使 於 3/8/08 04:06 發表

唔該哂! 不過乜唔係佢中意跟就跟既咩??原來淨係貼牆行先跟架！！

私人傳訊

咕b

積分: 16040

好媽媽勳章畀面勳章

883^#

發表於 08-8-4 12:52 |只看該作者

一. 小朋友初初返學唔適應喊好正常, 我契仔嗰時都喊足大半年....唔係樣樣嘢都一定係同 "佢哋" 有關.....如果而家已經一切正常, 咪ok囉

二. 會唔會係小朋友日頭玩得太開心太癲? 夜晚小朋友瞓教, 室溫同體溫都會影響小朋友, 令小朋友感覺唔舒服都會喊架.....
如果以上嘅都唔係, 而你又想從靈異方面諗嘅, 咁可能會係有 "嘩鬼" 路過 (會唔會係你上一個小朋友, 就真係唔敢講, 而家睇你所寫, 都冇咩太特別, 所以唔好一開始就認定係之前個 "小朋友" , 對 "佢" 太唔公平)

所有事平常心去睇, 雖然係七月節, 但都唔係所有事一定會同 "佢哋" 有關, 對 "佢哋" 都要公平d

原文章由 fallenstar023 於 3/8/08 08:26 發表
咕b,
你好, 我是新睇這個topic的mami.

我有個問題想請教你....
一.我個仔仔唔知點解由佢兩歲返學開始, 佢一返學就不停喊....又喊到嘔...(現在冇嘔, 重好鍾意返學), 因為我有仔仔前唔要一個bb, 奶奶話係個個bb攪佢, ...

私人傳訊

咕b

積分: 16040

好媽媽勳章畀面勳章

884^#

發表於 08-8-4 12:59 |只看該作者

開光防身物好少會話對戴嘅人有咩影響 / 唔受得, 除非係冇緣, 但如果係冇緣, 通常都只會係經常趺咗 / 唔見咗 / 爛咗.....

正常嚟講, 封咗屋就唔應該再有呢d事 (我自己都鎮咗啱啱足一年, 鎮屋後完全再冇 "嘩鬼" 可以入到屋), 如果你認定係有 "嘩鬼" 嚟攪事, 咁你就搵師傅幫你睇吓, 會唔會係 [封屋] 出咗問題?.....多口問句...唔好介意.....幫你封屋嘅師傅, 你...好熟?? 信得過??

原文章由 Kikokikovenus 於 4/8/08 11:38 發表
咕b,
我仔仔lee兩晚(七月初一開始),同fallenstar023個仔仔一樣,又係半夜3點幾4點就哭鬧,初初我以為佢發惡夢,因為我聽到佢講:唔好唔好~後尾佢個人都喊醒晒了,都係咁樣哭鬧~同埋,我屋企係封左屋的,應該唔會有"朋友仔", ...

私人傳訊

angelmak

大宅

積分: 2974

885^#

發表於 08-8-4 13:01 |只看該作者

平時我隻狗係嗰會吠o家! 點知噚晚佢無啦啦吠咗一聲wor, 可能睇得le個topic太多, 攪到成晚瞓唔著...

2個寶貝~雅詠&灝泯

私人傳訊

jadepearl

侯爵府

積分: 24577

2025勳章蛇年勳章 2024年龍年勳章

886^#

發表於 08-8-4 13:19 |只看該作者

Kikokikovenus,

可以請給我多點information.

原文章由 Kikokikovenus 於 08-8-1 12:50 發表
jadepearl,

我懷第一胎時,BB大約5周左右就自然流產了...之後我媽咪會每年Lee個時候左右, 幫我在荃灣西方寺寫"付墊"超渡靈嬰,費用大約壹佰伍十蚊左右一個靈位~"付墊"仲可以寫埋先人的...佢地有人供奉和打齋超渡的,當 ...

私人傳訊

積分: 5343

887^#

發表於 08-8-4 13:40 |只看該作者

咕B,
我有野想請教, 但好長篇, 請你耐心看︰
前年六月我十歲大女急病過左身, 舊年十二月我生左細女
我大女一向無病無痛,唔知點解會一個發燒就走左
我想番轉頭, 我在九六年在泰國買過一個三角形的四面佛保個女身體平安, 但只係比個女戴左無幾耐。又因為我無記性, 好似當時我在佛寺內求家人女兒身體平安, 但我無話過要還神, 而咁多年我都無去泰國, 咁會唔會係我無去還神, 個四面佛情罪我; 又, 我先後落過兩次, 會唔會係呢兩個小朋友搞我大女。
而家我個細女八個月, 好驚佢地又搞佢。
而在我大女離開後我曾搵過師傅來看風水, (佢其實係專睇果D野), 佢話我屋企無野, 可繼續住,而且幫我封左屋唔比果D野入到黎。但兩個月前我個姨生(佢D礠場好勁,佢成日都感覺到)在我家住左一兩晚, 佢話一次發夢發到我大女叫我比五十蚊佢,佢爭人錢, 咁我幾日後就去BY 佢燒比佢。第二次, 佢在隔離房訓教佢感覺到有野哄埋佢度,但唔係大人, 好似BB仔細路仔咁
之後我打番比師傅, 佢話上次黎睇風水都見到我大女係度叫我唔使驚, 佢話幫我做D野 (佢話乍, 但我諗隔咁遠都發到功咩?) , 但我話唔好傷害到我大女, 我唔介意佢係屋企只要佢無傷害性。之後我都無再追問。
其實我講咁多係想知:
一, 我會唔會無去泰國還神, 同埋落過BB 而有所影響
二, 我在生我細女前一個月胎盤低勁流血, 要住院保住個胎, 但都係早產, 係咪佢"兩個"搞鬼
三, 最近我有甲狀線病
四, 我老公幾年前破產

以上種好似係因為果"兩個小朋友" , 影响緊我既家運。
另外我家養了小狗仔, 小狗係咪會感應到靈異野, 咁如果我大女真係係屋企, 小狗知嘛, 但小狗又沒有無啦啦吠。

唔好意思, 係長左D, 但希望你比D意見幫我解下心結, 同我可以做 D 咩野！
麻煩晒

私人傳訊

moncatw

大宅

積分: 1376

888^#

發表於 08-8-4 14:29 |只看該作者

借問聲, 因之前屋企懷疑有dirty野, 所以係有佛像買0既舖頭請了一對貏貅回家 (個老闆教)，而家搬屋唔想再擺放, 有無人知應該點處置 ? thx

私人傳訊

咕b

積分: 16040

好媽媽勳章畀面勳章

889^#

發表於 08-8-4 14:31 |只看該作者

首先, 你要清楚知道你位師傅係咪可信 / 可靠? 你話師傅話上次嚟已經見到你大女, [上次]?? ....你又話佢話上次嚟睇風水時, 佢話你屋企冇嘢?....如果睇風水時已經見到你大女, 點解師傅仲要封屋? (如果當時大女已經係度, 咁封咗屋咪困住你大女囉, 咁你大女咪仲辛苦)......就當, 當時你大女唔係屋企, 咁封屋之後...你大女仲點可以返屋企? 封咗屋你姨甥仲可以感覺到被 "小朋友" 哄埋去?....呢度有d疑點......唔好意思....我唔知你有冇寫亂咗, 但如果單憑你文中所寫去睇, 以上就已經出現咗幾個問號......如果你冇寫亂...咁或者你試吓再搵另一個師傅睇吓好d

你想知嘅問題 :

一. 你話買鏈時向四面佛求過, 即係點? [全家 / 大女平安]只係買鏈嘅要求?(只係想搵條鏈有咁嘅作用, 可以保祐...) 還是你真係面向四面佛拜過, 拜時祈求 [全家 / 大女平安]?.....如果你係拜過, 而拜時心中有所祈求, 就算你有冇講過還神都好, 只要神靈做到你祈求時心中所想, 你都一定要去還....唔知你明唔明我意思呢?...舉個例....
例1. 我去佛廟想買條鏈, 目的係財運....經大師介紹搵到合適, 就咁買咗....之後冇做其他嘢, 只係隨意 [入屋叫人, 入廟拜神] 咁向四面打個招乎, 拜四面時心中冇任何說話........<----咁樣就冇需要還神
例2. 我去佛廟想買條鏈, 目的係財運....經大師介紹搵到合適, 就咁買咗....之後向四面佛拜, 心中對四面祈求過, 希望可以保我有財運......嘅說話....咁日後如果財運有好轉就一定要還神, 無論求時有冇答應 / 講過, 都要還

二, 三, 四...呢三個問題好難講, 有可能有機會係有關, 但又可能係冇.....始終人有三衰六旺, 如果呢段時期, 你係行緊衰運, 咁就要幾衰有幾衰.....未必一定關 "小朋友" 事......因為始終就字面睇, 我唔覺有咩太特別.....你所提嘅事, 冇咩方向性.....各方面都有可能.....

原文章由 旻旻豬 於 4/8/08 13:40 發表
咕B,
我有野想請教, 但好長篇, 請你耐心看︰
前年六月我十歲大女急病過左身, 舊年十二月我生左細女
我大女一向無病無痛,唔知點解會一個發燒就走左
我想番轉頭, 我在九六年在泰國買過一個三角形的四面佛保個女身體平安, ...

私人傳訊

積分: 5343

890^#

發表於 08-8-4 14:59 |只看該作者

唔好意思, 不如我依次序講︰
一, 我在06年七月左右請師父來睇, 當時佢無話我知見到我大女,
只係話我屋企無野, 同埋幫我封屋
二, 前兩個月我姨生在我家遇到我剛才所講既怪事
三, 之後一個月打去問呢個師父, 佢話上次係見到我大女 (由頭到
尾佢只黎過一次), 但怕我嚇親我無同我講, 我亦有問佢點解封
左屋我個女都係度, 佢話自己人唔怕, 因為佢係我個女, 在家
好過佢週圍走。

另外, 個條四面佛練唔係求番黎, 印象中係隨意在廟內的檔子買的, 而我BY神時係有點香、心中話保佑家人女兒身體健康, 我想知這樣都算係求嗎？咁如果係咁, 我個大女走左, 我究竟仲要還神嘛？如果要還, 我可以在荃灣的四面佛還嘛？

私人傳訊

Kikokikovenus

大宅

積分: 4693

891^#

發表於 08-8-4 15:45 |只看該作者

我已經send左pm比你喇,你收到了嗎?

原文章由 jadepearl 於 08-8-4 13:19 發表
Kikokikovenus,

可以請給我多點information.

私人傳訊

@nice

積分: 5818

好媽媽勳章

892^#

發表於 08-8-4 15:54 |只看該作者

原文章由咕b 於 08-8-2 23:16 發表
生命唔等於三魂七魄

sorry唔係好明, 可唔可以講詳細少少, thanks

私人傳訊

咕b

積分: 16040

好媽媽勳章畀面勳章

893^#

發表於 08-8-4 16:00 |只看該作者

補充返之前講漏嘅.....

你頭先講你求嘅時候係求, [家人女兒身體健康], 所以要還, 如果唔想日後再還神, 咁還嘅時候就唔好再求任何嘢

你位師傅去你屋企睇完風水就封屋, 咁當時師傅有冇叫你 / 佢自己幫你, 替大女安返個位係屋企? 或者有冇d咩物品話係for你大女?

你甲狀線問題就好普遍嘅事, 去睇吓醫生先啦 (我而家都有)

你老公破產問題, 可能係你老公個運, 試吓搵風水命理師傅

至於第二胎嘅情況.....真係諗嚟諗去都覺得未必關你之前兩個 "小朋友" 事, 流產過兩次, 無論係人工定自然, 都會有一定傷害, 對日後生bb都係有一定性危險

原文章由 旻旻豬 於 4/8/08 14:59 發表
唔好意思, 不如我依次序講︰
一, 我在06年七月左右請師父來睇, 當時佢無話我知見到我大女,
只係話我屋企無野, 同埋幫我封屋
二, 前兩個月我姨生在我家遇到我剛才所講既怪事
三, 之後一個月打去問呢個師父, 佢話上 ...

私人傳訊

積分: 5343

894^#

發表於 08-8-4 16:29 |只看該作者

你頭先講你求嘅時候係求, [家人女兒身體健康], 所以要還, 如果唔想日後再還神, 咁還嘅時候就唔好再求任何嘢
明白, 但可以在本港的四面佛還嗎？咁要買D咩還？

你位師傅去你屋企睇完風水就封屋, 咁當時師傅有冇叫你 / 佢自己幫你, 替大女安返個位係屋企? 或者有冇d咩物品話係for你大女?
無, 佢話唔使擺係屋企, 佢黎睇風水果日係我個女走左幾日, 佢見到我擺左大女張相同食物, 就叫我唔使擺; 仲幫我請走左個地主同觀音, 又叫我唔好擺水晶O係屋企, 會惹鬼。

你甲狀線問題就好普遍嘅事, 去睇吓醫生先啦 (我而家都有)
睇緊中醫喇, 多謝關心！

你老公破產問題, 可能係你老公個運, 試吓搵風水命理師傅
明白

至於第二胎嘅情況.....真係諗嚟諗去都覺得未必關你之前兩個 "小朋友" 事, 流產過兩次, 無論係人工定自然, 都會有一定傷害, 對日後生bb都係有一定性危險
明白

私人傳訊

jadepearl

侯爵府

積分: 24577

2025勳章蛇年勳章 2024年龍年勳章

895^#

發表於 08-8-4 16:43 |只看該作者

Kikokikovenus,

Just check but have not received. 麻煩妳再pm多次.

原文章由 Kikokikovenus 於 08-8-4 15:45 發表
我已經send左pm比你喇,你收到了嗎?

私人傳訊

咕b

積分: 16040

好媽媽勳章畀面勳章

896^#

發表於 08-8-4 17:07 |只看該作者

可以嘅, 還神, 你冇額外答應d乜嘢, 咁普通還神咁做就得....

另外, 我同我老公純粹個人意見....你都係另外再搵個師傅幫你睇吓好d......

原文章由 旻旻豬 於 4/8/08 16:29 發表
你頭先講你求嘅時候係求, [家人女兒身體健康], 所以要還, 如果唔想日後再還神, 咁還嘅時候就唔好再求任何嘢
明白, 但可以在本港的四面佛還嗎？咁要買D咩還？

你位師傅去你屋企睇完風水就封屋, 咁當時師傅有冇叫你 / 佢 ...

私人傳訊

積分: 5343

897^#

發表於 08-8-4 17:51 |只看該作者

咁我要搵捉鬼既師父定風水佬睇呀？
咁如果我個大女真係係屋企, 咁個師父會唔會趕佢走
又, 如果唔趕佢走, 繼續留係屋企, 會否阻礙佢第日去投胎機會
唔知搵呢D師父睇大概咩價錢, 我無咩錢
我都有考慮過搬, 假如我搬左, 而大女真係困左係屋入面, 佢咪走唔到呢？

私人傳訊

咕b

積分: 16040

好媽媽勳章畀面勳章

898^#

發表於 08-8-4 18:02 |只看該作者

其實所有嘢你除咗聽呢個 [師傅] 講之外, 你有冇見到佢做過d咩? 例如, 佢話幫你封屋, 佢係點封? 用d咩嚟封?......

原文章由 旻旻豬 於 4/8/08 17:51 發表
咁我要搵捉鬼既師父定風水佬睇呀？
咁如果我個大女真係係屋企, 咁個師父會唔會趕佢走
又, 如果唔趕佢走, 繼續留係屋企, 會否阻礙佢第日去投胎機會
唔知搵呢D師父睇大概咩價錢, 我無咩錢
我都有考慮過搬, 假如我搬左, ...

私人傳訊