JChan 發表於 11-6-29 10:09
生大6 b ...
陶傑醒你 - 鋤骨剷墳大行動
鋤骨剷墳大行動
(2011年06月29日)
特府僭建風暴，越演越烈，林鄭打得局長，捲晒衫袖，向新界佬開火，實行話拆僭無赦免。
點知傳媒踢爆，慈雲山墳場，僭建山墳多達三萬個。原來前港英撤走，故意留下地雷，點知邊個鬼佬政務官管慈雲山，蓄意放水，包庇縱容孝子刁民，將老父老母爺爺嫲嫲之骸骨，抬來慈雲山，見位就攝，見罅就塞，卒之搞到慈雲山變咗個陰雲密布之亂葬崗。
咁現時偉大祖國話到明要特首依法治港，拆除慈雲山僭建山墳，理順骸骨，就變為當前急務。不過上次拆生人僭建物容易，褻瀆死者鋤屍起骨難，對先人不敬，十萬山墳，十萬厲鬼，隨時反撲，向以林鄭月娥為首之反僭建官員，夜晚返來搵佢，予以報復。嗰陣時就無需要新界大革命，鬧鬼大暴動，都搞到香港資金雞飛狗走，樓價大跌。
呢嗱，咪話唔信。自從踢爆慈雲山十萬個僭建山墳，特府官員聲稱絕不手軟之後，香港本來陽光火猛，即刻爆發大風雨，一號風球扯咗半晚，第二日仲掛埋紅色暴雨警告添。此即係特府打僭建，經已搞到人神共憤，天怒人怨，仲唔收手，可能香港會有更大之災難，例如大亞灣核電廠神秘爆炸亦唔出奇。
不過以林鄭局長，成班港英AO飲港英奶水長大，寫英文Memo讀ABC，又點會信E啲小農DNA之低賤迷信呢？所以亦唔怕。林鄭不妨放心，理順慈雲山僭建山墳，若然冇人夠膽去鋤屍起骨，大可以由林鄭吹雞，親自帶頭，著條圍裙，召集全港九十後唔怕鬼之上進青年，組成「九十後理順僭建山墳打鬼工作大隊」，政府一人派把鋤頭，唱住國歌，在中環政府總部誓師之後，由政府專巴接送，前往慈雲山進行僭建山墳理順工作。
若然有九十後做打鬼前線部隊，第一可以製造年輕就業職位，等個個唔使走去熬最低時薪之快餐店。第二可以響應王光亞之號召，年輕人吃得苦兼吃得虧，走到慈雲山墳場前線鋤鬼，唔怕鬼上身報復，因為後生仔陽氣猛盛，包圍過立法會，亦聲援過立法會，亦聲援過菜園村，煲呔都唔怕，慈雲山嗰十萬枯骨爛鬼又何懼之有？
速速行動，嚴打僭建，慈雲山十萬隻野鬼都唔怕，到時新界佬嚇一驚，又點敢大革命呢？
發表於 
刀話咗里姣多次架嗱...禾毛系叫王三....系叫黃非或者王three又或者王3......就絶毛系王衫囉......真系恭起里個發菜吖
玩野吓話....里毛姣恰禾講累喎...得罪講累械茅姣結果架
一口價....胡千環........
ricohui 發表於 11-6-29 12:44 
mouth:mouth:" />
...禾要嗰d環做乜喎...穿鼻咩.............
返回列表
